ᑕᐃᑕᔅ 3:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᑕᒐ ᐊᐛᓐ ᒧᔅ ᐊ ᐃᑐᑐᐛᑦ ᒐᒋ ᒥᒋᐱᔨᒋ ᐅᒪᒧᐊᔭᒥᐊᐛ ᑭᔭ ᒐᒋ ᐃᑐᑐᐛᑦ ᒐᒋ ᑎᐸᓂᐱᔨᒋ, ᐎᑎᒧᐤ ᐸᐃᒂᐤ ᑭᔭ ᒪᒃ ᓂᔄᐤ ᒐᒋ ᐳᓂᑦ ᐊᓂᔭ ᐊ ᐃᑎᑦ᙮ ᐊᑲ ᒪᒃ ᓂᑐᑕᔅᒐ ᐊᑯᔅ ᐊᑲ ᐱᒪᐃᒻ᙮

ᑕᐃᑕᔅ 3:10 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:17

ᓂᐧᑲᓂᓯᑐᒄ, ᒋ ᐎ ᐃᔭᒂᒥᑎᓇᐛᐤ᙮ ᐃᔭᒂᒥᔅᑐᐛᐧᑯᒡ ᐊᓐᒡ ᑲ ᐃᑐᑐᐛᒡ ᐊᐛᔪᐛ ᒐᒋ ᑕᑎᐸᓂᐱᔨᒋ ᑭᔭ ᐃᔭᒡ ᒐᒋ ᐃᑕᔨᒥᑐᔨᒋ ᑭᔭ ᑲ ᓂᓱᐅᓇᒋᑕᐛᒡ ᑕᓐ ᐊ ᐃᓯ ᑕᑈᑎᒥᔨᒋ᙮ ᐃᔭᒡ ᐃᓯ ᒋᔅᑯᑎᒪᒐᐅᒡ ᑕᓐ ᓴᔅ ᑲ ᐃᓯ ᒋᔅᑯᑎᒪᑯᐛᒄ᙮ ᐊᑲᐎᔾ ᐊᐱᑕᔨᒪᐧᑯᒡ ᐅᒡ᙮

1 ᑯᕆᓐᑎᔭᓇ 11:19

ᔭᐃᑕᔾ ᒂᔄᓐ ᓂᑐᐛᔨᑕᑯᓂᔨᒐ ᒐᒋ ᑎᒂᒡ ᑎᐸᓂᐱᔪᐅᓐ ᐃᔭᒄ ᒐᒋ ᓂᔅᑐᓇᑯᓯᒡ ᑕᓐ ᐊᓐᒡ ᑎᔭᑈᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮

2 ᑯᕆᓐᑎᔭᓇ 13:2

ᒪᔅᑕᔾ ᑲ ᑎᑯᓯᓄᒡ ᓴᔅ ᓂᒋ ᐃᔭᒂᒥᒪᐅᒡ ᐊᓐᒡ ᑲ ᒥᒋᑐᑕᒡ᙮ ᒥᓐ ᒪᒃ ᐊᓄᒡ ᓂᑦ ᐃᔭᒂᒥᒪᐅᒡ᙮ ᑭᔭ ᐊᓐᒡ ᑯᑎᑭᒡ ᓂᑦ ᐃᔭᒂᒥᒪᐅᒡ᙮ ᐅ ᐊᓄᒡ ᒐ ᑎᑯᓯᓂᔭᓐ ᒋᒋᐛ ᓂᑦ ᐃᔅᒋᔄᓐ ᓇᒪ ᓂᑭ ᐅᒋ ᒥᓇᒋᒪᐅᒡ ᐅᒡ ᑲ ᒥᒋᑐᑕᒡ᙮

ᑲᓚᓯᔭᓇ 5:12

ᑭᒪ ᐊᑎᑐᐤ ᒪᑎᓱᓱᒡ ᐊᓐᒡ ᑲ ᒋᔅᒋᓄᐛᒋᔄᑭᓄᐎᒡ, ᐊᓐᒡ ᑲ ᒥᑯᔅᑲᑕᔨᑎᒥᐃᑕᑯᒡ᙮

ᑲᓚᓯᔭᓇ 5:20

ᑭᔭ ᒥᓂᑐᐧᑲᓇ ᐊ ᐊᔭᒥᐊᔅᑐᐛᑦ ᑭᔭ ᒪᒥᑕᐛᑎᓯᐅᓂᔪᐤ ᐊ ᒥᑯᔅᑲᒋᑲᐧᒄ᙮ ᐅᔭ ᐊ ᐃᓯ ᐱᒪᑎᓯᒡ ᐊᐛᓐᒋ ᐛᐧᑲᑕᔨᒥᑐᐅᒡ, ᒪᒥᒋᐱᔨᐧᑲᑕᑐᐅᒡ, ᓇᔅᒡ ᑕᑈ ᐎᒋ ᐛᐅᑕᔨᒪᐅᒡ ᐊᐛᔪᐛ, ᐊᐧᑯᔪᐛᓱᐅᒡ, ᑭᔭ ᒧᔅ ᐎ ᓇᓂᑲᓇᔨᑕᑯᐃᓱᐅᒡ᙮ ᑕᑎᐸᓂᐱᔭᐊᐅᒡ ᐊᐛᔪᐛ ᑭᔭ ᑎᐸᓂᐃᓱᐅᒡ ᐎᔨᐛᐤ ᑕᓐ ᐛ ᐃᑎᒡ ᒐᒋ ᐃᑎᒡ᙮

2 ᑕᓴᓗᓂᔭᓇ 3:14

ᐊᐛᓐ ᐊᑕᒂ ᐊᓐᑕ ᐊ ᑕᔭᒄ ᐊᑲ ᐎ ᓂᓇᐃᑕᐧᒃ ᑕᓐ ᑲ ᐃᓯ ᒥᓯᓇᐊᒪᑕᒡ ᒋᔅᒋᓯᑐᑐᐛᐧᒄ᙮ ᐊᑲᐎᔾ ᐊᐱᑕᔨᒪᐧᒄ ᑭᔭ ᒐ ᓯᓴᒂᔨᒧᑦ᙮

2 ᑕᓴᓗᓂᔭᓇ 3:6

ᓂᐧᑲᓂᓯᑐᒄ, ᒋᑦ ᐃᑎᓱᒥᑎᓇᓐ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓐ ᐅᒋ, ᐊᑲᐎᔾ ᐊᐱᑕᔨᒪᐧᑯᒡ ᐊᓐᒡ ᐊᐛᓐᒋ ᐊᑲ ᓇᔅᒡ ᒐᒂᓂᒡ ᐃᑕᐱᑎᓯᒡ ᑭᔭ ᐊᑲ ᐊᐱᑕᔨᑕᒡ ᑕᓐ ᑲ ᐃᓯ ᒋᔅᑯᑎᒪᑕᒡ᙮

2 ᑎᒧᑎ 3:5

ᒧᔭᒻ ᓇᔅᒡ ᐊ ᐊᔭᒥᐊᐛᑎᓯᒡ ᒋᑭ ᐎ ᐃᓯᓇᑯᐃᓱᐅᒡ ᒥᒄ ᒪᒃ ᓇᒪ ᒋᑭ ᐅᒋ ᐊᐱᑕᔨᑎᒥᐃᑯᐅᒡ ᐊᓂᔭ ᓱᐧᑲᑎᓯᐅᓂᔪᐤ ᒋᐸ ᐎᒋᐃᑯᐅᒡ ᒐᒋ ᓂᓇᐃᑎᒪᐅᒡ ᒋᓴᒪᓂᑐᐛ᙮ ᐊᑲᐎᔾ ᒥᑯᔅᑲᑕᔨᒥᒡ ᐅᔭ ᑲ ᐃᑕᔨᑕᑯᓯᒡ ᐊᐛᓐᒋ᙮

2 ᐱᑕᕐ 2:1

ᒋ ᐸᒋ ᑕᐅᒡ ᒪᓐ ᐊᓐᑕ ᐅᑕᒡ ᓂᑎᒥᒄ ᐅᒋᔅᒋᐛᐃᒐᓱᒡ᙮ ᐊᐅᑯᓐ ᒪᒃ ᐃᔭᐱᒡ ᒐ ᐃᔅᐱᔨᒡ ᐊᓐᑕ ᓂᔅᑕᒥᒡ᙮ ᒋᑭ ᑕᐅᒡ ᓂᑎᒥᒄ ᒐ ᐃᓯ ᒋᔅᑯᑎᒪᒐᒡ ᒪᒂᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓂᑎᒥᒄ ᒋᑭ ᐃᓯ ᒋᔅᑯᑎᒪᒐᐅᒡ, ᑭᔭ ᓇᔅᒡ ᑕᑈ ᒋᑭ ᐅᓂᑕᐃᐛᒥᑭᓂᔪᐤ ᑕᓐ ᒐ ᐃᓯ ᒋᔅᑯᑎᒪᒐᒡ᙮ ᐛᐛᒡ ᐊᓂᔭ ᑲ ᓂᐱᔅᑎᒪᑯᒡ ᓇᔅᒡ ᒋᑭ ᐊᑐᐛᔨᒪᐅᒡ᙮ ᐊᑯᑕ ᒪᒃ ᐊᓐᑕ ᒐ ᐅᒋ ᐃᑐᑕᓱᒡ ᓯᔅᒋᑯᒡ ᒐᒋ ᓂᓱᐅᓇᑎᓯᒡ᙮

2 ᒠᓐ 1:10

ᓂᑐᐛᐱᒥᔅᒐ ᒪᒃ ᐊᐛᓐ ᐊᑲ ᒋᔅᑯᑎᒪᒐᑦ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᙭ᑕ, ᐊᑲᐎᔾ ᐱᑎᑲᐃ ᒋᒋᒡ᙮ ᐊᑲᐎᔾ ᐛᐛᒡ ᒋᑭ ᐅᒋ ᐛᒋᔭᒪᐤ᙮