ᑕᐃᑕᔅ 3:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐎᑎᒧᐅᒡ ᒐ ᐊᑲ ᒋ ᒥᒋ ᐊᔨᒧᒪᒡ ᐊᐛᔪᐛ, ᒐᒋ ᒋᔭᒪᐛᔨᑕᑯᓯᒡ ᑭᔭ ᒐᒋ ᒥᔽᔨᑕᑯᓯᒡ᙮ ᒧᔅ ᒋᐸ ᔪᔅᐸᑎᓯᔅᑐᐛᐅᒡ ᒥᓯᐛ ᐊᐛᔪᐛ᙮

ᑕᐃᑕᔅ 3:2 Iomraidhean Croise

ᑎᐱᑦ ᐅᓂᑭᒧᐅᓇ 140:11

ᐊᑯᔅ ᐊᑲ ᐊᐛᓐ ᑲ ᒥᒋᐃᔨᒥᑦ ᒋᑭ ᐊᔨᑎᓯᐤ ᐊᔅᒋᒡ: ᑲ ᒪᔭᑎᓂᔨᒡ ᒋᑭ ᓇᓂᑐᐛᐱᒥᑯᐤ ᑲ ᐊᒂᑎᓯᑦ ᐃᔪᐤ ᒐᒋ ᓂᓱᐅᓇᒋᐃᑯᑦ᙮

ᒪᑎᔪᐤ 11:29

ᐅᑎᓂᒪᓱᒄ ᓂᑦ ᐊᐱᔅᑲᑭᓐ, ᒋᔅᒋᓄᐛᐱᒥᒄ ᒪᒃ, ᐛᔅ ᓂᔪᔅᐸᑎᓯᓐ ᑭᔭ ᓂ ᑎᐱᑕᔨᒧᓐ ᓂᑕᐃᒡ᙮ ᑭᔭ ᒋᑭ ᒥᔅᑲᓇᐛᐤ ᒪᒃ ᒐ ᐃᓯ ᐊᔽᐱᒡ ᒋᑦ ᐊᒐᐧᑯᐛᐅᒡ᙮

ᐊᑈᔅᑕᓇᒡ 23:5

ᑈᓪ ᒂ ᐃᔅᒋᔄᑦ, “ᓂᐧᑲᓂᓯᑐᒄ, ᐊᑐᒡ ᓂᐸ ᐅᒋ ᐃᑕᐤ ᐅᔭ ᒋ ᒋᔅᒐᔨᒪᐛᒐ ᐊ ᒋᓴᐊᔭᒥᐊᐅᒋᒪᐅᑦ ᐛᔅ ᑭᑈ ᑕᑈ ᐊᑯᓐ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᑲᐎᔾ ᒋᑭ ᐅᒋ ᒥᒋ ᐊᔨᒧᒪᐤ ᐊᐛᓐ ᐊ ᓂᑲᓂᔅᑯᐛᑦ ᒋᑦ ᐃᔨᒪ᙮”

1 ᑯᕆᓐᑎᔭᓇ 6:10

ᑭᔭ ᒪᒃ ᐊᓐᒡ ᑲᓂᑕᐅᒋᒧᑎᒡ, ᑭᔭ ᒪᒃ ᐊᓐᒡ ᒧᔅ ᑲ ᒧᔅᑕᓇᔨᑕᒡ ᒐᒂᔪᐛ, ᑭᔭ ᒪᒃ ᐊᓐᒡ ᑲ ᐎᒋᐸᒡ, ᑭᔭ ᒪᒃ ᐊᓐᒡ ᓂᑎᒥᒄ ᑲ ᐃᑕᒋᒪᒡ ᑯᑎᑲ ᐊᐛᔪᐛ, ᑭᔭ ᒪᒃ ᑲᒋᒧᑎᒡ, ᓇᒪ ᐛᒋ ᐸᐃᒄ ᐅᒡ ᒋᑭ ᐅᒋ ᐊᓂᔅᒐ ᐊᔭᐅᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ᙮

1 ᑯᕆᓐᑎᔭᓇ 9:19

ᓇᒪ ᒐᒂᓐ ᓂᒥᒪᒋᑭᓂᑯᓐ ᐛᔅ ᓇᒪ ᐊᐛᓐ ᓂ ᐅᑦ ᐊᐱᒋᐊᑭᓂᑐᑕᒄ᙮ ᒥᒄ ᒪᒃ ᐃᔭᐱᒡ ᓂᔾ ᑎᐱᔨᐛ ᓂᒋ ᐎᔭᔨᑕᓐ ᒥᓯᐛ ᐊᐛᓐ ᒐ ᐎ ᐊᑐᔅᑯᐅᒃ᙮ ᐊᑯ ᒪᒃ ᒥᒐᑦ ᐊᐛᓐ ᒐ ᐃᑐᑐᐅᒃ ᒐᒋ ᑕᑈᑕᐧᒃ ᒥᔽᒋᒧᐅᓂᔪᐤ᙮

2 ᑯᕆᓐᑎᔭᓇ 10:1

ᑎᑯᓐ ᒐ ᐃᓯ ᐱᑯᓴᔨᒥᑎᑯᒡ᙮ ᐅ ᒪᒃ ᒐ ᐊᔨᒧᑎᒪᑎᑯᒡ ᐊᓐ ᐊᔅᐱᔅ ᒋᓴᐛᑎᓯᑦ ᑭᔭ ᐊᔅᐱᔅ ᒋᔭᒥᓯᑦ ᒋᓴᔅ ᙭ ᓂ ᐎ ᐃᑕᔨᑕᑯᓯᓐ ᐊᓐ ᐊ ᐃᓯ ᐃᔨᒥᐃᑎᑯᒡ᙮ ᐃᑕᐅᒡ ᐊᐛᓐᒋ ᐊ ᐃᔅᒋᔄᒡ ᓇᔅᒡ ᐊᑲ ᓴᐱᑕᑯᓱᐅᒡ ᐊᓐᑕ ᐊ ᑕᐛᒄ ᐊ ᑕᐅᒡ᙮ ᒥᒄ ᐊᓐᑕ ᐃᔭᒡ ᐊ ᑕᐅᒡ ᐊ ᐅᒋ ᓱᒐᔨᑕᑯᐃᓱᐅᒡ ᐃᔅᒋᔄᐅᒡ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᑲᓚᓯᔭᓇ 6:1

ᓂᐧᑲᓂᓯᑐᒄ, ᒧᔭᒻ ᓴᐧᑯᒋᐃᑯᒐ ᐊᐛᓐ ᒥᒐᑎᓯᐅᓂᔪᐤ ᒋᔨᐛᐤ ᑲ ᐱᒋᔅᑲᑕᒄ ᑲ ᐸᔭᒋᓯᑦ ᐊᒐᐧᒄ ᒋᐸ ᐎᒋᐊᐛᐤ ᐊᓐ ᐊᐛᓐ ᒋᔭᒻ ᒐᒋ ᒥᔪᐱᔨᑦ ᑕᓐ ᐛ ᐃᓯ ᐱᔅᒐᐱᔨᑦ᙮ ᐃᔭᒂᒥᔅᑕᓱᒄ ᑭᔭ, ᒐ ᐊᑲ ᒋ ᐊᔅᒋᐱᔨᔭᒄ ᑭᔭ ᒋᔨᐛᐤ ᒐᒋ ᐊᑎ ᒥᒋᑐᑎᒪᒄ᙮

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

ᐃᐱᓯᔭᓇ 4:2

ᒋᐸ ᑎᐱᑕᔨᒥᓱᓇᐛᐤ ᑭᔭ ᒋᐸ ᒋᔭᒪᔨᑕᑯᓯᓇᐛᐤ ᑭᔭ ᒧᔅ ᒋᐸ ᐎ ᓯᐱᔪᐛᓯᓇᐛᐤ᙮ ᓄᑯᑕᒄ ᐊ ᓴᒋᐃᑐᔭᒄ ᐊᑲ ᑕᔅᑎᑲᒋᔭᒄ ᐊ ᐛᐎᒋᐃᑐᔭᒄ᙮

ᐃᐱᓯᔭᓇ 4:31

ᐳᓂᒄ ᐊ ᐅᔅᑐᐛᔨᑎᒪᒄ, ᐊ ᐊᐧᑯᔪᐛᓯᔭᒄ ᑭᔭ ᐊ ᒋᔄᓯᔭᒄ᙮ ᐳᓂᒄ ᑭᔭ ᐊ ᒪᔭᔨᒐᔭᒄ ᑭᔭ ᐊ ᒋᐧᑲᓇᑯᐎᑐᔭᒄ᙮ ᓇᒪ ᓇᔅᒡ ᒋᐸ ᐅᒋ ᐊᔭᓇᐛᐤ ᐛᐧᑲᓱᐛᐅᓐ᙮

ᐱᓕᐱᔭᓇ 4:5

ᐃᓯ ᐱᒪᑎᓯᒄ ᒥᓯᐛ ᐊᐛᓐᒋ ᒐᒋ ᒋᔅᒐᔨᒥᑕᑯᒡ ᐊᔅᐱᔅ ᒥᔪᑥᐛᒄ᙮ ᓴᔅ ᐸᓱᓇᑯᓂᔪᐤ ᒐ ᐃᔅᐱᔅ ᑎᑯᓯᐧᒃ ᐅᑎᐸᔨᒋᒐᐤ᙮

1 ᑕᓴᓗᓂᔭᓇ 2:7

ᔅᒋ ᐎ ᒥᓇᒋᐃᑎᓇᓐ ᒧᔭᒻ ᐊ ᐃᓯ ᒥᓇᒋᐊᑦ ᐅᑲᐎᒪᐤ ᐅᑦ ᐊᐛᓯᒪ᙮

1 ᑎᒧᑎ 3:11

ᐎᐛᐛ ᒋᐸ ᑕᑈᐅᒐᔨᑕᑯᓯᔪᐛ ᑭᔭ ᓇᒪ ᒋᐸ ᐅᒋ ᓂᑎᒥᒄ ᐃᑕᒋᒪᐅᒡ ᐊᐛᔪᐛ ᑭᔭ ᐸᐧᑲᒡ ᒋᐸ ᐃᓯ ᐱᒪᑎᓯᐅᒡ ᑭᔭ ᐃᔭᒂ ᒋᐸ ᐃᑐᑎᒧᒡ ᒥᓯᐛ ᒐᒂᔪᐤ᙮

1 ᑎᒧᑎ 3:3

ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 3:17

ᐊᓐ ᒪᒃ ᑭᒐᑕᐛᔨᑎᒧᐅᓐ ᐃᔅᐱᒥᒡ ᑲ ᐅᒋᐱᔨᒡ ᓂᔅᑎᒻ ᓇᔅᒡ ᐸᔭᐧᑭᓐ, ᐊᑯ ᒥᓐ ᐊ ᒋᔭᒪᔨᑕᑯᐃᐛᒥᑲᒡ, ᔪᔅᐸᔨᑕᑯᐃᐛᒥᑲᒡ, ᑭᔭ ᐃᑐᑕᑯᐤ ᐊᐛᓐ ᐃᔭᒂ ᒐᒋ ᓂᑐᑐᐛᑦ ᐊᐛᔪᐛ᙮ ᐊᐛᓐ ᐊ ᐊᔭᑦ ᐅᔭ ᑭᒐᑕᐛᔨᑎᒧᐅᓂᔪᐤ ᓇᔅᒡ ᒋᑭ ᐛᔪᒡ ᒋᓴᐛᑐᑐᐛᐤ ᐊᐛᔪᐛ ᑭᔭ ᒥᔅᑎ ᒋᑭ ᒥᔪᑐᑎᒪᒐᐤ, ᐸᐃᑯᓄᒡ ᒋᑭ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᑭᑲᑕᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 4:11

ᓂᐧᑲᓂᓯᑐᒄ ᐊᑲᐎᔾ ᒥᒋ ᐊᔨᒧᒥᑐᒄ᙮ ᐊᐛᓐ ᐊ ᒥᒋ ᐊᔨᒧᒪᑦ ᐎᐧᑲᓂᓴ ᒪᒃ ᐊ ᑎᐸᔅᑯᓇᑦ ᐊᑐᐛᔨᑎᒻ ᐎᓱᐛᐅᓂᔪᐤ ᑭᔭ ᑎᐸᔅᑯᓂᒻ᙮ ᒧᔭᒻ ᑕᐸᔅᑯᓂᒧᐎᓇ ᐎᓱᐛᐅᓐ ᓇᒪ ᒋ ᓂᓇᐃᑕᓐ ᑭᔭ ᑎᐸᔅᑯᓂᒐᓱᐤ ᒋᑦ ᐃᑕᐃᓱᓐ᙮

1 ᐱᑕᕐ 2:1

ᓇᔅᒡ ᒪᒃ ᐊᑯ ᐳᓂᑕᒄ ᒥᓯᐛ ᒪᔭᑎᓯᐅᓐ᙮ ᐳᓂᒄ ᐊᑯ ᐊ ᑭᑭᒋᔭᔭᒄ, ᑭᔭ ᐊᑲᐎᔾ ᐎ ᐃᑕᔨᑕᑯᐃᓱᒄ ᑕᓐ ᐊᓐ ᐊᑲ ᒋᒋᐛ ᐃᑕᔨᑕᑯᓯᔭᒄ, ᐊᑲᐎᔾ ᒋᑭ ᐅᒋ ᑎᑯᓐ ᐊ ᐛᐅᑕᔨᒥᑐᔭᒄ᙮ ᑭᔭ ᐊᑲᐎᔾ ᓂᑎᒥᒄ ᐃᓯ ᐊᔨᒧᒪᐧᑯᒡ ᐊᐛᓐᒋ᙮

1 ᐱᑕᕐ 3:10

ᐛᔅ ᐃᑎᔅᑕᐤ ᒥᓯᓇᐃᑭᓂᒡ, ᐊᐛᓐ ᑕᑈ ᐛ ᒥᔽᔨᑎᒧᒂ ᐊ ᐱᒪᑎᓯᑦ ᑭᔭ ᐸᑯᓴᔨᒧᒂ ᒐᒋ ᒪᒥᔪᐱᔨᑦ, ᐊᑲᐎᔾ ᒋᑭ ᐅᒋ ᒥᒋ ᐃᔨᒧᐤ ᑭᔭ ᐊᑲᐎᔾ ᒋᑭ ᐅᒋ ᐎᒋ ᑭᑭᒋᔭᐤ᙮

1 ᐱᑕᕐ 3:8

ᐅ ᒪᒃ ᒥᓯᐛ ᑲ ᐃᓯ ᐊᔨᒧᑎᒪᑎᑯᒡ ᒥᓯᐛ ᐊ ᑎᓯᔭᒄ ᓱᒃ ᐸᐃᑯᓄᒡ ᐃᓯ ᒪᒥᑐᓇᔨᑎᒧᒄ ᐊ ᒋᔅᑎᒪᒐᔨᒥᑐᔭᒄ ᑭᔭ ᓴᒋᐃᑐᒄ ᑕᐱᔅᑯᓐ ᐊ ᐎᐧᑲᓂᓯᑕᑐᔭᒄ ᑭᔭ ᒋᓴᐛᑐᑕᑐᒄ᙮ ᓱᒃ ᒧᔅ ᑎᐱᑕᔨᒧᒄ᙮

1 ᐱᑕᕐ 4:4

ᓇᔅᒡ ᒪᒃ ᒋᒥᔅᑲᑕᔨᒥᑯᐛᐅᒡ ᐊᓐᒡ ᐊᑲ ᑕᑈᑕᒡ ᐊᑲ ᐎᒐᐛᑯᒡ ᐊᓂᔭ ᐊ ᐊᒂᑕᔨᑕᑯᓯᒡ ᐊ ᐃᓯ ᐱᒪᑎᓯᒡ ᑭᔭ ᓇᔅᒡ ᐛ ᒪᒪᔭᔨᒥᑕᑯᒡ᙮

2 ᐱᑕᕐ 2:10

ᐊᑐᐎᔅ ᒪᒃ ᒐᔅᑎᓇᑕᔨᑕᑯᓂᔪᐤ ᒐ ᑎᐸᔅᑯᓇᑭᓄᐅᒡ ᐊᓐᒡ ᒥᒄ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᐅᐎᔭᓯᐤ ᐱᒪᑎᓯᐅᓄᐛᐛ ᑲ ᐃᓯ ᓄᔅᐱᓂᑕᒡ, ᐊᓐᒡ ᑲ ᐛᐧᑲᑕᒡ ᑎᐸᔨᒋᒐᐅᓂᔪᐤ᙮ ᓇᔅᒡ ᑕᑈ ᓱᒋᒪᔭᔨᒐᐅᒡ ᐊᐅᑯᓐᒡ ᐅᒡ, ᓇᒪ ᓇᔅᒡ ᓂᓇᑭᑐᐛᔨᒪᐅᒡ ᑕᓐ ᐊ ᐃᑕᒡ ᒪᒃ ᑕᓐ ᐊ ᐃᑐᑐᐛᒡ ᐊᐛᔪᐛ ᐊ ᒪᔭᔨᒪᒡ᙮ ᓇᒪ ᑭᔭ ᓴᒋᓱᐅᒡ ᒐᒋ ᒥᒋ ᐊᔨᒧᑕᒡ ᒋᔅᑕᔨᑕᑯᓱᐅᓂᔪᐤ᙮ ᑕᐸ ᐛᐛᒡ ᓂᑲᐎᔪᐅᒡ ᒐᒋ ᒪᔭᔨᒪᒡ ᐊᓂᔭ ᐊᐛᔪᐛ ᐅᒋᒪᐅᓂᔪᐤ ᑲ ᐊᔭᔨᒋ᙮

ᒍᑦ 1:10

ᐅᒡ ᒪᒃ ᐎ ᓇᐸᐅᒡ, ᒥᒄ ᐃᓯ ᒪᔭᔨᑎᒧᒡ ᒐᒂᔪᐤ ᐊᑲ ᓂᔅᑐᑕᒡ᙮ ᒧᔭᒻ ᐊᐛᓯᓴ ᒥᒄ ᐛ ᐃᑎᔨᒋ ᐊ ᐃᑎᔨᒋ ᐊᐅᑯᓐ ᐊ ᐃᑎᒡ ᐅᒡ ᓇᐸᐅᒡ᙮ ᓇᒪ ᒪᒥᑐᓇᔨᑎᒥᐃᑯᐅᒡ ᑯᐃᔅᒄ ᐊ ᐃᑐᐛᒂ, ᐊᔪᐅᒄ ᒪᒃ ᐅᔭ ᐛᓇᒋᐃᑯᒡ᙮

ᒍᑦ 1:8

ᐊᐅᑯᓐ ᒪᒃ ᒧᔭᒻ ᐊ ᐃᑎᒡ ᐅᒡ ᓇᐸᐅᒡ᙮ ᐎᓂᓱᐤ ᐱᒪᑎᓯᐅᒡ ᑭᔭ ᐎᓂᓱᐤ ᐳᐛᒧᐅᒡ᙮ ᓇᔅᒡ ᓇᒪ ᐊᐱᑕᔨᑎᒧᒡ ᑎᐸᔨᒋᒐᐅᓂᔪᐤ ᑭᔭ ᒪᒪᔭᔨᒪᐅᒡ ᐊᓂᔭᔪᐛ ᑲ ᒋᔅᑕᔨᑕᑯᓯᔨᒋ ᐃᔅᐱᒥᒡ ᐊ ᑕᔨᒋ᙮