1 Pi 3:1 - Nawuri

¹ Kanɩn ɔkpa kʋlʋn maŋa sʋ mʋ, akyɩɩ‐kilipu fan bɩya fanɛ n‐yɩɩ kasɛ sa fanɛ‐kuli ana. Nɩɩ fan waa kanɩn mʋ fanɛ kɩbaabʋtɔ danbɩrasa mʋ kii biti yɛgɛ bamʋ tɔ akʋ mʋ nɩɩ ba man kɔɔlɛ Ɩbwaarɛ asɩn mʋ gyii mʋ, ba kyɛɛgɛ bamʋ nfɛɛrɛ kɛ ba kɔɔlɛ asɩn mʋ gyii. Nɩɩ ɩ man bɩla i tiri fɛɛ fan tɔwɛ asɩn mʋ sa bamʋ.

1 Pi 3:1 Iomraidhean Croise

Matiwu 18:15

“Nɩɩ fu‐supu abɛɛ fʋ‐daa kan waa fʋ alibi mʋ, kpee mʋ asɛ naa lɛɛ mu alibi mʋ kaapʋ mʋ fanɛ asa nyɔ. Nɩɩ ɔ kan nu kasɛ sa fʋ mʋ, fʋ bɩla bɩya mʋ ba ɔkpa danbɩrasa mʋ sʋ nɩmʋ.

Roma abi 10:16

Amaa man gyɛ Ɩsɩrayɩ abi kpini ɩ kɔɔlɛ asɩn danbɩrasa mʋ gyii. Lɩɩ fɛɛ Ɩbwaarɛ ɔtɔwɛpʋ Isaya tɔwɛ yɛ, “Ɔnyɩrɩpɛ Ɩbwaarɛ, anɩmʋ ɩ kɔɔlɛ anɛ asɩn tɔwɛsa mʋ gyii?”

Roma abi 6:17

Fan kyɩna fan gyɛ anyɛ sa alibi, amaa n fwaala Ɩbwaarɛ fɛɛ nbɩɩnbɩɩ bɩrɛ fan taa fanɛ nkɔlɔ kpini buu kesintin kɩkaapʋ mʋ nɩɩ ba taa kaapʋ fanɛ mʋ.

Roma abi 7:2

I du nɩn fɛɛ ɔkyɩɩ kilipu. Saŋa mʋ nɩɩ mu‐kuli san ɔ tɛ nkpa tɔ mʋ, kekili nbara mʋ i ŋmina mʋ sa mu‐kuli. Amaa nɩɩ mu‐kuli mʋ kan wu bɩrɛ ɔ nyɛ mʋ n‐yɩɩ lɩɩ kekili nbara mʋ tɔ.

1 Ko 11:3

Amaa n biti fan bɩɩ fɛɛ ɔnyɩn kʋmaa kumu ɩ gyɛ Krisito, nɩɩ ɔkyɩɩ‐kilipu kumu ɩ gyɛ mu‐kuli, nɩɩ Krisito kumu ɩ gyɛ Ɩbwaarɛ.

1 Ko 14:34

akyɩɩ ba bun bamʋ nnɔ sʋ kʋbʋ kʋmaa tɔ. Ɩ man dɛ ɔkpa fɛɛ ba tɔwɛ. Amaa ba bɩya bamʋ n‐yɩɩ kasɛ fɛɛ kanan mʋ nɩɩ nbara mʋ ɩɩ kaapʋ mʋ.

1 Ko 7:16

Fʋ Krisito obuupu ɔkyɩɩ, akʋtɔ fʋ sʋ nɩɩ fu‐kuli ii biti ɔ bɔla nyɛ kamɔlɩgɛ? Nɩɩ fʋ Krisito obuupu ɔnyɩn, akʋtɔ fɛɛ fʋ sʋ nɩɩ fʋ‐ka ii biti ɔ bɔla nyɛ kamɔlɩgɛ?

Efeso abi 5:33

Amaa n tɔwɛ fanɛ yɛ, ɔnyɩn kʋmaa nɩmʋ ɔ nyɛ kebiti sa mʋ‐ka, fɛɛ kanan mʋ nɩɩ ɔ sʋ kebiti sa mʋ gbaa‐gbaa mʋ n‐yɩɩ mʋ, nɩɩ ɩ dagaa ɔkyɩɩ‐kilipu kʋmaa nɩmʋ mɔɔ maa bɩya mʋ n‐yɩɩ kasɛ sa mu‐kuli.

Kolose abi 3:18

Akyɩɩ‐kilipu, fan bɩya fanɛ n‐yɩɩ kasɛ sa fanɛ‐kuli ana, kanɩn ɩ dagaa Krisito ɔkyɩɩ maa waa.

Kolose abi 4:5

Fan bɩɩ kanyaasɩn lɩɩ kanan mʋ nɩɩ fan kyɩna yɛ bamʋ nɩɩ ba man gyɛ Krisito abuupu mʋ, nɩɩ ɔkpa kʋ kan bugi sa fanɛ yɛ fan tɔwɛ bamʋ Krisito asɩn mʋ, fan tɔwɛ ɩmʋ sa bamʋ.

2 Te 1:8

Nɩɩ fʋlɔn nɩɩ Ɩbwaarɛ ii biti ɔ taa bɩɩtɛ bamʋ nɩɩ bee kina mʋ mʋ, yɛ bamʋ nɩɩ ba waa kʋsʋ tɔ ɔlʋn sa Ɔnyɩrɩpɛ Yesu Krisito Asɩn danbɩrasa mʋ.

Hibriwu abi 11:8

Abraham kɩkɔɔlɛ Ɩbwaarɛ gyii sʋ mʋ, saŋa mʋ nɩɩ Ɩbwaarɛ tɩɩ mʋ yɛ ɔ kʋsʋ lɩɩ katɩn mʋ nɩɩ ɔ bʋ mʋ kpee kasɛ mʋ nɩɩ kii biti kɩ ba biliŋi mʋ kapatɩyɛ kakaakʋ mʋ, o nu sa Ɩbwaarɛ. Nɩɩ ɔ kʋsʋ ee kpee, yɛgɛ ɔ man nyi katɩn mʋ ee kpee.

Hibriwu abi 5:9

Maa taalɛ waa Ɩbwaarɛ kɔkɔlɔ biti lʋwɛ kyɛɛkyɛɛ sʋ mʋ, mʋ o be biliŋi nkpa kamɔlɩgɛ mu kumu, nɩɩ ɛɛ sa bamʋ nɩɩ bee nu mʋ asɛ mʋ nkpa kakpaa.

1 Pi 1:22

Nɩɩ nbɩɩnbɩɩ fan maa bɩya fanɛ asʋ kasɛ sa kesintin asɩn mʋ nɩɩ ɩɩ fwɩɩ fanɛ sʋ, nɩɩ ɩ yɛgɛ nɩɩ fan nyɛ kebiti sa fanɛ bɩrɩsa ana akɔɔlɛ‐gyipu mʋ, fan taa kebiti mʋ nɩɩ kɩ lɩɩ fanɛ nkɔlɔ tɔ mʋ biti abaa.

1 Pi 3:2

Lɩɩ fɛɛ fanɛ‐kuli ana mʋ, bee biti ba wu fanɛ kakyɩna danbɩrasa mʋ yɛ bɛɛrɛɛ mʋ nɩɩ fan sʋ sa abwaarɛsɩn mʋ.

1 Pi 3:7

Kanɩn ɔkpa kʋlʋn maŋa sʋ nɩɩ fanɛ anyɩn gbaa, fan su fanɛ‐ka ana sʋ fanɛ kekili tɔ, yɛgɛ fan da sʋ fɛɛ akyɩɩ mʋ ba man bʋlʋn fɛɛ fanɛ anyɩn. Kanɩn sʋ fan taa bɛɛrɛɛ sa bamʋ, lɩɩ fɛɛ fanaa akyɩɩ mʋ kpini fen biti fan nyɛ Ɩbwaarɛ kabwaala nkpa atɔ mʋ kpini kyɛɛkyɛɛ. Nɩɩ fan waa kanɩn mʋ, sɛhn mɛɛ yɛ o tii fanɛ kabwaarɛ‐kʋlɛ ɔkpa.

1 Pi 4:17

Saŋa mʋ nɩɩ Ɩbwaarɛ ii biti o gyii asa asɩn mʋ ɩɩ fʋʋ. Nɩɩ Ɩbwaarɛ ii biti o piili katalɛ mʋ lɩɩ mʋ asa sʋ. Nɩɩ ɔ kan ee biti o piili lɩɩ mʋ asa sʋ falɛ mʋ, bamʋ nɩɩ bee kina abwaarɛsɩn mʋ kunu mʋ, nɛnɛ nɩɩ ii biti ɩ baa i du sa bamʋ?