ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᓇᒪ ᒪᒃ ᐊᐛᓐ ᒋᑭ ᒋ ᓂᓱᐅᓇᒋᒪᐤ ᒋᓴᒪᓂᑐᐛ ᐅᐅᑎᓇᑭᓂᔪᐛ ᒐᒋ ᐃᔅᒋᔄᑦ ᐊ ᐃᑕᔨᑕᑯᓂᔨᒡ ᒐᒋ ᐛᐛᓯᐊᑭᓄᔨᒋ ᐅᒥᒋᑥᐅᓂᔪᐤ ᐅᒡ᙮ ᐛᔅ ᓇᒪ ᒥᒄ ᒋ ᐅᒋ ᓂᐱᔅᑎᒪᑭᓄᐤ ᙭ ᐊᔪᐤ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒡ᙮ ᒪᒂᒡ ᒪᒃ ᒋᓴᒪᓂᑐᐛ ᐅᒥᔪᐅᓂᒡ ᐊᐳᐤ ᐊ ᐊᔭᒥᐊᔅᑎᒪᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:34 Iomraidhean Croise

ᑎᐱᑦ ᐅᓂᑭᒧᐅᓇ 109:31

ᐛᔅ ᒋᑭ ᓂᐳᐤ ᐅᒥᔪᓂᔨᒡ ᐅᒋᔅᑎᒪᑎᓯᐛ, ᒐᒋ ᐱᒪᒋᐊᑦ ᐊᓂᔭ ᐅᒋ ᑲ ᓂᓱᐅᓇᒋᒪᔨᒋ ᐅᑦ ᐊᒐᐧᑯᔪᐛ᙮

ᑎᐱᑦ ᐅᓂᑭᒧᐅᓇ 37:33

ᑎᐸᔨᒋᒐᓱᐤ ᓇᒪᐎᔾ ᒋᑭ ᓇᑭᑕᐤ ᐅᑎᒋᒡ, ᓇᒪ ᑭᔭ ᒋᑭ ᓂᓱᐅᓇᒋᒪᐤ ᐊ ᑎᐸᔅᑯᓇᑭᓄᔨᒋ᙮

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᒠᓐ 14:19

ᓇᒪ ᓇᔅᒡ ᓇᐅᔅ ᓂᑭ ᐅᒋ ᐛᐱᒥᑯᒡ ᐃᔪᒡ ᐅᑕ ᐊᔅᒋᒡ, ᒥᒄ ᒋᔨᐛᐤ ᒋᑭ ᐛᐱᒥᓇᐛᐤ᙮ ᒋᑭ ᐱᒪᑎᓯᓇᐛᐤ ᑭᔭ ᒋᔨᐛᐤ, ᐛᔅ ᓂᔾ ᓂ ᐱᒪᑎᓯᓐ᙮

ᒠᓐ 16:23

“ᐅᑎᒋᐱᔨᒐ ᒪᒃ ᐅ ᑲ ᐃᓯ ᐊᔨᒧᑎᒪᑎᑯᒡ ᓇᒪ ᒐᒂᓐ ᒋᑭ ᐅᒋ ᓂᑐᑎᒧᓇᐛᐤ᙮ ᑯᐃᔅᒄ ᐊ ᐎᑎᒪᑎᑯᒡ ᒥᒄ ᑕᓐ ᒐ ᐃᓯ ᓂᑐᐛᔨᑎᒧᐛᒄ ᐅᑕᐎᒪᐤ ᓂᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒄ ᒋᑭ ᒥᔨᑯᐛᐤ᙮

ᐊᑈᔅᑕᓇᒡ 2:24

ᒥᒄ ᒪᒃ ᒋᓴᒪᓂᑐᐤ ᒋ ᐅᓂᔅᑲᓇᐤ ᓂᐳᐅᓂᒡ ᐅᒡ᙮ ᒋ ᐎᐧᑯᒋᐊᐤ ᓂᐳᐤ ᐎᓯᒐᔨᑎᒧᐅᓂᒡ ᐅᒡ ᐛᔅ ᓇᒪ ᐅᒋ ᒥᒋᒥᓂᑯᐤ ᓂᐳᐅᓂᔪᐤ ᒋᓴᔅ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:13

ᐊᑯᓐ ᐊᑯ ᐃᔅᐱᔅ ᑎᐸᔅᑯᓂᑐᑕᐤ᙮ ᐃᔭᐱᒡ ᒋᐸ ᐃᓯ ᐎᔭᔨᑕᓇᓄᐤ ᒐ ᐊᑲ ᐅᒋ ᐃᑐᑎᒪᐧᒄ ᒐᒂᓐ ᒐᒋ ᐃᑐᑕᑯᑦ ᒋᐧᑲᓂᓯᓄᐤ ᒐᒋ ᒥᒋᑐᑕᐧᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:9

ᐛᔅ ᙭ ᒋ ᓂᐳᐤ ᑭᔭ ᑲᐤ ᒋ ᐱᒪᑎᓯᐤ ᒐᒋ ᐅᑎᐸᔨᒋᒐᓯᒥᑐᑕᑯᑦ ᑕᐱᔅᑯᓐ ᐊᓂᔭ ᑲ ᐱᒪᑎᓯᔨᒋ ᑭᔭ ᐊᓂᔭᔪᐛ ᓴᔅ ᑲ ᓂᐱᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:25

ᒋᓴᔅ ᒋ ᐱᔅᑎᓇᑭᓄᐤ ᒐᒋ ᓂᐱᔅᑎᒪᑕᐧᒄ ᒐᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ, ᑭᔭ ᐊᓂᔭ ᑲ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒋ ᐊᑯᑕ ᑲ ᐅᒋ ᐃᓯᓇᒂᒡ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:27

ᒋᓴᒪᓂᑐᐤ ᒪᒃ ᑲ ᒋᔅᒐᔨᑕᐧᒃ ᒥᓯᐛ ᒋᑕᐃᓄᐛ ᒋᔅᒐᔨᑎᒻ ᑕᓐ ᐊᓐ ᐊ ᐃᓯ ᓂᑐᑎᒪᔅᑎᒪᒐᔨᒋ ᐊᒐᒂ ᐛᔅ ᓂᑐᑎᒪᔅᑎᒧᐛᔪᐛ ᐊᓂᔭᔪᐛ ᑲ ᑕᑈᑎᒥᔨᒋ ᒐᒋ ᐃᑐᑕᑭᓄᐎᒡ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ᙮

ᑯᓚᓯᔭᓇ 3:1

ᒋ ᒋᔅᒐᔨᑕᓇᐛᐤ ᑲ ᐅᓂᔅᑲᓇᑦ ᒋᓴᒪᓂᑐᐤ ᙭ᑕ ᓂᐳᐅᓂᒡ ᐅᒡ ᒧᔭᒻ ᑭᔭ ᒋᔨᐛᐤ ᐊᒋ ᐅᓂᔅᑲᓂᑯᐅᔭᒄ ᐊᐅᑯᓐ ᐊ ᐃᓯᓇᒂᒡ᙮ ᐊᑯ ᒪᒃ ᒧᔅ ᒋᐸ ᓇᓂᑐᐛᔨᑕᓇᐛᐤ ᐊᓂᔭᔪᐛ ᒐᒂᔪᐛ ᐃᔅᐱᒥᒡ ᐊ ᑎᒂᒋ, ᐊᓐᑕ ᐊ ᐊᐱᑦ ᙭ ᒋᓴᒪᓂᑐᐛ ᐅᒥᔪᓂᔨᒡ᙮

ᐃᑉᕈᐛ 1:3

ᐊᓐ ᐅᑯᓯᓯᒪᐤ ᐊ ᑕᑦ ᐊᑯᑕ ᐛᒋ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ᐸᔭᒋᐊᑭᓄᔨᒋ ᐊᐛᔪᐛ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ᒋᔅᑕᑦ ᐅᔭ ᑲ ᐃᓯ ᐱᔅᑕᔨᒥᑎᓱᑦ ᐊᑯ ᒂ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ᑕᔨᒋ ᐊᓂᔭ ᒪᐅᒡ ᐊ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

ᐃᑉᕈᐛ 9:24

ᐛᔅ ᙭ ᒋ ᐱᒐᐤ ᐊᓂᔭ ᒪᐅᒡ ᑲ ᒋᔅᑕᔨᑕᑯᓂᔨᒡ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ, ᐊᓂᔭ ᐊᑲ ᓇᐸᐛ ᐅᒋ ᐅᓯᑕᔨᒋ᙮ ᐅ ᒥᒋᐛᑉ ᐅᑕ ᐊᔅᒋᒡ ᑲ ᑎᒂᒡ ᓂᔅᐱᑐᒧᒥᑭᓐ ᐊ ᐃᓯᓇᒂᒡ ᐊᓐ ᒥᒋᐛᑉ ᒋᒋᒋᓯᑯᒡ ᐊ ᑎᒂᒡ᙮ ᒋᓴᔅ ᒪᒃ ᐊᓐᑕ ᒋᒋᒋᓯᑯᒡ ᐛᒋᒡ ᒋ ᐱᒐᐤ, ᐊᓐᑕ ᒧᔅ ᐊ ᐊᔭᒥᐊᔅᑎᒪᑕᐧᒄ ᒋᓴᒪᓂᑐᐛ ᐊ ᑕᔨᒋ᙮

1 ᐱᑕᕐ 3:18

ᐛᔅ ᙭ ᐸᐃᒂᐤ ᔅᒋ ᓂᐱᔅᑎᒪᑭᓄᐤ ᒥᒋᑥᐅᓂᒡ ᐅᒡ ᒐᒋ ᐅᒋ ᐸᓱᐅᑕᐧᒄ ᒋᓴᒪᓂᑐᐛ ᐊ ᑕᔨᒋ᙮ ᐊᓐ ᑲ ᑯᐃᔅᑯᑕᑎᓯᑦ ᒋ ᓂᐱᔅᑎᒧᐛᐤ ᐊᓂᔭ ᐊᑲ ᑯᐃᔅᑯᑕᑎᓯᔨᒋ᙮ ᑕᑈ ᑭᑈ ᒋ ᓂᐸᑕᑭᓄᐅᔪᐤ ᐎᔪᐤ ᒥᒄ ᒪᒃ ᒋ ᐃᑐᑐᐛᑭᓄᐅᔪᐛ ᐅᑦ ᐊᒐᒂ ᐃᔭᐱᒡ ᒐᒋ ᐱᒪᑎᓯᔨᒋ᙮

1 ᐱᑕᕐ 3:22

ᐊᐅᒄ ᐅ ᙭ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᑭᔭ ᑲ ᐊᔨᑯᑦ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᐱᑦ ᐊᐛᓐ᙮ ᐊᑯᑕ ᒪᒃ ᑲ ᒥᔭᑭᓄᐅᑦ ᒐᒋ ᐅᒋᒪᒥᑕᑯᑦ ᒥᓯᐛ ᐊᓐᒋᓇ ᑭᔭ ᒐᒋ ᑎᐸᔨᑕᐧᒃ ᒥᓯᐛ ᒋᒋᒋᓯᒄ ᑎᐸᔨᒐᐅᓂᔪᐤ ᑭᔭ ᒥᓯᐛ ᓱᐧᑲᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:18

ᐊᐅᒄ ᓂᔾ ᑲ ᐱᒪᑎᓯᑦ᙮ ᓂᒋ ᓂᐱᓐ, ᒥᒄ ᒪᒃ ᐊᓄᒡ ᑲᒋᒡ ᓂ ᐱᒪᑎᓯᓐ᙮ ᓂᔾ ᓄᒋᒪᐧᑲᑕᓐ ᓂᐳᐅᓐ ᑭᔭ ᓂᔾ ᓄᒋᒪᐅᓐ ᐊᓐᑕ ᐊ ᑕᒡ ᐊᓐᒡ ᑲ ᓂᐱᒡ᙮”