ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐛᔅ ᓂᑲᓐ ᒋ ᒋᔅᒐᔨᒪᐤ ᒋᓴᒪᓂᑐᐤ ᐊᐛᔪᐛ ᒐ ᐅᑦ ᐃᔨᒥᑦ, ᐊᐅᑯᓐ ᒪᒃ ᐅᔭ ᑲ ᐅᑎᓇᑦ ᒐ ᓂᔅᐱᑐᐛᔨᒋ ᐅᑯᓴ᙮ ᐊᐅᒄ ᐅᔭ ᑲ ᐃᑎᑦ ᒋᓴᒪᓂᑐᐤ ᓂᔅᑎᒧᓴᓐ ᒐᒋ ᑕᔨᒋ ᐅᑯᓴ ᐊᓐᑕ ᒪᒂᒡ ᐊ ᒥᒐᑎᔨᒋ ᐎᐧᑲᓂᓯᒪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:29 Iomraidhean Croise

ᑎᐱᑦ ᐅᓂᑭᒧᐅᓇ 1:6

ᐛᔅ ᑎᐸᔨᒋᒐᓱᐤ ᒋᔅᒐᔨᑎᒺᐤ ᐅᑦ ᐃᓯᑥᐅᓂᔪᐤ ᐅᑯᐃᔅᑯᑕᑎᓯᐛ: ᒪᒃ ᐅᑦ ᐃᓯᑥᐅᓄᐛᐤ ᐊᑲ ᐊᔭᒥᐊᒡ ᒋᑭ ᓂᓱᐅᓇᑎᓂᔪᐤ᙮

ᑎᐱᑦ ᐅᓂᑭᒧᐅᓇ 89:27

ᐊᓯᒡ ᑭᔭ ᓂᑭ ᐃᓯᐊᐤ ᓂᓂᔅᑎᒧᓴᓐ, ᐅᔅᑕ ᐊ ᐃᔅᐸᔨᑕᑯᓯᑦ ᐃᔅᐱᔅ ᒋᓴᐅᒋᒪᐛ ᐊᔅᒋᒡ᙮

ᐊᒃᓱᑕᔅ 33:12

ᒧᓱᔅ ᒪᒃ ᒋ ᐃᑕᐤ ᐅᑎᐸᔨᒋᒐᐛ, “ᐛᐸᑕ, ᒋᒋ ᐃᓯᓐ, ‘ᐸᓱᐅᒡ ᐊᑯ ᐃᔪᒡ᙮’ ᓇᒪ ᒪᒃ ᒋ ᒋᔅᒐᔨᑎᒥᔨᓐ ᐊᐛᓐ ᒐ ᐃᑎᓴᐅᑦ ᒐᒋ ᐎᒐᐅᑦ᙮ ᐊᔪᐛᒡ ᒪᒃ ᔅᒋ ᐃᔅᒋᔄᓐ, ‘ᒋ ᒋᔅᒐᔨᒥᑎᓐ ᒋᑦ ᐃᓯᓂᐧᑲᓱᐅᓐ ᐅᒡ, ᑭᔭ ᔅᒋ ᒥᔅᑲᓐ ᓱᐛᔨᑕᑯᓱᐅᓐ ᐊ ᐸᑕᔅᑎᒥᐱᔭᓐ᙮’

ᐊᒃᓱᑕᔅ 33:17

ᑎᐸᔨᒋᒐᓱᐤ ᒪᒃ ᒋ ᐃᑕᐤ ᒧᓱᓴ, “ᐅᒪ ᑭᔭ ᓂᑭ ᑐᑕᓐ ᑲᒋ ᐃᔅᒋᔄᔨᓐ: ᐛᔅ ᔅᒋ ᒥᔅᑲᓐ ᓱᐛᔨᑕᑯᓱᐅᓐ ᐊ ᐸᑕᔅᑎᒥᐱᔭᓐ, ᒋ ᒥᔪ ᒋᔅᒐᔨᒥᑎᓐ᙮”

ᒪᑎᔪᐤ 12:50

ᒧᔭᒻ ᓂᑲᐎᔾ ᑭᔭ ᓂᐧᑲᓂᓯᒡ ᓂᑦ ᐃᑕᔨᒪᐅᒡ ᐊᓐᒡ ᑲ ᑐᑕᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐅᑦ ᐃᑕᔨᑎᒧᐅᓂᔪᐤ᙮”

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 28:10

ᐊᑯ ᒋᓴᔅ ᒂ ᐃᑕᑦ, “ᐊᑲᐎᔾ ᑯᔅᑕᒋᒄ, ᐎᑎᒪᐧᑯᒡ ᓂᐧᑲᓂᓯᒡ ᑲᓕᓕᒡ ᒐᒋ ᐃᑐᑕᒡ, ᐊᑯᑕ ᐊᓐᑕ ᒐ ᐛᐱᒥᒡ᙮”

ᒪᑎᔪᐤ 7:23

ᐊᑯ ᒐ ᐃᑎᒂᐤ, ‘ᓇᒪ ᓂᑕ ᒋ ᐅᒋ ᒋᔅᒐᔨᒥᑎᓇᐛᐤ᙮ ᒪᒋᒄ ᓂᑭᓯᒄ ᓇᑕ ᒋᔨᐛᐤ ᑲ ᒥᒋ ᐃᔪᔭᒄ᙮’ ”

ᒠᓐ 17:16

ᒧᔭᒻ ᐊ ᐃᓯ ᐊᑲ ᑎᐸᔨᑕᑯᓱᐅᒡ ᐅᑕ ᐊᔅᒋᒡ ᐊᑯᓐ ᒧᔭᒻ ᑭᔭ ᐎᔨᐛᐤ ᐊ ᐃᓯᓇᑯᓯᒡ᙮ ᓇᒪ ᑭᔭ ᐎᔨᐛᐤ ᐅᑕ ᐊᔅᒋᒡ ᑎᐸᔨᑕᑯᓱᐅᒡ᙮

ᒠᓐ 17:19

ᒋᔾ ᐊ ᑕᔨᓐ ᓂᑦ ᐃᓯ ᐱᔅᑕᔨᒥᓱᓐ ᒐᒋ ᐅᒋ ᓇᔅᒡ ᐱᔅᑕᔨᒥᓱᔅᑕᔅᒡ ᑭᔭ ᐎᔨᐛᐤ᙮”

ᒠᓐ 17:26

ᓂᒋ ᐃᑐᑐᐛᐅᒡ ᒐᒋ ᒋᔅᒐᔨᒥᔅᒡ ᑭᔭ ᓇᒪ ᓂᑭ ᐅᒋ ᐳᓂᐛᓐ ᐊᓂᔭ ᐊ ᐃᑐᑐᐅᒂᐤ᙮ ᐊᑯ ᐊᓐ ᑕᓐ ᐊᔅᐱᔅ ᓴᒋᐃᔨᓐ ᑭᔭ ᐎᔨᐛᐤ ᒐᒋ ᐱᒋᔅᑲᑯᒡ᙮ ᐊᑯ ᒪᒃ ᑭᔭ ᓂᔾ ᒐ ᐱᒋᔅᑯᐅᒂᐤ᙮”

ᒠᓐ 20:17

ᒋᓴᔅ ᒂ ᐃᔅᒋᔄᑦ, “ᐊᑲᐎᔾ ᑕᒋᓂᔾ ᐛᔅ ᓇᒪ ᐊᔅᒄ ᓄᑕᐎᔾ ᐊ ᑕᑦ ᓂ ᐅᒋ ᐃᓯ ᐅᐱᔨᓐ᙮ ᓂᑐᐛᐱᒥᒡ ᓂᐧᑲᓂᓯᒡ ᒐ ᐎᑎᒧᐅᑥᐤ ᒐ ᐅᐱᔪᐅᒡ ᓄᑕᐎᔾ ᑭᔭ ᒋᔨᐛᐤ ᒍᑕᐎᐛᐤ ᐊ ᑕᑦ ᐃᔅ, ᓂᒋᓴᒪᓂᑐᒻ ᑭᔭ ᒋᔨᐛᐤ ᒋᒋᓴᒪᓂᑐᒧᐛᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:2

ᓇᒪ ᐅᒋ ᐛᐱᓇᐤ ᒋᓴᒪᓂᑐᐤ ᐅᑦ ᐃᔨᒪ, ᐊᓂᔭᔪᐛ ᓴᔅ ᐊᓐᑕ ᐛᔅᑭᒡ ᑲ ᐅᑎᓇᑦ ᐎᔾ ᒐᒋ ᑎᐱᔨᐛᐅᓯᑦ᙮ ᒋ ᒋᔅᒐᔨᑕᓇᐛᐤ ᑕᓐ ᐊ ᐃᓯ ᐊᔨᒧᒪᑭᓄᐅᑦ ᐃᓚᐃᒐ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮ ᒋ ᐊᔨᒧᑎᒺᐤ ᒋᓴᒪᓂᑐᐛ ᑕᓐ ᑲ ᐃᓯ ᐊᑲ ᒪᒧᔭᒻ ᐅᒋ ᐃᑎᔨᒋ ᐃᔅᕋᐃᓪ ᐃᔪᐛ, ᒋ ᐃᔅᒋᔄᐤ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:23

ᐊᐅᒄ ᐅᔭᔪᐤ ᑲ ᐃᓯ ᐎᔭᔨᑕᐧᒃ ᐊᒋ ᐎ ᐛᐸᑎᔨᐛᑦ ᐊ ᐃᔅᐱᔅ ᐛᔪᑎᓂᔨᒡ ᐅᒋᔅᑕᔨᑕᑯᓱᐅᓐ ᑕᓐ ᐊᓂᔭᔪᐛ ᒪᔭᑦ ᐊᓂᔭᔪᐛ ᑲ ᐎᔭᔨᒪᑦ ᒐᒋ ᒋᓴᐛᑐᑐᐛᑦ, ᐊᐅᒄ ᒋᔭᓄᐤ᙮ ᓂᑲᓐ ᔅᒋ ᐎᔭᔨᒥᑯᓄᐤ ᒐᒋ ᒋᔅᒐᔨᑎᒺᐧᒄ ᐅᒋᔅᑕᔨᑕᑯᓱᐅᓐ᙮

1 ᑯᕆᓐᑎᔭᓇ 15:49

ᒧᔭᒻ ᒪᒃ ᐊ ᐃᓯ ᓂᔅᐱᑐᐛᐧᒄ ᐊᓐ ᐊᓯᔅᒋᒡ ᑲ ᐅᒋ ᐅᓯᐊᑭᓄᐅᑦ ᒐᔅᑎᓇᔅ ᑭᔭ ᒋᑭ ᓂᔅᐱᑐᐛᓄᐤ ᐊᓐ ᒋᒋᒋᓯᑯᒡ ᑲ ᐅᑐᑕᑦ᙮

1 ᑯᕆᓐᑎᔭᓇ 2:7

ᒋᓴᒪᓂᑐᐤ ᐅᑭᒐᑕᐛᔨᑎᒧᐅᓐ ᐊᐅᒄ ᑲ ᐊᔨᒧᑎᒪᑕᒡ ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐅᑕ ᐸᒋ ᐅᑕᒡ᙮ ᐊᔅᒄ ᐊᑲ ᐅᒋ ᐅᓯᑕᑦ ᒋᓴᒪᓂᑐᐤ ᐅᔭ ᐊᔅᒋᔪᐤ, ᓴᔅ ᒋ ᐎᔭᔨᑎᒻ ᑕᓐ ᒐ ᐃᑎᑦ ᐊᓐᑕ ᓂᔅᑕᒥᒡ ᐊᓐᑕ ᒐᒋ ᐅᒋ ᒋᔅᑕᔨᑕᑯᐃᑕᐧᒄ᙮

1 ᑯᕆᓐᑎᔭᓇ 8:3

ᐊᓐ ᐊᐛᓐ ᑲ ᓴᒋᐊᑦ ᒋᓴᒪᓂᑐᐛ ᐊᐅᒄ ᐅ ᒐᔅᒐᔨᒥᑯᑦ ᒋᓴᒪᓂᑐᐛ᙮

2 ᑯᕆᓐᑎᔭᓇ 3:18

ᒋᔭᓄᐤ ᒪᒃ ᐎ ᓇᒪ ᓂᑐᐛᔨᑕᑯᓐ ᒐᒋ ᐊᑯᒂᐅᓱᔭᐧᒄ ᒐᒋ ᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ᙮ ᐊ ᑭᓄᐛᐸᑎᒪᐧᒄ ᐅᑎᐸᔨᒋᒐᐤ ᐅᒋᔅᑕᔨᑕᑯᓱᐅᓐ ᐊᔭᔅᒃ ᒋᒂᔅᒋᓇᑯᐃᑯᓇᓄᐤ ᐎᔾ ᒐᒋ ᓂᔅᐱᑐᐛᐧᒄ᙮ ᐊᔭᔅᒃ ᒋ ᐃᑐᑕᑯᓇᓄᐤ ᑭᔭ ᒋᔭᓄᐤ ᐊᑐᐎᔅ ᒐᒋ ᒋᔅᑕᔨᑕᑯᓯᔭᐧᒄ᙮ ᐎᔾ ᒪᒃ ᐅᑎᐸᔨᒋᒐᐤ ᐅᔭ ᒋᑦ ᐃᓯᐃᑯᓄᐤ ᐅᑦ ᐊᒐᒂ ᐅᒡ᙮

ᐃᐱᓯᔭᓇ 1:11

ᒧᔅ ᐃᑐᑎᒻ ᒋᓴᒪᓂᑐᐤ ᑕᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᑕᐧᒃ᙮ ᙭ᑕ ᒪᒃ ᐊ ᐎᒐᐅᒪᐧᑯ ᐊᑯᑕ ᑲ ᐅᒋ ᐅᑎᓂᑕᐧᒄ ᒋᓴᒪᓂᑐᐤ ᐛᔅ ᐊᔪᐅᒄ ᐅᔭ ᑲ ᐃᓯ ᐎᔭᔨᑕᐧᒃ ᓴᔅ ᐊᓐᑕ ᐛᔅᑭᒡ᙮

ᐃᐱᓯᔭᓇ 4:24

ᐊᑯ ᒪᒃ ᐊ ᐅᔅᒋᓯᔭᒄ ᒐ ᐃᓯᓇᑯᓯᔭᒄ᙮ ᒋᓴᒪᓂᑐᐤ ᔅᒋ ᐃᓯᐃᑯᐛᐤ ᐎᔾ ᒐᒋ ᓂᔅᐱᑐᐛᒄ ᑭᔭ ᒋᐸ ᑯᐃᔅᑯᑕᑎᓯᓇᐛᐤ ᑭᔭ ᒋᐸ ᐸᔭᒋ ᐱᒪᑎᓯᓇᐛᐤ᙮

ᐱᓕᐱᔭᓇ 3:21

ᐊᔪᐛᒃ ᐊ ᐃᑕᔨᑕᑯᓂᔨᒋ ᒥᔪᐛ ᒋᑭ ᒥᔨᑯᓄᐤ᙮ ᓇᒪ ᓴᐱᓯᒥᑭᓇ ᐅᔭ ᒋᔪᓄᐛ ᑭᔭ ᒋᑭ ᓂᐱᒥᑭᓇ᙮ ᒪᒃ ᐊᓂᔭᔪᐤ ᒥᔅᑯᓯᐅᓂᔪᐤ ᑲ ᐊᔭᑦ ᒥᓯᐛ ᒐᒂᔪᐤ ᒐᒋ ᑎᐸᔨᑕᐧᒃ ᐅᔭ ᒐ ᐊᐱᒋᑕᑦ ᒐᒋ ᒂᔅᒋᓇᑯᑕᑦ ᒋᔪᓄᐛ᙮ ᒧᔭᒻ ᐎᔾ ᐎᔪᐤ ᑲ ᐃᔅᐱᔅ ᒥᔪᓇᑯᓂᔨᒡ ᐃᔅᐱ ᑲ ᐅᓂᔅᑲᑦ ᓂᐳᐅᓂᒡ ᐅᒋ ᐊᐅᑯᓐ ᒐ ᐃᓯᓇᑯᑕᑦ ᐅᔭ ᒋᔪᓄᐛ᙮

ᑯᓚᓯᔭᓇ 3:10

ᑭᔭ ᓇᔅᒡ ᐃᔭᒡ ᐊᑯ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᐊᔭᔅᒃ ᐊᑎ ᐅᔅᒋᓇᑯᓇ ᒋᒥᑐᓇᔨᒋᑭᓄᐛᐛ ᒐᒋ ᓂᔅᐱᑐᐛᒄ ᒋᓴᒪᓂᑐᐤ ᐊᓐ ᑲ ᐅᓯᐃᑕᒄ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

1 ᐱᑕᕐ 1:2

ᒋᓴᒪᓂᑐᐤ ᐅᑕᐎᒪᐤ ᔅᒋ ᐅᑎᓂᑯᐛᐤ ᐎᔾ ᑎᐱᔨᐛ ᒐᒋ ᐅᑦ ᐊᐛᓯᒥᑐᑕᑕᒄ᙮ ᑲ ᐸᔭᒋᓯᔨᒋ ᐊᒐᒂ ᐅᒋ ᐊᑯᑕ ᑲ ᐅᒋ ᑎᐸᓂᐃᑕᒄ ᒐᒋ ᓂᓇᐃᑐᒪᑯ ᒋᓴᔅ ᙭ᑕ ᑭᔭ ᒐᒋ ᐸᔭᒋᐃᑯᐛᒄ ᐅᒥᐧᒄ᙮ ᓂᑦ ᐊᔭᒥᐊᐤ ᒐᒋ ᐛᔪᒡ ᐊᔭᔭᒄ ᓱᐛᔨᒋᒐᐅᓐ ᑭᔭ ᒋᔭᒪᔨᑎᒧᐅᓐ᙮

1 ᐱᑕᕐ 1:20

ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐅ ᐊᔅᒋᔾ, ᓴᔅ ᒋᓴᒪᓂᑐᐛ ᒋ ᐅᑎᓂᑯᐤ ᙭ ᐅᔭ ᒐ ᐃᑐᑕᐧᒃ᙮ ᐊᐅᑯᐤ ᒪᒃ ᐅᔭ ᐊ ᐊᑎ ᒪᔅᑕᔾ ᒋᓯᑲᔨᒋ ᒋᔨᐛᐤ ᐅᒋ ᐛᒋ ᓄᑯᐊᑭᓄᐅᑦ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮