ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐛᔅ ᐊᐅᒄ ᐊᓐᒡ ᐃᔅᕋᐃᓪ ᐃᔪᒡ ᒋᓴᒪᓂᑐᐛ ᑲ ᐅᑎᓂᑯᒡ ᒐᒋ ᐅᑦ ᐊᐛᓯᒥᑐᑕᑯᒡ ᑭᔭ ᒐᒋ ᒋᔅᑕᔨᑕᑯᐃᑯᒡ᙮ ᒋ ᐅᓯᑎᒪᑯᐅᒡ ᓂᔅᑯᒧᐅᓂᔪᐤ᙮ ᒋ ᒥᔨᑯᐅᒡ ᐎᓱᐛᐅᓂᔪᐤ᙮ ᒋ ᒋᔅᒐᔨᑎᒥᐃᑯᐅᒡ ᑕᓐ ᒐ ᐃᓯ ᐊᔭᒥᐊᔅᑐᐛᒡ᙮ ᓂᓇᐧᑯᐤ ᒐᒂᔪᐛ ᒋ ᐃᑎᑯᐅᒡ ᒐᔅᑎᓇᔅ ᒐ ᐃᑐᑎᒪᑯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:4 Iomraidhean Croise

ᒐᓂᓯᔅ 15:18

ᐊᓂᔭ ᑲ ᒋᓯᑲᔨᒡ, ᑎᐸᔨᒋᒐᓱᐤ ᑭᔭ ᐊᑉᕋᒻ ᒋ ᐃᑐᑎᒧᒡ ᓂᔅᑯᒥᑐᐅᓂᔪᐤ ᑭᔭ ᑎᐸᔨᒋᒐᓱᐤ ᒂ ᐃᑕᑦ, “ᓂᒋ ᐊᓱᑎᒪᒐᓐ ᒐᒋ ᒥᔨᒂᐤ ᒋᓂᑕᐅᒋᐊᑭᓐᒡ ᒥᓯᐛ ᐅᔭᔪᐤ ᐊᔅᒋᔪᐤ, ᐃᒋᑉᑎᒡ ᓯᐱᒡ ᐛᒋᒋᐱᔨᒡ ᐃᔅᐱᔅ ᔪᑉᕆᑎᔅ ᓯᐱᒡ᙮

ᒐᓂᓯᔅ 17:10

ᒪᐅ ᒐ ᐎ ᐃᓯ ᑭᓄᐛᔨᑎᒪᒄ ᓂᓂᔅᑭᒧᐅᓐ, ᑕᐱᔅᑯᓐ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ᙮ ᒪᐅ ᐊ ᐃᓯ ᓂᑐᐛᔨᒥᑕᓐ ᒐᒋ ᐃᑐᑎᒥᓐ, ᒐ ᒋᔅᒋᓄᐛᒋᔄᑥᐤ ᒥᓯᐛ ᐊ ᓇᐸᓯᐅᒡ ᐊᐛᓯᒡ᙮

ᒐᓂᓯᔅ 17:2

ᓂᑭ ᑐᑕᓐ ᓂᓇᔅᑯᒧᐅᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᒐ ᐊᑲ ᒋ ᒋᒪᑭᓄᐎᒡ᙮”

ᒐᓂᓯᔅ 17:7

ᒧᔅ ᑲᒋᒡ ᓂᑭ ᑭᓄᐛᔨᑕᓐ ᑲ ᐊᓱᑎᒪᑕᓐ ᑭᔭ ᒋᑦ ᐊᓂᔅᑯᑕᐸᓐᒡ ᓂᑲᓐ ᒐ ᐊᑎ ᐊᓂᔅᒐ ᐱᒪᑎᓯᒡ ᒧᔭᒻ ᑲᒋᒡ ᓂᓇᔅᑯᒧᐅᓐ, ᓂᔾ ᒋᑭ ᐅᒋᓴᒪᓂᑐᒥᑐᐅᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐅᒋᓴᒪᓂᑐᒥᒡ᙮

ᒐᓂᓯᔅ 32:28

ᐊᑯ ᓇᐸᐤ ᐊᑕᑦ, “ᓇᒪ ᓴᔅ ᒐᑭᑉ ᒋᑭ ᐃᓯᓂᐧᑲᑎᑯᐅᓐ᙮ ᔅᒋ ᒪᓴᐊᐤ ᒋᓴᒪᓂᑐᐤ ᑭᔭ ᐃᔪᒡ ᑭᔭ ᔅᒋ ᑲᓂᔪᐅᓐ; ᐊᑯ ᐃᔅᕋᐃᓪ ᒋᑭ ᐃᓯᓂᐧᑲᓱᓐ᙮”

ᑎᐱᑦ ᐅᓂᑭᒧᐅᓇ 147:19

ᐛᐸᑎᔭᐤ ᐅᑦ ᐃᔨᒧᐅᓐ ᒐᑭᐸ, ᐅᑦ ᐃᑎᓱᐛᐅᓇ ᑭᔭ ᐅ ᑎᐸᔅᑯᓂᒐᐅᓇ ᐃᔅᕋᐃᓚ᙮

ᑎᐱᑦ ᐅᓂᑭᒧᐅᓇ 63:2

ᑲᒋ ᐛᐸᑎᒪᓐ ᒋᑭᔅᒋᐅᓐ ᑭᔭ ᒋᒋᔅᑕᔨᑕᑯᓱᐅᓐ, ᑲ ᐃᓯ ᐛᐱᒥᑕᓐ ᐸᔭᒋ ᒥᒋᐛᐱᒡ᙮

ᑎᐱᑦ ᐅᓂᑭᒧᐅᓇ 73:1

ᑕᑈ ᒋᓴᒪᓂᑐᐤ ᒥᔪᑐᑐᐛᐤ ᐃᔅᕋᐃᓚ, ᐊᓂᔭ ᐅᑎ ᑲ ᐸᔭᒋᑕᐊᔨᒋ᙮

ᑎᐱᑦ ᐅᓂᑭᒧᐅᓇ 78:61

ᒋ ᐸᒋᑎᓇᒺᐤ ᒪᒃ ᐅᒥᔅᑯᐅᓯᐅᓂᔪᐤ ᒪᒪᒋᑯᓂᑯᓯᐅᓂᒡ, ᑭᔭ ᐅᒋᔅᑕᔨᑕᑯᓱᐅᓂᔪᐤ ᐅᐛᐧᑲᓱᐛᐛ ᐅᑎᒋᔨᒡ᙮

ᑎᐱᑦ ᐅᓂᑭᒧᐅᓇ 89:3

“ᓂᒋ ᐎᒋ ᓂᔅᑯᒪᐤ ᓂᐅᐛᔭᐱᒪᑭᓐ, ᓂ ᒋᒋ ᐃᑕᐤ ᑎᐱᑦ ᓂᑦ ᐊᑐᔅᒐᔭᑭᓐ,

ᑎᐱᑦ ᐅᓂᑭᒧᐅᓇ 89:34

ᓂᓂᔅᑯᒥᑐᐅᓐ ᓇᒪᐎᔾ ᓂᑭ ᐱᑯᓇᓐ, ᓇᒪ ᑭᔭ ᓂᑭ ᐊᒋᑕᓐ ᐊᓂᒪ ᓂᑐᓂᒡ ᑲᒋ ᐅᒋ ᐎᐎᐱᔨᒡ᙮

ᑎᐱᑦ ᐅᓂᑭᒧᐅᓇ 90:16

ᐊᑯᔅ ᒋᑦ ᐃᑐᐅᓂᔪᐤ ᒋᑭ ᐛᐸᑎᒧᒡ ᒋᑦ ᐊᑐᔅᒐᔭᑭᓐᒡ, ᑭᔭ ᒋᒋᔅᑎᓯᐅᓂᔪᐤ ᒋᑭ ᑎᑯᓂᔪᐤ ᐊ ᑕᔨᒋ ᐅᑦ ᐊᐛᓯᒥᓱᐛᐛ᙮

ᐊᒃᓱᑕᔅ 12:25

ᑎᑯᓯᓂᔭᒂ ᐊᓐᑕ ᐊᔅᒋᒡ ᑎᐸᔨᒋᒐᓱᐤ ᑲ ᐊᓱᑎᒪᑕᒄ ᒐᒋ ᒥᔨᑕᒄ, ᒐ ᑭᓄᐛᔨᑎᒪᒄ ᐅ ᐃᑐᐅᓐ᙮

ᐊᒃᓱᑕᔅ 34:27

ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᒐ ᒥᓯᓇᑕᐊᒥᓐ ᐅᔭ ᐃᔨᒧᐅᓇ ᑲ ᐎᑎᒪᑕᓐ᙮ ᐅᔭ ᐅᒡ ᑲ ᒥᔨᑕᓐ ᐎᓱᐛᐅᓇ, ᒋᒋ ᓂᔅᑯᒧᐅᓐ ᒋ ᐃᑐᑎᒪᑎᓐ ᐊᓯᒡ ᐃᔅᕋᐃᓪ ᐃᔪᒡ᙮”

ᐊᒃᓱᑕᔅ 4:22

ᐊᑯ ᒐ ᐎᑎᒧᐅᑦ, ‘ᐊᐅᑯᐤ ᐅᔭ ᑲ ᐃᔅᒋᔄᑦ ᑎᐸᔨᒋᒐᓱᐤ, “ᐃᔅᕋᐃᓪ ᐊᐅᒃ ᐅ ᓂᔅᑎᒻ ᑲ ᐃᔪᐅᑦ ᓂᑯᔅ᙮

ᐊᒃᓱᑕᔅ 40:34

ᐊᑯ ᑭᔅᑯᐅᓐ ᒂ ᐊᑯᓇᐧᒃ ᐊᓂᔭ ᐸᔭᒋ-ᐱᒍᐎᔭᓂᒋᐛᐱᔪᐤ ᑭᔭ ᒂ ᓴᑭᔅᒋᓇᔨᒡ ᐊᓐᑕ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 21:33

ᐊᑯ ᒋᓴᔅ ᐊᑕᑦ, “ᓂᑐᑎᒧᒄ ᒥᓐ ᐅ ᑯᑎᒡ ᒋᔅᑯᑎᒪᒐᐤ ᑎᐸᒋᒧᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᓂᑕᐅᒋᑕᑦ ᒥᓂᓴ ᒐᒋ ᐅᒋ ᐅᓯᑕᑦ ᓱᒥᓇᐳᔪᐤ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒋ ᐃᑐᑕᐤ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᒠᓐ 1:47

ᐃᔅᐱ ᒪᒃ ᒋᓴᔅ ᐎᔭᐱᒪᑦ ᓇᑕᓂᔭᓚ ᐊ ᐸᑕᔅᑎᒧᑕᔨᒋ ᒋ ᐃᑕᐤ, “ᐊᐅᒄ ᒋᒋᐛ ᐃᔅᕋᐃᓪ ᐃᔪᐤ, ᓇᔅᒡ ᑕᑈ ᑯᐃᔅᑯᑕᑎᓯᐤ᙮”

ᐊᑈᔅᑕᓇᒡ 2:39

ᐛᔅ ᐅᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ ᒋᔨᐛᐤ ᔅᒋ ᐃᑕᔨᒥᑯᐛᐤ ᒐᒋ ᐊᔭᐅᒪᑯ ᑭᔭ ᒋᑦ ᐊᐛᓯᒧᐛᐛ ᒐᒋ ᐊᔭᐛᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᐛᔪᐤ ᑲ ᑕᔨᒋ᙮ ᒥᓯᐛ ᐊᓐᒡ ᒐ ᑕᑈᑎᑯᒡ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ᒥᔭᑭᓄᐅᒡ ᐅᔭ ᒥᔨᐛᐅᓂᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:2

ᒥᔅᑎ ᑭᑈ ᒐᒂᓐ ᐃᑕᔨᑕᑯᓐ ᒍᐤ ᐊ ᐃᑎᔅᑲᓇᓯᑦ ᐊᐛᓐ᙮ ᒥᔅᑎ ᑕᑈ ᐃᑕᔨᑕᑯᓐ᙮ ᓂᔅᑎᒻ ᒐᒂᓐ᙮ ᐊᐅᑯᓐᒡ ᐅᒡ ᒍᐤ ᑲ ᐃᑎᔅᑲᓇᓯᒡ ᐃᔪᒡ ᑲ ᒥᔭᑭᓄᐎᒡ ᒐᒋ ᐊᑐᔅᒐᔅᑎᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:15

ᐛᔅ ᑕᐸ ᒋᑦ ᐃᑐᑕᑯᐛᐤ ᐊᓐ ᐊᒐᐧᒄ ᒋᓴᒪᓂᑐᐤ ᑲ ᒥᔨᑕᒄ ᑲᐤ ᒐᒋ ᑎᐸᔨᒥᑯᐛᒄ ᓴᒋᓱᐅᓂᔪᐤ᙮ ᐅ ᐊᒐᐧᒄ ᐅᒋ ᐊᑯᑕ ᐛᒋ ᐃᓯᐃᑕᒄ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑕᑕᒄ ᑭᔭ ᒐᒋ ᐃᑕᐧᒄ, “ᓄᑕ, ᓄᑕᐎᔾ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:6

ᓇᒪᐎᔾ ᑭᑈ ᒋᑭ ᒋ ᐃᓇᓄᐤ ᐊᑲ ᐅᒋ ᐃᑐᑕᐧᒃ ᒋᓴᒪᓂᑐᐤ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑕᐧᒃ ᐛᔅ ᑕᐸ ᒥᓯᐛ ᐊᓐᒡ ᒐᑭᐸ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᒡ, ᐃᔅᕋᐃᓪ ᐃᔪᒡ ᑲ ᐃᓯᓂᐧᑲᑎᓱᒡ ᐅᑦ ᐃᔨᒥᑐᑕᑯᐅᒡ ᒋᓴᒪᓂᑐᐛ᙮

2 ᑯᕆᓐᑎᔭᓇ 11:22

ᒋᒋᐛ ᐊ ᐃᑕᔨᒥᓱᒡ ᒍᐤ ᑲ ᐃᑎᔅᑲᓇᓯᒡ ? ᑭᔭ ᓂᔾ ᒍᐤ ᓂᑦ ᐃᑎᔅᑲᓇᓯᓐ᙮ ᒋᒋᐛ ᐊ ᐃᑕᔨᒥᓱᒡ ᐊᓂᔭ ᐃᔅᕋᐃᓪ ᐊ ᐅᒋᒡ ? ᑭᔭ ᓂᔾ ᐊᑯᑕ ᐛᒋᔭᓐ᙮ ᒋᒋᐛ ᐊ ᐃᑕᔨᒥᓱᒡ ᒥᒄ ᐊᑉᕋᐊᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᒡ ? ᓂᔾ ᑭᔭ ᐊᑯᑕ ᑲ ᐅᒋ ᐊᓂᔅᒐ ᐱᒪᑎᓯᔭᓐ᙮

ᑲᓚᓯᔭᓇ 3:16

ᐊᐅᑯᓐ ᒪᒃ ᒧᔭᒻ ᑲ ᐃᓯᓇᑯᓂᔨᒡ ᒋᓴᒪᓂᑐᐤ ᑭᔭ ᐊᓂᔭᐧᑲ ᐊᑉᕋᐊᒻ ᑲ ᐅᓯᑎᒪᓱᒡ ᑕᓐ ᑕᐱᔅᑯᓐ ᒐ ᐃᓯ ᓂᔅᑯᒧᒡ᙮ ᒋᓴᒪᓂᑐᐤ ᒋ ᐃᔅᒋᔄᑯᐱᓇ ᒐᔅᑎᓇᔅ ᒐ ᓱᐛᔨᒪᑦ ᐊᑉᕋᐊᒪ ᑭᔭ ᐸᐃᒄ ᐊᓂᔭᔪᐛ ᐊᐛᔪᐛ ᐊᓐᑕ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ᙮ ᓇᒪ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᒋᔾ ᑭᔭ ᐊᓐᒡ ᐊᓐᑕ ᐊ ᑕᔨᓐ ᒐ ᐅᒋ ᐊᓂᔅᒐ ᐱᒪᑎᓯᒡ ᒋᑭ ᒥᔪᑐᑎᒪᑎᓇᐛᐤ᙮ ᒪᐅ ᐊᑎᔅᑕᒡ, ᒋᔾ ᒋᑭ ᒥᔪᑐᑎᒪᑎᓐ ᑭᔭ ᐸᐃᒄ ᐊᓐ ᐊᓐᑕ ᐊ ᑕᔨᓐ ᒐ ᐅᒋ ᐊᓂᔅᒐ ᐱᒪᑎᓯᑦ᙮ ᙭ ᒪᒃ ᐅ ᑲ ᐊᔨᒧᒪᑭᓄᐅᑦ᙮

ᐃᐱᓯᔭᓇ 2:12

ᐊᓐᑕ ᐊᓐ ᒪᒂᒡ ᓇᒪ ᒋ ᐅᒋ ᐎᒐᐛᐛᐤ ᙭᙮ ᔅᒋ ᒪᓐᑕᐅᓇᐛᐤ ᐊᑲ ᐅᒋ ᐊᔅᑎᓯᓇᓱᔭᒄ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓇᒪ ᒋ ᐅᒋ ᐊᔅᑎᓯᓇᓱᓇᐛᐤ ᓂᔅᑯᒧᐅᓂᒡ, ᐊᓂᔭᔪᐛ ᑲ ᐅᓯᑕᑭᓄᐅᒋ ᐊᓐᑕ ᐅᒋ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒧᐛᑦ ᐅᑦ ᐃᔨᒪ᙮ ᑭᔭ ᔅᒋ ᐱᒪᑎᓯᓇᐛᐤ ᐅᑕ ᐊᔅᒋᒡ ᐊᑲ ᐅᒋ ᐊᔭᔭᒄ ᐊᔅᐸᔨᒧᐅᓐ ᑭᔭ ᓇᒪ ᒋ ᐅᒋ ᒋᔅᒐᔨᒪᐛᐤ ᒋᓴᒪᓂᑐᐤ᙮

ᐃᑉᕈᐛ 9:1

ᐊᓐ ᓂᔅᑎᒻ ᓂᔅᑯᒧᐅ ᒥᓯᓇᐃᑭᓐ ᑲ ᐅᓯᑕᑭᓄᐅᒡ ᐊᑯᑕ ᑲ ᐎᑎᒧᐛᑭᓄᐎᒡ ᐊᐛᓐᒋ ᑕᓐ ᐊᓐ ᒐ ᐃᑎᒡ ᐊ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮ ᒋ ᓂᑐᐛᔨᑕᑯᓐ ᒐᒋ ᑎᒂᒡ ᒥᒋᐛᑉ ᐅᑕ ᐊᔅᒋᒡ ᐊᓐᑕ ᒐ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᐃᑉᕈᐛ 9:10

ᐅ ᐊ ᐃᑎᓇᓄᐅᒡ ᐊ ᒥᔨᐛᓄᒋ ᒥᔨᐛᐅᓇ ᑭᔭ ᒥᑐᔅᑕᐊᒪᒐᐅᓇ ᐊᑯᓐ ᐊᑎᔅᑕᒡ ᓂᔅᑯᒧᐅ ᒥᓯᓇᐃᑭᓂᒡ ᒐᒋ ᐃᑎᓇᓄᐅᒡ᙮ ᒥᒄ ᐎᑎᒧᐛᑭᓄᐎᒡ ᐊᓐᑕ ᐊᐛᓐᒋ ᒐᒂᔪᐤ ᒐᒋ ᒥᒋᒡ ᑭᔭ ᒐᒂᔪᐤ ᒐᒋ ᒥᓂᒡ ᑭᔭ ᑕᓐ ᒐ ᐃᓯ ᓂᓇᐧᑯᐤ ᐃᑎᒡ ᐊᓐᑕ ᒐᒋ ᐅᒋ ᐃᓯᓇᑯᓯᒡ ᐊ ᐸᔭᒋᓯᒡ᙮ ᐅᔭ ᒐᒂᔪᐛ ᓇᒪ ᒋ ᐎᒋᐃᑯᓇᓄᐤ ᒐᒋ ᒋᔅᒐᔨᑎᒪᐧᒄ ᑕᑈ ᒐᒋ ᐛᐸᔨᑎᒪᑯᐛᒂ᙮ ᐊᐅᒄ ᐅᔭ ᒪᒂᒡ ᒐ ᐎᒋᐃᑯᔭᐧᒄ ᒐ ᐃᔅᐱᔅ ᐊᑲ ᐅᑎᒋᐱᔨᒡ ᐊᓐᑕ ᒐ ᐃᑐᑕᑕᐧᒄ ᒋᓴᒪᓂᑐᐤ ᓇᔅᒡ ᒐᒋ ᑯᐃᔅᑯᓇᑯᐃᑕᐧᒄ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮

ᐃᑉᕈᐛ 9:3

ᐊᓐ ᒪᒃ ᒥᓐ ᑲ ᐅᒋ ᑎᒂᒡ ᐊ ᐱᔅᒋᒐᔭᒡ ᐊᑯᐛᑲᐃᑭᓐ ᒋ ᐃᑕᑭᒧᐤ ᐊᓐᑕ ᒐᒋ ᐱᐧᑲᓇᔨᑕᒂᒡ ᐊᓐᑕ ᐊᓐ ᓂᔅᑎᒻ ᑲᐱᔅᒋᒐᔭᒡ᙮ ᐊᑯ ᐅ ᑯᑎᒡ ᑲᐱᔅᒋᒐᔭᒡ ᒪᐅᒡ ᑲ ᐸᔭᒋᓯᒥᑲᒡ ᒋ ᐃᓯᓂᐧᑲᑕᑭᓄᐤ᙮

ᐃᑉᕈᐛ 9:5

ᑎᐱᔅᑯᒡ ᐊᓐ ᒥᔅᑎᑯᒥᐅᑦ ᐃᑐᐤ ᒪᒃ ᐊᓐᑕ ᐊ ᐃᔎᒡ ᐊᓐ ᒥᔅᑎᑯᒥᐅᑦ, ᒋ ᑕᐅᒡ ᐊᓐᒋᓐᒡ ᐃᔨᐧᑲᓂᒡ ᐊᒋ ᐃᓯᐊᑭᓄᐎᒡ, ᓇᔅᒡ ᐊᒋ ᒥᔪᓇᑯᐊᑭᓄᐛᒂᓂᒋ᙮ ᐅᑎᑎᑭᓄᐛᐛ ᓇᔅᒡ ᒋ ᐊᑯᐛᑯᒋᓂᔪᐛ ᐊᓐᑕ ᐊ ᐊᑯᓇᐸᑕᑭᓄᐅᒡ ᐊᓐ ᒥᔅᑎᑯᒥᐅᑦ᙮ ᐊᓐ ᒪᒃ ᐊᑯᓇᐸᒋᑭᓐ ᐊᐳᐅᓐ ᐊᓐᑕ ᐛᒋ ᐛᐸᔨᑎᒧᐛᑦ ᒋᓴᒪᓂᑐᐤ ᐊᐛᔪᐛ ᐅᒥᒋᑥᐅᓂᔪᐤ ᒋ ᐃᓯᓂᐧᑲᑕᑭᓄᐤ᙮ ᐊᑐᐎᔅ ᒋᐸ ᒋ ᐊᔨᒧᑎᒪᑎᓇᐛᐤ ᐅᔭ ᒐᒂᔪᐛ ᒥᒄ ᒪᒃ ᓇᒪ ᒋᑭ ᐅᒋ ᐎᒋᐃᐛᐱᔪᐤ ᐊᑎ ᐊᔨᒧᑎᒪᓇ ᐊᓄᒡ᙮

ᐃᑉᕈᐛ 9:6

ᐃᔅᐱ ᑲᒋ ᐃᓯ ᐛᐛᓯᑕᑭᓄᐅᒋ ᐊᓂᔭ ᓂᓱ ᑲᐱᔅᒋᒐᔭᒋ, ᐊᐅᒄ ᐅ ᑲᒋ ᐃᑎᓇᓄᐅᒡ ᐊᓐᑕ ᒥᒋᐛᐱᒡ᙮ ᐊᓐᒡ ᐊᔭᒥᐊᐅᒋᒪᐅᒡ ᒥᒄ ᐛ ᐃᔅᐱᔅ ᐱᒐᒡ ᐊᓂᔭ ᓂᔅᑎᒻ ᑲᐱᔅᒋᒐᔭᔨᒡ ᒋ ᐃᔅᐱᔅ ᐱᒐᐅᒡ ᐃᔅᐱ ᐊ ᐃᑐᑕᒡ ᐅᑦ ᐊᑐᔅᒐᐅᓄᐛᐤ᙮