ᑕᐃᑕᔅ 3:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐊᓐᒡ ᒪᒃ ᒋᔭᓄᐤ ᒋᑦ ᐃᔨᒥᓄᐅᒡ ᒋᐸ ᐎ ᒋᔅᒐᔨᑎᒧᒡ ᑕᓐ ᒋᐸ ᒋ ᐃᓯ ᒥᔪ ᐊᑐᔅᒐᐅᒡ, ᐊ ᐎᒋᐊᒡ ᐊᐛᔪᐛ ᓇᔅᒡ ᐊ ᓂᑐᐛᔨᑎᒥᔨᒋ ᒐᒋ ᐎᒋᐊᑭᓄᔨᒋ᙮ ᓇᒪ ᒋᐸ ᐅᒋ ᐃᓯᓇᑯᓱᐅᒡ ᒐ ᐊᑲ ᒋ ᐎᔭᔅ ᐃᑕᐱᑎᓯᒡ᙮

ᑕᐃᑕᔅ 3:14 Iomraidhean Croise

ᒪᑎᔪᐤ 21:19

ᐊᑯ ᒂ ᐛᐱᒪᑦ ᒥᓯᓱᒥᓇᑎᒂ ᐊᓐᑕ ᐅᐱᒪᔅᑭᓇᒡ, ᒂ ᓂᑐᐛᐱᒪᑦ, ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒻ ᒐᒋ ᒥᒋᑦ ᐊᓐᑕ ᒥᔅᑎᑯᒡ ᒥᒄ ᓂᐱᔭ ᒋ ᓂᑕᐅᒋᓂᔪᐛ ᐊᓐᑕ᙮ ᐊᑯ ᒂ ᐃᑕᑦ ᐊᓂᔭ ᒥᔅᑎᒂ, “ᓇᒪ ᓂᑕ ᒥᓐ ᒋᑭ ᐅᒋ ᓂᑕᐅᒍᐅᒡ ᐛᐱᒥᓂᒡ ᐊᓐᑕ ᐊ ᑕᔨᓐ᙮” ᑎᐛᒡ ᒪᒃ ᒋ ᓂᐱᔪᐛ ᐊᓂᔭ ᒥᓯᓱᒥᓇᑎᒂ᙮

ᒪᑎᔪᐤ 7:19

ᐊᓐ ᒪᒃ ᒥᔅᑎᒄ ᐊᑲ ᒥᔪ ᒥᓂᓱᐅᑦ ᒋᑭ ᓇᑥᑲᐛᑭᓄᐤ ᐊᑯ ᒐ ᒥᑐᔅᑕᐛᐱᓇᑭᓄᐅᑦ ᐃᔅᑯᑕᒡ᙮

ᒠᓐ 15:16

ᓇᒪ ᒋᔨᐛᐤ ᒋ ᐅᒋ ᐎᔭᐱᒥᓇᐛᐤ, ᓂᔾ ᐊᐅᒄ ᑲ ᐅᑎᓂᑎᑯᒡ᙮ ᐊᓐ ᒪᒃ ᐊᒋ ᐅᑎᓂᑎᑯᒡ ᒋᑦ ᐃᑕᔨᒥᑎᓇᐛᐤ ᒐᒋ ᒥᔪ ᒥᓂᓱᐅᔭᒄ ᑭᔭ ᒧᔅ ᒐᒋ ᒥᔪ ᒥᓂᓱᐅᔭᒄ᙮ ᐊᑯ ᒪᒃ ᐅᑕᐎᒪᐤ ᒐ ᒥᔨᑕᒄ ᑕᓐ ᒥᒄ ᒐ ᐃᓯ ᓂᑐᑎᒧᐛᒄ ᓂᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒄ᙮

ᒠᓐ 15:8

ᐊ ᒥᔪ ᒥᓂᓱᐅᔭᒄ ᐊᑯᑕ ᐛᒋ ᒋᔅᑕᒋᒪᑭᓄᐅᑦ ᓄᑕᐎᔾ, ᑭᔭ ᐊᑯᑕ ᒋᔭᔅᑎᓇᑕᔨᑕᒂᒡ ᐊ ᐅᒋᔅᒋᓄᐊᒧᐛᑭᓂᑐᑕᑎᑯᒡ᙮”

ᐊᑈᔅᑕᓇᒡ 18:3

ᒂ ᐎᒋᒪᑦ ᑭᔭ ᒂ ᐎᒋ ᐊᐱᑎᓯᒪᑦ ᐊ ᐅᓯᑕᔨᒋ ᒥᒋᐛᐸ ᐛᔅ ᐊᐅᑯᓐ ᑲ ᐃᑕᐱᑎᓯᔨᒋ ᒧᔭᒻ ᐎᔾ ᑲ ᐃᑕᐱᑎᓯᑦ ᐊᓐᑕ ᒐᒋ ᐅᒋ ᐎᒋᐃᓱᑦ᙮

ᐊᑈᔅᑕᓇᒡ 20:35

ᐊᓐ ᒪᒃ ᒥᓯᐛ ᑲ ᐊᑎ ᐊᐃᑎᔭᓐ ᑭᔭ ᑲ ᐃᔅᐱᔅ ᒋ ᒥᔅᑎ ᐊᐱᑎᓯᔭᓐ ᒧᔅ ᔅᒋ ᐎ ᐛᐸᑎᔨᑎᓇᐛᐤ ᑕᓐ ᒋᐸ ᐎ ᐃᓯ ᐎᒋᐊᓄᒡ ᐊᓐᒡ ᑲ ᒋᔅᑎᒪᑎᓯᒡ ᑭᔭ ᒐᒋ ᒋᔅᒋᓯᔭᐧᒄ ᑕᓐ ᑲ ᐃᔅᒋᔄᑦ ᒋᑎᐸᔨᒋᒐᓯᒥᓄᐤ, ᐊᑐᐎᔅ ᐊᓐ ᐊᐛᓐ ᑲ ᒥᔨᐛᑦ ᒐᒂᔪᐤ ᓱᐛᔨᑕᑯᓱᐤ ᐃᔅᐱᔅ ᐊᓐ ᐊᐛᓐ ᑲ ᒥᔭᑭᓄᐅᑦ ᒐᒂᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:13

ᐃᔅᐱᔅ ᓄᑕᐱᑥᐛ ᐊᓐᒡ ᑲ ᑕᑈᑕᒡ ᒐᒂᔪᐤ ᒥᔭᐧᑯᒡ ᑕᓐ ᐊ ᐃᓯ ᓄᑕᐱᔨᒡ᙮ ᒧᔅ ᒐ ᐎ ᐱᑎᑲᐊᑯᒡ ᐊᐛᓐᒋ ᐊᑲ ᐊ ᑎᑯᓂᔨᒡ ᐊᓐᑕ ᒐ ᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:28

ᒋ ᐃᑐᑎᒪᓇ ᒪᒃ ᐅ ᑲ ᐃᑎᓱᒥᑯᐅᔭᓐ ᒐᒋ ᐃᑐᑎᒪᓐ ᐃᔅᐱ ᒋ ᒥᔨᒂᐛ ᐊᓂᔭ ᓱᓇᔭᔪᐤ ᑲ ᒪᒧᓇᑭᓄᐎᒡ ᐊᑯ ᔅᐸᐃᓂᒡ ᒐ ᐃᑐᑕᔭᓐ᙮ ᐊᑯ ᒪᒃ ᒐ ᐎ ᐊᑎ ᐛᐱᒥᑎᑯᒡ ᐊᓐᑕ ᐃᑐᑕᔭᓇ᙮

ᐃᐱᓯᔭᓇ 4:28

ᑭᔭ ᐊᓐ ᐊᐛᓐ ᑲ ᑭᒐᒧᑎᑦ ᒋᐸ ᐳᓂᐤ ᐊ ᑭᒐᒧᑎᑦ᙮ ᐃᔭᐱᒡ ᒋᐸ ᐊᑐᔅᒐᐤ ᑯᐃᔅᒄ ᐊ ᐃᑎᑦ ᐊ ᐎ ᐎᒋᐃᓱᑦ ᑭᔭ ᐊᑐᔅᒐᒐ ᐊᑯᑕ ᒐᒋ ᐅᒋ ᐎᒋᐊᑦ ᑲ ᒋᔅᑎᒪᑎᓯᔨᒋ ᐊᐛᔪᐛ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᐱᓕᐱᔭᓇ 4:16

ᓇᒪ ᒥᒄ ᐸᐃᒂᐤ ᒋ ᐅᒋ ᐸᒋ ᐃᑎᓴᐊᒧᓇᐛᐤ ᓱᓇᔭᐤ ᑲᒋ ᓄᑕᐱᔭᓐ ᒪᒂᒡ ᐊᓐᑕ ᑕᓴᓗᓇᐃᑲᒡ ᑲᒋ ᑕᔭᓐ᙮

ᐱᓕᐱᔭᓇ 4:17

ᓇᒪᔭᐤ ᐊ ᓂᑐᐛᔨᑎᒪᓐ ᒋᓱᓇᔭᓂᒧᐛᐤ ᐊᔪᐛᒃ ᓂᑐᐛᔨᑕᓐ ᒐᒋ ᐛᔪᑎᒡ ᒐ ᐃᓯ ᓱᐛᔨᒥᑯᐅᔭᒄ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

1 ᑕᓴᓗᓂᔭᓇ 2:9

ᓂᐧᑲᓂᓯᑐᒄ, ᒐᔅᑎᓇᔅ ᒋ ᒋᔅᒋᓯᓇᐛᒐ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒡ ᐊᓐᑕ ᐊ ᑕᔭᒄ᙮ ᓂᒋ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᓂᔭᓐ ᒐᒋ ᐱᒥᐱᔨᐃᓱᔭᒡ ᒐ ᐊᑲ ᒋ ᑯᓯᑯᔅᑲᑯᔭᒄ ᐊ ᐃᑕᔨᑎᒪᒄ ᒐᒋ ᐸᒋ ᐱᒥᐱᔨᐃᔭᒡ ᒪᒂᒡ ᐊ ᐛᐎᑎᒪᑕᒡ ᒋᓴᒪᓂᑐᐤ ᐅᒥᔽᒋᒧᐅᓐ᙮

2 ᑕᓴᓗᓂᔭᓇ 3:8

ᓇᒪ ᓂ ᐅᒋ ᐱᔅᑎᓇᓇᓐᒡ ᐊᐛᓐᒋ ᒐᒋ ᐊᓯᒥᔨᒥᒡ ᐊᑲ ᐛᐛᒡ ᒋᓯᐧᑯᐅᒋᒡ᙮ ᐃᔭᐱᒡ ᓂᒋ ᒥᔅᑎ ᐊᑐᔅᒐᓇᓐ ᐊ ᒋᓯᑲᒡ ᑭᔭ ᐊ ᑎᐱᔅᑲᒡ ᒐ ᐊᑲ ᒋ ᐊᔨᒥᐃᑕᒡ᙮

ᑕᐃᑕᔅ 2:8

ᑯᐃᔅᒄ ᐃᓯ ᐃᔨᒥ, ᑭᔭ ᐊᓐᒡ ᑲ ᐊᑐᐛᔨᒥᔅᒡ ᓇᒪ ᒋᑭ ᐅᒋ ᒥᔅᑭᒧᒡ ᑕᓐ ᒐᒋ ᐃᓯ ᓂᑐᐎᔾ ᐃᑕᒋᒥᑕᐧᑯᒡ ᑭᔭ ᒐ ᓴᒂᔨᒧᐃᓱᒡ᙮

ᑕᐃᑕᔅ 3:8

ᑕᑈᒥᑭᓐ ᐅ ᑲ ᐃᔅᒋᔄᔭᓐ᙮ ᒋ ᓂᑐᐛᔨᒥᑎᓐ ᒐᒋ ᓯᒋᒥᑥᐤ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒐ ᐎ ᒥᔪᑐᑎᒧᐛᒡ ᑯᑎᑲ ᐊᐛᔪᐛ᙮ ᐛᔅ ᒥᔽᔪᐤ ᑭᔭ ᒋᑭ ᒥᔪ ᐎᒋᐃᑯᐅᒡ ᐅᔭ ᐃᑐᑕᒂᐛ᙮

2 ᐱᑕᕐ 1:8

ᐊᐅᑯᓐ ᒪᒃ ᐅᔭ ᒐᒂᔪᐤ ᐊᔭᔅᒃ ᒋᐸ ᐛᔪᐅᒡ ᐊᔭᓇᐛᐤ ᒋᐱᒪᑎᓯᐅᓄᐛᒡ᙮ ᐛᔅ ᒧᔭᒻ ᑕᑈ ᐛᔪᐅᒡ ᐊᔭᔭᒂ, ᒋᑭ ᐃᑐᑕᑯᓇᐛᐤ ᑕᑈ ᒐᒋ ᐛᔪᐅᒡ ᐊᑐᔅᑯᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐊᓂᔭ ᑕᓐ ᐊ ᐃᓯ ᒋᔅᒐᔨᒪᒄ ᒋᐱᒪᑎᓯᐅᓄᐛᒡ᙮ ᑭᔭ ᓇᔅᒡ ᑕᑈ ᒋᑭ ᒥᔪ ᐊᑐᔅᑯᐛᐛᐤ᙮