ᑕᐃᑕᔅ 1:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐛᐛᒡ ᑭᔭ ᐸᐃᒄ ᐊᓐᑕ ᐊ ᑕᒡ ᐊ ᐅᒋᔨᒋ ᑲ ᒋᔅᒋᐛᐃᒐᔨᒋ ᒋ ᐃᔅᒋᔄᔨᒐᓂ ᑎᐱᔨᐛ ᐅᑦ ᐃᔨᒪ ᐊ ᐊᔨᒧᒪᑦ, “ᒋᔨᐛᐤ ᑯᕆᑦ ᐊ ᐅᒋᔭᒄ ᒧᔅ ᒋ ᑭᑭᒋᔭᓇᐛᐤ, ᑭᔭ ᒧᔭᒻ ᒥᒋ ᐊᐛᓯᓯᒡ ᐊ ᐃᑕᔨᑕᑯᓯᔭᒄ, ᓇᔅᒡ ᐊ ᒋᑎᒥᔭᒄ ᑭᔭ ᓇᔅᒡ ᐊ ᐅᑲᓯᒋᒥᔭᒄ᙮”

ᑕᐃᑕᔅ 1:12 Iomraidhean Croise

ᐊᑈᔅᑕᓇᒡ 17:28

ᒧᔭᒻ ᐊᐛᓐ ᑲ ᐃᔅᒋᔄᒂ, ‘ᒋᓴᒪᓂᑐᐤ ᐅᒋ ᐛᒋ ᐱᒪᑎᓯᔭᐧᒄ, ᑭᔭ ᐛᒋ ᐊᒋᔭᐧᒄ ᑭᔭ ᐛᒋ ᐊᔭᔭᐧᒄ ᔭᔭᐅᓐ᙮’ ᒧᔭᒻ ᐱᔅᒐ ᑎᐱᔨᐛ ᒋᑎᐸᒋᒧᐃᒧᐛᐅᒡ ᑲᒋ ᒥᓯᓇᐃᒐᒡ ᑲ ᐃᔅᒋᔄᒂᓐᒋ, ‘ᑕᑈ ᒥᓯᐛ ᒋ ᐅᑦ ᐊᐛᓯᒥᑕᑯᓄᐤ᙮’ ”

ᐊᑈᔅᑕᓇᒡ 2:11

ᒋ ᑕᓇᓄᐤ ᑭᔭ ᐅᑕ ᑕᐱᔅᑯᓐ ᒍᐤ ᑭᔭ ᐊᑲ ᒍᐤ ᐊ ᐃᑎᔅᑲᓇᓯᔭᐧᒄ ᐊᒋ ᐎᔭᔨᑎᒪᐧᒄ ᒋᔭᓄᐤ ᒐᒋ ᑕᑈᑎᒪᐧᒄ ᑕᓐ ᐊ ᐃᓯ ᑕᑈᑕᒡ ᒍᐤ ᐃᔪᒡ᙮ ᐱᔅᒐ ᑭᔭ ᐊᓐᑕ ᑯᕆᑦ ᑭᔭ ᐊᕋᐱᔭ ᒋ ᐅᒋᓇᓄᐤ᙮ ᐃᔭᐱᒡ ᒪᒃ ᒥᓯᐛ ᐊ ᑎᓯᔭᐧᒄ ᒋ ᐸᑐᐛᓄᐅᒡ ᒋᔭᓄᐤ ᐊ ᐃᓯ ᐃᔨᒥᔭᐧᒄ ᐊ ᐃᓯ ᐃᔨᒥᒡ᙮ ᐛᐎᑎᒧᒡ ᑕᓐ ᐊ ᐃᓯ ᒪᒥᔅᑲᒡ ᑎᔨᒋ ᒋᓴᒪᓂᑐᐛ !”

ᐊᑈᔅᑕᓇᒡ 27:12

ᑭᔭ ᐊᓐᑕ ᐊᓂᔭ ᐊ ᐊᑯᑎᓂᔨᒡ ᐅᐤᑎᔪᐤ ᑲ ᑕᒡ, ᓇᒪ ᓇᔅᒡ ᐅᒋ ᒥᔽᔪᐤ ᐊ ᐱᐳᓂᔨᒡ ᐎ ᒐᒋ ᐊᑯᑎᓂᔨᒡ ᐅᐤᑎᔪᐤ᙮ ᐊᑯ ᒪᒃ ᐊᔪᐤ ᒐᑲᑦ ᒥᓯᐛ ᐊᓐᒡ ᓇᐸᐅᒡ ᒋ ᐎ ᐳᓱᐅᒡ, ᐊᓐᑕ ᐊ ᐎ ᐃᔅᒋᒪᒡ ᐱᓂᑭᔅ ᑲ ᐃᓯᓂᐧᑲᑕᔨᒡ ᐅᑕᓇᔪᐤ᙮ ᐊᓐᑕ ᒥᓂᔅᑎᒄ ᑯᕆᑦ ᑲ ᐃᓯᓂᐧᑲᑕᒡ ᐊᑯᑕ ᑲ ᑎᒂᒡ ᐅ ᐅᑕᓇᐤ᙮ ᒋ ᒥᔽᐤ ᐊᓐᑕ ᐊ ᓇᐅᔅᑕᑭᓄᐅᒋ ᐊ ᒥᓴᔨᒋ ᐅᐤᑕ ᐊ ᐱᐳᒡ᙮ ᐅ ᒪᒃ ᐅᑕᓇᐤ ᐃᑐᐤ ᐊᓐᑕ ᐃᔅ ᓴᐅᓄᑕᒡ ᑭᔭ ᒋᐛᑎᓄᒡ ᒋ ᐃᓯ ᓄᑯᓐ᙮ ᒋ ᐃᑕᔨᑎᒧᒡ ᒪᒃ ᒐᒋ ᐅᑎᑕᐊᒡ ᐊᓂᔭ ᐅᑕᓇᔪᐤ ᐱᓂᑭᔅ ᑲ ᐃᓯᓂᐧᑲᑕᔨᒡ ᐊᓐᑕ ᒐᒋ ᐱᐳᓂᑕᒡ᙮

ᐊᑈᔅᑕᓇᒡ 27:13

ᐃᔅᐱ ᒪᒃ ᒐ ᒋᐛᔭᓯᒡ, ᐊᓐᑕ ᓴᐅᓄᒡ ᐊ ᐅᑎᓂᔨᒡ, ᐊᑯ ᒂ ᐃᑕᔨᑕᒡ ᐊᓐᒡ ᓇᐸᐅᒡ ᒥᓐ ᒐᒋ ᒋᑕᓯᒡ᙮ ᐊᑯ ᒂ ᐅᒋᐱᑕᒡ ᐊᓂᔭ ᐳᓂᓯᓇᐸᒋᑭᓂᔪᐤ ᐊᑯ ᒂ ᐊᑎ ᓯᓱᑕᐛᐊᒡ ᐊᓂᔭ ᒥᓂᔅᑎᑯᔪᐤ ᑯᕆᑦ ᑲ ᐃᓯᓂᐧᑲᑕᔨᒡ᙮

ᐊᑈᔅᑕᓇᒡ 27:7

ᒥᒐᑐᐤ ᒋᓯᑲᐛ ᒪᒃ ᐸᐧᑲᒡ ᒥᒄ ᓂᒋ ᐱᒪᔅᑎᒥᑎᓱᓇᓐ, ᓂᒋ ᐊᔨᒥᐅᓇᓐ ᐊ ᐎ ᒥᓯᑲᔭᒡ ᐊᓐᑕ ᐊᓐ ᓯᓇᐃᑕᔅ ᑲ ᐃᓯᓂᐧᑲᑕᒡ ᐅᑕᓇᐤ, ᐊᑯᑕ ᐊᓐ ᑲ ᐅᑎᒡ᙮ ᐊᑯ ᒪᒃ ᐊᓐ ᐊᓐᑕ ᐊ ᐅᑎᒡ, ᐃᔭᒡ ᑲ ᐃᑕᔅᑎᒥᑎᓱᔭᒡ᙮ ᐊᓐᑕ ᐊ ᑎᐱᓄᐛᒡ ᐊᓐ ᒥᓂᔅᑎᒄ ᑯᕆᑦ ᑲ ᐃᓯᓂᐧᑲᑕᒡ ᐊᑯᑕ ᑲ ᐃᑕᓯᔭᒡ, ᒂ ᐊᑎ ᓯᓱᑕᐛᒪᒡ ᐊᓐ ᑲ ᒥᔅᑕᐛᔭᐱᔅᑲᒡ ᓴᓪᒧᓂ ᑲ ᐃᓯᓂᐧᑲᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

ᐱᓕᐱᔭᓇ 3:19

ᐊᔅᒄ ᒋᑭ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮

1 ᑎᒧᑎ 4:2

ᐊᑯ ᒪᒃ ᐊᓂᔭ ᒐ ᐃᓯ ᐛᐎᔭᓯᒧᐛᒡ ᐅᒡ ᓂᑎᒥᒄ ᐊ ᐃᓯ ᒋᔅᑯᑎᒪᒐᒡ ᐊᑯᑕ ᒐ ᐅᒋ ᐱᐸᑕᒂᒋ ᐅᔭ ᒥᒋ ᒋᔅᑯᑎᒪᒐᐅᓇ᙮ ᐅᒡ ᒪᒃ ᒐ ᐱᐸᐎᔭᓯᒧᐛᒡ ᒐᒃ ᓇᒪ ᓇᔅᒡ ᒐᒂᓂᒡ ᒋᑭ ᐅᒋ ᐃᑕᔨᑎᒥᐃᑯᐅᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ ᒐ ᐃᔅᐱᔅ ᐊᑲ ᒋᔅᒐᔨᑕᒡ ᑕᓐ ᐊᓂᔭᔪᐤ ᑕᑈᐅᓂᔪᐤ ᑭᔭ ᑕᓐ ᐊᓂᔭᔪᐤ ᐎᔭᓯᒧᐛᐅᓂᔪᐤ᙮ ᓇᒪ ᓇᔅᒡ ᒋᑭ ᐅᒋ ᐊᔨᒪᔨᑎᒧᒡ ᑕᓐ ᐊ ᐃᓯ ᒥᒋ ᒋᔅᑯᑎᒪᒐᒡ᙮

ᑕᐃᑕᔅ 1:5

ᔅᒋ ᓂᑭᑎᑎᓐ ᐊᓐᑕ ᐊᓐ ᒥᓂᔅᑎᒄ ᑯᕆᑦ ᐊ ᐃᓯᓂᐧᑲᑕᒡ ᒐᒋ ᐎᒋᐃᑥᐤ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᑕᓐᑕ ᐛᐅᔅᑕᐱᔨᒡ ᐅᑕᑈᑎᒧᐅᓄᐛᒡ᙮ ᔅᒋ ᐃᑎᑎᓐ ᒥᓯᐛ ᐊ ᑕᑎᒋ ᐅᑕᓇᐛ ᒐᒋ ᐅᑎᓂᑥᐤ ᐊᓐᑕ ᐊᐛᓐᒋ ᒐ ᓂᑲᓂᔅᑯᐛᒡ ᐊᓂᔭ ᐅᒪᒧᐊᔭᒥᐊᐛ᙮ ᒋᔅᒋᓯ ᑕᓐ ᑲ ᐃᑎᑕᓐ ᒋᐸ ᐃᑕᔨᑕᑯᓱᐤ ᐊᐛᓐ ᐊ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ᙮

2 ᐱᑕᕐ 2:12

ᒥᒄ ᐛ ᐃᑎᒡ ᐃᑐᐅᒡ ᐊᐛᓯᓯᒡ᙮ ᐅᒡ ᒪᒃ ᓂᑎᒥᒄ ᒋᔅᑯᑎᒪᒐᓱᐅᒡ ᐊᐅᑯᓐ ᒧᔭᒻ ᐊ ᐃᑕᔨᑕᑯᓯᒡ ᑭᔭ ᐎᔨᐛᐤ᙮ ᒪ ᒥᒋ ᐊᔨᒧᑎᒧᒡ ᐊᓂᔭᔪᐛ ᒐᒂᔪᐛ ᐊᑲ ᓂᔅᑐᑕᒡ᙮ ᒧᔭᒻ ᒪᒃ ᑲ ᐃᓯᐊᑭᓄᐅᑦ ᑯᑎᒃ ᐊᐛᓯᔅ ᒥᒄ ᒐᒋ ᑲᔅᑎᓇᑭᓄᐅᑦ ᑭᔭ ᒐᒋ ᓂᐸᐊᑭᓄᐅᑦ, ᐊᐅᑯᓐ ᒧᔭᒻ ᐊ ᐃᓯᓇᑯᓂᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ ᓂᑎᒥᒄ ᒋᔅᑯᑎᒪᒐᓱᐅᒡ᙮

2 ᐱᑕᕐ 2:15

ᓴᔅ ᒋ ᓂᑭᑎᒧᒡ ᑯᐃᔅᒄ ᐊ ᐃᓯ ᐱᒧᑕᓄᐎᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋ ᐱᔅᒐᑕᐅᒡ ᒐᒋ ᓄᔅᐱᓇᑎᒧᐛᒡ ᑕᓐ ᑲ ᐃᓯ ᐱᒧᑕᔨᒋ ᐸᓚᒪ, ᐱᐅᕐ ᐅᑯᓯᓯᔪᐛ᙮ ᐅ ᐸᓚᒻ ᑲ ᐃᓯᓂᐧᑲᓱᑦ ᒋ ᐃᑕᔨᑎᒥᐃᑯᐤ ᒐᒂᔪᐤ ᒐᒋ ᐅᑎᓂᒪᓱᑦ ᐅᓂᑐᐅᓂᒡ ᐅᒡ᙮