ᑕᐃᑕᔅ 1:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᓂᔾ, ᑈᓪ, ᑲ ᒥᓯᓇᐊᒪᑕᓐ᙮ ᓂᔾ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᑭᔭ ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᓂᒋ ᐃᑎᓴᐅᑯᐅᓐ ᒐᒋ ᐎᒋᐃᒥᒋ ᐊᓂᔭᔪᐛ ᐃᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐᒋ ᑕᑈᔭᔨᒪᔨᒋ ᒋᓴᓴ᙮ ᓂᒋ ᐃᑎᓴᐅᑯᐅᓐ ᑭᔭ ᒐᒋ ᒋᔅᑯᑎᒧᐅᒂᐤ ᒐᒋ ᒋᔅᒐᔨᑕᒡ ᑕᑈᐅᓂᔪᐤ ᑭᔭ ᒐᒋ ᐃᑕᑎᓯᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑕᑎᓯᒡ᙮

ᑕᐃᑕᔅ 1:1 Iomraidhean Croise

ᓗᒃ 18:7

ᓇᒪᐎᔾ ᐊ ᒪᒃ ᐊᑐᐎᔅ ᒋᓴᒪᓂᑐᐤ ᐎᐱᒡ ᒋᑭ ᐎᒋᐊᐤ ᐊᓂᔭ ᐅᑦ ᐃᔨᒪ ᒧᓯᓇᐤ ᑲ ᐊᔭᒥᐊᔨᒋ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒪᑯᑦ ᒐᒋ ᒋᔅᐸᐛᑕᑦ ? ᑕᐸ ᒋᑭ ᐅᒋ ᑕᔅᑎᑲᒋᐤ ᒐᒋ ᒋᔅᐸᐛᑕᑦ᙮

ᐊᑈᔅᑕᓇᒡ 13:48

ᐃᔅᐱᔅ ᐱᔭᑐᐛᒡ ᑈᓚ ᐊᓂᔭ ᑲ ᐃᔅᒋᔄᔨᒋ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ ᓄᐛᒡ ᒋ ᒥᔽᔨᑎᒧᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭ ᑲ ᐃᓯ ᐱᔅᑎᓂᒥᔨᒋ ᐅᑦ ᐃᔨᒧᐅᓂᔪᐤ᙮ ᐊᑯ ᐊᓐᒡ ᐃᔪᒡ ᑲ ᐅᑎᓂᑯᒡ ᒋᓴᒪᓂᑐᐛ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᒋ ᒋᒋ ᑕᑈᔭᔨᒪᐅᒡ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᐱᒋᐊᑭᓇ᙮ ᒋᓴᒪᓂᑐᐤ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᑕᐅᒡ ᑭᔭ ᐎᔾ ᓂᒋ ᑕᑈᑎᒄ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮

2 ᑯᕆᓐᑎᔭᓇ 1:1

ᓂᔾ ᑈᓪ, ᒋᓴᔅ ᙭ ᐅᑦ ᐊᑈᔅᑕᓂᒪ ᑲ ᒥᓯᓇᐃᒐᔭᓐ᙮ ᐎᔾ ᒋᓴᒪᓂᑐᐤ ᑲ ᐅᑎᓂᑦ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᓂᔾ ᑭᔭ ᒋᐧᑲᓂᓯᓄᐤ ᑎᒧᑎ ᑕᐱᔅᑯᓐ ᒋ ᒥᓯᓇᐊᒪᑎᓇᓐ᙮ ᒋᔨᐛᐤ ᒋᓴᒪᓂᑐᐤ ᐊ ᑕᑦ ᑲ ᐃᓯ ᒪᒧᐤ ᐊᔭᒥᐊᔭᒄ ᐊᓐᑕ ᑯᕆᓐᑦ ᐊ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᓐ᙮ ᑭᔭ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᐊᑲᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ ᓂ ᒥᓯᓇᐊᒺᓇᓂᒡ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᐱᓕᐱᔭᓇ 1:1

ᓂᔾ ᑈᓪ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᒋᓴᔅ ᙭ ᑲ ᑕᑈᔭᔨᒪᒄ ᐊᓐᑕ ᐱᓕᐸᐃᒡ ᑲ ᑕᔭᒄ᙮ ᑎᒧᑎ ᑭᔭ ᓂᔾ ᑕᐱᔅᑯᓐ ᓂᑦ ᐊᑐᔅᑯᐛᓇᓐ ᒋᓴᔅ ᙭᙮ ᑭᔭ ᒋᔨᐛᐤ ᑲ ᓂᑲᓂᔅᑯᐛᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᑭᔭ ᒋᔨᐛᐤ ᑲ ᐎᒋᐃᐛᔭᒄ ᐊᓐᑕ ᐊᔭᒥᐊᐅᒋᐛᐱᒡ ᒋ ᒥᓯᓇᐊᒪᑎᓇᓐ᙮

ᑯᓚᓯᔭᓇ 2:2

ᐊᐅᒄ ᐊ ᐃᑎᔭᓐ ᐊ ᐱᑯᓴᔨᒧᔭᓐ ᒐᒋ ᓱᒋᑕᐊᔭᒄ ᑭᔭ ᒐᒋ ᒪᒧᐱᔪᐅᔭᒄ ᐊ ᓴᒋᐃᑐᔭᒄ᙮ ᒋ ᓂᑐᐛᔨᒥᑎᓇᐛᐤ ᓇᔅᒡ ᒐᒋ ᓂᔅᑐᑎᒪᒄ ᒥᔽᒋᒧᐅᓐ ᒐᒋ ᓱᐛᔨᒥᑯᐅᔭᒄ ᐊ ᒋᔅᒐᔨᑎᒪᒄ ᐊ ᑕᑈᒥᑲᒡ᙮ ᓇᔅᒡ ᓂᔅᑐᑎᒪᒂ ᐊᑯᑕ ᒐ ᐅᒋ ᒋᔅᒐᔨᒪᒄ ᒋᓴᔅ ᙭, ᐊᓐ ᐊᑲ ᓂᑕ ᐅᒋ ᒋᔅᒐᔨᒪᑭᓄᐅᑦ ᐊᓐᑕ ᐅᑕᒡ᙮ ᒋ ᐃᑐᑎᒻ ᒪᒃ ᐊᑯ ᒋᓴᒪᓂᑐᐤ ᒐᒋ ᒋᔅᒐᔨᒪᑯ ᙭ᑕ᙮

1 ᑎᒧᑎ 2:4

ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐅᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

1 ᑎᒧᑎ 6:3

ᐊᑯ ᒪᒃ ᐊᐛᓐ ᐃᔭᒡ ᐊ ᐃᓯ ᒋᔅᑯᑎᒪᒐᑦ ᑭᔭ ᐊ ᐊᓏᑎᒺᑦ ᐊᓂᔭ ᐅᑎᐸᔨᒋᒐᐤ ᒋᓴᔅ ᙭ᑕ ᐅᑕᑈᐤ ᐃᔨᒧᐅᓂᔪᐤ ᑭᔭ ᐊᓂᔭ ᐊ ᒋᔅᑯᑎᒪᒐᓄᐎᒡ ᒐᒋ ᒋᓴᒪᓂᑐᐛᑎᓯᓇᓄᐎᒡ

2 ᑎᒧᑎ 2:10

ᐊᑯ ᒪᒃ ᐊ ᓱᒋᐱᔨᒡ ᒥᓯᐛ ᒐᒂᓐ ᒐᒋ ᓴᐧᑯᒋᑕᔭᓐ ᑕᓐ ᒐ ᐃᓯ ᓂᓇᐧᑲᒋᐃᑯᐛᓇ, ᐊ ᐱᑯᓴᔨᒧᔭᓐ ᐊᓂᔭᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐ ᐅᑦ ᐃᔨᒥᑦ ᒐ ᐊᔭᔨᒋ ᐱᒪᒋᐃᑯᓯᐅᓂᔪᐤ ᑭᔭ ᑲᒋᒡ ᒋᔅᑕᔨᑕᑯᓱᐅᓂᔪᐤ ᙭ ᒋᓴᓴ ᐊ ᑕᔨᒋ ᑲ ᐅᒋᐱᔨᒡ᙮

2 ᑎᒧᑎ 2:23

ᐊᑲᐎᔾ ᓇᓂᑐᑕ ᓂᑎᒥᒄ ᐃᔨᒧᐅᓇ ᑭᔭ ᒋᔎ ᐃᔨᒧᐅᓐ, ᐛᔅ ᐊᑯᑕ ᐛᒋᐱᔨᒡ ᒐᒋ ᐅᒋ ᒥᒋᐱᔨᐃᑐᓇᓄᐅᒡ᙮

2 ᑎᒧᑎ 2:25

ᑭᔭ ᒋᔭᒻ ᒋᐸ ᐃᑐᑐᐛᐤ ᐊ ᐎ ᑯᐃᔅᑯᓇᑦ ᐊᓂᔭ ᑲ ᓂᓂᔅᑯᔅᑕᑯᑦ ᐊᐛᔪᐛ᙮ ᒐᒃ ᒪ ᒋᐸ ᒋ ᐃᑐᑕᑯᔪᐛ ᒋᓴᒪᓂᑐᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:1

ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮ ᒥᓯᐛ ᓂ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮

2 ᐱᑕᕐ 1:3

ᒋ ᒋᔅᒐᔨᒪᓄᐤ ᐊᑯ ᒋᓴᔅ ᙭ ᒋᐱᒪᑎᓯᐅᓇᒡ, ᐊᓐ ᐊᐛᓐ ᑲ ᑕᑈᑎᑕᒄ ᒐᒋ ᒋᔅᒐᔨᑎᒥᐃᑕᒄ ᐎᔾ ᑎᐱᔨᐛ ᐅᒋᔅᑕᔨᑕᑯᓱᐅᓐ ᑭᔭ ᐅᒋᓴᒪᓂᑐᐛᑎᓯᐅᓐ᙮ ᐊᑯᑕ ᒪᒃ ᐅ ᐅᒋ, ᐅᔭ ᐊ ᒋᔅᒐᔨᒪᐧᒄ ᒋᓴᔅ, ᒋᓴᒪᓂᑐᐤ ᐎᔾ ᐅᓱᐧᑲᑎᓯᐅᓂᒡ ᐅᒡ ᓴᔅ ᒥᓯᐛ ᔅᒋ ᒥᔨᑯᓄᐤ ᑕᓐ ᐊ ᐃᓯ ᓂᑐᐛᔨᑕᑯᓂᔨᒡ ᒋᐱᒪᑎᓯᐅᓇᒡ ᑕᑈ ᐎᔾ ᐊ ᑕᑦ ᒐᒋ ᐃᓯ ᐱᒪᑎᓯᔭᐧᒄ᙮

2 ᐱᑕᕐ 3:11

ᐊ ᒋᔅᒐᔨᑎᒪᒄ ᒪᒃ ᐅ ᒐ ᐃᔅᐱᔨᒡ, ᑕᓐᑕ ᒋᐸ ᐃᓯ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ᑕᑦ,

1 ᒠᓐ 2:23

ᐛᔅ ᐊᐛᓐ ᑲ ᐊᑐᐛᔨᒪᑦ ᐅᑯᓯᓯᒪᐛ, ᐊᑐᐛᔨᒪᐤ ᑭᔭ ᐅᑕᐎᒪᐛ᙮ ᐊᑯ ᒪᒃ ᐊᓐ ᐊᐛᓐ ᑲ ᐃᔅᒋᔄᑦ ᐊ ᑕᑈᔭᔨᒪᑦ ᐅᑯᓯᓯᒪᐛ, ᑕᑈᔭᔨᒪᐤ ᑭᔭ ᐅᑕᐎᒪᐛ᙮

ᒋᔅᒐᔨᑕᑯᑕᒐᐅᓐ 1:1

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᒋᓴᔅ, ᒋᓴᒪᓂᑐᐛ ᒋ ᒥᔨᑯᐤ ᒐᒋ ᒋᔅᒐᔨᑎᒥᐊᑦ ᐊᓂᔭ ᑲ ᐊᑐᔅᑯᐛᔨᒋ ᒋᓴᒪᓂᑐᐛ ᑕᓐ ᒐ ᐃᔅᐱᔨᒡ ᐎᐱᒡ᙮ ᓂᔾ, ᒠᓐ, ᒋᓴᒪᓂᑐᐛ ᑲ ᐊᑐᔅᑯᐛᑦ, ᓂᒋ ᐃᑎᓴᐊᒪᒄ ᙭ ᐊᓐᒋᓇ ᒐᒋ ᐸᒋ ᐎᑎᒧᔨᒋ ᑕᓐ ᐊᓂᔭᔪᐛ ᓴᔅ ᐎᐱᒡ ᒐ ᐃᔅᐱᔨᒋ᙮