ᑕᐃᑕᔅ 1:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐃᔅᒋᔄᐅᒡ ᐊ ᒋᔅᒐᔨᒪᒡ ᒋᓴᒪᓂᑐᐛ ᒥᒄ ᒪᒃ ᐊᓂᔭ ᐊ ᐃᑕᑎᓯᒡ ᓄᑯᓂᔪᐤ ᐊᑲ ᑕᑈ ᒋᔅᒐᔨᒪᒡ ᒋᓴᒪᓂᑐᐛ ᐛᔅ ᓇᔅᒡ ᒥᒐᑎᓯᐅᒡ᙮ ᓇᒪ ᓇᔅᒡ ᓂᓇᐃᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᓇᔅᒡ ᐃᑕᔨᑕᑯᓱᐅᒡ ᒐᒋ ᒥᔪᑐᑕᒡ᙮

ᑕᐃᑕᔅ 1:16 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:28

ᐊᑲ ᐊᐱᑕᔨᑕᒡ ᐊᐛᓐᒋ ᑕᓐ ᐊᓂᔭᔪᐤ ᑯᐃᔅᒄ ᒋᐸ ᐃᓯ ᒋᔅᒐᔨᒪᐅᒡ ᒋᓴᒪᓂᑐᐛ ᑭᔭ ᐊᑲ ᐎ ᐊᐱᑕᔨᑕᒡ ᐅᐱᒪᑎᓯᐅᓄᐛᒡ ᐊᑯ ᒂ ᐃᑐᑕᑯᒡ ᓇᔅᒡ ᒐ ᐊᑲ ᒋ ᑯᐃᔅᑯᓇᑯᓂᔨᒡ ᑕᓐ ᐊ ᐃᑕᔨᑕᒡ ᒐᒋ ᐃᑎᒡ᙮ ᐊᑯ ᒪᒃ ᐊ ᐃᑐᑕᒡ ᐊᓂᔭᔪᐤ ᒐᒂᔪᐤ ᐊᑲ ᒋᐸ ᐅᒋ ᐃᑐᑎᒧᒡ᙮

ᐃᐱᓯᔭᓇ 5:6

ᐃᔭᒂᒥᔅᑐᐛᐧᑯᒡ ᒪᒃ ᒐ ᐊᑲ ᒋ ᐎᔭᓯᒥᑕᑯᒡ ᐊᓐᒡ ᑲ ᒥᔽᔨᑕᒡ ᐅᔭᔪᐤ ᐃᑕᑎᓯᐅᓂᔪᐤ ᐛᔅ ᓂᑎᒥᒄ ᒋᑭ ᐃᓯ ᒋᔅᒋᓄᑕᐃᑯᐛᐅᒡ᙮ ᐅᔭ ᐊ ᐃᑕᑎᓯᒡ ᐊᓐᒡ ᐊᑲ ᓂᓇᐃᑐᐛᒡ ᒋᓴᒪᓂᑐᐛ ᐊᔪᐅᒄ ᐅᔭ ᐛᒋ ᐅᑎᑕᐅᑯᐛᒡ ᐅᑦ ᐊᐧᑯᔪᐛᓱᐅᓂᔪᐤ᙮

1 ᑎᒧᑎ 1:9

ᐅ ᒪᒃ ᐎ ᓂᔅᑐᑎᒧᒄ, ᑕᐸ ᓇᒪᔭᐤ ᐅᑯᐃᔅᑯᑕᑎᓯᐤ ᑲ ᐅᓯᑎᒧᐛᑭᓄᐅᑦ ᐅᔭ ᐎᓱᐛᐅᓂᔪᐤ᙮ ᐊᓐᒡ ᐛᔅ ᐊᓐ ᐊᑲ ᓇᔅᒡ ᐊᐱᑕᔨᑕᒡ ᒋᓴᒪᓂᑐᐛ ᐅᐎᓱᐛᐅᓂᔪᐤ ᑭᔭ ᐊᓐᒡ ᐊᑲ ᓇᔅᒡ ᓂᓇᐃᑎᒺᒡ ᑭᔭ ᐊᓐᒡ ᐊᑲ ᓇᔅᒡ ᒋᔅᒐᔨᑕᒡ ᑕᓐ ᒋᐸ ᐃᓯ ᓂᓇᑭᑐᐛᔨᑎᒥᐃᑯᐅᒡ ᐅᐱᒪᑎᓯᐅᓄᐛᐛ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐅᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᓇᔅᒡ ᐊᐱᑕᔨᒪᒡ ᒋᓴᒪᓂᑐᐛ ᐅᐱᒪᑎᓯᐅᓄᐛᒡ ᑭᔭ ᐊᓐᒡ ᓇᔅᒡ ᑲ ᒥᒋᐱᒪᑎᓯᒡ ᐊᐅᑯᓐᒡ ᐅᒡ ᑲ ᐅᓯᑎᒧᐛᑭᓄᐎᒡ ᐊᓂᔭ ᐎᓱᐛᐅᓂᔪᐤ᙮ ᑭᔭ ᐊᓐᒡ ᐊᑲ ᐸᔭᒋ ᐱᒪᑎᓯᒡ ᐅᑦ ᐊᒐᐧᑯᐛᒡ ᑭᔭ ᐊᓐᒡ ᐊᑲ ᓇᔅᒡ ᐊᔭᒥᐊᐛᑎᓯᒡ ᑭᔭ ᐊᓐᒡ ᑲ ᓂᐸᐊᒡ ᐅᑕᐎᐛᐛ ᑭᔭ ᐅᑲᐎᐛᐛ ᑭᔭ ᐊᓐᒡ ᑲ ᓂᐸᐃᐛᒡ,

1 ᑎᒧᑎ 5:8

ᐛᔅ ᒧᔭᒻ ᐊᐛᓐ ᐊᑲ ᓇᔅᒡ ᐛ ᐛᐎᒋᐊᒂ ᑎᐱᔨᐛ ᐎᐧᑲᓂᓴ ᑭᔭ ᐊᓂᔭᔪᐛ ᐊᓐᑕ ᑎᐱᔨᐛ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᓇᔅᒡ ᐊᑲ ᑕᑈᑕᐧᒃ ᑕᑈᐅᓂᔪᐤ ᐃᓯᓇᑯᓱᐤ ᐅᔭ ᐊ ᐃᑎᑦ᙮ ᐊᑐᐎᔅ ᐎᔾ ᓇᒪ ᒧᔭᒻ ᐃᑐᐤ ᐃᔅᐱᔅ ᐊᓂᔭ ᐊᑲ ᑕᑈᑎᒥᔨᒋ᙮

2 ᑎᒧᑎ 3:17

ᐊᑯ ᒪᒃ ᐊᓐ ᐊᐛᓐ ᑲ ᐊᑐᔅᑯᐛᑦ ᒋᓴᒪᓂᑐᐛ ᒐ ᑕᑈᐅᓯᑦ, ᓇᔅᒡ ᐊ ᐊᔭᔅᑯᐎᑦ ᒐᒋ ᒥᔪ ᐊᑐᔅᑯᐛᑦ ᒋᓴᒪᓂᑐᐛ᙮

ᑕᐃᑕᔅ 3:1

ᒋᔅᒋᓱᒥᒡ ᒋᑦ ᐃᔨᒥᒡ ᒐᒋ ᓂᑐᑐᐛᒡ ᐊᓂᔭ ᑲ ᐅᒋᒪᒥᒡ ᑭᔭ ᒐᒋ ᓂᓇᐃᑐᐛᒡ ᐊᓂᔭ ᑲ ᒋᓴᐅᒋᒪᐤ ᐊᑐᔅᒐᔨᒋ ᑭᔭ ᒧᔅ ᒐᒋ ᐊᔭᔅᑯᐎᒡ ᒐᒋ ᐊᑐᔅᒐᔅᑕᒡ ᑯᐃᔅᒄ ᐊ ᐃᓯᓇᑯᓂᔨᒡ ᐊᑐᔅᒐᐅᓂᔪᐤ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

1 ᒠᓐ 2:4

ᐊ ᐃᔅᒋᔄᑦ ᐊᐛᓐ ᓂ ᒋᔅᒐᔨᒪᐤ ᒋᓴᒪᓂᑐᐤ ᐊᑲ ᒪᒃ ᐃᑐᑕᒐ ᐊ ᐃᑎᓱᒥᑯᑦ, ᑭᑭᒋᔭᐤ, ᓇᒪ ᐱᒋᔅᑲᑯᐤ ᑕᑈᐅᓂᔪᐤ᙮

ᒍᑦ 1:4

ᐛᔅ ᑕᐅᒡ ᐊᑲ ᓇᔅᒡ ᒐᓴᒪᓂᑐᐛᑎᓯᒡ ᓇᐸᐅᒡ ᒋᒧᑦ ᐊᒋ ᐅᒋ ᑕᒡ ᒪᒂᒡ ᐊᓐᑕ ᐊ ᑕᐛᒄ᙮ ᓂᑎᒥᒄ ᐃᓯ ᒋᔅᑯᑎᒪᒐᐅᒡ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐃᔅᒋᔄᐅᒡ ᐊᑲ ᒐᒂᓐ ᐃᑕᔨᑕᑯᓂᔨᒡ ᐊᐛᓐ ᐊᑎ ᓂᑎᒥᒄ ᐊ ᐃᑕᑎᓯᑦ ᐛᔅ ᐃᔭᐱᒡ ᒋᑭ ᐛᐸᔨᑎᒪᑯᐅᒡ ᒋᓴᒪᓂᑐᐛ᙮ ᓇᒪ ᐅᒋ ᐎ ᓂᓇᐃᑐᐛᐅᒡ ᐅᑎᐸᔨᒋᒐᐛ ᒋᓴᓴ ᐊᓂᔭ ᐛᒋᒪᒧᐛᐧᒄ᙮ ᐛᔅᑭᒡ ᒪᒃ ᐊᓐᑕ, ᒋᓴᒪᓂᑐᐤ ᐅᒥᓯᓇᐃᑭᓂᒡ ᒋ ᓂᑲᓐ ᐎᑕᑭᓄᐤ ᐊᓐᑕ ᐊᔅᒄ ᒐ ᐛᐛᓯᐊᑭᓄᐎᒡ ᐅᒡ᙮

ᒋᔅᒐᔨᑕᑯᑕᒐᐅᓐ 21:27

ᓇᒪ ᒋᑭ ᐅᒋ ᐱᔅᑎᓂᑭᓄᐤ ᒐᒂᓐ ᐊ ᒪᔭᑎᒡ ᒐᒋ ᑎᒂᒡ ᐊᓐᑕ ᐊᓐ ᐅᑕᓇᐤ᙮ ᓇᒪ ᑭᔭ ᒋᑭ ᒋ ᐱᒐᐤ ᐊᓐ ᐊᐛᓐ ᓂᑐᐎᔾ ᑲ ᐃᑎᑦ ᒪᒃ ᑲ ᐎᒋ ᑭᑭᒋᔭᑦ᙮ ᒥᒄ ᐊᓐᒡ ᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᐊᓂᔭᔪᐛ ᒪᔭᑕᓂᓴ ᐅᐱᒪᑎᓯᐤ ᒥᓯᓇᐃᑭᓂᔨᒡ ᒋᑭ ᒋ ᐱᒐᐅᒡ ᐊᓂᔭ ᐅᑕᓇᔪᐤ᙮

ᒋᔅᒐᔨᑕᑯᑕᒐᐅᓐ 21:8

ᐊᑯ ᐊᓐᒡ ᐊᐛᓐᒋ ᐊᑲ ᓱᒋᔅᑕᐊᒡ ᒐᒋ ᐎᑕᒡ ᐊ ᑕᑈᔭᔨᒪᒡ ᒋᓴᓴ, ᐊᓐᒡ ᑲ ᒋᐛᑲᐳᔅᑕᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᓴ, ᐊᓐᒡ ᓇᔅᒡ ᑲ ᒥᒐᑎᓯᒡ, ᐊᓐᒡ ᑲ ᓂᐸᐊᒡ ᐊᐛᔪᐛ, ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᐤ ᐱᒪᑎᓯᒡ, ᐊᓐᒡ ᑲ ᒥᑕᐛᑎᓯᒡ, ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ ᑭᔭ ᐊᓐᒡ ᑲ ᐎᒋ ᑭᑭᒋᔭᒡ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋᑭ ᐃᓯ ᐛᐱᓇᑭᓄᐎᒡ᙮ ᐊᐅᒄ ᐅ ᓂᓱ ᓂᐳᐅᓐ᙮”