ᑕᐃᑕᔅ 1:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᒋᔾ ᑕᐃᑕᔅ ᒋ ᒥᓯᓇᐊᒪᑎᓐ᙮ ᒧᔭᒻ ᑎᐱᔨᐛ ᓂᑯᔅ ᐊᐅᑯᓐ ᐊ ᐃᑕᔨᒥᑕᓐ ᐛᔅ ᐸᐃᑯᓄᒡ ᒋ ᐊᑎ ᐃᓯ ᑕᑈᑕᓇᓄᐤ᙮ ᓂᑦ ᐊᔭᒥᐊᐤ ᒋᓴᒪᓂᑐᐤ ᐅᑕᐎᒪᐤ ᑭᔭ ᒋᓴᔅ ᙭ ᒋᐱᒪᒋᐃᐛᒥᓄᐤ ᒐᒋ ᒋᓴᐛᑐᑕᔅᒡ ᑭᔭ ᒐᒋ ᒥᔨᔅᒡ ᒋᔭᒪᔨᑎᒧᐅᓂᔪᐤ᙮

ᑕᐃᑕᔅ 1:4 Iomraidhean Croise

ᓗᒃ 2:11

ᐊᓐᑕ ᐅᑕᓇᒡ ᑲ ᐅᒋᑦ ᐊᓂᔭ ᒋᓴᐅᒋᒪᐤ ᑎᐱᑦ, ᒋᔨᐛᐤ ᒋ ᐱᒪᑎᓯᔅᑎᒪᑯᓇᐛᐤ ᐊᐛᔅ, ᐊᐅᑯᓐ ᐅᑎᐸᔨᒋᒐᐤ ᙭᙮

ᒠᓐ 4:42

ᒂ ᐃᑕᒡ ᐊᓂᔭ ᐃᔎᐛ, “ᐊᑯ ᑎᔭᑈᑎᒪᒡ, ᓂᔭᓐ ᐛᒋᒡ ᐊᒋ ᐸᑐᐅᒋᑦ, ᓇᒪ ᒥᒄ ᒋᔾ ᐊᒋ ᐃᔅᒋᔄᔨᓐ᙮ ᐊᑯ ᒪᒃ ᒋᔭᔅᑎᓇᑕᔨᑎᒪᒡ ᐎᔾ ᐊᐅᒄ ᒐᒋ ᐱᒪᒋᐊᑦ ᒥᓯᐛ ᐊᐛᔪᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:12

ᓂᑦ ᐃᔅᒋᔄᓐ ᑕᐱᔅᑯᓐ ᒐᒋ ᐎᒋᐃᑐᔭᐧᒄ, ᒐᒋ ᐎᒋᐃᑯᔭᒄ ᓂᔾ ᓂᑕᑈᑎᒧᐅᓐ ᑭᔭ ᒋᔨᐛᐤ ᒋᑕᑈᑎᒧᐅᓄᐛᐤ ᒐᒋ ᐎᒋᐃᑯᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:7

ᐊᐅᑯᓐ ᒪᒃ ᐛᒋ ᒥᓯᓇᐊᒪᑎᑯᒡ ᒥᓯᐛ ᒋᔨᐛᐤ ᕈᒻ ᐊ ᑕᔭᒄ, ᒋᔨᐛᐤ ᒋᓴᒪᓂᑐᐤ ᑲ ᓴᒋᐃᑕᒄ ᑭᔭ ᑲ ᐎᔭᐱᒥᑕᒄ ᒐᒋ ᑎᐱᔨᐛᐅᓯᑐᑕᑕᒄ᙮ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒋᑭ ᓱᐛᔨᒥᑯᐛᐅᒡ ᑭᔭ ᒋᑭ ᒥᔨᑯᐛᐅᒡ ᒋᔭᒪᔨᑎᒧᐅᓂᔪᐤ᙮

2 ᑯᕆᓐᑎᔭᓇ 12:18

ᑕᐃᑕᔅ ᓂᒋ ᓯᒋᒪᐤ ᒐᒋ ᒧᐱᔅᑕᑕᒄ᙮ ᒥᓐ ᑯᑎᑲ ᒋᐧᑲᓂᓯᓄᐛ ᓂᒋ ᐃᑎᓴᐛᔪᐛ ᒐᒋ ᐎᒐᐅᑯᑦ᙮ ᓱᓇᔭᔪᐤ ᐊ ᒪᒃ ᒋ ᐅᑎᓯᐤ ᑕᐃᑕᔅ ᒋᔨᐛᐤ ᐊ ᑕᐛᒄ ᐅᒋ ᐊᓂᔭ ᑲ ᒧᐱᔅᑕᑕᒄ ? ᐸᐃᒄ ᒪᔅᑭᓄᐤ ᓂᐱᒧᑕᓇᓐ ᑭᔭ ᐸᐃᑯᓄᒡ ᓂᑦ ᐃᓯ ᒪᒥᑐᓇᔨᑕᓇᓐ᙮ ᓇᒪᐎᔾ ᐊ ᐊᑯᓐ ᐊ ᐃᑕᔨᒥᔭᒡ ?

2 ᑯᕆᓐᑎᔭᓇ 2:13

ᒥᒄ ᒪᒃ ᐃᔭᐱᒡ ᒋ ᑎᑯᓐ ᑕᓐ ᑲ ᐃᓯ ᒥᑯᔅᑲᑕᔨᑎᒪᓐ ᐛᔅ ᑕᐸ ᓂ ᐅᒋ ᐛᐱᒪᐤ ᓂᐧᑲᓂᔅ ᑕᐃᑕᔅ ᐊᓐᑕ ᒐᒋ ᑕᑦ᙮ ᐊᑯ ᒪᒃ ᑲ ᓂᑭᑎᒂᐤ ᐊᓐᒡ ᐃᔪᒡ ᐊᓐᑕ ᐊ ᑕᒡ᙮ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᒥᓐ ᑲ ᐃᑐᑕᔭᓐ᙮

2 ᑯᕆᓐᑎᔭᓇ 4:13

ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓂᒋ ᑕᑈᑕᓐ ᑭᔭ ᑲ ᐃᔨᒥᔭᓐ᙮” ᑭᔭ ᓂᔭᓐ ᒪᒃ ᐊᐅᑯᓐ ᐊ ᐃᓯ ᑕᑈᑎᒪᒡ ᑭᔭ ᐊ ᐃᔨᒥᔭᒡ᙮

2 ᑯᕆᓐᑎᔭᓇ 7:6

ᒋᓴᒪᓂᑐᐤ ᑲ ᐛᐎᒋᐊᑦ ᐊᐛᔪᐛ ᐊ ᓂᑕᔨᑎᒥᔨᒋ ᓂᒋ ᒥᔽᔨᒧᐃᑯᐅᓇᓐ ᑲ ᐸᒋ ᐃᑎᓴᐛᑦ ᓂᐎᒐᐛᑭᓇᓇ ᑕᐃᑕᓴ᙮

2 ᑯᕆᓐᑎᔭᓇ 8:16

ᓂᓇᔅᑯᒪᐤ ᒋᓴᒪᓂᑐᐤ ᐊᒋ ᒥᔭᑦ ᑕᐃᑕᓴ ᒧᔭᒻ ᓂᔾ ᐊ ᐃᓯ ᓴᒋᐃᑎᑯᒡ ᒐᒋ ᐃᓯ ᓴᒋᐃᑕᒄ᙮

2 ᑯᕆᓐᑎᔭᓇ 8:23

ᐅ ᒪᒃ ᑕᐃᑕᔅ ᐊᐅᒄ ᐅ ᐛᒋ ᐊᑐᔅᒐᒥᑦ ᐊ ᐎᒋᐃᑎᑯᒡ᙮ ᐊᑯ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᐅᒪᒧᐊᔭᒥᐊᐛ ᒋ ᐃᑎᓴᐅᑯᐅᒡ᙮ ᒋᔅᑕᔨᑕᑯᐊᐅᒡ ᒪᒃ ᙭ᑕ ᒐᒂᔪᐤ ᐊ ᐃᑐᑕᒡ᙮

2 ᑯᕆᓐᑎᔭᓇ 8:6

ᑲ ᐛᐸᑎᒧᐅᒋᒡ ᒪᒃ ᐊᓂᔭ ᐊ ᐃᓯ ᒥᔨᐛᒡ ᓂᒋ ᐃᑎᓱᒪᓇᓐ ᑕᐃᑕᔅ ᒐᒋ ᓯᒋᒥᑕᒄ ᒐᒋ ᐱᔅᑎᓂᒐᐛᒄ ᐛᔅ ᐎᔾ ᓂᔅᑎᒻ ᔅᒋ ᐊᔨᒧᑎᒪᑯᐛᐤ ᐊ ᐱᔅᑎᓂᒐᓄᐎᒡ᙮

ᑲᓚᓯᔭᓇ 2:3

ᑕᐃᑕᔅ ᒪᒃ, ᐊᓐ ᑲ ᐸᒋ ᐎᒐᐅᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᑯᑕ ᐛᒋᑦ᙮ ᓇᒪ ᒍᐤ ᐃᑎᔅᑲᓇᓱᐤ᙮ ᐊᑎ ᒪᒃ ᐊᑲ ᒍᐤ ᐊ ᐃᑎᔅᑲᓇᓯᑦ ᓇᒪ ᐅᒋ ᐊᔨᐧᑭᒥᐃᑯᐤ ᐊᓂᔭᔪᐛ ᑲ ᓂᑲᓂᐊᑭᓄᔨᒋ ᒐᒋ ᒋᔅᒋᓄᐛᒋᔄᑭᓄᐅᑦ᙮

ᑲᓚᓯᔭᓇ 3:26

ᒥᓯᐛ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 3:28

ᒥᓯᐛ ᐸᐃᑯᓄᒡ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᓇᒪ ᒐᒂᓐ ᐊᓐ ᒍᐤ ᑭᔭ ᒪᒃ ᐊᑲ ᒍᐤ ᐊ ᐃᑎᔅᑲᓇᓱᐛᒂ, ᑭᔭ ᐊ ᐊᐱᒋᐊᑭᓂᐛᒂ ᑭᔭ ᒪᒃ ᐊᑲ ᐊ ᐊᐱᒋᐊᑭᓂᐛᒂ, ᐊ ᓇᐸᐅᐛᒂ ᑭᔭ ᒪᒃ ᐊ ᐃᔎᐅᐛᒂ᙮

ᐃᐱᓯᔭᓇ 1:2

ᒋᑦ ᐊᔭᒥᐊᔅᑎᒪᑎᓇᐛᐤ ᒐᒋ ᓱᐛᔨᒥᑕᑯᒡ ᒋᓴᒪᓂᑐᐤ ᒍᑕᐎᓄᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᑭᔭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ᙮

1 ᑎᒧᑎ 1:12

ᓂᓇᔅᑯᒪᐤ ᒋᑎᐸᔨᒋᒐᓯᒥᓄᐤ ᙭ ᒋᓴᔅ ᑕᓐ ᑲ ᐃᓯ ᑕᑈᐅᒐᔨᒥᑦ ᑭᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᒐᒋ ᐊᑐᔅᑯᐅᒃ ᐊᓂᔭ ᑕᓐ ᑲ ᐃᓯ ᐅᑎᓂᑦ,

2 ᑎᒧᑎ 1:1

ᓂᔾ ᑈᓪ, ᑲ ᒥᓯᓇᐊᒪᑕᓐ᙮ ᒋᓴᔅ ᙭ ᐅᑦ ᐊᑈᔅᑕᓂᒪ ᓂᔾ, ᐛᔅ ᐊᐅᒄ ᐅᔭ ᑲ ᐃᓯ ᐅᑎᓂᑦ ᒋᓴᒪᓂᑐᐤ᙮ ᐎᔾ ᒋᓴᒪᓂᑐᐤ ᓂᒋ ᐃᑎᓴᐅᒄ ᒐᒋ ᐊᔨᒧᑎᒧᒡ ᐊᓂᔭ ᐱᒪᑎᓯᐅᓂᔪᐤ ᑕᓐ ᑲ ᐃᓯ ᒐᔅᑎᓇᑎᔅᑕᑦ ᒐ ᐊᔭᔨᒋ ᐊᐛᔪᐛ ᑕᑈᔭᔨᒪᔨᒐ ᒋᓴᔅ ᙭ᑕ᙮

2 ᑎᒧᑎ 1:2

ᒋᔾ ᑎᒧᑎ ᒋ ᒥᓯᓇᐊᒪᑎᓐ, ᒋᔾ ᓂᑯᓯᐧᑲᐅᓐ ᑲ ᓴᒋᐃᑕᓐ᙮ ᒋᓴᒪᓂᑐᐤ ᐅᑕᐎᒪᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᒋᑭ ᒥᔪᑐᑕᒄ, ᒋᑭ ᒋᔅᑎᒪᒐᔨᒧᒄ ᑭᔭ ᒋᑭ ᒥᔨᒄ ᒋᔭᒪᔨᑎᒧᐅᓂᔪᐤ᙮

2 ᑎᒧᑎ 4:10

ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮

ᑕᐃᑕᔅ 1:3

ᐊᐅᑯᐤ ᒪᒃ ᐛᑎᒋᐱᔨᒡ ᐊᓐᑕ ᐎᔾ ᒋᓴᒪᓂᑐᐤ ᑲ ᐃᑕᔨᑎᒥᐃᑯᑦ ᒐᒋ ᒋᔅᒐᔨᑕᑭᓄᐎᒡ ᒥᔽᒋᒧᐅᓂᔪᐤ᙮ ᐊᑯ ᒪᒃ ᒥᓯᐛ ᐊᐛᓐ ᐎᔭᐎᑎᒧᐅᒃ ᐅᔭ ᒥᔽᒋᒧᐅᓂᔪᐤ᙮ ᓂᔾ ᓂᒋ ᒥᔨᒄ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ ᒐᒋ ᐊᑐᔅᒐᔅᑎᒪᓐ ᐅ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

2 ᐱᑕᕐ 1:1

ᓂᔾ ᓴᐃᒥᓐ ᐱᑕᕐ, ᒋᓴᔅ ᙭ ᓂᑦ ᐊᑐᔅᑯᐛᐤ, ᐎᔾ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᐊᔭᔭᒄ ᑕᑈᑎᒧᐅᓐ ᒧᔭᒻ ᐊᓐ ᐊ ᐃᑕᔨᑕᒂᒡ ᓂᔭᓐ ᑲ ᐊᔭᔭᒡ᙮ ᐊᔪᐅᒄ ᐅᔭ ᑕᑈᑎᒧᐅᓂᔪᐤ ᒋᐱᒪᒋᐃᐛᒥᓄᐤ ᑭᔭ ᒋᒋᓴᒪᓂᑐᒥᓄᐤ ᒋᓴᔅ ᙭ ᑲ ᒥᔨᑕᐧᒄ᙮ ᐎᔾ ᒋ ᐃᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

2 ᐱᑕᕐ 1:11

ᐊᑯᑕ ᑭᔭ ᒐᒋ ᐅᒋ ᒥᒄ ᐃᓯ ᐱᑎᑲᐃᑯᐅᔭᒄ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐅᒋᒪᐅᓂᒡ, ᐊᓂᔭ ᑲᒋᒡ ᒐ ᑎᑯᓂᔨᒡ᙮

2 ᐱᑕᕐ 2:20

ᒧᔭᒻ ᑲ ᐎᐧᑯᒋᐅᐛᒂ ᐊᐛᓐᒋ ᑕᓐ ᐊ ᐃᓯ ᒥᒋᑐᑕᒐᒥᑭᓂᔨᒡ ᐅᔭ ᐊᔅᒋᔪᐤ ᐊᓂᔭ ᑕᓐ ᐊ ᐃᓯ ᒋᔅᒐᔨᒪᒡ ᒋᓴᔅ ᙭ᑕ ᐊ ᑎᐸᔨᒋᒐᔨᒋ ᑭᔭ ᐊ ᐱᒪᒋᐃᐛᔨᒋ ᒥᓐ ᒪᒃ ᑲᐤ ᐊ ᑲᒋᔅᑎᓂᑯᒡ ᑭᔭ ᐊ ᓴᐧᑯᒋᐃᑯᒡ ᐅᔭ ᒐᒂᔪᐤ ᐊᑐᐎᔅ ᐃᑕᔨᑕᑯᓂᔪᐤ ᐊᓐᑕ ᐊ ᑕᒡ ᐊᓄᒡ ᐃᔅᐱᔅ ᐎᔾ ᑕᓐᑕ ᑲ ᐸᒋ ᑕᒡ ᓂᔅᑎᒻ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮

2 ᐱᑕᕐ 3:2

ᒋ ᐎ ᒋᔅᒋᓱᒥᑎᓇᐛᐤ ᑕᓐ ᑲ ᐃᔅᒋᔄᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ ᑲ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᑎᓱᒥᑕᒄ ᐅᑎᐸᔨᒋᒐᐤ ᒋᐱᒪᒋᐃᐛᒥᓄᐤ ᐊᓂᔭᔪᐛ ᐎᔾ ᑎᐱᔨᐛ ᐅᑦ ᐊᑈᔅᑕᓂᒪ ᐅᒡ᙮

1 ᒠᓐ 5:14

ᒪᐅ ᐊ ᐃᓯ ᒐᔅᑎᓇᑕᔨᒧᔭᐧᒄ ᐊ ᐊᔭᒥᐊᐧᒄ ᒋᓴᒪᓂᑐᐤ᙮ ᒧᔭᒻ ᒋᔅᒐᔨᑎᒺᒂ ᑭᔭ ᐃᑐᑎᒺᒂ ᐅᑦ ᐃᑕᔨᑎᒧᐅᓐ, ᒋᑭ ᐃᑐᑎᒻ ᑕᓐ ᐊ ᐃᓯ ᓂᑐᑎᒧᐛᐧᒄ ᒐᒋ ᐃᑐᑕᐧᒃ᙮

ᒍᑦ 1:3

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᓇᔅᒡ ᐊᒋ ᐃᑕᔨᑎᒪᓐ ᒐᒋ ᒥᓯᓇᐊᒪᑎᑯᒡ ᒐᒋ ᐊᔨᒧᑎᒪᑎᑯᒡ ᐊᓐ ᐱᒪᒋᐃᑯᓯᐅᓐ ᒥᓯᐛ ᑲ ᒋᔅᒐᔨᑎᒪᐧᒄ᙮ ᒐᒃ ᓂᒋ ᐃᑕᔨᑕᓐ ᑕᑈ ᐊ ᓂᑐᐛᔨᑕᒂᒡ ᒐᒋ ᒥᓯᓇᐊᒪᑎᑯᒡ ᒐᒋ ᓯᒋᒥᑎᑯᒡ᙮ ᒋ ᐎ ᓯᒋᒥᑎᓇᐛᐤ ᒪᒃ ᓱᒃ ᒐᒋ ᐊᒋᔅᑎᒪᒄ ᒐᒋ ᑭᓄᐛᔨᑎᒪᒄ ᐊᓐ ᐸᐃᒂᐤ ᑭᔭ ᒋᒋᐛ ᑲ ᐃᓯ ᒥᔭᑭᓄᐎᒡ ᒐ ᐃᓯ ᑕᑈᑕᒡ ᑲ ᑕᑈᑕᒡ᙮