ᑕᐃᑕᔅ 3:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᒋᑭ ᔅᑐᑕᐅᒡ ᐊᓐᒡ ᑎᐸᔅᑯᓂᒐᓱᐤ ᓯᓇᔅ ᑭᔭ ᐊᐳᓚᔅ᙮ ᓱᒃ ᒐ ᑯᒋᑕᔨᓐ ᒐᒋ ᐎᒋᐃᑥᐤ ᐊ ᐊᔭᔅᑯᐎᒡ, ᒐ ᓂᑐ ᒋᔅᒐᔨᒥᑥᐤ ᒥᓯᐛ ᒐᒂᔪᐤ ᒐᒋ ᐊᔭᒡ ᑕᓐ ᒐ ᐃᓯ ᓂᑐᐛᔨᑕᒡ᙮

ᑕᐃᑕᔅ 3:13 Iomraidhean Croise

ᒪᑎᔪᐤ 22:35

ᐸᐃᒄ ᒪᒃ ᐊᓐᑕ ᐊ ᑎᓯᒡ ᐊᓐᒡ ᐸᕆᓯᔨᒡ, ᑲ ᒋᔅᑯᑎᒪᒐᑦ ᐎᓱᐛᐅᓂᔪᐤ ᐊ ᐃᑕᐱᑎᓯᑦ, ᒋ ᐎ ᓇᓂᑐᐤ ᐎᔭᓴᐊᐤ ᒋᓴᓴ, ᐊ ᑯᒂᒋᒪᑦ ᒐᒂᔪᐤ᙮

ᓗᒃ 10:25

ᐸᐃᒂᐤ ᒪᒃ ᓇᐸᐤ ᑲ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᐊ ᐃᑕᐱᑎᓯᑦ ᒋ ᓇᑕᐤ ᒋᓴᓴ ᐊ ᐎ ᑯᒂᒋᐊᑦ, ᐊ ᐃᑕᑦ, “ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᓗᒃ 11:45

ᐸᐃᒄ ᑲ ᒋᔅᑯᑎᒪᒐᑦ ᐊᔭᒥᐊᐅ ᐎᓱᐛᐅᓂᔪᐤ ᒋ ᐃᑕᐤ, “ᒋᔅᑯᑎᒪᒐᓱᐤ, ᐅ ᐊ ᐃᔅᒋᔄᔨᓐ, ᒋ ᒪᔭᔨᒥᓇᓐ ᑭᔭ ᓂᔭᓐ᙮”

ᓗᒃ 11:52

“ᒐᒂᓐ ᒋᑭ ᐃᓯ ᒥᒋᐱᔨᓇᐛᐤ ᒋᔨᐛᐤ ᑲ ᒋᔅᑯᑎᒪᒐᔭᒄ ᐎᓱᐛᐅᓐ᙮ ᒋ ᓂᑲᐛᐛᐅᒡ ᐊᐛᓐᒋ ᒐᒋ ᒋᔅᒐᔨᒪᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ᙮ ᒋᔨᐛᐤ ᓇᒪ ᒋ ᐎ ᐱᒐᓇᐛᐤ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑭᔭ ᒋ ᓂᑲᐛᐛᐅᒡ ᐊᓐᒡ ᐊᐛᓐᒋ ᑲ ᐎ ᐱᒐᒡ᙮ ᒧᔭᒻ ᐊᐛᓐ ᐊ ᐅᑎᓇᐧᒃ ᐊᓂᔭ ᐊᐸᐃᑭᓂᔪᐤ ᒐ ᐊᑲ ᒋ ᐱᒐᔨᒋ ᐊᐛᔪᐛ ᐊᓐᑕ ᒋᓴᒪᓂᑐᐛ ᐊ ᐅᒋᒪᐎᔨᒋ ᐊᐅᒄ ᐊ ᐃᓯᓇᑯᓯᔭᒄ᙮”

ᓗᒃ 14:3

ᒋᓴᔅ ᒋ ᑯᒂᒋᒪᐤ ᐊᓂᔭ ᐸᕆᓯᐊ ᑭᔭ ᐊᓂᔭ ᑲ ᒋᔅᑯᑎᒪᒐᔨᒋ ᐊᔭᒥᐊᐅ-ᐎᓱᐛᐅᓂᔪᐤ, “ᐃᑎᔅᑕᐤ ᐊ ᐊᔭᒥᐊᐅ-ᐎᓱᐛᐅᒥᓯᓇᐃᑭᓂᒡ ᐊ ᑯᐃᔅᑯᓇᒂᒡ ᒐᒋ ᒥᓏᒋᐃᐛᓄᐅᒡ ᐊ ᒍᐤ ᐊᔭᒥᐊᐅᒋᓯᑲᒡ ᑭᔭ ᒪᒃ ᐊᑲ ᑯᐃᔅᑯᓇᒂᒡ ?”

ᓗᒃ 7:30

ᐊᑯ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐊᔭᒥᐊᐅ ᐎᓱᐛᐅᓂᔪᐤ ᒋ ᐊᑐᐛᔨᑎᒧᐛᐅᒡ ᐊᓂᔭ ᑕᓐ ᑲ ᐃᑎᓱᒧᐛᔨᒋ ᒋᓴᒪᓂᑐᐛ᙮ ᓇᒪ ᐅᒋ ᓂᑐᐛᔨᑎᒧᒡ ᒐᒋ ᓯᑲᐃᑕᑯᒡ ᒠᓇ᙮

ᐊᑈᔅᑕᓇᒡ 15:3

ᐊᑯ ᒂ ᐃᑐᑕᒡ ᐊᓐᑕ ᑲ ᐃᑎᓴᐅᑯᒡ ᐊᓂᔭ ᐅᒪᒧᐊᔭᒥᐊᐛ᙮ ᐳᓂᓯᔭ ᑭᔭ ᓴᒪᕆᔭ ᒋ ᓴᐳᐛᔅᑭᒧᒡ ᐊ ᐛᐎᑎᒧᐛᒡ ᐊᓂᔭ ᐅᒪᒧᐊᔭᒥᐊᐤ ᐊᓐᑕ ᑲ ᑕᔨᒋ ᐊ ᑕᑈᔭᔨᒪᔨᒋ ᒋᓴᓴ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ᙮ ᓇᔅᒡ ᑕᑈ ᒋ ᒥᔽᔨᑎᒥᔪᐛ ᐊᓂᔭᔪᐛ ᐎᐧᑲᓂᓯᒪᐛ ᐃᔅᐱ ᐱᔭᑎᒥᔨᒋ ᐅᔭ᙮

ᐊᑈᔅᑕᓇᒡ 18:24

ᒍᐤ ᐃᔪᐤ ᐊᐳᓚᔅ ᐊ ᐃᓯᓂᐧᑲᓱᑦ ᐊᓐᑕ ᐊᓕᒃᓴᓐᑕᕆᔭ ᐊ ᐅᒋᑦ ᒋ ᑎᑯᓯᓄᐤ ᐊᓐᑕ ᐃᐱᓴᔅ᙮ ᓇᔅᒡ ᒋ ᑭᔅᒋᐅᐤ ᐅ ᓇᐸᐤ ᐊ ᐃᔨᒥᑦ, ᑭᔭ ᒋ ᒥᔪ ᒋᔅᒐᔨᑎᒻ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᐊᑈᔅᑕᓇᒡ 19:1

ᒪᒂᒡ ᒪᒃ ᐊᐳᓚᔅ ᐊᓐᑕ ᑯᕆᓐᑦ ᑲ ᑕᑦ, ᑈᓪ ᒋ ᐱᐸᒧᑕᐤ ᐊᓐᑕ ᐊᓂᔭ ᐊᔅᒋᔪᐤ ᐊᑯ ᒐᒃ ᒂ ᐅᑎᑕᐧᒃ ᐃᐱᓴᔅ᙮ ᐊᑯᑕ ᒂ ᓂᒋᔅᑯᐛᑦ ᐱᔅᒐ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᐊᑈᔅᑕᓇᒡ 21:5

ᒥᒄ ᒪᒃ ᐃᔅᐱ ᐛᑎᒋᐱᔨᒡ ᒐ ᔅᑐᑕᔭᒡ, ᒥᒄ ᓂᒋ ᐃᓯ ᔅᑐᑕᓇᓐ᙮ ᒥᓯᐛ ᒪᒃ ᐊᓐᒡ ᑲ ᑕᑈᑕᒡ ᑭᔭ ᐎᐛᐛ ᑭᔭ ᐅᑦ ᐊᐛᓯᒧᐛᐛ ᓂᒋ ᐎᒐᐅᑯᓇᓂ ᐊ ᓇᓯᐸᐎᒋᑦ᙮ ᐊᑯ ᒥᓯᐛ ᒂ ᓂᐱᔅᑯᐱᔭᒡ ᐊᓐᑕ ᓯᓱᒡ ᐊ ᐊᔭᒥᐊᔭᒡ᙮

ᐊᑈᔅᑕᓇᒡ 28:10

ᒥᒐᑦ ᒐᒂᔪᐛ ᓂᒋ ᒥᔨᑯᓇᓂᒡ᙮ ᐃᔅᐱ ᒪᒃ ᒥᓐ ᐊ ᐳᓱᐎᒋᑦ, ᒋ ᐳᓯᑕᐅᒡ ᓂᓇᐧᑯᐤ ᒐᒂᔪᐛ ᒐ ᐃᓯ ᓂᑐᐛᔨᑎᒧᒋᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:24

ᓂ ᐱᑯᓴᔨᒧᓐ ᒪᒃ ᒐᒋ ᓂᔅᑯᐛ ᐛᐱᒥᑎᑯᒡ ᔅᐸᐃᓐ ᐃᑐᑕᔭᓇ᙮ ᒋ ᐱᑯᓴᔨᒥᑎᓇᐛᐤ ᑭᔭ ᒐᒋ ᐛᐎᒋᐃᔭᒄ ᐊᓐᑕ ᔅᐸᐃᓐ ᐊ ᐎ ᐃᑐᑕᔭᓐ᙮ ᒪᒂᒡ ᑭᑈ ᒋᐸ ᒧᐱᔅᑕᑎᓇᐛᐤ᙮ ᓇᔅᒡ ᓂᑭ ᒥᔽᔨᑕᓐ ᓇᐃᐱᔨᒐ ᒐᒋ ᒧᐱᔅᑕᑎᑯᒡ᙮

1 ᑯᕆᓐᑎᔭᓇ 16:11

ᓇᒪ ᐊᐛᓐ ᒋᐸ ᐅᒋ ᐊᑐᐛᔨᒪᐤ ᐊᓂᔭᔪᐛ ᑎᒧᑎᔨᒋ᙮ ᐃᔭᐱᒡ ᐎᒋᐊᐧᒄ ᒐᒋ ᑎᑯᓯᐧᒃ ᐅᑕ ᐊ ᑕᐅᒡ ᐊᑲ ᒐᒂᔪᐤ ᒋᐱᔅᑲᑯᑦ᙮ ᐛᔅ ᓂ ᐱᑯᓴᔨᒪᐤ ᒐᒋ ᐸᒋ ᒋᐛ ᐎᒐᐛᑦ ᐊᓂᔭᔪᐛ ᑯᑎᑲ ᒋᐧᑲᓂᓱᓄᐛ᙮

1 ᑯᕆᓐᑎᔭᓇ 16:12

ᐊᑯ ᒪᒃ ᒋᐧᑲᓂᓴᓄᐤ ᐊᐳᓚᔅ ᒐ ᐊᔨᒧᒥᒃ᙮ ᒧᔅ ᓂᒋ ᓯᒋᒪᐤ ᒐᒋ ᒧᐱᔅᑕᑕᒄ ᐃᔅᐱ ᑲ ᒧᐱᔅᑕᑎᑕᑯ ᐊᓂᔭᔪᐛ ᑯᑎᑲ ᒋᐧᑲᓂᓱᓄᐛ᙮ ᓇᒪ ᐅᒋ ᐎ ᐃᑐᑕᐤ ᐊᓄᒡ ᐎᔾ᙮ ᐎᐱᒡ ᑭᑈ ᓇᐃᐱᔨᒐ ᒋᑭ ᓂᑐᐛᐱᒥᑯᐛᐤ᙮