ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᑲ ᐸᔭᒋᓯᑦ ᐊᒐᐧᒄ ᒋ ᒋᔅᒐᔨᑎᒥᐃᑯᓄᐤ ᒋᑕᐃᓇᒡ ᑕᑈ ᒋᓴᒪᓂᑐᐤ ᐊ ᐅᑦ ᐊᐛᓯᒥᑕᑕᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:16 Iomraidhean Croise

ᒪᑎᔪᐤ 5:9

ᓱᐛᔨᑕᑯᓱᐅᒡ ᐊᓐᒡ ᑲ ᒥᔪᐱᔭᐊᒡ ᐊᐛᔪᐛ ᐊ ᒥᒋᐱᔨᐃᑐᔨᒋ, ᐛᔅ ᒋᓴᒪᓂᑐᐤ ᐅᑦ ᐊᐛᓯᒪ ᒋᑭ ᐃᓯᓂᐧᑲᑕᑭᓄᐎᒡ᙮

ᓗᒃ 20:36

ᐛᔅ ᒧᔭᒻ ᐊᓐᒋᓐᒡ ᒋᑭ ᐃᑕᔨᑕᑯᓱᐅᒡ ᐅᒡ ᓇᒪ ᓂᑕ ᒋᑭ ᒋ ᐳᓂᐱᒪᑎᓱᐅᒡ᙮ ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐅᒡ ᐊᓐᒡ ᒐ ᐅᓂᔅᑲᒡ᙮

ᒠᓐ 1:12

ᐊᓂᔭ ᒪᒃ ᐊᐛᔪᐛ ᑲ ᐅᑎᓂᑯᑦ ᑭᔭ ᑲ ᑕᑈᔭᔨᒥᑯᑦ ᒋ ᒥᔭᐤ ᓱᐧᑲᑎᓯᐅᓂᔪᐤ ᒐᒋ ᐅᑦ ᐊᐛᓯᒥᑐᑕᑯᔨᒋ ᒋᓴᒪᓂᑐᐛ᙮

ᐊᑈᔅᑕᓇᒡ 5:32

ᓂᔭᓐ ᒪᒃ ᓂ ᑎᐸᑐᑕᓇᓐ ᐛᔅ ᓂᒋ ᐛᐸᑕᓇᓐ ᐅᔭ ᑲ ᐃᔅᐱᔨᒋ, ᑭᔭ ᑲ ᐸᔭᒋᓯᑦ ᐊᒐᐧᒄ ᐊᓂᔭᔪᐛ ᒋᓴᒪᓂᑐᐤ ᑲ ᒥᔭᑦ ᐊᐛᔪᐛ ᑲ ᓂᓇᐃᑕᑯᑦ ᑭᔭ ᐎᔾ ᐎᑎᒪᒐᐤ ᐊ ᑕᑈᒥᑭᓂᔨᒡ ᐊᓂᔭᔪᐤ ᑲ ᐃᔅᐱᔨᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:14

ᒥᓯᐛ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᒋᔅᒋᓄᑕᐃᑯᒡ ᒋᓴᒪᓂᑐᐛ ᐅᑦ ᐊᐛᓯᒥᑕᑯᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:19

ᒥᓯᐛ ᒐᒂᔪᐤ ᑕᓐ ᑲ ᐃᓯ ᐅᓯᑕᑦ ᒋᓴᒪᓂᑐᐤ ᓇᔅᒡ ᐱᒂᔨᑎᒧᒥᑭᓂᔪᐤ ᐊ ᐊᓱᐛᐸᑎᒧᒥᑭᓂᔨᒡ ᒐ ᐃᔅᐱᔅ ᒧᓴ ᓄᑯᐊᑦ ᐅᑦ ᐊᐛᓯᒪ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:23

ᓇᒪ ᒪᒃ ᒥᒄ ᐅᔭ ᒐᒂᔪᐛ ᓂᓇᐧᑲᑕᔨᒧᒥᑭᓇ᙮ ᒋᔭᓄᐤ ᑭᔭ ᒋᓴᒪᓂᑐᐤ ᑲ ᐅᑦ ᐊᐛᓯᒥᑐᑕᑕᐧᒄ ᒋ ᓂᓇᐧᑲᑕᔨᒧᓇᓄᐤ ᒋᑕᐃᓇᒡ ᒪᒂᒡ ᐊ ᐊᓱᐛᐸᑎᒪᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᓄᑯᐃᑯᐅᔭᐧᒄ ᑭᔭ ᒐᒋ ᐃᓯᐃᑯᐅᔭᐧᒄ ᐊᑲ ᓂᑕ ᒥᓐ ᒐᒋ ᓂᓇᐧᑲᑕᔨᒧᔭᐧᒄ, ᑲᒋᒡ ᒐᒋ ᐱᒪᑎᓯᔭᐧᒄ᙮ ᓴᔅ ᒪᒃ ᔅᒋ ᒥᔨᑯᓄᐤ ᒋᓴᒪᓂᑐᐤ ᐅᑦ ᐊᒐᒂ ᒐᒋ ᐅᒋ ᒋᔅᒐᔨᑎᒪᐧᒄ ᒥᓯᐛ ᑕᑈ ᒐ ᐃᔅᐱᔨᒡ ᐅᔭ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:26

ᑎᑯᓐ ᑕᓐ ᐊᔅᐱᔅ ᐊᑲ ᓴᐸᔨᑎᒪᐧᒄ ᒥᒄ ᒪᒃ ᑕᐤ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᑕᐧᒄ᙮ ᒧᔭᒻ ᐊ ᐃᓯᓇᑯᓯᔭᐧᒄ ᓇᓂᑯᑎᓂᔾ ᐊᑲ ᒋᔅᒐᔨᑎᒪᐧᒄ ᑕᓐ ᐊᓐ ᒋᐸ ᐃᓯ ᐊᔭᒥᐊᓇᓄᐤ᙮ ᐊᑯᑕ ᒪᒃ ᓇᑐᑎᒪᔅᑎᒪᑕᒄ ᑲ ᐸᔭᒋᓯᑦ ᐊᒐᐧᒄ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᐊ ᒪᒪᑥᔭᐧᒄ ᐊᑲ ᒋ ᐎᑎᒧᐛᐧᒄ ᑕᓐ ᐊᓐ ᐊ ᐃᑎᒪᒋᐅᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:26

ᐊᓐᑕ ᐊᓂᔭ ᒪᒂᒡ ᑲ ᑕᒡ ᑲ ᐃᑎᑯᒡ ᒋᓴᒪᓂᑐᐛ, ᓇᒪᔭᐤ ᒋᔨᐛᐤ ᓂᑦ ᐃᔨᒥᒡ ᐊᑯᑕ ᐊᓐᑕ ᓇᓂᑎᒻ ᒐ ᐃᓯᓂᐧᑲᑕᑭᓄᐎᒡ ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓯᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:8

ᐊᑯ ᒪᒃ ᓇᒪ ᒥᓯᐛ ᐊᐛᓐ ᐊᑉᕋᐊᒪ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᑦ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᓐᒡ ᐊᐛᓐᒋ ᒐ ᑕᑈᑎᒧᐛᒂ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒧᐛᔨᒋ ᐊᑉᕋᐊᒪ ᐊᐅᑯᓐᒡ ᐊᓐᒡ ᒋᓴᒪᓂᑐᐛ ᒐ ᐅᑦ ᐊᐛᓯᒥᑐᑕᑯᒡ᙮

2 ᑯᕆᓐᑎᔭᓇ 1:12

ᒪᐅ ᒪᒃ ᐊ ᐃᓯ ᐊᔅᐸᔨᒧᔭᒡ, ᓇᔅᒡ ᓂᒐᔅᑎᓇᐅᓇᓐ ᒧᔅ ᑯᐃᔅᒄ ᐊᒋ ᑎᔭᒡ ᑕᓐᑕ ᒥᒄ ᑲ ᐊᑎ ᑕᔭᒡ, ᐊᑐᐎᔅ ᒪᒃ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᒡ᙮ ᑭᔭ ᒧᔅ ᐊᒋ ᑕᑈᐅᒐᔨᑕᑯᓯᔭᒡ᙮ ᒋᓴᒪᓂᑐᐤ ᓂᒋ ᒥᔨᑯᓇᓐ ᐅᓱᐛᔨᒋᒐᐅᓐ ᐅ ᒐᒋ ᑎᔭᒡ᙮ ᓇᒪ ᓂᔭᓐ ᓂᑭᒐᑕᐛᔨᑎᒧᐅᓇᒡ ᐅᒋᐱᔪᐤ᙮

2 ᑯᕆᓐᑎᔭᓇ 1:22

ᔅᒋ ᒥᔨᑯᓄᐤ ᑭᔭ ᐅᑦ ᐊᒐᒂ ᒋᑕᐃᓇᒡ ᒐᒋ ᑕᔨᒋ ᑭᔭ ᒐᒋ ᒐᔅᑎᓇᑕᔨᑎᒥᐃᑯᐛᐧᒄ ᑕᑈ ᐊ ᑎᐱᔨᐛᐅᓯᑐᑕᑕᐧᒄ᙮ ᐊᑯᑕ ᑭᔭ ᐛᒋ ᒐᔅᑎᓇᑕᔨᑎᒪᐧᒄ ᒐᔅᑎᓇᔅ ᒥᓯᐛ ᒐ ᒥᔅᑭᒪᐧᒄ ᑕᓐ ᐊ ᐃᓯ ᐊᔭᔅᑯᔅᑎᒪᑕᐧᒄ᙮

2 ᑯᕆᓐᑎᔭᓇ 5:5

ᐊᔪᐅᒄ ᐅᔭ ᐛᒋ ᐅᓯᐃᑕᐧᒄ ᒋᓴᒪᓂᑐᐤ, ᒐᒋ ᐅᑎᑎᒪᐧᒄ ᐊᓐᑕ ᒐ ᒥᔨᑯᐛᐧᒄ ᐅᔭ ᐱᒪᑎᓯᐅᓂᔪᐤ᙮ ᒋ ᒐᔅᑎᓇᐅᐛᓇᓄᐤ ᒪᒃ ᒐᔅᑎᓇᔅ ᒐ ᐃᑐᑎᒪᑕᐧᒄ ᐅᔭ ᐛᔅ ᔅᒋ ᒥᔨᑯᓄᐤ ᐅ ᐸᔭᒋ ᐊᒐᒂ ᒐᒋ ᐎᒐᐅᑎᑕᐧᑯ᙮

2 ᑯᕆᓐᑎᔭᓇ 6:18

ᒋᑭ ᐅᑕᐎᒪᐅᑐᑐᓇᐛᐤ᙮ ᓂᑯᓯᒡ ᑭᔭ ᓂᑕᓂᓯᒡ ᒋᑭ ᐃᓯ ᑭᓄᐛᐱᒥᑎᓇᐛᐤ,” ᐃᔅᒋᔄᐤ ᐅᑎᐸᔨᒋᒐᐤ ᐊᓐ ᒪᐅᒡ ᓯᔪᐧᑲᑎᓯᑦ᙮

ᑲᓚᓯᔭᓇ 3:26

ᒥᓯᐛ ᒋᔨᐛᐤ ᑲ ᑕᑈᔭᔨᒪᒄ ᒋᓴᔅ ᙭ ᐊᑯᑕ ᐛᒋ ᐅᑦ ᐊᐛᓯᒥᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

ᐃᐱᓯᔭᓇ 1:13

ᒋᔨᐛᐤ ᒪᒃ ᑭᔭ ᐊᓐᑕ ᐃᐱᓴᔅ ᐊ ᑕᔭᒄ, ᒋᓴᒪᓂᑐᐤ ᔅᒋ ᐅᑦ ᐃᔨᒥᑐᑕᑯᐛᐤ ᐅᔅᑭᒡ ᑲ ᐸᑎᒪᒄ ᐊᓐ ᑲ ᑕᑈᒥᑲᒡ ᐃᔨᒧᐅᓐ, ᐊᐅᒄ ᒥᔽᒋᒧᐅᓐ ᑲ ᐱᒪᒋᐃᑯᔭᒄ᙮ ᙭ ᔅᒋ ᑕᑈᔭᔨᒪᐛᐤ, ᑭᔭ ᑲ ᒋᔅᒋᓄᐛᒋᐃᑕᒄ ᒋᓴᒪᓂᑐᐤ ᐎᔾ ᐊ ᐊᔭᐅᑕᒄ, ᑲ ᐸᔭᒋᓯᔨᒋ ᐊᒐᒂ ᐊᒋ ᒥᔨᑕᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ᙮

ᐃᐱᓯᔭᓇ 4:30

ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ᐊᔭᐛᒄ ᐊᑯᑕ ᐊ ᓄᒂᒡ ᒋᓴᒪᓂᑐᐤ ᐊ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᑕᑈ ᒐ ᐊᐱᐧᑯᓂᑕᒄ ᒋᓴᒪᓂᑐᐤ᙮

1 ᒠᓐ 3:1

ᑭᓄᐛᐸᑎᒧᒄ ᒪ ᐊᔅᐱᔅ ᓴᒋᐃᑕᐧᒄ ᒋᓴᒪᓂᑐᐤ, ᐊ ᒥᔨᑕᐧᒄ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯᓂᐧᑲᑎᑯᐅᐛᐧᒄ ! ᑕᑈ ᒪᒃ ᒋ ᐅᑦ ᐊᐛᓯᒥᑕᑯᓄᐤ ! ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᓇᒪ ᒋ ᒋᔅᒐᔨᒥᑯᓄᐅᒡ ᐊᐛᓐᒋ ᒋᔭᓄᐤ ᐛᔅ ᑕᐸ ᒋᔅᒐᔨᒪᐅᒡ ᒋᓴᒪᓂᑐᐛ᙮

1 ᒠᓐ 3:10

ᐊᐛᓐ ᐊᑲ ᑯᐃᔅᑯᑕᑎᓯᑦ ᒪᒃ ᐊᑲ ᓴᒋᐊᑦ ᐎᐧᑲᓂᓴ, ᓇᒪ ᐅᑦ ᐊᐛᓯᒥᑐᑕᑯᐤ ᒋᓴᒪᓂᑐᐛ᙮ ᐊᑯᑕ ᐛᒋ ᒋᔅᒐᔨᒪᑭᓄᐅᑦ ᐊᐛᓐ ᐊᐛᔪᐛ ᐊ ᐅᑦ ᐊᐛᓯᒥᑐᑕᑯᑦ, ᒋᓴᒪᓂᑐᐛ ᑭᔭ ᒪᒃ ᒥᒋᒥᓂᑐᐛ᙮

1 ᒠᓐ 3:2

ᓂᐧᑲᓂᓯᑐᒄ ᑲ ᓴᒋᐃᑎᑯᒡ, ᒋ ᐅᑦ ᐊᐛᓯᒥᑕᑯᓄᐤ ᒋᓴᒪᓂᑐᐤ ᐊᓄᒡ, ᒥᒄ ᒪᒃ ᐊᔅᒄ ᓇᒪ ᓄᑯᓐ ᑕᓐ ᒐ ᐃᑕᔨᑕᑯᓯᔭᐧᒄ, ᒥᒄ ᒋ ᒋᔅᒐᔨᑕᓇᓄᐤ ᐃᔅᐱ ᑎᑯᓯᒐ ᒧᔭᒻ ᐎᔾ ᐊ ᐃᑕᔨᑕᑯᓯᑦ ᐊᐅᑯᓐ ᒐ ᐃᑕᔨᑕᑯᓯᔭᐧᒄ᙮ ᐛᔅ ᒋᑭ ᐛᐱᒪᓄᐤ ᑕᓐ ᐊᓐ ᐊ ᐃᑕᔨᑕᑯᓯᑦ᙮

1 ᒠᓐ 4:13

ᐅᒪ ᒋ ᐅᒋ ᒋᔅᒐᔨᑕᓇᓄᐤ ᐊ ᐱᔅᑯᐛᐧᒄ ᐎᔾ ᑭᔭ ᐊᐱᔅᑲᑕᐧᒄ ᐊᒋ ᒥᔨᑕᐧᒄ ᐅᑦ ᐊᒐᒂ᙮

1 ᒠᓐ 5:10

ᐊᐛᓐ ᑕᑈ ᐊ ᑕᑈᔭᔨᒪᑦ ᒋᓴᒪᓂᑐᐛ ᐅᑯᓯᔪᐛ, ᐅᑎᓂᒻ ᑭᔭ ᒥᒋᒥᓂᒻ ᐅᔭ ᑎᐸᒋᒧᐅᓂᔪᐤ᙮ ᐊᐛᓐ ᒪᒃ ᐊᑲ ᑕᑈᑐᐛᑦ ᑕᓐ ᐊ ᐃᑕᒋᒧᔨᒋ ᒋᓴᒪᓂᑐᐛ, ᐃᔅᒋᔄᐤ ᐊ ᑭᑭᒋᔭᔨᒋ, ᐛᔅ ᓇᒪ ᑕᑈᑎᒻ ᑕᓐ ᑲ ᐃᑕᒋᒪᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑯᓯᔪᐛ᙮

ᒋᔅᒐᔨᑕᑯᑕᒐᐅᓐ 21:7

ᐊᐅᒄ ᐅᔭ ᒐ ᐃᓯ ᐊᓂᔅᒐ ᒥᔨᒃ ᐊᓐ ᐊᐛᓐ ᒐ ᓴᐧᑯᒋᑕᒂ ᑕᓐ ᒐ ᐃᓯ ᑯᒂᒋᐃᑯᑦ ᒥᒋ ᒐᒂᔪᐤ᙮ ᑭᔭ ᓂᔾ ᓂᑭ ᐅᒋᓴᒪᓂᑐᒥᑐᑕᒄ ᑭᔭ ᐎᔾ ᒐ ᐅᑦ ᐊᐛᓯᒥᑐᑐᐅᒃ᙮