ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᓄᒡ ᒪᒃ ᐎ, ᔅᒋ ᐎᐧᑯᒋᐃᑯᐅᓐ ᒥᒋᑥᐅᓂᒡ ᐅᒡ ᒋᓴᒪᓂᑐᐤ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᔅᒃ᙮ ᐊᑯ ᒪᒃ ᓇᔅᒡ ᒋᓴᒪᓂᑐᐤ ᐊ ᑕᑦ ᐊᑯ ᐊ ᐃᓯ ᑎᐸᓂᔅᑕᒡ ᒋᐱᒪᑎᓯᐅᓐ, ᒋᑭ ᐊᑎ ᐅᑎᑕᓐ ᒪᒃ ᑲᒋᒡ ᐱᒪᑎᓯᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:22 Iomraidhean Croise

ᒐᓂᓯᔅ 50:17

‘ᒐ ᐛᐸᔨᑎᒧᑥᐤ ᒥᓯᐛ ᑲ ᐃᔅᐱᔅ ᐅᓂᑐᑎᔅᒡ ᒋᐧᑲᓂᓯᒡ᙮ ᒋᒋᐛ ᒪᔭᑎᓂᔪᐤ ᒐᒂᔪᐤ ᑲ ᐃᓯ ᑐᑕᔅᒡ᙮’ ᐊᑯ ᒪᒃ ᐊᓄᒡ ᒋ ᑯᒂᒋᒥᑎᓇᓐ ᒐᒋ ᐛᐸᔨᑎᒧᐅᔭᒡ ᓂᒥᒋᑐᑎᒧᐅᓇᓇ ᐛᔅ ᐸᐃᑯᓱᐤ ᐊᑐᔅᑯᐅᒋᒡ ᒋᓴᒪᓂᑐᐤ ᐊᓂᔭ ᒍᑕᐎᓄᐤ ᑲ ᐊᑐᔅᑯᐛᑦ᙮” ᒋ ᒪᐤ ᒍᓯᑉ ᐃᔅᐱ ᑲ ᐸᑎᒺᑦ ᐎᐧᑲᓂᓴ ᐅᑦ ᐃᔨᒧᐅᓂᔪᐤ᙮

ᑎᐱᑦ ᐅᓂᑭᒧᐅᓇ 143:12

ᑭᔭ ᒋᓱᐛᔨᒋᒐᐅᓂᒡ ᒋᒥᓱᒡ ᑲ ᐛᐧᑲᓯᒡ, ᓂᓱᐅᓇᒋᐃᒡ ᒪᒃ ᒥᓯᐛ ᐊᓐᒡ ᑲ ᓇᓇᐧᑲᒋᐊᒡ ᓂᑦ ᐊᒐᒂ; ᐛᔅ ᒋᑦ ᐅᑦ ᐊᑐᔅᒐᔭᑭᓂᒥᑐᐅᓐ᙮

ᑎᐱᑦ ᐅᓂᑭᒧᐅᓇ 86:2

ᑭᓄᐛᔨᒻ ᓂᑦ ᐊᒐᐧᒄ; ᐛᔅ ᓂ ᐸᔭᒋᓯᓐ, ᐱᒪᒋ ᒋᑦ ᐊᑐᔅᒐᔭᑭᓐ ᑲ ᒪᒥᓯᑐᑕᔅᒃ᙮

ᑎᐱᑦ ᐅᓂᑭᒧᐅᓇ 92:14

ᐃᔭᐱᒡ ᒋᑭ ᒥᓂᓱᐅᒡ ᐊ ᒋᓴᐃᔪᐅᒡ; ᒋᑭ ᐎᔨᔪᐅᒡ ᑭᔭ ᒋᑭ ᒥᔪ ᓂᑕᐅᒋᐅᒡ;

ᒪᑎᔪᐤ 13:40

“ᒧᔭᒻ ᒪᒃ ᐊᓐ ᒐ ᐃᓯᓇᒂᒡ ᒐ ᒪᒧᓴᒋᓂᑭᓄᐅᒋ ᐊᓂᔭ ᒥᒋ ᓂᑕᐅᒋᑕᑭᓇ, ᒐ ᐃᔎᓯᑭᓄᐅᒋ ᒪᒃ, ᐊᐅᑯᓐ ᒧᔭᒻ ᒐ ᐃᔅᐱᔨᒡ ᐃᔎᐱᔨᒐ ᐊᔅᒋᔾ᙮

ᒪᑎᔪᐤ 13:43

ᐊᑯ ᒪᒃ ᒋᓴᒪᓂᑐᐤ ᐅᑦ ᐃᔨᒪ ᒐ ᒋᐧᑲᔭᔅᑐᐛᔨᒋ ᐊᓐᑕ ᐅᑕᐎᒪᐛ ᐅᒋᓴᐅᒋᒪᐅᓂᔨᒡ ᒧᔭᒻ ᐱᓯᒻ ᐊ ᐃᓯ ᒋᐧᑲᔭᔅᑐᐛᑦ᙮ ᐊᓐ ᐊᐛᓐ ᑲ ᐸᑕᐧᒃ ᓱᒃ ᐎ ᓂᔅᑐᑎᒻ ᐅᔭ᙮”

ᒪᑎᔪᐤ 19:29

ᒥᓯᐛ ᐊᐛᓐ ᑲ ᓂᑭᑕᐧᒃ ᐎᒡ ᑭᔭ ᑲ ᓂᑭᑕᑦ ᐎᐧᑲᓂᓴ, ᐅᓂᒋᐃᒂ ᑭᔭ ᐅᑦ ᐊᐛᓯᒪ ᑭᔭ ᒪᒃ ᑲ ᓂᑭᑕᐧᒃ ᐅᑦ ᐊᔅᒋᔾ ᓂᔾ ᐅᒋ, ᐅᔅᑕ ᐸᐃᒄ ᒥᑕᓯᒥᑎᓄᐤ ᒋᑭ ᒋᐛᒥᔭᑭᓄᐤ ᑭᔭ ᑲᒋᒡ ᐱᒪᑎᓯᐅᓂᔪᐤ ᒋᑭ ᒥᔭᑭᓄᐤ᙮

ᒪᑎᔪᐤ 25:46

ᐊᐅᒄ ᒪᒃ ᐅᒡ ᑲ ᒥᒐᑎᓯᒡ ᒐ ᐃᑎᓴᐛᑭᓄᐎᒡ ᐊᓐᑕ ᑲᒋᒡ ᒐ ᐃᓯ ᓂᓇᐧᑲᑕᔨᒧᒡ, ᐊᑯ ᐊᓐᒡ ᑲ ᑯᐃᔅᑯᑕᑎᓯᒡ ᐊᓐᑕ ᑲᒋᒡ ᐱᒪᑎᓯᐅᓂᒡ ᒐ ᐃᑎᓴᐛᑭᓄᐎᒡ᙮”

ᒠᓐ 15:16

ᓇᒪ ᒋᔨᐛᐤ ᒋ ᐅᒋ ᐎᔭᐱᒥᓇᐛᐤ, ᓂᔾ ᐊᐅᒄ ᑲ ᐅᑎᓂᑎᑯᒡ᙮ ᐊᓐ ᒪᒃ ᐊᒋ ᐅᑎᓂᑎᑯᒡ ᒋᑦ ᐃᑕᔨᒥᑎᓇᐛᐤ ᒐᒋ ᒥᔪ ᒥᓂᓱᐅᔭᒄ ᑭᔭ ᒧᔅ ᒐᒋ ᒥᔪ ᒥᓂᓱᐅᔭᒄ᙮ ᐊᑯ ᒪᒃ ᐅᑕᐎᒪᐤ ᒐ ᒥᔨᑕᒄ ᑕᓐ ᒥᒄ ᒐ ᐃᓯ ᓂᑐᑎᒧᐛᒄ ᓂᑦ ᐃᓯᓂᐧᑲᓱᐅᓐ ᐊ ᐊᐱᒋᑕᔭᒄ᙮

ᒠᓐ 15:2

ᒥᓯᐛ ᐅᑎᐧᑯᓇ ᓂᔾ ᐊ ᑕᔭᓐ ᑲ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮

ᒠᓐ 4:36

ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᒋᓯᐧᑯᐛᑭᓄᐤ᙮ ᒧᔭᒻ ᐊᓐ ᐊᐛᓐ ᑲ ᐎᒋᐊᑦ ᐊᐛᔪᐛ ᒐᒋ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ ᐊᐅᑯᓐ ᐊ ᐃᓯᓇᑯᓯᑦ᙮ ᐊᑯ ᒪᒃ ᐊᓐ ᑲ ᓂᑕᐅᒋᑕᑦ ᑭᔭ ᐊᓐ ᑲ ᒪᒧᓴᒋᓇᐧᒃ ᐊᓂᔭ ᓂᑕᐅᒋᑕᑭᓇ ᑕᐱᔅᑯᓐ ᒐ ᒥᔽᔨᑕᒡ ᐛᔅ ᑕᐱᔅᑯᓐ ᒋ ᐊᑐᔅᒐᐅᒡ᙮

ᒠᓐ 8:32

ᒋᑭ ᒋᔅᒐᔨᑕᓇᐛᐤ ᑕᑈᐅᓐ ᑭᔭ ᒋᑭ ᐊᐱᐧᑯᓂᑯᓇᐛᐤ ᐊᓐ ᑕᑈᐅᓐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:14

ᐊᑲᐎᔾ ᐊᑯ ᒋᑭ ᐅᒋ ᑎᐸᔨᒥᑯᓇᐛᐤ ᒥᒐᑎᓯᐅᓐ ᐛᔅ ᑕᐸ ᐊᑯ ᒥᒄ ᐎᓱᐛᐅᓐ ᐊ ᓂᓇᐃᑎᒪᒄ ᒋᑭ ᐅᒋ ᓂᓇᐊᔨᑎᒥᐊᐛᐤ ᒋᓴᒪᓂᑐᐤ᙮ ᐛᔅ ᒋᓴᒪᓂᑐᐤ ᐅᐛᔪᒡ ᓱᐛᔨᒋᒐᐅᓂᒡ ᐊᑯᑕ ᐛᒋ ᐱᒪᒋᐃᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:18

ᔅᒋ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ ᑭᔭ ᑯᐃᔅᑯᑕᑎᓯᐅᓐ ᒂ ᐊᑎ ᑎᐸᔨᒥᑯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:21

ᑕᓐ ᒪᒃ ᑲ ᐃᓯ ᐎᒋᐃᑯᔨᓐ ᐊᓂᔭ ᒐᒂᔪᐛ ᑲᒋ ᐃᑐᑎᒥᓐ, ᐊᓂᔭᔪᐛ ᒐᒂᔪᐛ ᓯᔭᒂᔨᒧᐃᑯᔨᓐ ᐊᓄᒡ᙮ ᓂᐳᐅᓂᒡ ᐃᑐᑕᐃᐛᒥᑭᓇ ᐊᓂᔭᔪᐛ ᒐᒂᔪᐛ ᑲᒋ ᐃᑐᑎᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:25

ᓂᓇᔅᑯᒪᑕᐤ ᒋᓴᒪᓂᑐᐤ ᐊᓐ ᐛᒋᐃᑕᐧᒄ ᒋᓴᔅ ᙭ ᐅᒡ ! ᒪᐅ ᐊ ᐃᔅᐱᔨᔭᓐ᙮ ᓂᔾ ᐅᑕ ᑎᐱᔨᐛ ᐊ ᑕᔭᓐ ᓂ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ ᑭᔭ ᓂ ᐎ ᓂᓇᐃᑎᒺᓐ᙮ ᒥᒄ ᒪᒃ ᐊᓐᑕ ᑕᓐ ᐊ ᐃᓯ ᐱᒪᑎᓯᔭᓐ ᑎᑯᓐ ᐊ ᐃᓯ ᐅᑦ ᐊᐱᒋᐊᑭᓂᑐᑕᑯᔭᓐ ᒥᒋᑥᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:4

ᐊᐅᑯᓐ ᒪᒃ ᒧᔭᒻ ᐊ ᐃᓯᓇᒂᒡ ᑕᓐ ᑲ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ᙮ ᐛᔅ ᒧᔭᒻ ᐊᒋ ᐊᓯᒡ ᒋᔅᑕᔎᐅᑯᐃᔭᒄ ᒋᓴᔅ ᑲ ᓂᐸᐊᑭᓄᐅᑦ ᐊᐅᒄ ᐊ ᐃᓯᓇᒂᒡ᙮ ᐊᑯᑕ ᒪᒃ ᐛᒋ ᐃᓯᓇᒂᒡ ᑯᑎᒃ ᐊᐛᓐ ᐊᑯ ᐊ ᑎᐸᔨᒥᑕᒄ, ᐊᐅᒄ ᒋᓴᔅ᙮ ᐛᔅ ᒋ ᐃᑐᑕᑯᐤ ᒋᓴᒪᓂᑐᐛ ᑲᐤ ᒐᒋ ᐱᒪᑎᓯᑦ ᐊᑎ ᐊᒋ ᓂᐱᑦ ᒐᒋ ᐅᒋ ᒥᔪ ᐊᐱᒋᐃᑕᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:2

ᐛᔅ ᒋᓴᒪᓂᑐᐤ ᐅᑦ ᐊᒐᒂ ᒋᑦ ᐃᑐᑕᑭᓄᐤ ᒐᒋ ᐱᒪᑎᓯᔭᐧᒄ ᙭ ᒋᓴᓴ ᐅᒡ᙮ ᐊᐅᒄ ᑲ ᐊᐱᐧᑯᓂᑦ ᑕᓐ ᑲ ᐃᓯ ᑎᐸᔨᒥᑯᐅᒡ ᒥᒐᑎᓯᐅᓂᔪᐤ ᑭᔭ ᓂᐳᐅᓂᔪᐤ᙮

1 ᑯᕆᓐᑎᔭᓇ 7:22

ᐛᔅ ᐊᓐ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ᑎᐸᔨᒥᓱᑦ ᑲ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮

2 ᑯᕆᓐᑎᔭᓇ 3:17

ᐅᑎᐸᔨᒋᒐᐤ ᒪᒃ ᐊᐅᒄ ᑲ ᐸᔭᒋᓯᑦ ᐊᒐᐧᒄ, ᑕᓐᑕ ᒪᒃ ᐊ ᑕᒂ ᐅ ᐊᒐᐧᒄ ᑎᑯᓐ ᐊᓐᑕ ᐊᐱᐧᑯᓄᐛᐅᓐ᙮

ᑲᓚᓯᔭᓇ 1:10

ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮

ᑲᓚᓯᔭᓇ 5:13

ᓂᐧᑲᓂᓯᑐᒄ᙮ ᔅᒋ ᐃᑕᔨᒥᑯᓇᐛᐤ ᒐᒋ ᐎᐧᑯᒋᐃᑯᔭᒄ ᑕᓐ ᐊ ᐃᓯ ᒪᒋᒂᐱᐧᑲᓱᔭᒄ᙮ ᐊᑲᐎᔾ ᒥᒄ ᒋᑭ ᐎᐅᓂᑕᓇᐛᐤ ᐅ ᐊᒋ ᐎᐧᑯᒋᐃᑯᔭᒄ ᒐᒋ ᐱᔅᑎᒪᒄ ᒐᒋ ᒥᒋᑐᑎᒪᒄ᙮ ᐃᔭᐱᒡ ᒋᐸ ᐛᐎᒋᐃᑐᓇᐛᐤ ᐊ ᓴᒋᐃᑐᔭᒄ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᐃᐱᓯᔭᓇ 5:9

ᑕᑈ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒋᑭ ᓄᑯᓐ ᒥᔪᑥᐅᓐ ᑭᔭ ᑯᐃᔅᑯᑕᑎᓯᐅᓐ ᑭᔭ ᑕᑈᐅᓐ ᐊᓐᑕ ᒋᐱᒪᑎᓯᐅᓄᐛᒡ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᐱᓕᐱᔭᓇ 4:17

ᓇᒪᔭᐤ ᐊ ᓂᑐᐛᔨᑎᒪᓐ ᒋᓱᓇᔭᓂᒧᐛᐤ ᐊᔪᐛᒃ ᓂᑐᐛᔨᑕᓐ ᒐᒋ ᐛᔪᑎᒡ ᒐ ᐃᓯ ᓱᐛᔨᒥᑯᐅᔭᒄ᙮

ᑯᓚᓯᔭᓇ 1:10

ᐊᑯ ᒪᒃ ᒐᒋ ᐃᓯ ᐱᒪᑎᓯᔭᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ᙮ ᒧᔅ ᒋᑭ ᐃᑐᑎᒺᓇᐛᐤ ᑕᓐ ᐊᓂᔭᔪᐛ ᐊ ᐃᓯ ᓇᐊᔨᑎᒥᐃᑯᑦ᙮ ᓂᓇᐧᑯᐤ ᒋᑭ ᐃᓯ ᒪᒥᔪᑐᑎᒧᐛᐛᐅᒡ ᐊᐛᓐᒋ ᑭᔭ ᐊᔭᔅᒃ ᒋᑭ ᒥᔪ ᒋᔅᒐᔨᒪᐛᐤ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓯᑦ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

ᑕᐃᑕᔅ 1:1

ᓂᔾ, ᑈᓪ, ᑲ ᒥᓯᓇᐊᒪᑕᓐ᙮ ᓂᔾ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᑭᔭ ᒋᓴᔅ ᙭ ᐅᑦ ᐊᑈᔅᑕᓂᒪ᙮ ᓂᒋ ᐃᑎᓴᐅᑯᐅᓐ ᒐᒋ ᐎᒋᐃᒥᒋ ᐊᓂᔭᔪᐛ ᐃᔪᐛ ᒋᓴᒪᓂᑐᐤ ᑲ ᐅᑎᓇᑦ ᒐᒋ ᑕᑈᔭᔨᒪᔨᒋ ᒋᓴᓴ᙮ ᓂᒋ ᐃᑎᓴᐅᑯᐅᓐ ᑭᔭ ᒐᒋ ᒋᔅᑯᑎᒧᐅᒂᐤ ᒐᒋ ᒋᔅᒐᔨᑕᒡ ᑕᑈᐅᓂᔪᐤ ᑭᔭ ᒐᒋ ᐃᑕᑎᓯᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑕᑎᓯᒡ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮

ᒋᒥᔅ ᐅᒥᓯᓇᐊᒪᒐᐅᓐ 1:1

ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮ ᒥᓯᐛ ᓂ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮

1 ᐱᑕᕐ 1:9

ᐛᔅ ᐊ ᐊᔭᔭᒄ ᑕᑈᑎᒧᐅᓐ, ᐊᑯᑕ ᒐ ᐅᒋ ᐱᒪᒋᐅᒡ ᒋᑦ ᐊᒐᐧᑯᐛᐅᒡ᙮

1 ᐱᑕᕐ 2:16

ᑕᑈ ᑭᑈ ᔅᒋ ᐎᐧᑯᒋᐃᑯᓇᐛᐤ, ᒥᒄ ᒪᒃ ᒋᓴᒪᓂᑐᐤ ᐅᑦ ᐊᐱᒋᐊᑭᓇ ᒋᔨᐛᐤ᙮ ᐊᑲᐎᔾ ᐃᑕᔨᑎᒧᒄ ᒐᒋ ᒥᒋᑐᑎᒪᒄ ᐊᓐ ᐅᒋ ᐊᒋ ᐎᐧᑯᒋᐃᑯᐎᔭᒄ ᒥᒋᑥᐅᓂᒡ ᐅᒡ᙮

ᒋᔅᒐᔨᑕᑯᑕᒐᐅᓐ 7:13

ᐊᑯ ᐸᐃᒄ ᐊᓐ ᑲ ᒋᔅᑕᔨᑕᑯᓯᑦ ᒋᓴᐃᔪᐤ ᒂ ᐸᒋ ᐃᓯᑦ, “ᐊᓐᒡ ᒪ ᑲ ᐛᐸᔅᐱᓱᒡ, ᐊᐛᓐᒋ ᐊᓐᒡ ᑭᔭ ᑕᓐᑕ ᐛᒋᒡ ?”