ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28 Iomraidhean Croise

ᒐᓂᓯᔅ 50:20

ᐊᑎᓱᐧᒄ ᑲᒋ ᐎᔭᔨᑎᒪᒄ ᒐᒋ ᒥᒋᑐᑐᐅᔭᒄ, ᒋᓴᒪᓂᑐᐤ ᒋ ᐃᑐᑎᒻ ᒐ ᐅᒋᐱᔨᒡ ᐊ ᒥᔽᔨᒡ ᒐᒂᔪᐤ ᐊᓐᑕ ᑲ ᐃᓯ ᐎᔭᔨᑎᒪᒄ᙮ ᐛᔅ ᒋᓴᒪᓂᑐᐤ ᑲᒋ ᓂᑲᓂᑎᓴᐅᑦ ᐅᑕ ᐃᒋᑉᑎᒡ, ᒥᒐᑦ ᐊᐛᔪᐛ ᒋ ᐱᒪᒋᑕᐛᐤ ᐅᐱᒪᑎᓯᐅᓂᔪᐛ᙮

ᑎᐱᑦ ᐅᓂᑭᒧᐅᓇ 69:36

ᐅᑦ ᐊᐛᓯᒥᓯᔪᐛ ᑭᔭ ᐅᑦ ᐊᑐᔅᒐᔭᑭᓇ ᒋᑭ ᑎᐸᔨᑎᒥᔪᐛ: ᐊᓐᒡ ᒪᒃ ᑲ ᓴᒋᑕᐛᒡ ᐅᑦ ᐃᓯᓂᐧᑲᓱᐅᓂᔪᐤ ᐊᓐᑕ ᒋᑭ ᐎᒋᐅᒡ᙮

ᐊᒃᓱᑕᔅ 20:6

ᓂ ᒋᓴᐛᑐᑐᐛᐅᒡ ᒪᒃ ᒥᒐᑥᐤ ᒐᓯᐱᔪᐤ ᒥᑕᑐᒥᑎᓄᐤ ᒐ ᐊᓂᔅᒐ ᐱᒪᑎᓯᒡ ᐊᓐᒡ ᓯᐊᒋᐃᒡ, ᑭᔭ ᓂᔭᑭᑐᐛᔨᑕᒡ ᐊᑎᓱᐛᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:30

ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ ᒥᓯᐛ ᒋᑕᐃᒡ ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ ᑭᔭ ᒥᓯᐛ ᒋᒥᔅᑯᓯᐅᓂᒡ᙮”

ᐊᑈᔅᑕᓇᒡ 13:48

ᐃᔅᐱᔅ ᐱᔭᑐᐛᒡ ᑈᓚ ᐊᓂᔭ ᑲ ᐃᔅᒋᔄᔨᒋ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ ᓄᐛᒡ ᒋ ᒥᔽᔨᑎᒧᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊᓂᔭ ᑲ ᐃᓯ ᐱᔅᑎᓂᒥᔨᒋ ᐅᑦ ᐃᔨᒧᐅᓂᔪᐤ᙮ ᐊᑯ ᐊᓐᒡ ᐃᔪᒡ ᑲ ᐅᑎᓂᑯᒡ ᒋᓴᒪᓂᑐᐛ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᒋ ᒋᒋ ᑕᑈᔭᔨᒪᐅᒡ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:29

ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ᒥᔭᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:30

ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:11

ᐊᔅᒄ ᒪᒃ ᐊᑲ ᐅᒋ ᐱᒪᑎᓯᔨᒋ ᐅᔭ ᐅᑯᓴ ᕋᐸᑲ, “ᐊᔅᒄ ᐊᑲ ᐛᐛᒡ ᐅᒋ ᒥᒋᑐᑎᒥᔨᒋ ᑭᔭ ᐊᑎ ᐊᔅᒄ ᐊᑲ ᐅᒋ ᒥᔪᑐᑎᒥᔨᒋ,” ᒋ ᐃᑎᑯᐤ ᒋᓴᒪᓂᑐᐛ,

1 ᑯᕆᓐᑎᔭᓇ 1:2

ᒋᔨᐛᐤ ᒪᒧᐤ ᑲ ᐊᔭᒥᐊᐛᑎᓯᒡ ᐊᓐᑕ ᑯᕆᓐᑦ ᑲ ᐃᓯᓂᐧᑲᑕᒡ ᐅᑕᓇᐤ ᐊ ᑕᔭᒄ ᒋ ᒥᓯᓇᐊᒪᑎᓇᐛᐤ᙮ ᐊᓂᔭ ᑕᓐ ᑲ ᐃᓯ ᐃᑐᑎᒪᑕᒄ ᒋᓴᔅ ᙭ ᐊᑯᑕ ᑲ ᐅᒋ ᐅᑎᓂᑕᒄ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᔅᒋ ᐅᑎᓂᑯᐛᐤ ᒐᒋ ᐅᑦ ᐃᔨᒥᑐᑕᑕᒄ ᑭᔭ ᒥᓯᐛ ᐊᓂᔭᔪᐛ ᑯᑎᑲ ᐊᐛᔪᐛ ᑲ ᑕᑈᔭᔨᒥᑯᑦ ᒋ ᐅᑎᓇᐤ᙮ ᐎᔾ ᒪᒃ ᐊᐅᒄ ᐛᒋᒪᒥᔭᐧᒄ ᒥᓯᐛ ᐊ ᑎᓯᔭᐧᒄ᙮

1 ᑯᕆᓐᑎᔭᓇ 1:24

ᒋᔭᓄᐤ ᒪᒃ ᐎ ᒋᓴᒪᓂᑐᐤ ᑲ ᐅᑎᓂᑕᐧᒄ, ᑕᐱᔅᑯᓐ ᒍᐤ ᐊ ᐃᑎᔅᑲᓇᓯᔭᐧᒄ ᑭᔭ ᑯᕆᒃ ᐊ ᐃᑎᔅᑲᓇᓯᔭᐧᒄ, ᒋ ᑕᑈᑕᓇᓄᐤ ᐅ ᙭ ᐊᐅᒄ ᒋᓴᒪᓂᑐᐤ ᐅᓱᐧᑲᑎᓯᐅᓐ ᑭᔭ ᐅᑭᒐᑕᐛᔨᑎᒧᐅᓐ᙮

1 ᑯᕆᓐᑎᔭᓇ 1:9

ᑯᐃᔅᒄ ᐃᑐᐤ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᑲ ᑕᑈᑎᑕᒄ ᒐᒋ ᐎᒐᐅᒪᑯ ᐅᑯᓴ ᐊᐅᑯᔪᐛ ᐅᔭ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮

1 ᑯᕆᓐᑎᔭᓇ 2:9

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᓇᒪ ᐊᐛᓐ ᐅᒋ ᐛᐸᑎᒻ ᑭᔭ ᓇᒪ ᐊᐛᓐ ᐅᒋ ᐸᑎᒻ ᑭᔭ ᓇᒪ ᐊᐛᓐ ᐅᒋ ᒋᔅᒐᔨᑎᒻ ᑕᓐ ᑲ ᐃᓯ ᐊᔭᔅᑯᔅᑎᒧᐛᑦ ᒋᓴᒪᓂᑐᐤ ᐊᓂᔭᔪᐛ ᑲ ᓴᒋᐃᑯᑦ᙮

2 ᑯᕆᓐᑎᔭᓇ 5:1

ᐛᔅ ᒋ ᒋᔅᒐᔨᑕᓇᓄᐤ ᐅᔭ ᒋᔭᓄᐛ ᒧᔭᒻ ᒥᒋᐛᐸ ᐃᓯᓇᑯᓇ᙮ ᐸᐃᒂᐤ ᐊ ᒋᓯᑲᒡ ᒋᑭ ᓂᑎᓂᑭᓄᐛ᙮ ᐊᓐᑕ ᒪᒃ ᒋᒋᒋᓯᑯᒡ ᒋᑭ ᒥᔨᑯᓇᓄᐤ ᒥᔪᐛ ᑲᒋᒡ ᒐ ᐱᒪᑎᓯᒥᑲᒋ, ᒧᔭᒻ ᒥᒋᐛᐸ ᐊ ᐃᑕᔨᑕᒂᒋ ᑲᒋᒡ ᒐ ᑎᒂᒋ᙮ ᓇᒪᐎᔾ ᐎ ᐊᓄᒡ ᑲ ᐅᓯᑕᑭᓄᐅᒡ ᒥᒋᐛᑉ ᑲ ᐃᑕᔨᑕᒂᒡ ᒋᑭ ᐅᒋ ᐃᑕᔨᑕᑯᓇ᙮ ᒋᓴᒪᓂᑐᐤ ᒪᒃ ᒋᑦ ᐊᔭᔅᑯᔅᑎᒪᑭᓄᐤ ᐅᔭ᙮

ᑲᓚᓯᔭᓇ 1:15

ᐃᔭᐱᒡ ᒪᒃ ᓂᒋ ᐅᑎᓄᑯᑕᑯᐱᓐ ᒋᓴᒪᓂᑐᐤ ᐊᔅᒄ ᐊᑲ ᐅᒋ ᐱᒪᑎᓯᐅᒡ᙮ ᓇᔅᒡ ᑕᑈ ᓂᒋ ᒋᓴᐛᑐᑕᒄ ᑲ ᐅᑎᓂᑦ ᒐᒋ ᐊᑐᔅᑯᐅᒄ᙮ ᐃᔅᐱ ᒪᒃ ᐛᑎᒋᐱᔨᒡ ᐊᓐᑕ ᑲ ᐃᑕᔨᑕᐧᒃ ᒐ ᒋᔅᒐᔨᒥᒋ ᐅᑯᓴ

ᑲᓚᓯᔭᓇ 1:6

ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ᐎᐱᒡ ᒋ ᐊᑎ ᓂᑭᑕᒄ ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ᐃᓯᓂᐧᑲᑕᑭᓄᐅᒡ ᒋ ᓂᑐᑕᓇᐛᐤ ᐊᑯ᙮

ᑲᓚᓯᔭᓇ 5:8

ᓇᒪᐎᔾ ᐎᔾ ᒋᓴᒪᓂᑐᐤ, ᐊᓐ ᑲ ᑕᑈᑎᑕᒄ, ᑲ ᓯᒋᒥᑕᒄ ᐅᔭ ᒐᒋ ᐃᑐᐛᒄ᙮

ᐃᐱᓯᔭᓇ 3:11

ᒋ ᐃᑐᑎᒻ ᒋᓴᒪᓂᑐᐤ ᐅᔭ ᒧᔭᒻ ᑕᓐ ᒧᔅ ᑲ ᐸᒋ ᐃᑕᔨᑎᒥᑯᐱᓇ ᒐ ᐃᑐᑕᐧᒃ ᒋᑎᐸᔨᒋᒐᓯᒥᓄᐛ ᙭ ᒋᓴᓴ ᐅᒋ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐱᓕᐱᔭᓇ 3:14

ᓇᔅᒡ ᐊ ᐃᔅᐱᓯᔭᓐ ᓱᒃ ᓂ ᐎ ᒋᔅᑕᓐ ᒐᒋ ᐎᐧᑯᒋᑎᒪᓱᔭᓐ ᐊᓐ ᑲᓂᔪᐅᓐ ᑕᓐ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐅᑦ ᒋᓴᒪᓂᑐᐤ ᒐ ᐊᔭᐅᒡ ᙭ ᒋᓴᓴ ᐅᒋ, ᐊᐅᒄ ᑲᒋᒡ ᐱᒪᑎᓯᐅᓐ᙮

1 ᑕᓴᓗᓂᔭᓇ 5:9

ᓇᒪ ᒋ ᐅᒋ ᐃᑕᔨᒥᑯᓄᐤ ᒋᓴᒪᓂᑐᐤ ᒐ ᐛᐛᓯᐃᑕᐧᒄ ᑎᐸᔅᑯᓂᒐᐅ ᒋᓯᑲᔨᒐ, ᒋ ᐃᑕᔨᑎᒻ ᒐᒋ ᐱᒪᒋᐃᑕᐧᒄ ᐅᑎᐸᔨᒋᒐᐛ ᒋᓴᔅ ᙭ᑕ ᐅᒋ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

2 ᑎᒧᑎ 2:19

ᒥᒄ ᒪᒃ ᐊᓂᔭ ᒋᓴᒪᓂᑐᐤ ᐅᒋᔅᑯᑎᒪᒐᐅᓐ ᑕᓐ ᐊ ᐃᓯ ᑕᑈᒥᑭᓂᔨᒡ ᓇᒪ ᒋᑭ ᒋ ᐊᑎᓂᑭᓄᐅᔪᐤ ᐊ ᐃᔅᐱᔅ ᔭᐃᑎᓂᔨᒡ, ᑭᔭ ᐊᓐ ᑲ ᐃᑎᔅᑕᒡ, “ᐅᑎᐸᔨᒋᒐᐤ ᒋᔅᒐᔨᒪᐤ ᐊᓂᔭᔪᐛ ᐊᐛᔪᐛ ᐎᔾ ᑕᐱᔨᐛᐅᓯᑦ,” ᑭᔭ “ᒥᓯᐛ ᐊᐛᓐ ᐅᑎᐸᔨᒋᒐᐛ ᐊ ᑕᔨᒋ ᑲ ᐃᓯ ᑎᐸᔨᑕᑯᓯᑦ ᒋᐸ ᓂᑭᑎᒻ ᒥᒐᑎᓯᐅᓂᔪᐤ᙮”

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:12

ᓱᐛᔨᑕᑯᓱᐤ ᐊᓐ ᐊᐛᓐ ᐊᑲ ᓴᐧᑯᒋᐃᑯᑦ ᑕᓐ ᐊ ᐃᓯ ᑯᒂᒋᐊᑭᓄᐅᑦ᙮ ᐛᔅ ᓴᐳᔅᑲᒐ ᑕᓐ ᐊ ᐃᓯ ᑯᒂᒋᐊᑭᓄᐅᑦ ᒋᑭ ᒥᔨᑯᐤ ᒋᓴᒪᓂᑐᐛ ᐊ ᐛᔪᒡ ᒥᔽᔨᑕᑯᓂᔨᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔭᔨᒋ ᐊᓂᔭ ᑲ ᓴᒋᐃᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 2:5

ᐃᔭᒂ ᓂᑐᑎᒧᒄ ᓂᐧᑲᓂᓯᑐᒄ᙮ ᓇᒪᔭᐤ ᐊ ᐊᓂᔭ ᑲ ᒋᔅᑎᒪᑎᓯᔨᒋ ᐅᑕ ᐊᔅᒋᒡ ᐊ ᑕᔨᒋ ᐅᒋ ᐃᑕᔨᒪᐤ ᒋᓴᒪᓂᑐᐤ ᒥᔅᑎ ᒐᒋ ᐊᔭᔨᒋ ᑕᑈᑎᒧᐅᓂᔪᐤ ᑭᔭ ᒐᒋ ᐊᔭᔨᒋ ᒋᓴᐅᒋᒪᐅᓂᔪᐤ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᓴᒋᐃᑯᑦ ?

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮

1 ᐱᑕᕐ 3:9

ᐊᑲᐎᔾ ᔭᐃᑕᔾ ᐎ ᑎᐸᐊᒪᓱ ᐊᐛᓐ ᐊ ᐅᓂᑐᑕᔅᒃ ᒪᒃ ᐊ ᒪᒥᐊᔭᔨᒥᔅᒃ᙮ ᐃᔭᐱᒡ ᐅᔅᑕ ᒥᔪᑐᑎᒧᐤ ᑭᔭ ᐊᔭᒥᑐᐤ ᒐᒋ ᓱᐛᔨᒥᑯᑦ ᒋᓴᒪᓂᑐᐛ, ᐛᔅ ᐊᐅᒄ ᐅ ᑲ ᐃᓯ ᐃᑕᔨᑕᑭᓄᐅᒡ ᒋᐱᒪᑎᓯᐅᓐ ᒐᒋ ᐃᓯᓇᒂᒡ᙮ ᐊᑯᑕ ᒐᒋ ᐅᒋ ᐊᓂᔅᒐ ᒥᑭᐎᔨᓐ ᓱᐛᔨᒋᒐᐅᓐ᙮

1 ᐱᑕᕐ 5:10

ᐃᔅᐱ ᒪᒃ ᒋ ᐃᓯ ᓂᓇᐧᑲᑕᔨᒧᔭᒂ, ᒋᑭ ᐃᑐᑕᑯᐛᐤ ᒋᓴᒪᓂᑐᐤ ᒥᓐ ᒐᒋ ᐎᔨᑲᐳᐅᐛᒄ, ᒋᑭ ᒥᔨᑯᐛᐤ ᒥᔅᑯᓯᐅᓂᔪᐤ, ᒋᑭ ᐊᔨᒋᑲᐳᐃᑯᐛᐤ, ᑭᔭ ᒋᑭ ᓯᑭᔅᒐᔨᒧᐃᑯᐛᐤ᙮ ᒋᓴᒪᓂᑐᐤ ᐊᓐ ᑲ ᐊᔭᑦ ᒥᓯᐛ ᓱᐛᔨᒋᒐᐅᓂᔪᐤ ᒋ ᐎᓴᒥᑯᓄᐤ ᒐᒋ ᐎᒋᐃᐛᔭᐧᒄ ᐊᓐᑕ ᑲᒋᒡ ᐅᒋᔅᑕᔨᑕᑯᓱᐅᓂᒡ ᙭ᑕ ᐊ ᑕᔨᒋ ᐅᒡ᙮

1 ᒠᓐ 4:10

ᒪᐅ ᒪᒃ ᐅ ᓴᒋᐃᐛᐅᓐ, ᓇᒪ ᐎ ᒋᔭᓄᐤ ᐊᒋ ᓴᒋᐊᐧᒄ ᒋᓴᒪᓂᑐᐤ, ᒪᒃ ᐎᔾ ᐊᒋ ᓴᒋᐃᑕᐧᒄ ᐊᒋ ᐸᒋ ᐃᑎᓴᐛᑦ ᐅᑯᓴ ᐊᓐᑕ ᒐᒋ ᑎᐸᒪᒐᔅᑎᒪᑕᐧᒄ ᒋᒥᒋᑐᑎᒧᐅᓄᐛ᙮

1 ᒠᓐ 4:19

ᒋ ᓴᒋᐃᐛᓇᓄᐤ ᐎᔾ ᓂᔅᑎᒻ ᐊᒋ ᓴᒋᐃᑕᐧᒄ᙮

ᒋᔅᒐᔨᑕᑯᑕᒐᐅᓐ 3:19

ᐛᔅ ᓂ ᐎᑎᒧᐛᐅᒡ ᐛᓂᐱᔨᒡ ᐊᓐᒡ ᑲ ᓴᒋᐃᒂᐤ ᑭᔭ ᓂ ᑯᐃᔅᑯᓇᐅᒡ᙮ ᓱᒃ ᒪᒃ ᒋᒋᐛ ᐃᑕᔨᑎᒧᒄ ᐊ ᑕᑈᔭᔨᒥᔭᒄ, ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ᙮