ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒧᔭᒻ ᒋ ᓇᐃᐱᔨᑯᐱᓇ ᒐᒋ ᐃᑐᑕᑭᓄᐅᒡ ᓂᐸ ᐱᔅᑕᔨᒥᓱᓐ ᓂᔾ ᐊᐅᒄ ᒐᒋ ᐛᐛᓯᐃᑦ ᒋᓴᒪᓂᑐᐤ ᑭᔭ ᓂᔾ ᐊᐅᒄ ᒐᒋ ᐃᒐᑕᐃᑯᐅᔭᓐ ᙭ ᐅᒋ ᐊ ᑕᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:3 Iomraidhean Croise

ᒐᓂᓯᔅ 29:14

ᑲᒋ ᓂᑐᑐᐛᑦ ᒐᑭᐸ, ᓚᐸᓐ ᒋ ᐃᑕᐤ, “ᓂᐦᐃ, ᒋᔾ ᑎᐱᔨᐛ ᓂᐧᑲᓂᔅ᙮” ᓚᐸᓐ ᒋ ᓂᑐᒪᐤ ᒐᑭᐸ ᒐᒋ ᑕᔨᒋ ᐊ ᑕᑦ᙮ ᒐᑭᑉ ᐸᐃᒄ ᐱᓯᒺ ᒋᑕᐛᐤ ᓚᐸᓇ ᐎᒋᔨᒡ᙮

ᐊᒃᓱᑕᔅ 32:32

ᒥᒄ ᒋ ᐱᑯᓴᔨᒥᑎᓐ ᒐᒋ ᐛᐸᔨᑎᒧᐅᑥᐤ ᐊᓂᔭ ᐅᒥᒋᑥᐅᓄᐛᐤ, ᐊᑯ ᐊᑲ ᐎ ᐛᐸᔨᑎᒧᐅᑥᐛ ᒐ ᑲᓯᓯᓇᐊᒥᓐ ᓂᑦ ᐃᓯᓂᐧᑲᓱᐅᓐ ᐊᓐᑕ ᒋᒥᓯᓇᐃᑭᓂᒡ ᑲ ᒥᓯᓇᑕᐅᒧᑦ ᒋᑦ ᐃᔨᒥᒡ ᐅᑦ ᐃᓯᓂᐧᑲᓱᓄᐛᐛ᙮”

ᐊᑈᔅᑕᓇᒡ 13:26

“ᓂᐧᑲᓂᓯᑐᒄ, ᒋᔨᐛᐤ ᒪᒃ ᑲ ᐃᑎᔅᑲᓇᓯᔭᒄ ᐊᑉᕋᐊᒻ ᐊ ᑕᑦ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᔅᒋ ᐎᑎᒪᑯᓇᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ᙮

ᐊᑈᔅᑕᓇᒡ 22:5

ᐅ ᒪᒃ ᒋᓴᐊᔭᒥᐊᐅᒋᒪᐤ ᑭᔭ ᐊᓐᒡ ᒍᐤ ᐃᔪᒡ ᑲ ᒪᒧᐱᔅᑕᒡ ᑎᐸᔅᑯᓂᒐᐅᓂᔪᐤ ᒋᑭ ᒋ ᐎᑎᒪᑯᐛᐅᒡ ᐊ ᑕᑈᐅᒡ ᐅᔭ ᑲ ᐃᔅᒋᔄᐅᒡ᙮ ᓂᒋ ᒥᔨᑯᒡ ᒥᓯᓇᐃᑭᓇ ᒐᒋ ᐃᑐᑐᒥᒋ ᐎᐧᑲᓂᓯᒪᐛ ᐊᓐᑕ ᑕᒪᔅᑲᓯᒡ ᑲ ᑕᔨᒋ᙮ ᒋ ᒥᓯᓇᑕᔪᐤ ᐊᓐᑕ ᐊ ᐃᑎᓱᒥᒡ ᒐᒋ ᒪᑯᓂᒥᒋ ᑭᔭ ᒐᒋ ᒪᒋᒂᐱᐧᑲᑕᒥᒋ ᐊᓂᔭ ᑲ ᑕᑈᔭᔨᒪᔨᒋ ᒋᓴᓴ ᐊᓐᑕ ᑕᒪᔅᑲᓯᒡ ᑲ ᑕᔨᒋ ᑭᔭ ᒐᒋ ᐸᓱᒥᒋ ᐅᑕ ᒋᕈᓯᓕᒥᒡ ᒐᒋ ᐛᐛᓯᐊᑭᓄᔨᒋ᙮”

ᐊᑈᔅᑕᓇᒡ 28:21

ᐊᑯ ᒂ ᐃᑎᑯᑦ, “ᓇᒪᐎᔾ ᑭᑈ ᐎ ᓂᔭᓐ ᓂ ᐅᒋ ᒥᔅᑲᓇᓐ ᒐᒋ ᒥᓯᓇᐊᒪᑯᐅᔭᒡ ᐊᓐᑕ ᒍᑎᔭ ᐅᒋ, ᒐᒋ ᐊᔨᒧᒥᑯᔨᓐ ᐊᓐᑕ᙮ ᑭᔭ ᐊᓐᒡ ᒋᐧᑲᓂᓯᓄᐅᒡ ᐊᓐᑕ ᑲ ᐅᑐᑕᒡ ᓇᒪ ᒐᒂᔪᐤ ᒋ ᐅᒋ ᐃᑕᒋᒥᑯᒡ ᒪᒃ ᒐᒋ ᒪᔭᒋᒥᔅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:3

ᐅᑯᓯᓴ, ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ, ᐊᐅᑯᓐ ᐊᓂᔭᔪᐛ ᐊ ᐊᔨᒧᒪᑭᓄᔨᒋ ᐅᑕ ᒥᔽᒋᒧᐅᓂᒡ᙮ ᑲ ᐱᒪᑎᓯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑲ ᐃᓯᓂᐧᑲᓱᔨᒋ ᐊ ᑕᔨᒋ ᐊᑯᑕ ᐊᓂᔅᒐ ᑲ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:1

ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᔨᒧᓐ᙮ ᒋ ᐛᐱᓇᐤ ᐊ ᒋᓴᒪᓂᑐᐤ ᐅᑦ ᐃᔨᒪ ? ᓇᒪᐎᔾ ᑭᑈ ᐅᒋ ᐛᐱᓇᐤ᙮ ᐃᔅᕋᐃᓪ ᐃᔪᐤ ᑭᔭ ᓂᔾ᙮ ᐊᑉᕋᐊᒻ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᐱᓐᒋᒥᓐ ᑲ ᐃᓯᓂᐧᑲᓱᒡ ᐅᐸᐃᑯᑕᐅᓯᐅᒡ ᐊᑯᑕ ᐛᒋᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:14

ᐛᐱᒥᑥᐛ ᓂᒡ ᒍᐤ ᐃᔪᒡ ᐊ ᐛᐎᑎᒪᑎᑯᒡ ᒥᔽᒋᒧᐅᓐ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᑐᑕᑯᒡ ᐱᔅᒐ ᑲᐤ ᒐᒋ ᓂᑐᐛᐱᒪᒡ ᒋᓴᒪᓂᑐᐛ ᑭᔭ ᒐ ᐱᒪᒋᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:11

ᓂᐧᑲᓂᔅ ᐊᕈᑎᔭᓐ, ᐊᐅᒄ ᒥᓐ ᐎᔭᒋᔭᒥᒃ, ᑭᔭ ᐊᓐᒡ ᓇᕐᓯᓴᔅ ᐎᒋᔨᒡ ᐊ ᑕᒡ ᐊᓐᒡ ᑲ ᑕᑈᔭᔨᒪᒡ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:21

ᑎᒧᑎ ᐊᓐ ᑲ ᐎᒋ ᐊᑐᔅᒐᒥᒃ ᒋ ᐛᒋᔭᒥᑯᐛᐤ᙮ ᑭᔭ ᐊᓐᒡ ᓂᐧᑲᓂᓯᒡ ᓗᓯᔭᔅ, ᒐᐃᓯᓐ, ᑭᔭ ᓱᓯᐸᑕᕐ ᒋ ᐛᒋᔭᒥᑯᐛᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:7

ᑭᔭ ᐊᓐᒡ ᓂᐧᑲᓂᓯᒡ ᐊᓐᑎᕈᓂᑲᔅ ᑭᔭ ᒍᓂᔭᔅ ᓂ ᐛᒋᔭᒪᐅᒡ᙮ ᐊᑯᑕ ᑭᔭ ᐎᔨᐛᐤ ᑲ ᑕᒡ ᒪᒂᒡ ᑲᒪᑯᓄᐛᓯᐅᒋᐛᐱᒡ ᑲ ᑕᐅᒡ᙮ ᓇᔅᒡ ᒥᔪ ᒋᔅᑕᔨᒥᑯᐅᒡ ᑯᑎᑲ ᐊᑈᔅᑕᓇ᙮ ᐎᔨᐛᐤ ᓂᔅᑎᒻ ᒋ ᑕᑈᔭᔨᒪᐅᒡ ᒋᓴᓴ ᐊᔅᒄ ᐊᑲ ᓂᔾ ᐅᒋ ᑕᑈᔭᔨᒥᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:2

ᓇᔅᒡ ᑕᑈ ᓂᑯᓱᑯᒪᒋᐅᓐ ᑭᔭ ᒧᔅ ᐱᒥᐱᔪᐤ ᓇᔅᒡ ᐊ ᒪᑯᔅᑲᑯᔭᓐ ᐊ ᒪᒥᑐᓇᔨᒥᒂᐤ ᓂᒡ ᐃᔅᕋᐃᓪ ᐃᔪᒡ᙮

1 ᑯᕆᓐᑎᔭᓇ 12:3

ᒋ ᓂᑐᐛᔨᒥᑎᓇᐛᐤ ᒪᒃ ᒐᒋ ᓂᔅᑐᑎᒪᒄ ᐊᓐ ᐊᐛᓐ ᑲ ᐸᔭᒋᓯᔨᒋ ᐊᒐᒂ ᑲ ᐱᒥᐱᔨᐃᑯᑦ, ᓇᒪ ᓂᑕ ᒋᑭ ᐅᒋ ᒥᒋ ᐃᑕᐤ ᒋᓴᓴ᙮ ᐃᔅᒋᔄᒐ ᒪᒃ ᐊᐛᓐ, “ᒋᓴᔅ ᐊᐅᒄ ᐅᑎᐸᔨᒋᒐᐤ,” ᐸᔭᒋ ᐊᒐᒂ ᐃᑐᑕᑯᐤ ᐊᓂᔭ ᒐᒋ ᐃᔅᒋᔄᑦ᙮

1 ᑯᕆᓐᑎᔭᓇ 16:22

ᐊᐛᓐ ᐊᑲ ᓴᒋᐊᒐ ᐅᑎᐸᔨᒋᒐᐛ, ᐊᑯᔅ ᒋᑭ ᐛᐛᓯᐃᑯᐤ ᒋᓴᒪᓂᑐᐛ᙮ ᑎᑯᓯᓂ ᒪ, ᐅᑎᐸᔨᒋᒐᐤ᙮

2 ᑯᕆᓐᑎᔭᓇ 12:15

ᒥᒄ ᒪᒃ ᐊ ᐃᑎᔭᓐ ᒋ ᐎ ᐎᒋᐃᑎᓇᐛᐤ᙮ ᑭᔭ ᓇᔅᒡ ᓂᑭ ᐃᑕᔨᒥᓱᓐ ᒐᒋ ᐎᒋᐃᑎᑯᒡ᙮ ᓇᒪᐎᔾ ᐊ ᒋᑭ ᐅᒋ ᐃᔅᐱᔅ ᓴᒋᐃᓇᐛᐤ ᐊᑐᐎᔅ ᓴᒋᐃᑎᑯᒐ ?

ᑲᓚᓯᔭᓇ 1:8

ᐊᑯᔅ ᒋᓴᒪᓂᑐᐤ ᒋᑭ ᐛᐛᓯᐃᑯᐤ ᐊᓐ ᐊᐛᓐ ᐃᔭᒡ ᒐ ᐃᓯ ᒋᔅᑯᑎᒪᒐᒂ ᐊᓂᔭ ᒥᔽᒋᒧᐅᓂᔪᐤ ᑲ ᐛᐎᑎᒪᑕᒡ᙮ ᐛᐛᒡ ᓂᔭᓐ ᑭᔭ ᒪᒃ ᐊᓐᒋᓐ ᒋᒋᒋᓯᑯᒡ ᐊ ᐅᑐᑕᑦ ᐃᔭᒡ ᐃᓯ ᐛᐎᑎᒪᑕᒐ ᒥᔽᒋᒧᐅᓐ ᐊᑯᔅ ᓂᑭ ᐛᐛᓯᐃᑯᐅᓇᓐ᙮

ᑲᓚᓯᔭᓇ 1:9

ᓴᔅ ᔅᒋ ᐎᑎᒪᑎᓇᐛᐤ ᐅ ᒐ ᐃᑎᑎᑯᒡ, ᒥᒄ ᒪᒃ ᒥᓐ ᒋᑭ ᐎᑎᒪᑎᓇᐛᐤ᙮ ᒧᔭᒻ ᑭᒐᔅᒋᒥᑕᒂ ᐊᐛᓐ ᑯᑎᒋᔪᐤ ᒥᔽᒋᒧᐅᓂᔪᐤ ᐃᔭᒡ ᐊ ᐃᑎᑕᑯᓂᔨᒡ ᑕᓐ ᐊ ᐃᑎᑕᑯᓂᔨᒡ ᐊᓂᔭ ᓴᔅ ᑲ ᑕᑈᑎᒪᒄ ᐊᑯᔅ ᒋᑭ ᐛᐛᓯᐊᑭᓄᐤ᙮

ᑲᓚᓯᔭᓇ 3:10

ᐊᔪᐛᒡ ᒪᒃ ᐃᔭᒡ ᐃᔅᐱᔪᒡ ᐊᓐᒡ ᑲ ᓂᓇᐃᑕᒡ ᒍᐤ ᐊᔭᒥᐊᐅ ᐎᓱᐛᐅᓇ ᐊ ᐃᑕᔨᑕᒡ ᐊᑯᑕ ᐅᑯᐃᔅᑯᑕᑎᓯᐅᒡ ᒐᒋ ᐅᒋ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ᙮ ᒋᑭ ᓂᓱᐅᓇᒋᒪᑭᓄᐎᒡ ᐅᒡ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᓂᓱᐅᓇᒋᒪᑭᓄᐤ ᐊᓐ ᐊᐛᓐ ᐊᑲ ᒧᔅ ᑲ ᓂᓇᐃᑕᐧᒃ ᒥᓯᐛ ᑕᓐ ᐊ ᐃᓯ ᐎᔅᑕᔨᒡ ᒍᐤ ᐊᔭᒥᐊᐅ ᐎᓱᐛᐅᓂᒡ᙮

ᑲᓚᓯᔭᓇ 3:13

᙭ ᔅᒋ ᓇᑕᒪᑭᓄᐤ ᑕᓐ ᑲ ᐃᓯ ᓂᓱᐅᓇᒋᒥᑯᔭᐧᒄ ᐎᓱᐛᐅᓂᒡ ᐅᒡ ᐊᑯ ᐎᔾ ᒥᔅᑯᒡ ᑲ ᓂᓱᐅᓇᒋᒪᑭᓄᐅᑦ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊᐛᓐ ᒥᔅᑎᑯᒡ ᑲ ᐊᑯᔭᑭᓄᐅᑦ ᓂᓱᐅᓇᒋᒥᑯᐤ ᒋᓴᒪᓂᑐᐛ᙮

ᐃᐱᓯᔭᓇ 6:5

ᒋᔨᐛᐤ ᑲ ᐊᑐᔅᑯᐛᒄ ᐊᐛᓐ ᒋᐸ ᓂᓇᐃᑐᐛᐛᐅᒡ ᐊᓐᒡ ᒋᐅᒋᒪᒧᐛᐅᒡ᙮ ᐃᔭᒂ ᐃᑕᔨᒪᐧᑯᒡ ᑭᔭ ᐃᔭᒂᒥᔅᑐᐛᐧᑯᒡ ᑭᔭ ᑯᐃᔅᒄ ᐃᓯ ᐊᑐᔅᑯᐛᐧᑯᒡ ᒧᔭᒻ ᑕᓐ ᒋᐸ ᐃᓯ ᐊᑐᔅᑯᐛᐛᐤ ᙭᙮