1 Ti 1:9 - Nawuri

⁹ Nɩɩ an bɩla an nyi yɛ nbara mʋ ɩ man dɛ sa ɩkpa kyiigisa wuya ana, amaa ɩ dɛ sa nbara anyitapu yɛ kʋsʋ tɔ ɔlʋn wuya ana, yɛ bamʋ nɩɩ ba mɛɛ bʋnyaa Ɩbwaarɛ yɛ alibi awaapʋ, yɛ bamʋ nɩɩ ba man du kyɩrɛkyɩrɛ yɛ bamʋ nɩɩ be mee sun Ɩbwaarɛ, yɛ bamʋ nɩɩ bɛɛ mɔɔ bamʋ‐sɛ ana abɛɛ bamʋ‐nyi ana, yɛ asa amɔɔpʋ.

1 Ti 1:9 Iomraidhean Croise

Matiwu 10:21

“Kanɩn nkɛ maa tɔ mʋ, nyɩmɩsa ii biti o gyii mʋ gbaa‐gbaa mu‐supu kadɛ‐boyi, kɛ ba mɔɔ mʋ, kɛ ɔsɛ gbaa ɔ waa obii kanɩn. Nbii bee biti ba kʋsʋ yɩlɛ akʋʋgɛpʋ ana sʋ, kɛ ba yɛgɛ kɛ ba mɔɔ bamʋ.

Roma abi 1:30

kɩtɩn antɩŋɛsa gyaga asa sʋ, Ɩbwaarɛ akisipu, asa kɩsaalɛ, n‐yɩɩ kɩkaapʋ, alala‐sɩn, ɔkpa pʋpwɛ sʋ kɩtaa waa alibi, bɛɛ waa kʋsʋ tɔ ɔlʋn bɛɛ sa bamʋ‐nyi ana yɛ bamʋ‐sɛ ana.

Roma abi 4:13

Ɩbwaarɛ da mʋ kɔkɔlɔ sʋ sa Abraham maa mʋ anaana‐bii yɛ bee biti ba baa ba gyɛ dulinyaa tɔ kapatɩyɛ agyipu. Falɛ kɔkɔlɔ sʋ kɩda mʋ man gyɛ nbara mʋ kibuu sʋ, amaa lɩɩ mʋ kɩkɔɔlɛ‐gyii sʋ nɩɩ Ɩbwaarɛ kyula yɛ mʋ ɩkpa i kyiigi mʋ asɛ.

Roma abi 5:20

Mosesi nbara mʋ ɩ ba nɩn, kɛ ɩ yɛgɛ asa ba wu alibi mʋ nɩɩ bɛɛ waa mʋ kʋkyɔ. Amaa alibi kɩwaa kɩ maa nyɛ akyɔ mʋ, yɛgɛ Ɩbwaarɛ kabwaala mʋ kɩ nyɛ akyɔ ki tii sʋ.

Roma abi 6:14

Nɩɩ fan man bɩla yɛgɛ alibi i gyii fanɛ sʋ ɔlʋn, lɩɩ fɛɛ fan man bʋ Mosesi nbara mʋ kasɛ, amaa Ɩbwaarɛ kabwaala mʋ tɔ nɩɩ fan bʋ.

Galati abi 3:19

Nɩɩ ɩ gyɛ kanɩn bɩrɛ, mɩnɛ sʋ nɩɩ Ɩbwaarɛ sa nbara mʋ? Ɩbwaarɛ daa taa nbara mʋ nɩn tii sʋ kɛ ɩ kaapʋ kʋtɔ mʋ nɩɩ alibi ɩ gyɛ. Ɩ dagaa nbara mʋ maa kyɩna naa fʋʋ saŋa mʋ nɩɩ Abraham kanaana‐bii mʋ nɩɩ Ɩbwaarɛ da mʋ kɔkɔlɔ sʋ yɩla sa mʋ mʋ, ɔ ba. Ɩbwaarɛ taa nbara mʋ bɔla mʋ nbɔɔ sʋ taa sa Mosesi mʋ nɩɩ ɔ yɩlɛ Ɩbwaarɛ maa asa nsana mʋ abaa tɔ.

Galati abi 5:18

Amaa nɩɩ fan yɛgɛ nɩɩ Kayaayu mʋ kaapʋ fanɛ ɔkpa mʋ, kanɩn bɩrɛ fan man bʋ nbara mʋ kasɛ.

Galati abi 5:21

Ɩkʋ mɔɔ ɩ gyɛ yɛ kensi payɩ libi, yɛ kata‐bʋʋ, yɛ kensi‐gyii kɩbansa, yɛ alibi kʋmaa mʋ nɩɩ i tii sʋ. N da fanɛ amu tɔ fɛɛ kanan mʋ nɩɩ n wʋla da fanɛ amu tɔ mʋ yɛ, ɔkʋmaa mʋ nɩɩ ɔ tɛ falɛ kakyɩna tɔ mʋ, mɛɛ yɛ ɔ nyɛ loo Ɩbwaarɛ kuwura‐gyii mʋ tɔ.

Galati abi 5:23

yɛ kɩbwahn kɩwaa, yɛ n‐yɩɩ kɩkɩta. Nbara kʋ man bʋ tɔ nɩɩ ɩɩ kɔ ii tii ɩnɩmʋ.

2 Te 2:8

Tʋtɔ nɩɩ Ɩbwaarɛ ii biti ɔ lɛɛ ɔmʋ nɩɩ o mee buu sɛhn mʋ ifuli, nɩɩ Ɔnyɩrɩpɛ Yesu kan bwii ba mʋ, kɛ ɔ taa mʋ kɔnɔ tɔ afuu mʋ mɔɔ mʋ, kɛ ɔ taa mʋ bʋnyaa nyita mʋ kakpaa.

1 Ti 4:7

Lɛɛ fʋ n‐yɩɩ lɩɩ asɩrɩkpan ikisii‐sɩn yɛ adɩdaasɩn mʋ nɩɩ ɩ man sʋ tɔnɔ, kɛ fʋ yɛgɛ kabwaarɛ‐sun danbɩrasa ɩ dɩn fʋ.

1 Ti 6:20

Timoti kɩɩ kʋtɔ mʋ nɩɩ Ɩbwaarɛ taa waa fʋ kɩbaa tɔ mʋ sʋ danbɩrasa. Lɛɛ fʋ n‐yɩɩ lɩɩ ntɔwɛ kɩyan yɛ ɩmɔɔrɛ‐gyaga mʋ nɩɩ akʋ bɛɛ tɩɩ yɛ kinyi mʋ tɔ.

2 Ti 2:16

Lɛɛ fʋ n‐yɩɩ lɩɩ aligyima mʋ nɩɩ ɩ mɛɛ bʋnyaa Ɩbwaarɛ, lɩɩ fɛɛ bamʋ nɩɩ bɛɛ waa ɩmʋ mʋ, ɩɩ bɩɩtɛ bamʋ ɩɩ lɩɩ Ɩbwaarɛ asɛ gaa.

2 Ti 3:2

Lɩɩ fɛɛ, asa bee biti ba kɩɩ biti bamʋ nkʋn lɛɛ, yɛ kefulee biti bansa, yɛ n‐yɩɩ kɩkaapʋ, yɛ alala‐sɩn, yɛ asa kɩsaalɛ, yɛ kʋsʋ tɔ ɔlʋn sa bamʋ akʋʋgɛpʋ, nɩɩ ɔkʋ waa kɩdanbɩrasa sa bamʋ gbaa ba mɛɛ lɛɛ mʋ kɩtɩɩ, nɩɩ ba mɛɛ taa Ɩbwaarɛ bɛɛ tɩɩ sɛhn,

Titusi 1:10

Lɩɩ fɛɛ asa gaalaagaa bɛɛ kʋsʋ bɛɛ yɩlɛ asɩn mʋ sʋ, nɩɩ bɛ sʋ bamʋ ntɔwɛ kɩyan bɛɛ pɩna asa, fɔnfɔn Gyiwu abi akɔɔlɛ‐gyipu.

Titusi 1:16

Bɛɛ tɔwɛ yɛ be nyi Ɩbwaarɛ, amaa bamʋ awaasa tɔ mʋ bee kina mʋ. Ɩbwaarɛ ii kisi bamʋ awaasa kpini, nɩɩ bɛ gyɛ kʋsʋ tɔ ɔlʋn wuya ana, nɩɩ ba mɛɛ taalɛ waa kɩdanbɩrasa kakaakʋ.

Titusi 1:6

Ɩ dagaa ɔbɩlɩsa maa gyɛ ɔsa mʋ nɩɩ mʋ n‐yɩɩ sʋ man sʋ asɩn pwɩɩsa, nɩɩ o kili ɔkyɩɩ kʋlʋn kpen, nɩɩ mu‐bii ana bɛ gyɛ akɔɔlɛ‐gyipu, mʋ nɩɩ ba man sʋ kʋsʋ tɔ ɔlʋn abɛɛ kibii libi.

Titusi 3:3

Saŋa kʋ tɔ mʋ, anɛ gbaa anɛ an daa melensi, nɩɩ an waa kʋsʋ tɔ ɔlʋn, an fɔyɩ ɔkpa, nɩɩ an gyɛ anyɛ sa kɩgyagaa yɛ kayalaga kʋmaa nɩmʋ. Nɩɩ an sʋ kumu tɔ ɔlʋn yɛ kayɩɩ basa, nɩɩ bee kisi anɛ nɩɩ anɛ gbaa anɛ an kisi bamʋ.

Hibriwu abi 11:31

Lɩɩ ɔkyɩɩ gyaga Rahabu kɩkɔɔlɛ‐gyii sʋ mʋ, Ɩsɩrayɩ abi mʋ nɩɩ ba sun bamʋ ba naa baala kɩɩ Gyeriko kadɛ mʋ, ɔ kɩtaa bamʋ kɩfɔ. Ɩmʋ sʋ mɛɛ mʋ bɩrɛ ba man kyɩna mɔɔ mʋ bʋga bamʋ nɩɩ ba waa kʋsʋ tɔ ɔlʋn sa Ɩbwaarɛ mʋ.

Hibriwu abi 12:16

Fan kɩɩ fanɛ n‐yɩɩ sʋ yɛ ɔdan, kɛ fanɛ tɔ ɔkʋ ɔ man taa kanyɩn abɛɛ kakyɩɩ biti kɩgyagaa waa mʋ n‐yɩɩ tɔ. Fan man yɛgɛ fanɛ tɔ ɔkʋ ɔ taa Ɩbwaarɛ asɩn mʋ tɩɩ kɩyan fɛɛ Esawu mʋ nɩɩ lɩɩ agyitɔ kʋlʋn sʋ, ɔ fɛ mʋ kɩbɩlɩsa mʋ nɩɩ ɔ gyɛ kɩmʋ kapatɩyɛ ogyipu mʋ sa mu‐supu.

1 Pi 2:7

Nɩɩ kubuu mʋ kɩ dagaa sa fanɛ mʋ nɩɩ fan kɔɔlɛ mʋ gyii mʋ, amaa kɩ man dagaa sa bamʋ nɩɩ ba man kɔɔlɛ mʋ gyii mʋ. “Kubuu mʋ nɩɩ apɔyɩpʋ ba kina mʋ, kɩmʋ ɩ ba biliŋi kɩbɔntɔnbʋlɔntɔ kubuu tirisa.”

1 Pi 3:20

Nɩɩ falɛ n‐yaayu nɩmʋ ɩ gyɛ bamʋ nɩɩ dɩdaa ba kyɩna waa kʋsʋ tɔ ɔlʋn sa Ɩbwaarɛ mʋ. Amaa Ɩbwaarɛ nyɛ kenyiita kyɛɛrɛɛ sa bamʋ saŋa mʋ nɩɩ Nowa salɛ ɔkʋlɩ lala mʋ. Ɩnɩmʋ kpini tɔ mʋ, asa kalɩsa fɛɛ asa aburuwa nkʋn i loo ɔkʋlɩ mʋ tɔ nɩɩ ba nyɛ kamɔlɩgɛ lɩɩ nkyu mʋ tɔ.

1 Pi 4:18

Fɛɛ kanan mʋ nɩɩ Asɩnkyan yɩlasa mʋ ɩ tɔwɛ yɛ, “Fɛɛ nɩɩ ɩ kan ɩ bʋlʋn sa bamʋ nɩɩ bamʋ ɩkpa i kyiigi gbaa ba nyɛ kamɔlɩgɛ mʋ, nɛnɛ nɩɩ ii biti ɩ baa i du sa bamʋ nɩɩ ba man sɩlɛ Ɩbwaarɛ nɩɩ bɛɛ waa alibi mʋ?”

Gyudi 1:15

kɛ o be gyii asa kpini asɩn. Ee biti o be bun bamʋ nɩɩ ba man sɩlɛ Ɩbwaarɛ mʋ kʋpwɛ lɩɩ bamʋ alibi kɩwaa sʋ, yɛ kanan mʋ nɩɩ ba tɔwɛ asɩn libi yii Ɩbwaarɛ mʋ.

Asɩnlɛɛ kaapʋsa 21:8

Amaa afuupu yɛ bamʋ nɩɩ ba man kɔɔlɛ gyii naa fʋʋ ɔkaa, yɛ bamʋ nɩɩ bɛɛ waa ineesi yɛ asa amɔɔpʋ, yɛ bamʋ nɩɩ bɛɛ waa kanyɩn yɛ kakyɩɩ biti kɩgyagaa yɛ bamʋ nɩɩ bɛɛ waa Sɩtaanɛ adangana yɛ ɩdakpa asunpu yɛ antɩŋɛsa wuya ana mʋ kpini, bamʋ opula ɩ gyɛ ferinwuta fʋlɔn mʋ nɩɩ kɩɩ dɩyɛ yen‐yen mʋ tɔ. Nɩɩ kɩmʋ ɩ gyɛ lewu nyɔsapʋ.”

Asɩnlɛɛ kaapʋsa 22:15

Bamʋ nɩɩ bɛɛ waa ipeeli‐sɩn yɛ bamʋ nɩɩ bɛɛ waa Sɩtaanɛ adangana yɛ bamʋ nɩɩ waa kanyɩn yɛ kakyɩɩ biti kɩgyagaa, yɛ asa amɔɔpʋ yɛ ɩdakpa asunpu yɛ bamʋ nɩɩ bee biti antɩŋɛsa kɩtɩn mʋ, bamʋ ii biti ba sii kadɛ mʋ nbwama mʋ.