ᑕᐃᑕᔅ 1:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᔅᒋ ᓂᑭᑎᑎᓐ ᐊᓐᑕ ᐊᓐ ᒥᓂᔅᑎᒄ ᑯᕆᑦ ᐊ ᐃᓯᓂᐧᑲᑕᒡ ᒐᒋ ᐎᒋᐃᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᑕᓐᑕ ᐛᐅᔅᑕᐱᔨᒡ ᐅᑕᑈᑎᒧᐅᓄᐛᒡ᙮ ᔅᒋ ᐃᑎᑎᓐ ᒥᓯᐛ ᐊ ᑕᑎᒋ ᐅᑕᓇᐛ ᒐᒋ ᐅᑎᓂᑥᐤ ᐊᓐᑕ ᐊᐛᓐᒋ ᒐ ᓂᑲᓂᔅᑯᐛᒡ ᐊᓂᔭ ᐅᒪᒧᐊᔭᒥᐊᐛ᙮ ᒋᔅᒋᓯ ᑕᓐ ᑲ ᐃᑎᑕᓐ ᒋᐸ ᐃᑕᔨᑕᑯᓱᐤ ᐊᐛᓐ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮

ᑕᐃᑕᔅ 1:5 Iomraidhean Croise

ᐊᑈᔅᑕᓇᒡ 11:30

ᐊᐅᑯᓐ ᒪᒃ ᑲ ᐃᑎᒡ᙮ ᒋ ᐃᑎᓴᐛᐅᒡ ᐸᕐᓇᐸᓴ ᑭᔭ ᓴᓚ ᒐᒋ ᐃᑐᑕᔨᒋ ᐊᓂᔭ ᓱᓇᔭᔪᐤ ᐊᓐᑕ ᒋᕈᓯᓕᒥᒡ ᒐᒋ ᒥᔭᔨᒡ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᔭᒥᐊᐅᒋᐛᐱᔪᐤ᙮

ᐊᑈᔅᑕᓇᒡ 14:23

ᐊᑯ ᒪᒃ ᒥᓯᐛ ᐊᓐᑕ ᑲ ᐊᑎ ᑕᔨᒋ ᐅᒪᒧᐊᔭᒥᐊᐛ ᑈᓪ ᑭᔭ ᐸᕐᓇᐸᔅ ᒋ ᐎᔭᔨᒪᐅᒡ ᐊᐛᔪᐛ ᒐᒋ ᓂᑲᓂᔅᑯᐛᔨᒋ ᐊᓂᔭ ᐅᒪᒧᐊᔭᒥᐊᐛ ᐊᓐᑕ ᑲ ᑕᔨᒋ᙮ ᐃᔅᐱ ᒪᒃ ᑲ ᒋᔅᑕᒡ ᐊᓂᔭ ᐊ ᐊᑲ ᒥᒋᓱᒡ ᒥᒄ ᐊ ᐊᔭᒥᐊᒡ ᐊᑯ ᑲ ᐊᔭᒥᐊᔅᑎᒧᐛᒡ ᒐᒋ ᐊᐱᒋᐃᑯᒡ ᐅᑎᐸᔨᒋᒐᐛ, ᐊᓂᔭᔪᐛ ᑲ ᑕᑈᔭᔨᒪᒡ᙮

ᐊᑈᔅᑕᓇᒡ 2:11

ᒋ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ᐃᑎᔅᑲᓇᓯᔭᐧᒄ ᐊᒋ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ᑎᓯᔭᐧᒄ ᒋ ᐸᑐᐛᓄᐅᒡ ᒋᔭᓄᐤ ᐊ ᐃᓯ ᐃᔨᒥᔭᐧᒄ ᐊ ᐃᓯ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”

ᐊᑈᔅᑕᓇᒡ 27:12

ᑭᔭ ᐊᓐᑕ ᐊᓂᔭ ᐊ ᐊᑯᑎᓂᔨᒡ ᐅᐤᑎᔪᐤ ᑲ ᑕᒡ, ᓇᒪ ᓇᔅᒡ ᐅᒋ ᒥᔽᔪᐤ ᐊ ᐱᐳᓂᔨᒡ ᐎ ᒐᒋ ᐊᑯᑎᓂᔨᒡ ᐅᐤᑎᔪᐤ᙮ ᐊᑯ ᒪᒃ ᐊᔪᐤ ᒐᑲᑦ ᒥᓯᐛ ᐊᓐᒡ ᓇᐸᐅᒡ ᒋ ᐎ ᐳᓱᐅᒡ, ᐊᓐᑕ ᐊ ᐎ ᐃᔅᒋᒪᒡ ᐱᓂᑭᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ᙮ ᐊᓐᑕ ᒥᓂᔅᑎᒄ ᑯᕆᑦ ᑲ ᐃᓯᓂᐧᑲᑕᒡ ᐊᑯᑕ ᑲ ᑎᒂᒡ ᐅ ᐅᑕᓇᐤ᙮ ᒋ ᒥᔽᐤ ᐊᓐᑕ ᐊ ᓇᐅᔅᑕᑭᓄᐅᒋ ᐊ ᒥᓴᔨᒋ ᐅᐤᑕ ᐊ ᐱᐳᒡ᙮ ᐅ ᒪᒃ ᐅᑕᓇᐤ ᐃᑐᐤ ᐊᓐᑕ ᐃᔅ ᓴᐅᓄᑕᒡ ᑭᔭ ᒋᐛᑎᓄᒡ ᒋ ᐃᓯ ᓄᑯᓐ᙮ ᒋ ᐃᑕᔨᑎᒧᒡ ᒪᒃ ᒐᒋ ᐅᑎᑕᐊᒡ ᐊᓂᔭ ᐅᑕᓇᔪᐤ ᐱᓂᑭᔅ ᑲ ᐃᓯᓂᐧᑲᑕᔨᒡ ᐊᓐᑕ ᒐᒋ ᐱᐳᓂᑕᒡ᙮

ᐊᑈᔅᑕᓇᒡ 27:13

ᐃᔅᐱ ᒪᒃ ᒐ ᒋᐛᔭᓯᒡ, ᐊᓐᑕ ᓴᐅᓄᒡ ᐊ ᐅᑎᓂᔨᒡ, ᐊᑯ ᒂ ᐃᑕᔨᑕᒡ ᐊᓐᒡ ᓇᐸᐅᒡ ᒥᓐ ᒐᒋ ᒋᑕᓯᒡ᙮ ᐊᑯ ᒂ ᐅᒋᐱᑕᒡ ᐊᓂᔭ ᐳᓂᓯᓇᐸᒋᑭᓂᔪᐤ ᐊᑯ ᒂ ᐊᑎ ᓯᓱᑕᐛᐊᒡ ᐊᓂᔭ ᒥᓂᔅᑎᑯᔪᐤ ᑯᕆᑦ ᑲ ᐃᓯᓂᐧᑲᑕᔨᒡ᙮

ᐊᑈᔅᑕᓇᒡ 27:21

ᒐᒃ ᓇᐅᔅ ᓇᒪ ᐅᒋ ᒥᒋᓱᐅᒡ ᐊᓐᒡ ᓇᐸᐅᒡ᙮ ᐊᑯ ᑈᓪ ᒂ ᐃᔨᒪᐊᑦ᙮ ᒋ ᐃᔅᒋᔄᐤ ᒪᒃ, “ᓇᐸᑐᒄ, ᐊᑯᔅ ᒪᒃ ᒋ ᓂᑐᑐᔭᒂᒂ ᑲ ᐃᔭᒂᒥᑎᑯᒡ, ᐊᑯᔅ ᐊᓐᑕ ᑯᕆᑦ ᒋ ᐃᑕᐛᐛᐅᒂ, ᑭᔭ ᓇᒪ ᒋᐸ ᐅᒋ ᐃᔅᐱᔅ ᐅᓂᑎᓇᓄᐤ ᒐᒂᔪᐛ ᑭᔭ ᓇᒪ ᒋᐸ ᐅᒋ ᐱᒂᐊᓐ ᐅ ᒋᑦ ᐅᑎᓄᐤ᙮

ᐊᑈᔅᑕᓇᒡ 27:7

ᒥᒐᑐᐤ ᒋᓯᑲᐛ ᒪᒃ ᐸᐧᑲᒡ ᒥᒄ ᓂᒋ ᐱᒪᔅᑎᒥᑎᓱᓇᓐ, ᓂᒋ ᐊᔨᒥᐅᓇᓐ ᐊ ᐎ ᒥᓯᑲᔭᒡ ᐊᓐᑕ ᐊᓐ ᓯᓇᐃᑕᔅ ᑲ ᐃᓯᓂᐧᑲᑕᒡ ᐅᑕᓇᐤ, ᐊᑯᑕ ᐊᓐ ᑲ ᐅᑎᒡ᙮ ᐊᑯ ᒪᒃ ᐊᓐ ᐊᓐᑕ ᐊ ᐅᑎᒡ, ᐃᔭᒡ ᑲ ᐃᑕᔅᑎᒥᑎᓱᔭᒡ᙮ ᐊᓐᑕ ᐊ ᑎᐱᓄᐛᒡ ᐊᓐ ᒥᓂᔅᑎᒄ ᑯᕆᑦ ᑲ ᐃᓯᓂᐧᑲᑕᒡ ᐊᑯᑕ ᑲ ᐃᑕᓯᔭᒡ, ᒂ ᐊᑎ ᓯᓱᑕᐛᒪᒡ ᐊᓐ ᑲ ᒥᔅᑕᐛᔭᐱᔅᑲᒡ ᓴᓪᒧᓂ ᑲ ᐃᓯᓂᐧᑲᑕᒡ᙮

1 ᑯᕆᓐᑎᔭᓇ 11:34

ᐊ ᓯᐛᔨᒂ ᐊᐛᓐ, ᒋᓴᒡ ᒋᐸ ᒥᒋᓱᐤ ᓇᑕ ᐊ ᑕᑦ ᐊᔅᒄ ᐊᑲ ᐸᒋ ᑎᑯᓯᐧᒃ᙮ ᐅ ᒪᒃ ᐊ ᐃᓯ ᒪᒧᐎᔭᒄ ᓇᒪ ᒋᑭ ᐅᒋ ᐃᑐᑕᓇᐛᐤ ᒐᒂᓐ ᐊᓐᑕ ᒐᒋ ᐅᒋ ᓂᓱᐅᓇᒋᒥᑕᒄ ᒋᓴᒪᓂᑐᐤ᙮ ᑎᑯᓯᓂᔭᓇ ᓇᑕ ᐊᑐᐎᔅ ᒥᓐ ᒋᑭ ᒋᔅᑯᑎᒪᑎᓇᐛᐤ᙮

1 ᑯᕆᓐᑎᔭᓇ 14:40

ᒥᓯᐛ ᒐᒂᓐ ᐊ ᐃᑐᑕᑭᓄᐅᒡ ᑯᐃᔅᒄ ᒋᐸ ᐃᑐᑕᑭᓄᐤ ᑭᔭ ᒋᐸ ᐊᑎ ᓂᐃᔅᑲᑐᒥᑭᓇ ᒥᓯᐛ ᑕᓐ ᐊ ᐊᑎ ᐃᑎᓇᓄᐅᒡ᙮

1 ᑯᕆᓐᑎᔭᓇ 4:17

ᐊᐅᒄ ᐛᒋ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ᙮ ᒧᔭᒻ ᓂᑯᔅ ᒋᓴᒪᓂᑐᐤ ᐊᒋ ᐸᒋ ᒥᔨᑦ ᓂᑦ ᐃᑕᔨᒪᐤ, ᓇᔅᒡ ᓂ ᓴᒋᐊᐤ᙮ ᒧᔅ ᑯᐃᔅᒄ ᐃᑐᐤ᙮ ᓂᑐᐛᔨᒪᐤ ᒐᒋ ᒋᔅᒋᓱᒥᑕᒄ ᑕᓐ ᐊ ᐃᓯ ᐱᒪᑎᓯᐅᒡ ᙭ᑕ ᐃᔅ ᐊ ᑕᔨᒋ ᑭᔭ ᐊᓂᔭ ᐊ ᐃᓯ ᒋᔅᑯᑎᒪᒐᐅᒡ ᒥᓯᐛ ᒐᒋ ᐎᑕᐧᒃ ᒪᒂᒡ ᒥᓯᐛ ᐊᓐᑕ ᐊ ᐊᑎ ᑕᔨᒋ ᐅᒪᒧᐊᔭᒥᐊᐛ᙮

ᑯᓚᓯᔭᓇ 2:5

ᒧᔅ ᒋ ᒋᔅᒋᓯᑐᑕᑎᓇᐛᐤ ᐊᑎ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ ᓂ ᓯᒋᔭᓯᓐ ᑭᔭ ᐊ ᐛᐸᑎᒪᓐ ᑕᓐ ᐊᔅᐱᔅ ᓱᒃ ᐃᑕᔨᑎᒪᒄ ᒪᒧᐤ ᐊ ᑕᑈᔭᔨᒪᒄ ᙭᙮

1 ᑎᒧᑎ 1:3

ᐊᓐ ᒪᒃ ᑕᓐ ᑲ ᐃᓯ ᓯᒋᒥᑕᓐ ᐃᔅᐱ ᒐ ᐃᑐᑕᔭᓐ ᒪᓯᑐᓂᔭ ᒥᓐ ᒋᑦ ᐃᑎᓐ, ᐊᐅᒄ ᐊᓐ ᒐᒋ ᑕᔨᓐ ᐸᑎᒪ ᐊᓐᑕ ᐊᓐ ᐅᑕᓇᐤ ᐃᐱᓴᔅ ᐊ ᐃᓯᓂᐧᑲᑕᒡ ᒐᒋ ᒋᑕᐊᒧᐅᑥᐤ ᐊᓐᒡ ᐊᐛᓐᒋ ᐊᑲ ᒧᔭᒻ ᑲ ᐃᓯ ᒋᔅᑯᑎᒪᒐᒡ᙮

2 ᑎᒧᑎ 2:2

ᔅᒋ ᐸᑐᐅᓐ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᒪᒂᒡ ᐊ ᒥᒐᑎᓇᓄᐅᒡ᙮ ᐅ ᒪᒃ ᑲ ᐃᓯ ᒋᔅᑯᑎᒪᒐᔭᓐ ᒐ ᐱᔅᑎᓇᑯᒡ ᐊᓐᒡ ᑲ ᑕᑈᐅᒐᔨᑕᑯᓯᒡ ᒐᒋ ᐊᓱ ᒋᔅᑯᑎᒧᐛᒡ ᑯᑎᑲ ᐊᐛᔪᐛ᙮

ᑕᐃᑕᔅ 1:12

ᐛᐛᒡ ᑭᔭ ᐸᐃᒄ ᐊᓐᑕ ᐊ ᑕᒡ ᐊ ᐅᒋᔨᒋ ᑲ ᒋᔅᒋᐛᐃᒐᔨᒋ ᒋ ᐃᔅᒋᔄᔨᒐᓂ ᑎᐱᔨᐛ ᐅᑦ ᐃᔨᒪ ᐊ ᐊᔨᒧᒪᑦ, “ᒋᔨᐛᐤ ᑯᕆᑦ ᐊ ᐅᒋᔭᒄ ᒧᔅ ᒋ ᑭᑭᒋᔭᓇᐛᐤ, ᑭᔭ ᒧᔭᒻ ᒥᒋ ᐊᐛᓯᓯᒡ ᐊ ᐃᑕᔨᑕᑯᓯᔭᒄ, ᓇᔅᒡ ᐊ ᒋᑎᒥᔭᒄ ᑭᔭ ᓇᔅᒡ ᐊ ᐅᑲᓯᒋᒥᔭᒄ᙮”