1 Pi 5:8 - Nawuri

⁸ Fan kɩtaa fanɛ n‐yɩɩ, yɛgɛ fan da sʋ. Fanɛ okisipu, Sɩtaanɛ mʋ, ɔ naa ɛɛ kyaabɔɔ fɛɛ kuntun mʋ nɩɩ ee biti ɔkʋ ɔ kɩtaa wɛ.

1 Pi 5:8 Iomraidhean Croise

Matiwu 13:39

Nɩɩ ɔdʋn mʋ nɩɩ o duu afitiri libi mʋ ɩ gyɛ Sɩtaanɛ. Ayu mʋ kɩtɩŋɛ saŋa mʋ ɩ gyɛ dulinyaa laalaalʋwɛ. Nɩɩ atɩŋɛpʋ mʋ ɩ gyɛ Ɩbwaarɛ nbɔɔ mʋ.

Matiwu 24:42

“Kanɩn sʋ fan baa fan da sʋ, lɩɩ fɛɛ fan man nyi kakɛ mʋ nɩɩ mɛ, fanɛ‐Nyɩrɩpɛ mʋ ii biti ɔ ba.

Matiwu 25:41

“Tʋtɔ nɩɩ n biti n tɔwɛ bamʋ nɩɩ ba yɩlɛ mɛ bɩna sʋ mʋ yɛ, ‘Fan taa lɩɩ mɛ sʋ, fanɛ nɩɩ mɛ‐Sɛ Ɩbwaarɛ tɔwɛ nnɔ waa mʋ. Fan natɛ loo awʋrʋfɔ fʋlɔn yen‐yen mʋ nɩɩ ii mee dun, nɩɩ mɛ‐Sɛ Ɩbwaarɛ dɛɛla yɩla Sɩtaanɛ maa mʋ nbɔɔ mʋ tɔ.

Matiwu 4:1

Tʋtɔ nɩɩ Kayaayu mʋ sʋla Yesu kpee ofuli sʋ, kɛ Sɩtaanɛ ɔ naa tʋʋ mʋ tɔ kɩɩ.

Matiwu 4:11

Tʋtɔ nɩɩ Sɩtaanɛ yɛgɛ mʋ, nɩɩ Ɩbwaarɛ nbɔɔ ba ba kyɛ Yesu tɔ.

Maki 4:15

Asa akʋ ba du nɩn fɛɛ ayu mʋ nɩɩ ɩ tɩyɛ ɔkpa kaa mʋ. Ba dan bee nu abwaarɛsɩn mʋ, yɛgɛ Sɩtaanɛ ɩ ba lɛɛ abwaarɛsɩn mʋ lɩɩ bamʋ nfɛɛrɛ tɔ.

Luka 21:34

“Fan baa fan da fanɛ n‐yɩɩ sʋ, kɛ fan man taa fan n‐yɩɩ sa kensi‐gyii gaa, yɛ kata‐bʋʋ yɛ kakyɩna tɔ atɔ bitisa kʋkyɔ, kɛ kanɩn kakɛ maŋa kɩ man ba purigi fanɛ fɛɛ ɔdʋʋ maa da kunun mʋ.

Luka 21:36

Ɩmʋ sʋ saŋa kʋmaa fan baa fan da sʋ, kɛ fɛn kʋlɛ kabwaarɛ‐kʋlɛ kɛ ɩ lɛɛ fanɛ lɩɩ atɔ mʋ nɩɩ ii biti ɩ ba falɛ, kɛ fan taalɛ yɩlɛ mɛ, Daadimaadi Obii‐nyɩnsa mu ansi tɔ.”

Luka 22:31

Yesu tɔwɛ Pita yɛ, “Simon, Simon! Nu nfɩɩ! Sɩtaanɛ kʋlɛ ɔkpa Ɩbwaarɛ asɛ, kɛ ɔ bɔla kʋtʋʋ tɔ kɩɩ sʋ kyaalɛ fanɛ fɔyɩ fɛɛ ayu waatɛ mʋ.

Gyɔn 8:44

Fan gyɛ fanɛ‐sɛ Sɩtaanɛ mu‐bii ana nɩn, ɩmʋ sʋ nɩɩ fen biti fan waa fanɛ‐sɛ mʋ kɔkɔlɔ biti. Lɩɩ npiili asɛ mʋ kpini nɩɩ ɔ gyɛ ɔmɔɔpʋ, nɩɩ ɔ man buu kesintin, lɩɩ fɛɛ kesintin man bʋ mʋ tɔ. Mʋ lɛɛ kpini ɩ gyɛ fɛɛ ɔ tɔwɛ antɩŋɛsa, lɩɩ fɛɛ ɔ gyɛ antɩŋɛsa wuya, yɛ antɩŋɛsa wuya ana bamʋ‐sɛ.

2 Ko 2:11

Saamʋ Sɩtaanɛ mɛɛ nyɛ ɔkpa taalɛ anɛ tɔ. Lɩɩ fɛɛ an nyi mʋ ɩkpa golon‐golon mʋ nɩɩ ɔ sʋ ɔ naa mʋ.

Efeso abi 4:27

Kɛ ɔ man sa Sɩtaanɛ ɔkpa kpini‐kpini.

Efeso abi 6:11

Fan taa adʋn tɔ mʋ nɩɩ Ɩbwaarɛ sa fanɛ mʋ kpini bun, kɛ fan nyɛ taalɛ kɔ yɛ Sɩtaanɛ kanyaasɩn ɩkpa libi mʋ.

1 Ti 2:15

Amaa nɩɩ akyɩɩ ba kan kyaga sʋ yɩlɛ kɩkɔɔlɛ‐gyii mʋ tɔ yɛ kebiti yɛ kɩkyɩrɛkyɩrɛ tɔ, nɩɩ ba waa ɩmʋ nɩɩ ɩ dagaa mʋ, Ɩbwaarɛ ii biti ɔ mɔlɩgɛ bamʋ lɩɩ nbii kɩkʋʋgɛ sʋ.

1 Ti 2:9

N bɩla n biti fɛɛ akyɩɩ mʋ ba bun atɔ mʋ nɩɩ ɩ kʋkwɛ bamʋ, nɩɩ ɩ dagaa, nɩɩ ɩ man sʋ agyaga‐sɩn. Ba man waa bamʋ inyini adawʋ‐adawʋ, nɩɩ ba man taa suwa atɔ abɛɛ agyibi yɛ ataa mʋ nɩɩ ɩ sʋ ɔgyalɩn mʋ bun.

1 Ti 3:11

Kanɩn ɔkpa maŋa sʋ, i tiri fɛɛ bamʋ akyɩɩ ana gbaa ba baa ba sʋ bɛɛrɛɛ, nɩɩ ba man gyɛ akyɩɩ mʋ nɩɩ bee nyita asa atɩɩ, amaa bamʋ nfɛɛrɛ ɩ dɛ, nɩɩ asa ba kɔɔlɛ bamʋ gyii kʋtɔ kʋmaa nɩmʋ tɔ.

1 Ti 3:2

Ɩmʋ sʋ ɩ dagaa fɛɛ Krisito kʋbʋ ɔbɩlɩsa maa gyɛ nyɩmɩsa mʋ nɩɩ mʋ n‐yɩɩ sʋ man sʋ asɩn, nɩɩ o kili ɔkyɩɩ kʋlʋn kpen, nɩɩ mʋ nfɛɛrɛ ɩ dɛ, nɩɩ ɛɛ kɩtaa mʋ n‐yɩɩ, nɩɩ ɔ sʋ bɛɛrɛɛ, nɩɩ ɛɛ kɔɔlɛ afɔ, nɩɩ ɛɛ taalɛ kaapʋ,

2 Ti 4:17

Amaa Ɩbwaarɛ yɩlɛ mɛ kamaa nɩɩ ɔ sa mɛ ɔlʋn, nɩɩ n nyɛ tɔwɛ asɩn mʋ lʋwɛ, nɩɩ bamʋ nɩɩ ba man gyɛ Gyiwu abi mʋ gbaa ba nu ɩmʋ. Nɩɩ Ɩbwaarɛ lɛɛ mɛ lɩɩ bɩranɛ kɔnɔ tɔ.

Titusi 1:8

Amaa ɔ dagaa maa gyɛ ɔsa mʋ nɩɩ ɛɛ kɔɔlɛ afɔ, nɩɩ ɔ sʋ kebiti sa ɩmʋ nɩɩ ɩ bʋrɔn, nɩɩ ɛɛ kɩtaa mʋ n‐yɩɩ, nɩɩ mʋ ɩkpa i kyiigi, nɩɩ ɔ sɩlɛ Ɩbwaarɛ nɩɩ mʋ awaasa du kyɛɛkyɛɛ.

Titusi 2:12

Kabwaala mʋ kaapʋ anɛ kanan mʋ nɩɩ a lɛɛ anɛ n‐yɩɩ lɩɩ ɩkpa libi yɛ dulinyaa tɔ atɔ kayalaga sʋ, kɛ a taalɛ kɩtaa anɛ n‐yɩɩ, kɛ a waa ɩmʋ nɩɩ ɩ dɛ ɔkpa, yɛ kabwaarɛ‐sun danbɩrasa kakyɩna nɩmʋ tɔ,

Titusi 2:2

Tɔwɛ anyɩn abɩlɩsa fɛɛ bamʋ nfɛɛrɛ ɩ baa ɩ dɛ, kɛ ba baa bɛ sʋ bɛɛrɛɛ, kɛ ba kɩtaa bamʋ n‐yɩɩ, kɛ ba kɩtaa kesintin kɩkɔɔlɛ‐gyii mʋ tɔ, kɛ ba nyɛ kebiti sa abaa, kɛ ba nyɛ nkɔlɔ yɩlɛ tɔ.

Titusi 2:4

Kanɩn gbaa nɩɩ ba kaapʋ abite mʋ kanan mʋ nɩɩ bee biti bamʋ‐kuli ana yɛ bamʋ‐bii ana,

Titusi 2:6

Kanɩn maa nɩɩ fʋ tɔwɛ waa ayaafɔlɛ gbaa fɛɛ ba kɩtaa bamʋ n‐yɩɩ.

Gyemisi 4:7

Ɩmʋ sʋ fan taa fanɛ n‐yɩɩ sa Ɩbwaarɛ kɛ fan nu mʋ asɛ. Fan tii Sɩtaanɛ ɔkpa kɛ ɔ sɩlɛ lɩɩ fanɛ asɛ.

1 Pi 1:13

Ɩmʋ sʋ fan yɛgɛ fanɛ nfɛɛrɛ ɩ baa ɩ dɛ kɛ fan taa sun kusun, kɛ fan baa fan da sʋ. Fan nyɛ tamaa lɩɩ Ɩbwaarɛ kabwaala mʋ nɩɩ ee biti ɔ taa sa fanɛ saŋa mʋ nɩɩ Yesu Krisito ii biti ɔ lɛɛ mʋ n‐yɩɩ kaapʋ mʋ.

1 Pi 4:7

Atɔ kʋmaa nɩmʋ laalaalʋwɛ i tiri tɔ. Ɩmʋ sʋ fan baa fan da sʋ, kɛ fan kɩtaa fanɛ n‐yɩɩ, kɛ fan taalɛ kʋlɛ kabwaarɛ‐kʋlɛ.

Asɩnlɛɛ kaapʋsa 12:10

Nɩɩ n nu ɔbʋlɛ lala kʋ sʋsʋ maa tɔwɛ yɛ, “Nbɩɩnbɩɩ nɩɩ Ɩbwaarɛ kamɔlɩgɛ kɩ ba. Nbɩɩnbɩɩ nɩɩ Ɩbwaarɛ kaapʋ mʋ ɔlʋn fɛɛ Owura. Nbɩɩnbɩɩ nɩɩ Krisito mʋ nɩɩ Ɩbwaarɛ Wʋla lɛɛ mʋ, kɩbɩlɩsa mʋ kɩ lɩɩ ifuli. Lɩɩ fɛɛ Sɩtaanɛ, anɛ tɔɔmaa ana ɔpwɩɩpʋ mʋ nɩɩ ɛɛ yɩlɛ Ɩbwaarɛ ansi tɔ ɛɛ pwɩɩ bamʋ kakyʋwapɛ yɛ kagyanbwɛ mʋ, ba ŋɛ mʋ lɩɩ sʋsʋ fɔyɩ.

Asɩnlɛɛ kaapʋsa 12:12

Ɩmʋ sʋ, sʋsʋ yɛ fanɛ mʋ nɩɩ fan tɛ kɩmʋ tɔ mʋ, fan yɛgɛ fanɛ ansi i gyii. Amaa kasɛ yɛ ɔpʋ bɩrɛ, laakʋ. Lɩɩ fɛɛ Sɩtaanɛ kpɩlɩgɛ ba kasɛ sʋ fanɛ asɛ, nɩɩ agbʋ a bɔla mʋ tɔ. Lɩɩ fɛɛ o nyi mʋ saŋa maa man bɩla ɔ kyɔ.”

Asɩnlɛɛ kaapʋsa 12:9

Nɩɩ ba ŋɛ kanɩn kɩnansɛ dansa maŋa kyʋŋɛ kasɛ sʋ. Mʋ ɩ gyɛ dɩdaa kanansɛ mʋ nɩɩ bɛɛ tɩɩ yɛ Ɩbwaarɛ okisipu, abɛɛ Sɩtaanɛ mʋ nɩɩ ɛɛ pɩna dulinyaa tɔ asa kpini mʋ. Ba ŋɛ maa mʋ nbɔɔ mʋ kyʋŋɛ kasɛ sʋ.

Asɩnlɛɛ kaapʋsa 20:10

Nɩɩ Sɩtaanɛ mʋ nɩɩ ɔ pɩna bamʋ mʋ, Ɩbwaarɛ kabɔɔ mʋ taa mʋ tʋʋ waa ferinwuta fʋlɔn mʋ tɔ. Katɩn mʋ nɩɩ ɔ wʋla taa kadʋnbwɛ yɛ bamʋ nɩɩ bɛɛ tɔwɛ bɛɛ pɩna asa mʋ tʋʋ waa mʋ. Bee biti ba gyii awʋrʋfɔ kayɩɩ‐kɔ tɔ, kakyʋwapɛ yɛ kagyanbwɛ kakpaa.

Asɩnlɛɛ kaapʋsa 20:2

Nɩɩ ɔ naa kɩtaa kɩnansɛ pɩpɛɛ dansa, mʋ nɩɩ ɔ gyɛ kɩnansɛ dɩdaa mʋ. Mʋ ɩ gyɛ Ɩbwaarɛ okisipu abɛɛ Sɩtaanɛ mʋ, nɩɩ Ɩbwaarɛ kabɔɔ mʋ ŋmina mʋ yɩla nsu kagbɩn kʋlʋn.