1 Pi 1:4 - Nawuri

⁴ Kanɩn sʋ an biti an nyɛ Ɩbwaarɛ kapatɩyɛ mʋ nɩɩ ki mee nyita nɩɩ kɩ mɛɛ gyɔɔ nɩɩ kɩ mɛɛ kpa sʋ nɩɩ ɩ dɛ i gyoo fanɛ sʋsʋ mʋ.

1 Pi 1:4 Iomraidhean Croise

Matiwu 25:34

“Tʋtɔ nɩɩ mɛ, mʋ nɩɩ n gyɛ Owura mʋ n biti n tɔwɛ bamʋ nɩɩ ba yɩlɛ mɛ gyisa sʋ mʋ yɛ, ‘Fanɛ ɩ gyɛ bamʋ nɩɩ mɛ‐Sɛ Ɩbwaarɛ waa kusee mʋ, fan ba kuwura‐gyii mʋ nɩɩ ɔ yɩla sa fanɛ lɩɩ koo saŋa mʋ nɩɩ ɔ tʋʋ dulinyaa mʋ.

Maki 10:17

Yesu maa dan yii ɔkpa mʋ sʋ mʋ, nɩɩ ɔnyɩn kʋ sɩlɛ ba muŋa mu ansi tɔ tɔwɛ mʋ yɛ, “Ɔkaapʋpʋ danbɩrasa, mɩnɛ nɩɩ ɩ dagaa n maa waa kɛ n nyɛ nkpa kakpaa?”

Krisito Asunpu mʋ kusun 20:32

“Nbɩɩnbɩɩ n sʋ fanɛ n waa Ɩbwaarɛ kɩbaa tɔ yɛ mʋ kabwaala asɩn tɔ. Mʋ ɩ yɛgɛ nɩɩ fan dan, kɛ ɔ sa fanɛ mu kusee yɛ mʋ asa mʋ nɩɩ ɔ lɔŋɔ yɩla kpini.

Krisito Asunpu mʋ kusun 26:18

Kɛ fʋ naa bugi bamʋ ansi, kɛ fʋ lɛɛ bamʋ lɩɩ kitentenbiri tɔ ba fɩtɩla tɔ. Kɛ fʋ lɛɛ bamʋ lɩɩ Sɩtaanɛ ɔlʋn tɔ ba Ɩbwaarɛ asɛ. Kɛ bamʋ nɩɩ bee biti ba kɔɔlɛ gyii mʋ, ba nyɛ alibi kɩtaakɛɛ, kɛ ba nyɛ ɔkyɩnakpa mʋ nɩɩ Ɩbwaarɛ lɔŋɔ yɩla sa mʋ asa mʋ.’

Roma abi 8:17

Nɩɩ a maa gyɛ mu‐bii ana falɛ sʋ mʋ, an biti a nyɛ kʋtɔ mʋ nɩɩ ɔ da mʋ kɔkɔlɔ sʋ yɛ ee biti ɔ sa anɛ mʋ. Nɩɩ anaa Krisito an biti a bʋga nyɛ kanɩn kʋtɔ maŋa. Amɔɔ ana mʋ an bʋga gyii mʋ awʋrʋfɔ mʋ, pɔyɩ kɛ ana mʋ a bʋga gyii mʋ bʋnyaa mʋ.

1 Ko 9:25

Ɔsa kʋmaa mʋ nɩɩ ɔ gyɛ kadandan abaa ɔsɩlɛpʋ mʋ, ɛɛ payɩ mu ansi ɛɛ kʋʋla mʋ n‐yɩɩ danbɩrasa. Bamɛɛ bamʋ bɩrɛ, bɛɛ waa kanɩn bee biti kakɛɛ mʋ nɩɩ kii biti ki be nyita. Amaa anɛɛnɛ bɩrɛ, an payɩ ansi an sun an biti kakɛɛ mʋ nɩɩ ki mee nyita kpini‐kpini.

Galati abi 3:18

Ɩmʋ sʋ nɩɩ ɩ kan ɩ gyɛ nbara mʋ kibuu sʋ nɩɩ nyɩmɩsa ii biti ɔ nyɛ Ɩbwaarɛ kusee mʋ, kanɩn bɩrɛ, ɩ man gyɛ Ɩbwaarɛ kɔkɔlɔ sʋ kɩda mʋ sʋ nɩɩ ɩ bɩla ɩ gyan. Amaa lɩɩ Ɩbwaarɛ kabwaala mʋ sʋ mʋ, ɔ bɔla mʋ kɔkɔlɔ sʋ kɩda mʋ sʋ taa kusee sa Abraham.

Efeso abi 1:11

Ɩbwaarɛ ɩ yɛgɛ nɩɩ kʋtɔ kʋmaa nɩmʋ ɩ waa, fɛɛ kanan mʋ nɩɩ ɔ wʋla ŋmina yɩla, nɩɩ ɩ gyɛ mʋ nfɛɛrɛ mʋ. Nɩɩ anaa Krisito kɩwaa kʋkʋlʋn sʋ mʋ, ɔ wʋla lɛɛ anɛ lɩɩ koo npiili asɛ yɛ a ba waa mʋ asa lɩɩ mu kebiti mʋ nɩɩ ɔ wʋla ŋmina yɩla mʋ sʋ.

Efeso abi 1:14

Kayaayu Kyɩrɛkyɩrɛ mʋ ɩ gyɛ ɔmʋ nɩɩ Ɩbwaarɛ taa yɩla kasɛ, fɛɛ an biti a nyɛ kʋtɔ mʋ nɩɩ ɔ da mʋ kɔkɔlɔ sʋ yɛ ee biti ɔ sa mʋ asa mʋ. Ɩnɩmʋ ɩ gyɛ anɛ tamaa fɛɛ anɛ mʋ nɩɩ an gyɛ mʋ lɛɛ mʋ, an biti an nyɛ anɛ n‐yɩɩ. Fan yɛgɛ a yɩn Ɩbwaarɛ bʋnyaa mʋ.

Efeso abi 1:18

N bɩla n kʋlɛ Ɩbwaarɛ fɛɛ o bugi fanɛ nfɛɛrɛ tɔ, kɛ fan nyɛ bɩɩ tamaa mʋ nɩɩ ɔ tɩɩ fanɛ kɩmʋ sʋ mʋ, yɛ bʋnyaa kapatɩyɛ kparɛ mʋ nɩɩ ɔ da mʋ kɔkɔlɔ sʋ yɛ ee biti ɔ sa mʋ asa mʋ.

Kolose abi 1:12

kɛ fan taa afwaala sa Ɩbwaarɛ mʋ nɩɩ ɔ yɛgɛ nɩɩ fan dagaa mu kuwura‐gyii kɩŋmaŋɛsa mʋ tɔ npatɩyɛ mʋ nɩɩ ɔ sʋ ɛɛ sa mʋ asa mʋ.

Kolose abi 1:5

Saŋa mʋ nɩɩ kesintin asɩn mʋ nɩɩ ɩ gyɛ asɩn danbɩrasa mʋ gyankpaa ba fanɛ asɛ mʋ, fan nu tamaa mʋ nɩɩ ɩ sʋ. Ɩmʋ sʋ fanɛ kɩkɔɔlɛ‐gyii yɛ kebiti mʋ gyan kanɩn tamaa, mʋ nɩɩ Ɩbwaarɛ taa yɩla sa fanɛ sʋsʋ.

Kolose abi 3:24

fɛɛ fan nyi fan maa biti fan nyɛ kʋkɔka mʋ nɩɩ Ɔnyɩrɩpɛ taa yɩla mʋ asa mʋ. Lɩɩ fɛɛ Krisito ɩ gyɛ Ɔnyɩrɩpɛ gbaa‐gbaa mʋ nɩɩ fen sun mʋ.

2 Ti 4:8

Nbɩɩnbɩɩ kʋtɔ mʋ nɩɩ kii gyoo mɛ mʋ ɩ gyɛ kigyii sʋ kakɛɛ, mʋ nɩɩ Ɔnyɩrɩpɛ, ɩkpa kyiigisa ɔtalɛpʋ mʋ ii biti ɔ taa sa mɛ kanɩn kakɛ maŋa, nɩɩ man gyɛ mɛ nkʋn, amaa yɛ bamʋ nɩɩ ɩɩ gyʋgyʋʋ bamʋ yɛ be wu Ɔnyɩrɩpɛ Yesu kɩba mʋ.

Hibriwu abi 10:34

Fan su, nɩɩ fan yɩyɛɛ, nɩɩ fan sa bamʋ nɩɩ ba kɩtaa bamʋ tii obu mʋ sʋ, nɩɩ ba maa kɔɔlɛ fanɛ npatɩyɛ gbaa mʋ, ɩ man kɔ fanɛ, amaa fanɛ ansi i gyii nɩn. Lɩɩ fɛɛ fanɛ gbaa‐gbaa fanɛ fen nyi fɛɛ fan maa sʋ npatɩyɛ danbɩrasa mʋ nɩɩ ɩ bʋ tɔ kakpaa sʋsʋ.

Hibriwu abi 9:15

Kpalɩ ɩnɩmʋ sʋ mʋ, Krisito ɩ gyɛ ɔmʋ nɩɩ ɔ yɩlɛ asa yɛ Ɩbwaarɛ nsana sa katɔwɛ kyula pʋpwɛ mʋ nɩɩ Ɩbwaarɛ waa mʋ, kɛ ɩ yɛgɛ bamʋ nɩɩ Ɩbwaarɛ tɩɩ bamʋ mʋ, ba ba nyɛ mʋ kusee mʋ nɩɩ ɔ da mʋ kɔkɔlɔ sʋ sa bamʋ mʋ kakpaa. Ɩnɩmʋ ii biti ɩ waa nɩn, lɩɩ fɛɛ Krisito taa mʋ n‐yɩɩ sa lewu nɩɩ ɔ ka bamʋ mʋ nɩɩ ba waa alibi katɔwɛ kyula gyankpaasa mʋ tɔ mʋ kʋkɔ.

Gyemisi 1:11

Kpalɩ fɛɛ kyɔwɛ ɩɩ lɩɩ ɩmʋ sʋ, kɛ ɩmʋ afatɛɛ mʋ ɩɩ bwɩɩ kɛ ntʋtʋlɛ danbɩrasa mʋ i nyita. Kanɩn ɔkpa kʋlʋn sʋ nɩɩ atɔ wuya gbaa ii biti i nyita yɛgɛ ɔ san ɛɛ fɛ ɩmʋ nfɛɛrɛ kʋlʋn maŋa.

1 Pi 3:9

Fan man taa alibi ka alibi kʋkɔ, kɛ fan man taa asebi ka tɛɛla asebi kʋkɔ. Amaa fan kʋlɛ Ɩbwaarɛ fɛɛ ɔ taa kusee ka bamʋ kʋkɔ, lɩɩ fɛɛ ɩnɩmʋ sʋ nɩɩ Ɩbwaarɛ tɩɩ fanɛ yɛ fan ba waa, kɛ fan ba nyɛ mʋ kusee mʋ.

1 Pi 5:4

Nɩɩ fɛɛ Ɔkpapʋ Ɔbɩlɩsa mʋ nɩɩ ɔ gyɛ Yesu Krisito mʋ kan paatɛ lɩɩ ba mʋ, fen biti fan nyɛ mʋ bʋnyaa kuwura‐wʋrʋ mʋ nɩɩ ki mee nyita mʋ.

Asɩnlɛɛ kaapʋsa 21:27

Amaa ineesi atɔ akʋ abɛɛ ɔkʋmaa mʋ nɩɩ ɛɛ waa ipeeli‐sɩn abɛɛ ɛɛ tɩn atɩŋɛsa, mɛɛ yɛ ɔ nyɛ loo tʋtɔ. Amɔɔ bamʋ nɩɩ ba kyʋrɔɔ bamʋ atɩɩ waa Kabʋlʋpʋ mʋ nkpa ɔwʋlɛ mʋ tɔ nkʋn ii biti ba nyɛ loo tʋtɔ.