1 Ti 1:16 - Nawuri

¹⁶ Amaa Ɩbwaarɛ wu mɛ kʋwɛɛ, saamʋ Krisito Yesu ɩ nyɛ lɛɛ mu kenyiita lala mʋ kaapʋ, kɛ ɩ ba waa sɩnkaala sa asa mʋ nɩɩ bee biti ba ba kɔɔlɛ mʋ gyii mʋ kpini, kɛ ba nyɛ nkpa kakpaa.

1 Ti 1:16 Iomraidhean Croise

Luka 15:10

N tɔwɛ fanɛ kesintin fɛɛ, ɔkpa kʋlʋn maŋa sʋ kensi‐gyii ii biti ɩ baa ɩ bʋ Ɩbwaarɛ nbɔɔ asɛ fɛɛ alibi ɔwaapʋ kʋlʋn maa kyɛɛgɛ mʋ nfɛɛrɛ.”

Luka 23:43

Nɩɩ Yesu lɛɛ mʋ kɔnɔ yɛ, “N tɔwɛ fʋ kesintin tɔ yɛ, ndaga kakɛ nɩmʋ fu biti fʋ kyɩna maa mɛ‐Sɛ, Ɩbwaarɛ asɛ Paradise tɔ.”

Luka 7:47

Ɩmʋ sʋ n tɔwɛ fʋ yɛ, kebiti lala mʋ nɩɩ ɔ kaapʋ falɛ sʋ mʋ, ɩɩ kaapʋ fɛɛ ba taa mu alibi damantɛ mʋ kɛɛ mʋ. Lɩɩ fɛɛ ɔkʋmaa mʋ nɩɩ mu alibi a man kyɔ nɩɩ ɔ nyɛ kɩtaakɛɛ mʋ, ɛɛ kaapʋ kebiti mʋ gbaa gbɛrɛɛ nɩn.”

Gyɔn 20:31

Amaa ba kyʋrɔɔ ɩnɩmʋ nɩn, kɛ fan nyɛ kɔɔlɛ gyii fɛɛ Yesu ɩ gyɛ Krisito, Ɔmʋ nɩɩ Ɩbwaarɛ wʋla lɛɛ, nɩɩ ɔ gyɛ Mu‐Bii mʋ. Nɩɩ fan kan kɔɔlɛ mʋ gyii mʋ, fen biti fan nyɛ nkpa.

Gyɔn 3:36

Nɩɩ ɔkʋmaa mʋ nɩɩ ɔ kɔɔlɛ Mu‐Bii mʋ gyii mʋ sʋ nkpa kakpaa. Amaa ɔmʋ nɩɩ ɔ man nu sa Mu‐Bii mʋ, ɔ mɛɛ yɛ ɔ nyɛ nkpa kakpaa, amaa Ɩbwaarɛ agbʋ mʋ ɩ dɛ mʋ sʋ.”

Gyɔn 5:24

“N tɔwɛ fanɛ kesintin fɛɛ ɔkʋmaa mʋ nɩɩ o nu mɛ asɩn, nɩɩ ɔ kɔɔlɛ ɔmʋ nɩɩ o sun mɛ mʋ gyii mʋ, sʋ nkpa kakpaa, nɩɩ Ɩbwaarɛ mɛɛ yɛ o bun mʋ kʋpwɛ. Ɔ tɛɛ faa lɩɩ lewu tɔ ba nkpa tɔ.

Gyɔn 6:37

Ɔkʋmaa mʋ nɩɩ Mɛ‐Sɛ taa sa mɛ mʋ, ii biti ɔ ba mɛ asɛ. Nɩɩ ɔkʋmaa mʋ nɩɩ ɔ ba mɛ asɛ mʋ, mɛɛ yɛ n gya mʋ.

Gyɔn 6:40

Lɩɩ fɛɛ Mɛ‐Sɛ kebiti ɩ gyɛ fɛɛ, ɔkʋmaa mʋ nɩɩ o wu mɛ, Mu‐Bii mʋ, nɩɩ ɔ kɔɔlɛ mɛ gyii mʋ ɩɩ nyɛ nkpa kakpaa. Nɩɩ n biti n kyiŋi mʋ lɩɩ lewu tɔ ba nkpa tɔ kakɛ laalaalʋwɛ mʋ.”

Gyɔn 6:54

Ɔkʋmaa mʋ nɩɩ ɔ wɛ mɛ kayɩɩ‐wʋlɛ, nɩɩ o nuu mɛ nkalan mʋ, ɔ sʋ nkpa kakpaa, nɩɩ n biti n kyiŋi mʋ ba nkpa tɔ kakɛ laalaalʋwɛ mʋ tɔ.

Krisito Asunpu mʋ kusun 13:39

Nɩɩ ɔkʋ man bʋ tɔ ɔ taalɛ gyii lɩɩ Mosesi nbara mʋ kpini sʋ, amaa ɔkʋmaa mʋ nɩɩ ɔ kɔɔlɛ Yesu gyii bɩrɛ, ee biti o gyii lɩɩ.

Roma abi 15:4

Lɩɩ fɛɛ kʋtɔ kʋmaa mʋ nɩɩ ba kyʋrɔɔ yɩla Asɩnkyan yɩlasa mʋ tɔ dɩdaa mʋ, ba kyʋrɔɔ nɩn yɛ ɩ ba kaapʋ anɛ asɩn. Ɩnɩmʋ ii biti ɩ yɛgɛ ɩ waa anɛ aniya tɔ, kɛ ɩ sa anɛ kenyiita, yɛgɛ an sʋ tamaa.

Roma abi 6:23

Nɩɩ alibi kʋkɔka ɩ gyɛ lewu, amaa Ɩbwaarɛ kakɛɛ mʋ nɩɩ ɔ bɔla anɛ‐Nyɩrɩpɛ Yesu Krisito sʋ sa anɛ ɩ gyɛ nkpa kakpaa.

1 Ko 7:25

Nbɩɩnbɩɩ bamʋ nɩɩ ba man pɩɩta kili mʋ bɩrɛ, n man nyɛ nbara kʋ lɩɩ anɛ‐Nyɩrɩpɛ Yesu asɛ lɩɩ bamʋ sʋ. Amaa mɛ Pɔɔlɩ gbaa‐gbaa n tɔwɛ n sa bamʋ lɩɩ mɛ nfɛɛrɛ tɔ, fɛɛ n maa gyɛ ɔmʋ nɩɩ Ɔnyɩrɩpɛ wu kʋwɛɛ sʋ mʋ, fɛn taalɛ kɔɔlɛ mɛ gyii fɛɛ asɩn mʋ nɩɩ n tɔwɛ fanɛ falɛ, n mɛɛ pɩna fanɛ nɩn.

2 Ko 4:1

Ɩmʋ sʋ Ɩbwaarɛ maa wu anɛ kʋwɛɛ sʋ mʋ, ɔ taa asɩn danbɩrasa kɩtɔwɛ kusun nɩmʋ waa anɛ abaa tɔ, nɩɩ anɛ abaa mɛɛ yɛ ɩ yɔɔ.

Efeso abi 1:12

Saamʋ, anɛ mʋ nɩɩ an gyankpaa an sʋ tamaa Krisito tɔ mʋ, a yɩn Ɩbwaarɛ bʋnyaa mʋ.

Efeso abi 1:6

Ɩmʋ sʋ fan yɛgɛ an yɩn Ɩbwaarɛ, lɩɩ fɛɛ mʋ kabwaala damantɛ mʋ sʋ mʋ, ɔ bɔla mu‐Bii bitisa mʋ sʋ bwaala anɛ atɔ kpini.

Efeso abi 2:7

kɛ ɔ taa lɛɛ kaapʋ saŋa kʋmaa nɩmʋ tɔ fɛɛ mʋ kabwaala yɛ kebiti mʋ nɩɩ ɔ sʋ sa anɛ mʋ, ba mɛɛ taalɛ taa kaala sɛhn, lɩɩ kʋtɔ mʋ nɩɩ Yesu Krisito waa mʋ sʋ.

2 Te 1:10

Kanɩn kakɛ mʋ nɩɩ Yesu ii biti ɔ ba mʋ, mʋ asa mʋ nɩɩ ɔ lɔŋɔ yɩla mʋ, bee biti ba kʋsaa mʋ kɩtɩɩ sʋsʋ, kɛ bamʋ nɩɩ ba kɔɔlɛ gyii mʋ ba yɩn mʋ. Fanɛ gbaa fanɛ fan tii sʋ, lɩɩ fɛɛ fan kɔɔlɛ mʋ asɩn mʋ nɩɩ an tɔwɛ fanɛ mʋ gyii.

1 Ti 1:13

Naafɔɔ saŋa kʋ tɔ mʋ, n kyɩna n tɔwɛ n nyita Krisito mʋ, yɛgɛ n nyanla mu abuupu, nɩɩ n biti bamʋ keluu. Amaa Ɩbwaarɛ wu mɛ kʋwɛɛ, lɩɩ fɛɛ n man kyɩna n nyi nɩn, nɩɩ n man kyɩna kɔɔlɛ mʋ gyii.

Hibriwu abi 7:25

Ɩmʋ sʋ Yesu ɩ taalɛ mɔlɩgɛ bamʋ nɩɩ ba bɔla mʋ sʋ ba Ɩbwaarɛ asɛ mʋ kakpaa, lɩɩ fɛɛ ɔ tɛ nkpa tɔ kakpaa nɩɩ ɔ yɩlɛ tɔ ɛɛ kʋlɛ Ɩbwaarɛ ɛɛ sa bamʋ.

1 Pi 3:20

Nɩɩ falɛ n‐yaayu nɩmʋ ɩ gyɛ bamʋ nɩɩ dɩdaa ba kyɩna waa kʋsʋ tɔ ɔlʋn sa Ɩbwaarɛ mʋ. Amaa Ɩbwaarɛ nyɛ kenyiita kyɛɛrɛɛ sa bamʋ saŋa mʋ nɩɩ Nowa salɛ ɔkʋlɩ lala mʋ. Ɩnɩmʋ kpini tɔ mʋ, asa kalɩsa fɛɛ asa aburuwa nkʋn i loo ɔkʋlɩ mʋ tɔ nɩɩ ba nyɛ kamɔlɩgɛ lɩɩ nkyu mʋ tɔ.

2 Pi 3:15

Fan baa fan nyi fɛɛ anɛ‐Nyɩrɩpɛ Ɩbwaarɛ kenyiita mʋ nɩɩ ɔ sʋ mʋ, ɩ gyɛ ɔkpa mʋ nɩɩ ɔ sa fanɛ kɛ fan nyɛ kamɔlɩgɛ, fɛɛ kanan mʋ nɩɩ anɛ bɩrɩsa ɔkɔɔlɛ‐gyipu Pɔɔlɩ kyʋrɔɔ sa fanɛ, fɛɛ kanan mʋ nɩɩ Ɩbwaarɛ sa mʋ kanyaasɩn mʋ.

2 Pi 3:9

Nɩɩ Ɔnyɩrɩpɛ man sʋ mʋ asɩn mʋ nɩɩ ɔ da mʋ kɔkɔlɔ sʋ tɔwɛ yɩla mʋ ɛɛ kpɩɩ kasɛ fɛɛ kanan mʋ nɩɩ akʋ bɛ fɛ ɩmʋ nfɛɛrɛ mʋ. Amaa ɔ sʋ kenyiita sa fanɛ, nɩɩ ee biti fɛɛ ɔkʋmaa nɩmʋ ɔ kyɛɛgɛ mʋ nfɛɛrɛ lɩɩ mu alibi tɔ, lɩɩ fɛɛ o mee biti ɔkʋ maa nyita.