ᑕᐃᑕᔅ 1:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐃᔭᐱᒡ ᒋᐸ ᒋᓴᐛᑐᑐᐛᐤ ᒪᓐᑕᐛ, ᑭᔭ ᒋᐸ ᓴᒋᑕᐤ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᐊ ᐃᑎᓇᓄᐎᒡ᙮ ᒋᐸ ᑭᒐᑕᐛᔨᑎᒻ ᑭᔭ ᒋᐸ ᑯᐃᔅᑯᑕᑎᓯᐤ, ᒋᐸ ᐸᔭᒋ ᐱᒪᑎᓯᐤ, ᑭᔭ ᒋᐸ ᓂᓇᑭᑐᐛᔨᑎᒻ ᑕᓐ ᐊ ᐃᑎᑦ᙮

ᑕᐃᑕᔅ 1:8 Iomraidhean Croise

ᑎᐱᑦ ᐅᓂᑭᒧᐅᓇ 16:3

ᒪᒃ ᑲᐸᔭᒋᓯᓯᒡ ᐊᔅᒋᒡ ᑲ ᑕᒡ, ᑭᔭ ᐅᒥᔽᑎᓯᐤ, ᒥᓯᐛ ᑲ ᒥᔽᔨᒥᒂᐤ᙮

ᓗᒃ 2:25

ᒪᒂᒡ ᒪᒃ ᐊᓐᑕ ᒋᕈᓯᓕᒥᒡ ᒋ ᑕᐤ ᓇᐸᐤ, ᓯᒥᐅᓐ ᐊ ᐃᓯᓂᐧᑲᓱᑦ᙮ ᒋ ᑯᐃᔅᑯᐱᒪᑎᓯᐤ ᑭᔭ ᒋ ᐊᔭᒥᐊᐛᑎᓯᐤ᙮ ᑭᔭ ᒋ ᐸᓱᐛᔨᒪᐤ ᐊᓂᔭ ᑲ ᐸᑕᒋᒪᑭᓄᔨᒋ ᐅᐱᒪᒋᐃᐛᐛ ᒐᒋ ᐱᒪᒋᐊᔨᒋ ᐃᔅᕋᐃᓪ ᐃᔪᐛ᙮ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒋᔅᑲᑯᐤ᙮

ᐊᑈᔅᑕᓇᒡ 24:25

ᐃᔅᐱ ᒪᒃ ᐊ ᐊᑎ ᐊᔨᒧᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᑭᔭ ᒐ ᐎ ᒥᔪ ᓂᓇᑭᑐᐛᔨᑎᒥᐃᑯᔨᒋ ᐊᐛᔪᐛ ᑕᓐ ᐊ ᐃᓯ ᐱᒪᑎᓯᔨᒋ, ᑭᔭ ᐊᓂᔭ ᐊᔅᒄ ᒐ ᐅᑎᒋᐱᔨᒡ ᐊ ᒋᓯᑲᔨᒡ ᐊᓐᑕ ᒋᓴᒪᓂᑐᐛ ᒥᓯᐛ ᐊᐛᔪᐛ ᒐ ᑎᐸᔅᑯᓇᔨᒋ, ᒋ ᑯᔅᑕᒍᐤ ᐱᓕᑭᔅ, ᐊᑯ ᒂ ᐃᑕᑦ ᐊᓂᔭ ᑈᓚ, “ᐊᑯᓐ ᐸᑎᒪ᙮ ᓴᔅ ᒋᑭ ᒋ ᔅᑐᑕᓐ᙮ ᐃᔅᐱᔅ ᒥᓐ ᓇᐃᐱᔭᓇ ᐊᑯ ᒥᓐ ᒐ ᐎᓴᒥᑕᓐ᙮”

1 ᑕᓴᓗᓂᔭᓇ 2:10

ᒋᓴᒪᓂᑐᐤ ᒋᔅᒐᔨᑎᒻ ᑭᔭ ᒋᔨᐛᐤ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᒋ ᐸᔭᒋ ᐱᒪᑎᓯᔭᒡ, ᑕᓐ ᑲ ᐃᓯ ᒋ ᑯᐃᔅᑯᑕᑎᓯᔭᒡ ᑭᔭ ᐊᑲ ᐅᒋ ᑎᒂᒡ ᒐᒋ ᐊᑕᒪᔨᑕᑯᓯᔭᒡ ᒐᒋ ᒥᒋᐱᒪᑎᓯᔭᒡ ᒪᒂᒡ ᐊᓐᑕ ᒋᔨᐛᐤ ᑲ ᑕᑈᑎᒪᒄ ᒥᔽᒋᒧᐅᓐ ᐊ ᑕᔭᒄ ᑲ ᑕᔭᒡ᙮

1 ᑎᒧᑎ 3:2

ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮

1 ᑎᒧᑎ 4:12

ᐊᑲᐎᔾ ᒋᑭ ᐅᒋ ᐃᔭᑐᒡᐃᑯᒡ ᐊᐛᓐᒋ ᐊᓂᔭ ᐊ ᐅᔅᒋᐱᒪᑎᓯᐅᑦ ᐅᔭ ᐊ ᐃᑕᐱᑎᓯᐅᑦ᙮ ᒥᒄ ᐃᓯ ᐱᒪᑎᓯ ᐊᓐᑕ ᒐᒋ ᐅᒋ ᒋᔅᒋᓄᐛᐸᑕᒡ ᒋᐱᒪᑎᓯᐅᓂᔪᐤ ᐊᓐᒡ ᑲ ᑕᑈᑕᒡ, ᑕᓐ ᐊ ᐃᑎᑕᑯᓂᔨᒡ ᒋᑦ ᐃᔨᒧᐅᓂᔪᐤ, ᑭᔭ ᑕᓐ ᐊ ᐃᓯᓇᒂᒡ ᒋᐱᒪᑎᓯᐅᓐ ᑭᔭ ᑕᓐ ᐊ ᐃᓯ ᓴᒋᐃᐛᔨᓐ ᒪᒃ ᐊ ᐃᓯ ᑕᑈᑎᒥᓐ ᑭᔭ ᑕᓐ ᐊ ᐃᓯ ᐸᔭᒋᓯᔨᓐ᙮

1 ᑎᒧᑎ 6:11

ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮

2 ᑎᒧᑎ 2:22

ᑯᒋᑕ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔨᓐ ᑕᓐ ᐊᓂᔭᔪᐛ ᓇᓂᑯᑎᓂᔾ ᐊ ᐃᓯ ᒧᔅᑕᓇᔨᑕᐧᒃ ᒐᒋ ᐃᑕᑎᓯᑦ ᐅᔅᒋᓂᒋᓱᐤ᙮ ᐅᔅᑕ ᐃᑕᔨᑎᒥᐃᑯᐤ ᑯᐃᔅᑯᑕᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ ᑭᔭ ᒋᔭᒪᔨᑎᒧᐅᓐ, ᐊ ᐎᒐᐅᑥᐤ ᐊᓐᒡ ᑲ ᑕᑈᑕᒡ ᐅᑎᐸᔨᒋᒐᐛ ᒐᒋ ᐎᒋᐃᑯᒡ ᐊ ᐸᔭᐧᑭᓂᔨᒋ ᐅᑕᐃᐛᐛ᙮

2 ᑎᒧᑎ 3:3

ᓇᒪ ᒋᑭ ᐅᒋ ᒋᔅᑎᒪᒐᔨᒪᐅᒡ ᐊᐛᔪᐛ ᑭᔭ ᓇᒪ ᓇᔅᒡ ᒋᑭ ᐅᒋ ᐎ ᐛᐸᔨᑎᒪᒐᐅᒡ᙮ ᒋᑭ ᐎ ᓇᓂᑐᐤ ᐊᐧᑯᐊᐅᒡ ᐊᐛᔪᐛ ᑕᓐ ᐊ ᐃᑕᒡ, ᑭᔭ ᓇᔅᒡ ᒋᑭ ᐊᐧᑯᔪᐛᓱᐅᒡ, ᑭᔭ ᓇᔅᒡ ᒋᑭ ᐎᒋ ᒋᔄᓱᐅᒡ ᑭᔭ ᓇᔅᒡ ᒋᑭ ᐛᐧᑲᑕᐅᒡ ᐊᓂᔭ ᑲ ᒥᔪᑐᑎᒥᔨᒋ᙮

ᑕᐃᑕᔅ 2:7

ᒋᔾ ᒪᒃ ᑭᔭ ᒋᐸ ᐎ ᐛᐸᑎᔭᐅᒡ ᑕᓐ ᒐ ᐃᓯ ᒋᔅᒋᓄᐛᐱᒥᔅᒡ ᐊ ᒥᔪᑐᑎᒥᓐ ᒥᓯᐛ ᑕᓐ ᐊ ᐃᑎᔨᓐ᙮ ᐊ ᒋᔅᑯᑎᒪᒐᔨᓐ ᑭᔭ ᒋᐸ ᓄᑯᑕᓐ ᐊ ᐃᑈᐧᑲᔨᓐ ᑭᔭ ᑯᐃᔅᒄ ᒋᐸ ᐃᓯ ᒋᔅᑯᑎᒪᒐᓐ᙮

1 ᒠᓐ 3:14

ᐊ ᓴᒋᐊᐧᑯᒡ ᒋᐧᑲᓂᓯᓄᐅᒡ, ᐊᑯᑕ ᐛᒋ ᒋᔅᒐᔨᑎᒪᐧᒄ ᓂᐳᐅᓂᒡ ᐊᒋ ᐅᒋ ᐊᓱᑕᐃᑯᐅᔭᐧᒄ ᐱᒪᑎᓯᐅᓂᒡ ᒐᒋ ᐃᓯ ᑕᔭᐧᒄ᙮ ᐊᐛᓐ ᐊᑲ ᓴᒋᐊᑦ ᐎᐧᑲᓂᓴ ᐊᔅᒄ ᑎᐸᔨᒥᑯᐤ ᓂᐳᐅᓂᔪᐤ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮