ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓯᑯᒻ ᒋᓯᑲᐛ ᑯᔅᐱᓇᔨᑕᑯᓐ ᒐᒋ ᓂᐸᐃᑯᐅᔭᒡ ᐊ ᓇᓴᐅᑕᒡ᙮ ᒧᔭᒻ ᒪᔭᑕᓂᓯᒡ ᑲ ᐸᓱᐛᑭᓄᐎᒡ ᒐᒋ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:36 Iomraidhean Croise

ᑎᐱᑦ ᐅᓂᑭᒧᐅᓇ 141:7

“ᓂᔅᑭᓂᓇᓇ ᐛᓴᔄᐱᔪᐛ ᒋᐱᐃᒋᐛᑉ ᐅᑐᓂᒡ, ᒧᔭᒻ ᐃᔅᐱ ᐊᐛᓐ ᒋᒪᐊᐧᒃ ᑭᔭ ᑎᔭᔅᑲᐊᐧᒃ ᒥᑕ ᐅᑕ ᐊᔅᒋᒡ᙮”

ᑎᐱᑦ ᐅᓂᑭᒧᐅᓇ 44:11

ᔅᒋ ᐊᒋᒥᓇᓐ ᑕᐱᔅᑯᓐ ᒪᔭᑕᓂᓯᒡ ᑲ ᐎ ᒥᒋᒧᐎᒡ; ᑭᔭ ᔅᒋ ᒋᑎᓴᐅᓇᓐ ᐊᓐᑕ ᐊ ᐃᑕᒡ ᐊᑲ ᐊᔭᒥᐊᒡ᙮

ᑎᐱᑦ ᐅᓂᑭᒧᐅᓇ 44:22

ᓂᐦᐃ, ᒋᔾ ᐅᒋ ᓂ ᓂᐸᐃᑯᐅᓇᓐ ᐃᔅᑭᓐ ᒋᓯᑲᐛ; ᓂᑦ ᐃᑕᒋᒥᑯᐅᓇᓐ ᒧᔭᒻ ᒪᔭᑕᓂᓯᒡ ᑲ ᐎ ᓂᐸᐊᑭᓄᐅᒡ᙮

ᒠᓐ 16:2

ᐅᒡ ᒍᐤ ᐃᔪᒡ ᒋᑭ ᐎᐎᑎᓴᐅᑯᐛᐅᒡ ᐅᑦ ᐊᔭᒥᐊᐅᒋᐛᐳᐛᒡ᙮ ᓂᐦᐃ, ᒐᒃ ᑕᑈ ᒋᑭ ᐅᑎᒋᐱᔪᐤ ᐊᐛᓐ ᓂᐸᐃᑕᒂ ᒐ ᐃᑕᔨᑕᐧᒃ ᒋᓴᒪᓂᑐᐛ ᐊ ᐎᒋᐊᑦ᙮

ᐊᑈᔅᑕᓇᒡ 20:24

ᓇᒪ ᒪᒃ ᓇᔅᒡ ᓄᔭᔅᑕᔨᑎᒥᐃᑯᓐ ᓂᐱᒪᑎᓯᐅᓐ ᐃᔭᐱᒡ ᒪᒃ ᒧᔅ ᐃᔅᐱᔅ ᒋᔅᐱᔨᒐ ᓂᐱᒪᑎᓯᐅᓐ ᐅᑕ ᐊᔅᒋᒡ ᒋ ᒋᔅᑕᔭᓇ ᑕᓐ ᑲ ᐃᑎᓱᒥᑦ ᐅᑎᐸᔨᒋᒐᐤ ᒋᓴᔅ ᒐ ᐃᑕᐱᑎᓯᐅᒡ, ᐊᐅᒄ ᐅᔭ ᒐᒋ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᐅᑕ ᒪᒃ ᒥᔽᒋᒧᐅᓂᒡ ᐊᑯᑕ ᐊ ᐊᔨᒧᑕᔨᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮”

ᐊᑈᔅᑕᓇᒡ 8:32

ᒋ ᐃᔨᒥᑕᐛᐤ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᑲ ᐃᑎᔅᑕᔨᒡ, ᒋ ᐃᑐᑕᑭᓄᐤ ᒧᔭᒻ ᒪᔭᑕᓂᓴ ᒐᒋ ᓂᐸᐊᑭᓄᐅᑦ, ᑭᔭ ᒧᔭᒻ ᐊ ᐊᐱᓯᓯᑦ ᒪᔭᑕᓂᔅ ᐊᑲ ᒋᔅᑐᑦ ᐅᑎᔅᑯᐤ ᐊᓂᔭ ᑲ ᒧᓱᑯᑦ, ᓇᒪ ᐅᒋ ᐃᔅᒋᔄᐤ ᒐᒂᔪᐤ᙮

1 ᑯᕆᓐᑎᔭᓇ 15:30

ᐊᑯ ᒪᒃ ᓂᔾ, ᒐᒂᓐ ᐊᓯᑯᒻ ᑎᐸᐃᑭᓇ ᐛᒋ ᐱᔅᑎᓂᓱᔭᓐ ᐊᓐᑕ ᒂᔅᑕᑎᒂᒡ ᐊᑲ ᐊ ᑎᑯᓂᒂ ᐅᓂᔅᑲᓄᐅᓐ᙮

1 ᑯᕆᓐᑎᔭᓇ 15:31

ᓂᐧᑲᓂᓯᑐᒄ, ᐊᓯᑯᒻ ᒋᓯᑲᐛ ᓂ ᐸᓱᐛᐸᑕᓐ ᓂᐳᐅᓐ᙮ ᐊᓐ ᐊ ᐃᓯ ᒪᒥᒋᐃᔭᒄ ᑕᐱᔅᑯᓐ ᐊ ᐎᒐᐅᒄ ᐅᑎᐸᔨᒋᒐᐤ ᒋᓴᔅ ᐊᑯᑕ ᐛᒋᐱᔨᒡ ᐅ ᒐᒋ ᐃᔅᒋᔄᔭᓐ᙮

1 ᑯᕆᓐᑎᔭᓇ 4:9

ᓂᔾ ᒪᒃ ᐊ ᐃᑕᔨᑎᒪᓐ ᒋᓴᒪᓂᑐᐤ ᓂᒋ ᐃᓯᐃᑯᐅᓇᓐ ᓂᔭᓐ ᐊᑈᔅᑕᓇᒡ ᑲ ᐃᑎᐱᔭᒡ ᓇᔅᒡ ᓂᑕᒡ ᒐᒋ ᐃᑕᔨᑕᑯᓯᔭᒡ ᐃᔅᐱᔅ ᐎ ᒐᒋ ᒋᓴᐅᒋᒪᐎᔭᒡ᙮ ᓇᒪ ᓇᔅᒡ ᓂ ᒋᔅᑕᔨᑕᑯᓯᓇᓐ᙮ ᒧᔭᒻ ᓇᐸᐅᒡ ᒐ ᑎᐸᔅᑯᓇᑭᓄᐎᒡ ᒐ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮ ᓂᒋ ᐊᐃᑯᐅᓇᓐ ᐊᓐᑕ ᒥᓯᐛ ᐊᐛᓐ ᒐᒋ ᓂᓇᑭᑐᐛᔨᒥᔨᒥᑦ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᐅᔭᒡ᙮ ᑕᐱᔅᑯᓐ ᐃᔪᒡ ᑭᔭ ᐊᓐᒋᓐᒡ ᓂᓇᑭᑐᐛᔨᒥᑯᓇᓐᒡ᙮

2 ᑯᕆᓐᑎᔭᓇ 1:9

ᓴᔅ ᓇᔅᒡ ᓂᒋ ᐃᑕᔨᑕᓇᓐ ᐊᑯ ᐛᑎᒋᐱᔨᒡ ᒐ ᐳᓂᐱᒪᑎᓯᔭᒡ᙮ ᒋ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔪᒋᒡ ᐊᒋ ᐎ ᒋᔅᒐᔨᑎᒥᐃᑯᐅᔭᒡ ᐊᑲ ᓂᔭᓐ ᒐᒋ ᐊᔅᐸᔨᒧᑐᑕᓱᔭᒡ, ᒥᒄ ᐎᔾ ᒐᒋ ᐊᔅᐸᔨᒧᑐᐅᒋᒡ, ᐎᔾ ᑲ ᑭᔅᒋᐅᑦ ᒐᒋ ᐅᓂᔅᑲᓇᑦ ᐊᐛᔪᐛ ᓴᔅ ᐊᒋ ᓂᐱᔨᒋ᙮

2 ᑯᕆᓐᑎᔭᓇ 11:23

ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 6:9

ᐊᑎ ᒪᒃ ᐊ ᒥᔪ ᒋᔅᒐᔨᑕᑯᓯᔭᒡ ᐃᔭᐱᒡ ᒧᔭᒻ ᐊᑲ ᐊᓐ ᒋᔅᒐᔨᑕᑯᓯᒡ ᐊᐛᓐᒋ ᓂᑦ ᐃᑕᔨᒧᑯᐅᓇᓐ᙮ ᒧᔅ ᓂ ᐸᓱᐛᐸᑕᓇᓐ ᓂᐳᐅᓐ᙮ ᓂ ᐱᒪᑎᓯᓇᓐ ᒪᒃ᙮ ᐊᑎ ᐊ ᑎᒂᒡ ᒪᓐ ᐊ ᐃᓯ ᐛᐛᓯᐃᑯᐅᔭᒡ ᓇᒪ ᓂ ᐅᒋ ᓂᐸᐃᑯᐅᓇᓐ᙮

ᐱᓕᐱᔭᓇ 3:10

ᓇᒪ ᓂ ᐅᒋ ᐊᐱᑕᔨᑎᒥᐃᑯᓐ ᒥᓯᐛ ᐅᔭ ᒐᒂᔪᐛ ᐊᑐᐎᔅ ᒐᒋ ᒋᔅᒐᔨᒥᒃ ᙭, ᒐᒋ ᒋᔅᒐᔨᑎᒧᒡ ᓂᐱᒪᑎᓯᐅᓂᒡ ᐊᓂᔭᔪᐤ ᓱᐧᑲᑎᓯᐅᓂᔪᐤ ᑲ ᐅᓂᔅᑲᓂᑯᑦ ᑲ ᓂᐱᑦ, ᒐᒋ ᓂᓇᐧᑲᑕᔨᒧᔭᓐ ᑭᔭ ᓂᔾ ᑕᓐ ᑲ ᐃᓯ ᓂᓇᐧᑲᑕᔨᒧᑦ ᐎᔾ ᑭᔭ ᒐᒋ ᐱᔅᑎᓂᓱᔭᓐ ᑭᔭ ᓂᔾ ᒐᒋ ᓂᐱᔭᓐ ᒧᔭᒻ ᐎᔾ ᑲ ᐃᓯ ᐱᔅᑎᓂᓱᑦ᙮