ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊ ᐃᔅᒋᔄᑦ ᐊᓐ ᐊᐛᓐ, ᒪᔭᑎᓄᒐ ᐊᓐ ᐎᓱᐛᐅᓐ ᐛᔅ ᐊᑯᑕ ᑲ ᐅᒋᐱᔨᒡ ᐊᓐ ᒐᒋ ᒥᒋᑐᑎᒪᓐ᙮ ᒪᐅ ᓂᐸ ᐃᓯ ᐎᑎᒧᐊᐤ ᐅ ᐊᐛᓐ, ᑕᐸ ᓇᒪᔭᐤ ᐊᓐ ᐎᓱᐛᐅᓐ ᑲ ᐃᑐᑕᑯᔭᓐ ᒐᒋ ᒥᒋᑐᑎᒪᓐ᙮ ᒥᒄ ᒪᒃ ᐊᑯᑕ ᑲ ᐅᒋ ᒋᔅᒐᔨᑎᒪᓐ ᑕᑈ ᐊ ᒥᒋᑐᑎᒪᓐ ᐊᓐᑕ ᐅᒋ ᑕᓐ ᐊ ᐃᑎᓱᐛᒥᑲᒡ ᐊᓐ ᐎᓱᐛᐅᓐ᙮ ᒧᔭᒻ ᐊᓐᑕ ᐊᓐ ᑲ ᐃᑎᔅᑕᒡ, “ᐊᑲᐎᔾ ᒥᒋ ᒧᔅᑕᓇᒪᒐ,” ᐊᑯᑕ ᑲ ᐅᒋ ᒋᔅᒐᔨᑎᒪᓐ ᐊ ᒥᒋᑐᑎᒪᓐ ᐊ ᒥᒋ ᒧᔅᑕᓇᒪᒐᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:7 Iomraidhean Croise

ᒐᓂᓯᔅ 3:6

ᒋ ᐛᐸᑎᒻ ᐃᔎᐤ ᐊᔅᐱᔅ ᒥᔽᓯᔨᒡ ᑭᔭ ᐊ ᒥᔽᔨᒡ ᒐᒋ ᒥᒋᓇᓄᐎᒡ; ᐃᔭᐱᒡ ᒋᔅᒐᔨᑎᒻ ᒥᒋᑦ ᐊᐛᓐ ᐊᓂᔭ ᒥᓂᓴ ᒋᐸ ᑭᒐᑕᐛᔨᑕᑯᓱᐤ ᑭᔭ ᓇᔅᒡ ᒋ ᓇᓂᑐᐛᔨᑎᒻ ᐃᔎᐤ ᒐᒋ ᑭᒐᑕᐛᔨᑕᑯᔅᑦ, ᐊᑯ ᐛᑎᓇᐧᒃ ᐊᓂᔭ ᒥᓂᓴ, ᒂ ᒥᒋᑦ ᑭᔭ ᒂ ᒥᔭᑦ ᐱᔅᒐ ᐅᓇᐸᒪ ᑭᔭ ᐎᔾ ᓇᐸᐤ ᒪᒋᑦ᙮

ᑎᐱᑦ ᐅᓂᑭᒧᐅᓇ 119:96

ᓂᒋ ᐛᐸᑕᓐ ᐊ ᐳᓂᐱᔨᒡ ᒥᓯᐛ ᒥᔽᑎᓯᐅᓐ; ᒪᒃ ᒋᑦ ᐃᑎᓱᐛᐅᓐ ᓇᔅᒡ ᐃᔨᑭᔅᑲᐤ᙮

ᐊᒃᓱᑕᔅ 20:17

ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᒡ, ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᐛ, ᐊᑲᐎᔾ ᑭᔭ ᐅᑦ ᐊᑐᔅᒐᔭᑭᓂᒪ, ᑭᔭ ᐅᑦ ᐊᑐᔅᒐᔭᑭᓂᔎᒪ, ᑭᔭ ᐅᓇᐸᒥᔅᑐᓯᒪ ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒥᒄ ᒐᒂᔪᐤ ᑕᐱᔨᐛᐅᓯᑦ᙮”

ᒪᑎᔪᐤ 5:28

ᒥᒄ ᒪᒃ ᓂᔾ ᒋᑦ ᐃᑎᓇᐛᐤ, ᐊᐛᓐ ᑭᓄᐛᐱᒪᒐ ᐃᔎᐛ, ᓂᑎᒥᒄ ᒪᒃ ᐃᓯ ᒪᒥᑐᓇᔨᒪᒐ, ᓴᔅ ᐃᓯᓇᑯᓂᔪᐤ ᐊ ᐎᒋ ᐱᓯᒂᑎᓯᒪᑦ ᐊᓐᑕ ᐅᑕᐃᒡ᙮

ᓗᒃ 12:15

ᐊᑯ ᒋᓴᔅ ᒥᓯᐛ ᑲ ᐃᑕᑦ ᐅᔭ, “ᐃᔭᒂᒥᒄ, ᒐ ᐊᑲ ᒋ ᒧᔅᑕᓇᔨᑎᒪᒐᔭᒄ ᐊ ᐃᔅᐱᔅ ᐎ ᐊᔭᔭᒄ ᒐᒂᓐ᙮ ᐛᔅ ᑕᐸ ᐊᓂᔭ ᐊ ᐃᓯ ᐛᔪᑎᓯᑦ ᐊᐛᓐ ᒪᒃ ᓇᔅᒡ ᐊ ᐛᔪᑎᓯᒂ, ᓇᒪᔭᔪᐤ ᐊᓂᔭ ᒐ ᐃᑐᑕᑯᑦ ᒐᒋ ᐅᒋ ᐊᔭᑦ ᑲᒋᒡ ᐱᒪᑎᓯᐅᓂᔪᐤ᙮”

ᓗᒃ 20:16

ᑭᑈ ᒐ ᒋᐛᑦ ᐊᓐ ᐅᒋᒪᐤ ᒐ ᓂᐸᐊᑦ ᐊᓂᔭᔪᐛ ᓇᐸᐛ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᐸᑎᒥᔨᒋ ᐊᓂᔭ ᓂᑕᐅᒋᑕᑭᓇ᙮” ᐃᔅᐱ ᒪᒃ ᐊᓐᒡ ᐃᔪᒡ ᐱᔭᑕᒡ ᐅᔭ, ᒋ ᐃᑕᐅᒡ, “ᑭᒪ ᐊᑲ ᓂᑕ ᒋᑦ ᐃᔅᐱᔨᒡ ᐅ᙮”

ᐊᑈᔅᑕᓇᒡ 20:33

ᒋ ᒋᔅᒐᔨᑕᓇᐛᐤ ᐊᑲ ᓂᑕ ᐅᒋ ᒧᔅᑕᓂᒧᒃ ᐊᐛᓐ ᐅᓱᓇᔭᓂᒻ ᒪᒃ ᐅᑦ ᐊᐱᒋᑕᐅᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:9

ᐅᔭ ᐃᑎᓱᐛᐅᓇ, “ᐊᑲᐎᔾ ᐱᓯᒂᑎᓯ, ᐊᑲᐎᔾ ᓂᐸᐃ ᐊᐛᓐ, ᐊᑲᐎᔾ ᒋᒧᑎ, ᐊᑲᐎᔾ ᒧᔅᑕᓂᒧᐤ ᑯᑎᒃ ᐊᐛᓐ ᑕᓐ ᐊ ᐃᓯ ᐊᔭᑦ᙮” ᑯᑎᑲ ᒪᒃ ᐃᑎᓱᐛᐅᓇ ᐊ ᐃᑎᒂᒋ, ᒥᓯᐛ ᒪᒧᐤ ᒋᑭ ᒋ ᐃᓯ ᑭᓄᐛᐸᑕᑭᓄᐛ ᐊᓐᑕ ᐊᓐ ᐸᐃᒄ ᐃᑎᓱᐛᐅᓐ ᑲ ᐃᑎᓱᐛᒥᑲᒡ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:20

ᐛᔅ ᑕᐸ ᐊᐛᓐ ᒋ ᑯᐃᔅᑯᓇᑯᐃᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ ᒥᒄ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓇ᙮ ᒋ ᒋᔅᒐᔨᑕᓐ ᐊ ᑕᓐ ᐊ ᐃᑕᐱᑎᒋ ᐅᔭ ᐎᓱᐛᐅᓇ᙮ ᒐᒋ ᒋᔅᒐᔨᑕᐧᒃ ᐊᐛᓐ ᐊ ᒥᒋᑐᑕᐧᒃ ᐊᐅᑯᓐ ᐊ ᐃᑕᐱᑎᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:5

ᒪᒃ ᒋ ᐸᒋ ᐃᑕᐤ ᐊᐛᓐ, “ᐊ ᒥᒋᑐᑎᒪᐧᒄ ᐊᑯᑕ ᐊᑐᐎᔅ ᐛᒋ ᐱᔭᑭᔅᒡ ᐛᐸᑎᒺᒡ ᐊᐛᓐᒋ ᒋᓴᒪᓂᑐᐛ ᐅᑯᐃᔅᑯᑕᑎᓯᐅᓂᔪᐤ᙮ ᒐᒂᓐ ᒪᒃ ᐛᒋ ᐛᐛᓯᐃᑎᐧᒄ ᒋᓴᒪᓂᑐᐤ ᐊ ᒥᒋᑐᑎᒪᐧᒄ ?” ᓇᒪᐎᔾ ᑭᑈ ᒪᒧᔭᒻ ᐃᑐᐤ ᒋᓴᒪᓂᑐᐤ ᐅᔭ ᐊ ᐃᑐᑕᑕᐧᒄ᙮ ᐊᐅᒄ ᐅᔭ ᐊ ᐃᔅᒋᔄᒡ ᐱᔅᒐ ᐊᐛᓐᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:1

ᐊᑯ ᒪᒃ ᒋᐸ ᐊᔨᒧᒪᓄᐤ ᐊᓂᔭᐧᑲ ᐊᓂᔅᒐ ᒋᒧᓱᒥᓄᐤ ᐊᑉᕋᐊᒻ ᑕᓐᑕ ᑲ ᐅᒋ ᑯᐃᔅᑯᓇᑯᐊᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:15

ᐛᔅ ᐊᑲ ᓂᓇᐃᑕᑭᓄᐅᒡ ᐎᓱᐛᐅᓐ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒐᒋ ᐊᐧᑯᔪᐛᓯᑦ᙮ ᐊᑯ ᒪᒃ ᐊᓐᑕ ᐊᑲ ᑎᒂᒋ ᐎᓱᐛᐅᓇ ᓇᒪ ᑭᑈ ᑎᑯᓐ ᐊᓐᑕ ᐊᑲ ᓂᓇᐃᑕᑭᓄᐅᒋ ᐎᓱᐛᐅᓇ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:20

ᐃᔅᐱ ᑲ ᐱᔅᑎᓇᐧᒃ ᒋᓴᒪᓂᑐᐤ ᐅᐎᓱᐛᐅᓐ ᐊᑯᑕ ᑲ ᐅᒋ ᒋᔅᒐᔨᑕᒡ ᐊᐛᓐᒋ ᐊᔅᐱᔅ ᐛᔪᐅᒡ ᒥᒋᑐᑕᒡ᙮ ᒥᒄ ᒪᒃ ᑕᓐᑕ ᑲ ᐛᔪᐅᒡ ᒥᒋᑐᑕᑭᓄᐅᒡ ᒋᓴᒪᓂᑐᐤ ᐅᓱᐛᔨᒋᒐᐅᓐ ᐊᑐᐎᔅ ᒋ ᐊᑐᔅᒐᒥᑭᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:15

ᑕᓐ ᒪᒃ ᒐᒋ ᐃᑎᔭᐧᒄ᙮ ᐃᔭᐱᒡ ᐊ ᒋᑭ ᒥᒋᑐᑕᓇᓄᐤ ᐎ ᒥᒋᑐᑎᒪᒂ ᐊ ᒋᔅᒐᔨᑎᒪᐧᒄ ᐊᑲ ᐎᓱᐛᐅᓐ ᑎᐸᔨᒥᑯᔭᐧᒄ, ᐃᔭᐱᒡ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊ ᐃᓯ ᑭᓄᐛᔨᑕᑯᓯᔭᐧᒄ᙮ ᓇᒪᐎᔾ ᑭᑈ ᐃᓯᓇᑯᓐ ᐅ ᒐᒋ ᐃᑎᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:11

ᒋᓴᒪᓂᑐᐤ ᐅᑦ ᐃᑎᓱᐛᐅᓂᒡ ᒋ ᐅᒋ ᓇᐃᐱᔨᐃᓱᒥᑭᓐ ᒥᒋᑥᐅᓐ ᒐᒋ ᐎᔭᓯᒥᑯᔭᓐ᙮ ᐊᐅᒄ ᒪᒃ ᐅ ᒥᒋᑥᐅᓐ ᑲ ᓂᐸᐃᑯᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:13

ᐊᐅ ᐊ ᒪᒃ ᐊ ᐃᓯᓇᒂᒡ ᐊᓐ ᑲ ᒥᔽᓯᒡ ᓂᐳᐅᓂᒡ ᒐᒋ ᐃᑐᑕᐃᑯᔭᓐ ? ᓇᒪᐎᔾ ᑭᑈ᙮ ᒥᒋᑥᐅᓐ ᐊᐅᒄ ᓂᐳᐅᓂᒡ ᑲ ᐃᑐᑕᐃᑯᔭᓐ᙮ ᐊᓐ ᒐᒂᓐ ᐊ ᒥᔽᓯᒡ ᐊᑯᑕ ᑲ ᐅᒋᐱᔪᐅᒥᑲᒡ ᒥᒋᑥᐅᓐ ᓂᐳᐅᓂᒡ ᒐᒋ ᐃᑐᑕᐃᑯᔭᓐ᙮ ᐊᑯᑕ ᒪᒃ ᑲ ᐅᒋ ᓄᑯᑕᑭᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ ᒥᒋᑥᐅᓐ᙮ ᐎᓱᐛᐅᓂᒡ ᐊᑯᑕ ᑲ ᐅᒋ ᓄᑯᑕᑭᓄᐅᒡ ᑕᓐ ᐊᔅᐱᔅ ᐊᑐᐎᔅ ᒪᔭᑎᒡ ᒥᒋᑥᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:5

ᐛᔅ ᐊᔅᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᐊᒋ ᑎᐸᔨᒥᑯᔭᐧᒄ, ᐊᓐ ᒪᒃ ᐊ ᑎᒂᒡ ᐎᓱᐛᐅᓐ ᑭᔭ ᐊᒋ ᒋᔅᒐᔨᑎᒪᐧᒄ ᐊᓐ ᐎᓱᐛᐅᓐ, ᐊᑯᑕ ᑲ ᐅᒋᐱᔨᒡ ᐊᓐ ᐊ ᒧᔅᒋᐱᔨᒡ ᒐᒋ ᒥᒋᑐᑎᒪᐧᒄ᙮ ᐅ ᒪᒃ ᐊᒋ ᐃᓯ ᐱᒪᑎᓯᔭᐧᒄ ᒧᔭᒻ ᐊ ᓂᐱᔭᐧᒄ ᔅᒋ ᐃᓯᓇᑯᓯᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:8

ᐊᓐᑕ ᒪᒃ ᐊᓐ ᑲ ᐃᑎᔅᑕᒡ ᐎᓱᐛᐅᓂᒡ ᒐ ᐊᑲ ᒋ ᒥᒋ ᒧᔅᑕᓇᒪᒐᑦ ᐊᐛᓐ ᐊᑯᑕ ᑲ ᐅᒋᐱᔨᒡ ᐊᓐ ᓂᓇᐧᑯᐤ ᒐᒋ ᐃᓯ ᒥᒋ ᒧᔅᑕᓇᒪᒐᔭᓐ᙮ ᓇᒪ ᒋᐸ ᐅᒋ ᒋᔅᒐᔨᑎᒻ ᐊᐛᓐ ᐊ ᒥᒋᑐᑕᐧᒃ ᐊᑲ ᐅᒋ ᑎᑯᓂᔪᐛᑯᐱᓇᓂ ᐎᓱᐛᐅᓇ᙮

1 ᑯᕆᓐᑎᔭᓇ 15:56

ᐛᔅ ᒥᒐᑎᓯᐅᓐ ᐊᐅᒄ ᐊ ᐃᑐᑕᐃᐛᒥᑲᒡ ᓂᐳᐅᓂᒡ᙮ ᐎᓱᐛᐅᓂᔪᐤ ᒪᒃ ᓴᐧᑯᒋᐱᑎᑯᐤ ᐊᐛᓐ ᒐᒋ ᒥᒋᑐᑕᐧᒃ᙮

ᐃᐱᓯᔭᓇ 5:3

ᒋᔨᐛᐤ ᐊ ᑕᑈᑎᒪᒄ ᓇᒪ ᓇᔅᒡ ᒋᐸ ᐅᒋ ᑎᑯᓐ ᐎᓂᓱᐅᓐ ᐊᓐᑕ ᐊ ᑕᔭᒄ᙮ ᓇᒪ ᑭᔭ ᒋᐸ ᐅᒋ ᑎᑯᓐ ᓂᑎᒥᒄ ᐃᑐᐅᓐ ᑭᔭ ᒧᔅᑕᓇᔨᑎᒧᐅᓐ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

1 ᑕᓴᓗᓂᔭᓇ 4:5

ᐊᓐᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᐱᓯᒄ ᑎᐸᔨᒥᑯᐅᒡ ᓂᑎᒥᒄ ᒐᒋ ᐃᑎᒡ᙮ ᒋᔨᐛᐤ ᒪᒃ ᐎ ᓇᒪ ᐅ ᒋᐸ ᐅᒋ ᐃᑕᔨᑕᑯᓯᓇᐛᐤ᙮

ᐃᑉᕈᐛ 7:19

ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ᒥᔽᒡ ᒋ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮