ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3 Iomraidhean Croise

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:27

ᑭᔭ ᓂᓱ ᑲᓂᑕᐅᒋᒧᑎᔨᒋ ᒋ ᒋᔅᑕᔎᑕᐅᒡ, ᐸᐃᒄ ᐊᓐᑕ ᒋᓴᓴ ᐅᒥᔪᓂᔨᒡ ᐃᑕᒐ ᒋ ᐊᑯᒋᓄᐤ, ᐊᑯ ᑯᑎᒃ ᐅᓂᔅᐸᒋᐅᓂᔨᒡ ᐃᑕᒐ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 9:24

ᐊᑯ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ ᒥᓐ ᑲᐤ ᒂ ᐎᓴᒪᒡ ᐊᓂᔭᔪᐛ ᓇᐸᐛ ᐊᑲ ᐅᒋ ᐛᐸᑎᒥᔨᒋ ᐊᑯ ᒂ ᑯᒂᒋᒪᒡ, “ᒋᓴᒪᓂᑐᐤ ᐊᐅᒄ ᒪᒥᒋᒻ᙮ ᓂ ᒋᔅᒐᔨᒪᓇᓐ ᐅ ᓇᐸᐤ ᒋᓴᔅ ᐊ ᒥᒐᑎᓯᑦ᙮”

ᐊᑈᔅᑕᓇᒡ 13:39

ᒥᓯᐛ ᐊᐛᓐ ᑲ ᑕᑈᔭᔨᒪᑦ ᒋᓴᓴ ᑕᑈ ᒋ ᐛᐸᔨᑎᒧᐛᑭᓄᐤ ᒥᓯᐛ ᐅᒥᒋᑥᐅᓇ, ᓇᒪ ᐎ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᑯᐃᔅᑯᓇᑯᐃᑯᐤ ᐊᐛᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:20

ᐛᔅ ᑕᐸ ᐊᐛᓐ ᒋ ᑯᐃᔅᑯᓇᑯᐃᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᒄ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓇ᙮ ᒋ ᒋᔅᒐᔨᑕᓐ ᐊ ᑕᓐ ᐊ ᐃᑕᐱᑎᒋ ᐅᔭ ᐎᓱᐛᐅᓇ᙮ ᒐᒋ ᒋᔅᒐᔨᑕᐧᒃ ᐊᐛᓐ ᐊ ᒥᒋᑐᑕᐧᒃ ᐊᐅᑯᓐ ᐊ ᐃᑕᐱᑎᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:6

ᐛᔅ ᒋ ᒋᔅᒐᔨᑕᓇᓄᐤ ᐊᓐ ᐛᔅᑭᒡ ᒋᑦ ᐃᑕᑎᓯᐅᓄᐤ ᐊᒋ ᒋᔅᑕᔎᑕᑭᓄᐅᑦ ᒋᓴᔅ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮ ᐊᓂᔭ ᑲ ᒋᔅᑕᔎᑕᑭᓄᐅᑦ ᐊᑯᑕ ᑲ ᓂᓱᐅᓇᑎᓯᒥᑲᒋ ᑕᓐ ᑲ ᐃᓯ ᑎᐸᔨᒥᑯᔭᐧᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᑭᔭ ᓇᒪ ᓇᔅᒡ ᒋᑭ ᒋ ᑎᐸᔨᒥᑯᓇᓄᐤ ᐊᑯ ᒥᒐᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:18

ᓂ ᒋᔅᒐᔨᑕᓐ ᐊᑲ ᓇᔅᒡ ᒋ ᒥᔪᑐᑎᒪᓐ ᓂᔾ ᑎᐱᔨᐛ ᐊ ᐎ ᒥᔪᑐᑎᒪᓐ, ᐅᑕ ᑭᑈ ᓇᒪ ᐅᒡ ᓂᐱᒪᑎᓯᐅᓂᒡ᙮ ᐊᑎ ᐊ ᑎᒂᒡ ᐊ ᐎ ᒥᔪᑐᑎᒪᓐ ᓇᒪ ᐃᔭᐱᒡ ᓂᒋ ᒥᔪᑐᑕᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:32

ᓇᒪ ᐛᐛᒡ ᐅᑯᓴ ᒋ ᐅᒋ ᒥᓇᑎᓂᒪᑭᓄᐤ᙮ ᒋ ᐱᔅᑎᓇᐤ ᒐᒋ ᓂᐱᔅᑎᒪᑎᑕᐧᑯᐤ᙮ ᐊᓂᔭ ᒪᒃ ᐛᐛᒡ ᑎᐱᔨᐛ ᐅᑯᓴ ᐊᒋ ᐱᔅᑎᓇᑦ ᒐᒋ ᓂᐸᐊᑭᓄᔨᒋ ᒋᔭᓄᐤ ᐅᒋ ᐊᑯᑕ ᒐ ᐅᒋ ᒐᔅᑎᓇᐅᔭᐧᒄ ᒥᒄ ᒐ ᐃᓯ ᒥᔨᑯᐅᔭᐧᒄ ᑯᑎᑲ ᒐᒂᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:3

ᒧᔭᒻ ᒋ ᓇᐃᐱᔨᑯᐱᓇ ᒐᒋ ᐃᑐᑕᑭᓄᐅᒡ ᓂᐸ ᐱᔅᑕᔨᒥᓱᓐ ᓂᔾ ᐊᐅᒄ ᒐᒋ ᐛᐛᓯᐃᑦ ᒋᓴᒪᓂᑐᐤ ᑭᔭ ᓂᔾ ᐊᐅᒄ ᒐᒋ ᐃᒐᑕᐃᑯᐅᔭᓐ ᙭ ᐅᒋ ᐊ ᑕᑦ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᑲᓚᓯᔭᓇ 3:13

᙭ ᔅᒋ ᓇᑕᒪᑭᓄᐤ ᑕᓐ ᑲ ᐃᓯ ᓂᓱᐅᓇᒋᒥᑯᔭᐧᒄ ᐎᓱᐛᐅᓂᒡ ᐅᒡ ᐊᑯ ᐎᔾ ᒥᔅᑯᒡ ᑲ ᓂᓱᐅᓇᒋᒪᑭᓄᐅᑦ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒥᓯᐛ ᐊᐛᓐ ᒥᔅᑎᑯᒡ ᑲ ᐊᑯᔭᑭᓄᐅᑦ ᓂᓱᐅᓇᒋᒥᑯᐤ ᒋᓴᒪᓂᑐᐛ᙮

ᑲᓚᓯᔭᓇ 3:21

ᐃᔭᒡ ᐊ ᒪᒃ ᐃᔅᒋᔄᒥᑭᓇ ᐊᓂᔭ ᒍᐤ ᐊᔭᒥᐊᐅ ᐎᓱᐛᐅᓇ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐ ᐃᑎᑦ ᐃᔅᐱ ᑲ ᐎᑕᐧᒃ ᒐ ᐃᓯ ᓂᔅᑯᒧᑦ ? ᓇᒪ ᓇᔅᒡ ᐃᔭᒡ ᐃᔅᒋᔄᒥᑭᓇ᙮ ᒧᔭᒻ ᐊ ᐃᑕᑭᓄᐛᑯᐱᓇᓂ ᐎᓱᐛᐅᓇ ᐊᓐᑕ ᒐᒋ ᐅᒋ ᐱᒪᒋᐅᒡ ᐊᐛᓐᒋ ᑭᑈ ᐅᑯᐃᔅᑯᑕᑎᓯᐤ ᒋᐸ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭᔪᐛ ᐊᐛᔪᐛ ᑲ ᓂᓇᐊᔨᑎᒥᔨᒋ ᐊᓂᔭᔪᐛ ᐎᓱᐛᐅᓇ᙮

ᐱᓕᐱᔭᓇ 2:7

ᒥᓯᐛ ᒋ ᐱᔅᑎᓂᒻ, ᐊᑯ ᒧᔭᒻ ᐊᐱᒋᐊᑭᓐ ᑲ ᐃᑕᐃᓱᑦ᙮ ᐊᑯ ᑭᔭ ᓇᐸᐛ ᐊ ᐃᑕᔨᑕᑯᓯᔨᒋ ᒂ ᐃᑕᔨᑕᑯᓯᑦ᙮

ᐃᑉᕈᐛ 10:12

ᒥᒄ ᒪᒃ ᐃᔅᐱᔅ ᒋᓴᔅ ᑲ ᐱᔅᑎᓇᐧᒃ ᐅᐱᒪᑎᓯᐅᓐ, ᐊᐅᒄ ᒥᒄ ᐅ ᐱᔅᑎᓂᒐᐅᓐ ᑲ ᓂᑐᐛᔨᑕᒂᒡ ᐊᓐᑕ ᒐᒋ ᐅᒋ ᑲᒋᒡ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ᙮ ᓇᒪ ᒥᓐ ᑯᑎᒡ ᐱᔅᑎᓂᒐᐅᓐ ᐅᒋ ᓂᑐᐛᔨᑕᑯᓐ᙮ ᐊᓐᑕ ᒪᒃ ᒋᓴᒪᓂᑐᐤ ᐅᒥᔪᐅᓂᒡ ᐊᑯᑕ ᑲ ᐃᓯ ᐅᑎᓇᑭᓄᐅᑦ ᑲᒋᒡ ᒐᒋ ᐊᐱᑦ᙮

ᐃᑉᕈᐛ 10:14

ᐅᔭ ᒪᒃ ᒥᒄ ᐸᐃᒂᐤ ᐊᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒋᓴᔅ ᐊᑯᑕ ᑲ ᐅᒋ ᐃᑐᑕᐧᒃ ᑲᒋᒡ ᒐᒋ ᐛᐸᔨᑎᒧᐛᑦ ᒋᓴᒪᓂᑐᐛ ᐅᑦ ᐃᔨᒥᔪᐛ ᐅᒥᒋᑥᐅᓂᔪᐤ ᑭᔭ ᒐᒋ ᑯᐃᔅᑯᓇᑯᓯᔨᒋ ᐊᓐᑕ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᐃᑉᕈᐛ 2:14

ᐃᔪᐛ ᐊᓂᔭᔪᐛ ᑲ ᐃᑕᑦ ᐊᓂᔭ ᑲ ᐃᔅᒋᔄᑦ ᓂᑦ ᐊᐛᓯᒥᒡ᙮ ᒋᓴᔅ ᑭᔭ ᐎᔾ ᒋᒋᐛ ᓇᔅᒡ ᐃᔪᐛ ᒋ ᐃᓯᓇᑯᓱᐤ ᑭᔭ ᓇᔅᒡ ᐃᔪᐛ ᒋ ᐃᑕᔨᑕᑯᓱᐤ᙮ ᐊᐅᒄ ᐅᔭ ᐃᔪᐛ ᐛᒋ ᑕᑦ ᒐᒋ ᓂᐱᑦ, ᒐᒋ ᐅᒋ ᓴᐧᑯᒋᐊᑦ ᒥᒋᒥᓂᑐᐛ, ᐊᓂᔭ ᑲ ᑎᐸᔨᑎᒥᔨᒋ ᓂᐳᐅᓂᔪᐤ᙮

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮