ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ᓂᐱᓐ᙮ ᐱᔅᑎᓂᑕ ᒪᒃ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ᐱᒪᑎᓯᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:13 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:21

ᑕᓐ ᒪᒃ ᑲ ᐃᓯ ᐎᒋᐃᑯᔨᓐ ᐊᓂᔭ ᒐᒂᔪᐛ ᑲᒋ ᐃᑐᑎᒥᓐ, ᐊᓂᔭᔪᐛ ᒐᒂᔪᐛ ᓯᔭᒂᔨᒧᐃᑯᔨᓐ ᐊᓄᒡ᙮ ᓂᐳᐅᓂᒡ ᐃᑐᑕᐃᐛᒥᑭᓇ ᐊᓂᔭᔪᐛ ᒐᒂᔪᐛ ᑲᒋ ᐃᑐᑎᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:23

ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:5

ᐛᔅ ᐊᔅᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᐊᒋ ᑎᐸᔨᒥᑯᔭᐧᒄ, ᐊᓐ ᒪᒃ ᐊ ᑎᒂᒡ ᐎᓱᐛᐅᓐ ᑭᔭ ᐊᒋ ᒋᔅᒐᔨᑎᒪᐧᒄ ᐊᓐ ᐎᓱᐛᐅᓐ, ᐊᑯᑕ ᑲ ᐅᒋᐱᔨᒡ ᐊᓐ ᐊ ᒧᔅᒋᐱᔨᒡ ᒐᒋ ᒥᒋᑐᑎᒪᐧᒄ᙮ ᐅ ᒪᒃ ᐊᒋ ᐃᓯ ᐱᒪᑎᓯᔭᐧᒄ ᒧᔭᒻ ᐊ ᓂᐱᔭᐧᒄ ᔅᒋ ᐃᓯᓇᑯᓯᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:12

ᓂᐧᑲᓂᓯᑐᒄ, ᒋ ᓂᑐᐛᔨᑕᑯᓯᓇᓄᐤ ᐊᑲ ᐎᔭᓱᐅᓂᒡ ᒐᒋ ᐃᓯ ᐱᒪᑎᓯᔭᐧᒄ, ᓇᒪ ᒋᐸ ᐅᒋ ᐃᓯ ᐱᒪᑎᓯᓇᓄᐤ ᑕᓐ ᐊ ᐃᓯ ᓂᑐᐛᔨᑎᒧᒥᑲᒋ ᒋᔭᓯᓄᐛ᙮

1 ᑯᕆᓐᑎᔭᓇ 9:27

ᒥᓯᐛ ᐊ ᐃᓯ ᓂᑐᐛᔨᑕᒂᒡ ᒐᒋ ᐃᑎᔭᓐ ᐊ ᑯᒂᒋᔅᑭᑕᐃᒐᔭᓐ ᓇᔅᒡ ᓂ ᐱᔅᑎᓂᓱᓐ ᒐᒋ ᐃᑐᑎᒪᓐ᙮ ᐛᔅ ᓇᒪ ᓇᓂᑐᐛᔨᑕᓐ ᒐᒋ ᐅᓂᑕᔭᓐ ᑕᓐ ᓂᐸ ᐃᓯ ᑲᓂᔪᐃᑯᐅᓐ ᓴᔅ ᐎ ᐊᒋ ᑭᒐᔅᒋᒥᒂᐤ ᑲ ᑕᑈᑕᒡ ᒐ ᐃᓯ ᐱᒪᑎᓯᒡ ᑕᓐ ᐊᓂᔭᔪᐛ ᒋᐸ ᐃᓯ ᐱᒪᑎᓯᔪᐛ ᐊᐛᔪᐛ ᐊ ᑕᑈᔭᔨᒪᔨᒋ ᙭ᑕ᙮

ᑲᓚᓯᔭᓇ 5:24

ᐊᓐᒡ ᒪᒃ ᒋᓴᔅ ᙭ᑕ ᑲ ᑎᐱᔨᐛᐅᓯᑐᑕᑯᒡ ᓴᔅ ᒋ ᐎᔭᔨᑎᒧᒡ ᒐ ᐊᑲ ᒋ ᐱᔅᑕᔨᒥᑎᓱᒡ ᑲᐤ ᒐᒋ ᐃᑐᑕᒡ ᑕᓐ ᐛ ᐃᓯ ᐛᒋᐱᔨᒡ ᒐᒋ ᐃᓯ ᒥᒋ ᐱᒪᑎᓯᒡ᙮ ᓇᒪ ᐎ ᒥᒋᑐᑎᒧᒡ ᑕᓐ ᑲ ᐃᓯ ᐸᒋ ᒥᒋᑐᑕᒡ ᐊᓐᑕ ᐃᔅ ᐅᑕᒡ᙮ ᒧᔭᒻ ᑕᑈ ᐊᒋ ᐊᓯᒡ ᒋᔅᑕᔎᑕᒡ ᐅᒥᒐᑎᓯᐅᓄᐛᐤ ᑭᔭ ᐅᒥᒋᓂᑐᐛᔨᑎᒧᐅᓄᐛᐤ ᒋᐱᔭᑎᑯᒡ ᐊᐅᑯᓐ ᑲ ᐃᑎᒡ᙮

ᑲᓚᓯᔭᓇ 6:8

ᐊᐛᓐ ᒪᒃ ᐱᓯᒄ ᓂᑎᒥᒄ ᑲ ᐃᓯ ᐱᒪᑎᓯᑦ ᒋᑭ ᐃᓯᓇᑯᓂᔪᐤ ᒐᒃ ᒐ ᐊᑎ ᓂᓱᐅᓇᒋᑕᑦ ᐅᐱᒪᑎᓯᐅᓐ᙮ ᐊᑯ ᒪᒃ ᐊᐛᓐ ᒥᒄ ᐊ ᐃᓯ ᓂᑐᐛᔨᒥᑯᑦ ᑲ ᐸᔭᒋᓯᔨᒋ ᐊᒐᒂ ᐃᓯ ᐱᒪᑎᓯᒐ ᒋᑭ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

ᐃᐱᓯᔭᓇ 4:22

ᔅᒋ ᐎᑎᒪᑯᓇᐛᐤ ᒐ ᓂᓱᐅᓇᒋᐃᑯᔭᒄ ᐊᓐ ᑲ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ᐃᑕᑎᓯᔭᒄ ᐊ ᒥᒋᑐᑎᒪᒄ᙮

ᐃᐱᓯᔭᓇ 4:30

ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ᐊᔭᐛᒄ ᐊᑯᑕ ᐊ ᓄᒂᒡ ᒋᓴᒪᓂᑐᐤ ᐊ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᑕᑈ ᒐ ᐊᐱᐧᑯᓂᑕᒄ ᒋᓴᒪᓂᑐᐤ᙮

ᐃᐱᓯᔭᓇ 5:18

ᐊᑲᐎᔾ ᒋᔎᐸᒄ ᐊ ᒥᓂᔭᒄ ᓱᒥᓇᐳᔾ, ᐛᔅ ᐊᐅᒄ ᒐ ᓂᓱᐅᓇᒋᐃᑯᔭᒄ᙮ ᐃᔭᐱᒡ ᐱᔅᑎᓇᐧᒄ ᐸᔭᒋ ᐊᒐᐧᒄ ᒐᒋ ᓴᑭᔅᒋᓇᔅᑲᑕᒄ᙮

ᑕᐃᑕᔅ 2:12

ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᓂᑭᑎᒪᐧᒄ ᒥᒐᑎᓯᐅᓐ ᑭᔭ ᒐ ᐊᑲ ᒋ ᒥᒋ ᒧᔅᑕᓇᔨᑎᒪᐧᒄ ᒐᒂᓐ ᐅᑕ ᐊᔅᒋᒡ᙮ ᑭᔭ ᐅᒋᓴᐛᑎᓯᐅᓂᒡ ᒋ ᐅᒋ ᒋᔅᑯᑎᒪᑭᓄᐤ ᒐᒋ ᐃᔭᒂᒥᔭᐧᒄ ᑕᓐ ᐊ ᐃᑕᑎᓯᔭᐧᒄ, ᑭᔭ ᒐᒋ ᑯᐃᔅᑯᑕᑎᓯᔭᐧᒄ ᑭᔭ ᒐᒋ ᒋᓴᒪᓂᑐᐛᑎᓯᔭᐧᒄ ᐅᑕ ᐊᔅᒋᒡ ᐊ ᑕᐛᐧᒄ,

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

1 ᐱᑕᕐ 2:11

ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮