33 ᐊᐛᓐ ᒐᒋ ᒪᒥᓯᒪᑦ ᒋᓴᒪᓂᑐᐛ ᐅᐅᑎᓇᑭᓂᔪᐛ᙮ ᐎᔾ ᒋᓴᒪᓂᑐᐤ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒪᐤ ᐊᓂᔭ ᑲ ᐅᑎᓇᑦ᙮
ᐅᑭᒋᔭᑕᒋᒧᐅᒡ ᒋ ᐱᓯᑯᐅᒡ; ᓂᒋ ᒪᒥᓯᒥᑯᒡ ᒐᒂᓇ ᐊᑲ ᑲᒋ ᒋᔅᒐᔨᑎᒧᒡ᙮
ᒋᑭ ᑕᐅᒡ ᐊᐛᓐᒋ ᐊ ᐎᔭᓯᐃᐛᒡ ᐊ ᐃᔅᒋᔄᒡ ᓂᔾ ᙭᙮ ᒋᑭ ᑕᐅᒡ ᑭᔭ ᒥᒋ ᐅᒋᔅᒋᐛᐃᒐᓱᒡ᙮ ᐊᐅᑯᓐᒡ ᒪᒃ ᐅᒡ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᒐ ᐛᐸᑎᔨᐛᒡ ᑭᔭ ᒋᑭ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ᙮ ᐊᑯᑕ ᒪᒃ ᒐ ᐅᒋ ᐎᔭᓯᐊᒡ ᐊᐛᔪᐛ ᓂᑎᒥᒄ ᒐᒋ ᐃᓯ ᑕᑈᑎᒥᔨᒋ᙮ ᐊᓂᔭᔪᐛ ᒪᒃ ᒋᓴᒪᓂᑐᐛ ᑲ ᐅᑎᓇᔨᒋ ᐊᐛᔪᐛ ᐊᐅᑯᓂ ᐊᓂᔭᔪᐛ ᒐ ᐎ ᐎᔭᓯᐊᒡ᙮
ᓇᒪᐎᔾ ᐊ ᒪᒃ ᐊᑐᐎᔅ ᒋᓴᒪᓂᑐᐤ ᐎᐱᒡ ᒋᑭ ᐎᒋᐊᐤ ᐊᓂᔭ ᐅᑦ ᐃᔨᒪ ᒧᓯᓇᐤ ᑲ ᐊᔭᒥᐊᔨᒋ ᐊ ᒋᓯᑲᔨᒡ ᑭᔭ ᐊ ᑎᐱᔅᑲᔨᒡ ᐊ ᓂᑐᑎᒪᑯᑦ ᒐᒋ ᒋᔅᐸᐛᑕᑦ ? ᑕᐸ ᒋᑭ ᐅᒋ ᑕᔅᑎᑲᒋᐤ ᒐᒋ ᒋᔅᐸᐛᑕᑦ᙮
ᐊᓄᒡ ᒪᒃ ᐎ ᓇᒪ ᐊᑯ ᐊᑲ ᐱᔅᑲᑕᒧᐛᐤ ᐊᐛᔪᐛ ᐅᒥᒋᑐᑎᒧᐅᓂᔪᐛ ᒋᓴᒪᓂᑐᐤ, ᐛᐸᑎᔨᐛᐤ ᑕᓐ ᐊ ᐃᓯ ᑯᐃᔅᒄ ᐃᑎᑦ ᑭᔭ ᑕᑈ ᐅᑯᐃᔅᑯᑕᑎᓯᐤ ᐊ ᐃᓯ ᑭᓄᐛᐱᒪᑦ ᒥᓯᐛ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮
ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮
ᓴᔅ ᐊᓐᑕ ᐛᔅᑭᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒋ ᓂᑲᓐ ᐎᑕᑭᓄᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᑯᐃᔅᑯᑕᑎᓯᐅᒡ ᒐ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ ᐊ ᑕᑈᑕᒡ᙮ ᐊᔪᐅᒄ ᐅᔭ ᐛᒋ ᓂᑲᓐ ᐎᑎᒧᐛᑭᓄᐅᑦ ᐊᑉᕋᐊᒻ ᒥᔽᒋᒧᐅᓂᔪᐤ, ᒋ ᐃᑎᑯᑯᐱᓇ ᒋᓴᒪᓂᑐᐛ, “ᒋᔾ ᐊ ᑕᔨᓐ ᒋᑭ ᐅᒋ ᐊᓂᔅᒐᐱᔪᐤ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᓱᐛᔨᒥᒂᐤ᙮”
ᒋᔨᐛᐤ ᓂᐧᑲᓂᓯᑐᒄ, ᓂ ᒋᔅᒐᔨᑕᓇᓐ ᒋᓴᒪᓂᑐᐤ ᐊ ᓴᒋᐃᑕᒄ ᑭᔭ ᐊᒋ ᐅᑎᓂᑕᒄ ᐎᔾ ᒐᒋ ᐊᔭᐅᑕᒄ᙮
ᓂᔾ, ᑈᓪ, ᑲ ᒥᓯᓇᐊᒪᑕᓐ᙮ ᓂᔾ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᑭᔭ ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᓂᒋ ᐃᑎᓴᐅᑯᐅᓐ ᒐᒋ ᐎᒋᐃᒥᒋ ᐊᓂᔭᔪᐛ ᐃᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐᒋ ᑕᑈᔭᔨᒪᔨᒋ ᒋᓴᓴ᙮ ᓂᒋ ᐃᑎᓴᐅᑯᐅᓐ ᑭᔭ ᒐᒋ ᒋᔅᑯᑎᒧᐅᒂᐤ ᒐᒋ ᒋᔅᒐᔨᑕᒡ ᑕᑈᐅᓂᔪᐤ ᑭᔭ ᒐᒋ ᐃᑕᑎᓯᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑕᑎᓯᒡ᙮
ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮