ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:21 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²¹ ᑕᓐ ᒪᒃ ᑲ ᐃᓯ ᐎᒋᐃᑯᔨᓐ ᐊᓂᔭ ᒐᒂᔪᐛ ᑲᒋ ᐃᑐᑎᒥᓐ, ᐊᓂᔭᔪᐛ ᒐᒂᔪᐛ ᓯᔭᒂᔨᒧᐃᑯᔨᓐ ᐊᓄᒡ᙮ ᓂᐳᐅᓂᒡ ᐃᑐᑕᐃᐛᒥᑭᓇ ᐊᓂᔭᔪᐛ ᒐᒂᔪᐛ ᑲᒋ ᐃᑐᑎᒥᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:21 Iomraidhean Croise

ᑎᐱᑦ ᐅᓂᑭᒧᐅᓇ 73:17

ᐸᑎᒪ ᑲ ᐱᒐᐅᒡ ᐅᐸᔭᒋ-ᒥᒋᐛᐱᒡ ᒋᓴᒪᓂᑐᐤ; ᐊᑯ ᓇᔅᑐᑎᒪᓐ ᐊᓯ ᐳᓂᐸᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:32

ᐊᑎ ᐊ ᒋᔅᒐᔨᑕᒡ ᒋᓴᒪᓂᑐᐛ ᐊᒋ ᐃᑕᔨᑎᒥᔨᒋ ᑕᑈ ᐊ ᐃᑕᔨᑕᑯᓂᔨᒡ ᒐᒋ ᓂᐱᔨᒋ ᐊᓂᔭᔪᐛ ᐊᐛᔪᐛ ᐅᔭ ᑲ ᐃᓯ ᒥᒋ ᐱᒪᑎᓯᔨᒋ ᐃᔭᐱᒡ ᐊᑐᐎᔅ ᐃᑐᐅᒡ ᐎᔨᐛᐤ ᑕᓐ ᐛ ᐃᑎᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᓂᓇᐊᔨᑎᒥᐃᑯᐅᒡ ᐊᔪᐤ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᓯ ᒥᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:12

ᐊᐅᒄ ᒪᒃ ᐅ ᑲ ᐃᔅᐱᔨᒡ, ᐸᐃᒄ ᓇᐸᐤ ᐊ ᑕᑦ ᐊᑯᑕ ᑲ ᐅᒋ ᑎᒂᒡ ᒥᒋᑥᐅᓐ ᑭᔭ ᐊᑯᑕ ᑲ ᐅᒋ ᑎᒂᒡ ᓂᐳᐅᓐ ᐊᓂᔭ ᐊᒋ ᒥᒋᑐᑕᐧᒃ᙮ ᑭᔭ ᐊᑯᑕ ᐛᒋ ᐃᓯᓇᒂᒡ ᒥᓯᐛ ᐊᐛᓐ ᐊ ᐅᑎᑕᐅᑯᑦ ᓂᐳᐅᓂᔪᐤ, ᐛᔅ ᒥᓯᐛ ᐊᐛᓐ ᒥᒋᑐᑎᒻ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:16

ᒋ ᓂᑐᐛᔨᒥᑎᓇᐛᐤ ᐅ ᒐᒋ ᒋᔅᒋᔭᒄ᙮ ᐱᔅᑕᔨᒥᑎᓱᔅᑐᐛᒂ ᐊᐛᓐ ᒐᒋ ᐅᒋ ᓇᔅᒡ ᓂᓇᐃᑐᐛᒄ ᒧᔭᒻ ᐊᐱᒋᐊᑭᓐ ᐊ ᐃᓯᓇᑯᓯᑦ ᐊ ᓂᓇᐃᑐᐛᑦ ᐅᒋᒪᒪ, ᑭᑈ ᒐ ᐅᑦ ᐊᐱᒋᐊᑭᓂᑐᑕᑕᒄ ᐊᓐ ᐊᐛᓐ ᑲ ᐃᑕᔨᑎᒪᒄ ᒐᒋ ᓂᓇᐃᑎᐛᒄ᙮ ᒧᔭᒻ ᒪᒃ ᐊ ᐃᓯᓇᑯᓯᑦ ᐊᐱᒋᐊᑭᓐ ᒧᔭᒻ ᐊ ᒪᒋᒂᐱᐧᑲᓱᑦ ᒐᒋ ᓂᓇᐃᑐᐛᑦ ᐅᒋᒪᒪ ᐊᐅᑯᓐ ᒧᔭᒻ ᐊ ᐃᓯᓇᑯᓯᔭᒄ ᑭᔭ ᒋᔨᐛᐤ᙮ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᒪᒃ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ᙮ ᒧᔭᒻ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᑭᑈ ᐊᑯᑕ ᒐ ᐅᒋᐱᔨᒡ ᑲᒋᒡ ᒐ ᓂᐱᔭᒄ᙮ ᒧᔭᒻ ᒪᒃ ᐎᔾ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ ᐊᑯᑕ ᒐ ᐅᒋᐱᔨᒡ ᒐᒋ ᑯᐃᔅᑯᑕᑎᓯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:23

ᐛᔅ ᓂᐳᐅᓂᒡ ᐃᑐᑕᐃᑯᐤ ᐊᐛᓐ ᒥᒋᑥᐅᓂᔪᐤ᙮ ᐊᑯ ᐊᓐ ᐊᐛᓐ ᑲ ᐎᒐᐛᑦ ᒋᓴᔅ ᙭ᑕ ᒋᑎᐸᔨᒋᒐᓯᒥᓄᐛ ᒋᓴᒪᓂᑐᐛ ᓴᒐᔾ ᒥᔨᑯᐤ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:5

ᐛᔅ ᐊᔅᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᐊᒋ ᑎᐸᔨᒥᑯᔭᐧᒄ, ᐊᓐ ᒪᒃ ᐊ ᑎᒂᒡ ᐎᓱᐛᐅᓐ ᑭᔭ ᐊᒋ ᒋᔅᒐᔨᑎᒪᐧᒄ ᐊᓐ ᐎᓱᐛᐅᓐ, ᐊᑯᑕ ᑲ ᐅᒋᐱᔨᒡ ᐊᓐ ᐊ ᒧᔅᒋᐱᔨᒡ ᒐᒋ ᒥᒋᑐᑎᒪᐧᒄ᙮ ᐅ ᒪᒃ ᐊᒋ ᐃᓯ ᐱᒪᑎᓯᔭᐧᒄ ᒧᔭᒻ ᐊ ᓂᐱᔭᐧᒄ ᔅᒋ ᐃᓯᓇᑯᓯᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:13

ᐛᔅ ᐊᓐ ᐃᓯ ᐱᒪᑎᓯᔨᓇ ᑕᓐ ᐊ ᐃᓯ ᓂᑐᐛᔨᑎᒧᒥᑲᒡ ᒋᐎᔭᔅ, ᒋᑭ ᓂᐱᓐ᙮ ᐱᔅᑎᓂᑕ ᒪᒃ ᑲ ᐸᔭᒋᓯᑦ ᐊᒐᐧᒄ ᒐᒋ ᐎᒋᐃᔅᒃ ᒐᒋ ᐳᓂᑕᐅᑦ ᑕᓐ ᐛ ᐃᓯ ᐛᒋᐱᔨᒡ ᒐᒋ ᒥᒋᑐᑎᒧᑦ ᐊᑯ ᑭᑈ ᑕᑈ ᒐ ᐱᒪᑎᓯᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:6

ᒥᒄ ᓂᑎᒥᒄ ᐎᓯ ᓂᓇᐊᔨᑎᒥᐃᓱᒐ ᐊᐛᓐ, ᒋᑭ ᓂᐸᐃᑯᐤ ᐅᔭ ᐊ ᐃᑎᑦ᙮ ᐱᓯᒄ ᑲ ᐸᔭᒋᓯᔨᒋ ᐊᒐᒂ ᒐᒋ ᓂᓇᐊᔨᑎᒥᐊᑦ ᐊ ᐃᓯ ᒪᒥᑐᓇᔨᑕᐧᒃ ᐊᐛᓐ ᐱᒪᑎᓯᐅᓂᔪᐤ ᑭᔭ ᒋᔭᒪᔨᑎᒧᐅᓂᔪᐤ ᐊᔭᐤ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

2 ᑯᕆᓐᑎᔭᓇ 7:11

ᒋᔨᐛᐤ ᒪᒃ ᐎ ᒋ ᓇᐊᔨᑎᒥᐃᑯᐤ ᒋᓴᒪᓂᑐᐤ ᑕᓐ ᑲ ᐃᓯ ᒥᑕᒋᔨᐛᔨᑎᒪᒄ᙮ ᒋ ᐛᐸᑕᓇᐛᐤ ᑭᔭ ᑕᓐ ᐊ ᐃᓯ ᐎᒋᐃᑯᔭᒄ᙮ ᐊᑐᐎᔅ ᓱᒃ ᒋᑦ ᐃᑕᔨᑕᓇᐛᐤ᙮ ᐊᑐᐎᔅ ᓱᒃ ᒋ ᐎ ᐛᐸᑎᔨᐛᓇᐛᐤ ᑕᓐ ᐊ ᐃᓯ ᒥᔪᑐᑎᒪᒄ᙮ ᒋ ᐃᑐᑕᑯᓇᐛᐤ ᒐᒋ ᒥᒐᔨᑎᒪᒄ ᐊ ᒥᒋᑐᑕᑭᓄᐅᒡ ᑭᔭ ᒐᒋ ᒋᔄᓯᔅᑎᒪᒄ ᒥᒋᑐᑎᒧᐅᓐ᙮ ᒋ ᒋᔅᒐᔨᑕᓇᐛᐤ ᒐᒋ ᐛᐛᓯᐊᑭᓄᐅᑦ ᐊᓐ ᑲ ᒥᒋᑐᑕᐧᒃ ᑭᔭ ᒐᒋ ᑯᐃᔅᑯᓇᑭᓄᐅᑦ᙮ ᑕᑈ ᔅᒋ ᐛᐸᑎᔨᐛᓇᐛᐤ ᑯᐃᔅᒄ ᐊ ᐃᑎᔭᒄ᙮

ᐱᓕᐱᔭᓇ 3:19

ᐊᔅᒄ ᒋᑭ ᓂᒋᔅᑭᒧᒡ ᐅᓇᒋᐃᐛᐅᓂᔪᐤ᙮ ᑕᓐ ᐊ ᐃᓯ ᓂᑐᐛᔨᑎᒧᒥᑭᓂᔨᒋ ᐎᔪᐛᐛ ᐊᐅᒄ ᒋᒋᐛ ᓂᔭᑭᑐᐛᔨᑎᒥᐃᑯᒡ᙮ ᒥᔽᔨᑎᒥᐃᑯᐅᒡ ᑕᓐ ᐊ ᐃᑎᒡ᙮ ᒋᒧᔅᑕᓇᔭᔨᑎᒧᒡ ᒪᒃ ᐊᓂᔭ ᐃᑐᐅᓇ᙮ ᒥᒄ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ ᐊᔪᐅᒄ ᒥᒄ ᒥᔭᒥᑐᓇᔨᑎᒥᐃᑯᒡ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 6:8

ᑎᒂᒡ ᒪᒃ ᐊᔅᒋᔾ ᐊᓐᑕ ᓇᑕᐅᒋᒡ ᒐᒂᓐ ᐊᑲ ᐅᔭᔅ ᐃᑕᐱᑎᒡ, ᓇᒪ ᒐᒂᓐ ᒋᑭ ᒋ ᐃᑕᐱᑎᓐ ᐊᓐ ᐊᔅᒋᔾ᙮ ᓇᒪ ᒋᑭ ᐅᒋ ᓱᐛᔨᑎᒻ ᒋᓴᒪᓂᑐᐤ ᐊᓂᔭ ᐊᔅᒋᔪᐤ᙮ ᒋᑭ ᒋ ᐃᓯᓇᑯᓂᔪᐤ ᒐᒋ ᐃᔎᓴᐧᒃ ᐊᓂᔭ ᐊᔅᒋᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:15

ᐃᔅᐱ ᒪᒃ ᓯᔭᑯᒋᐃᑯᒋ ᐊᑲ ᓂᔅᑯᔅᑕᐧᒃ, ᐊᑯ ᑕᑈ ᐊ ᐊᑎ ᐃᑐᑕᐧᒃ ᐊᓂᔭ᙮ ᐃᔅᐱ ᒪᒃ ᐊ ᐃᑎᑦ ᐊᓂᔭ ᑕᓐ ᑲ ᐃᓯ ᒥᒋᓂᑐᐛᔨᑕᐧᒃ, ᓂᐳᐅᓂᒡ ᐃᑐᑕᐃᑯᐤ᙮

ᒋᒥᔅ ᐅᒥᓯᓇᐊᒪᒐᐅᓐ 5:20

ᒐ ᐎ ᒋᔅᒋᓯᔭᒄ ᐅ᙮ ᐊᓐ ᐊᐛᓐ ᑲᐤ ᑲ ᐸᓱᐛᑦ ᐊᐛᔪᐛ ᑕᓐ ᐊ ᐃᓯ ᐅᓂᐱᔨᒋ ᐎᐧᑯᒋᐃᒪᐤ ᐅᑦ ᐊᒐᐧᑯᔪᐛ ᓂᐳᐅᓂᒡ ᐅᒋ, ᑭᔭ ᐃᑐᑐᐛᐤ ᒥᒐᑦ ᐅᒥᒋᑥᐅᓂᔪᐛ ᒐᒋ ᐛᐸᔨᑎᒧᐛᑭᓄᔨᒋ᙮

1 ᐱᑕᕐ 4:17

ᐛᔅ ᓴᔅ ᐅᑎᒋᐱᔪᐤ ᒐ ᑎᐸᔅᑯᓇᑦ ᒋᓴᒪᓂᑐᐤ ᐅᑦ ᐃᔨᒪ᙮ ᒧᔭᒻ ᒪᒃ ᒋᔭᓄᐤ ᑲ ᑕᑈᑎᒪᐧᒄ ᓂᔅᑎᒻ ᒐ ᑎᐸᔅᑯᓂᑯᐛᐅᒂ, ᐃᓯᒪ ᒋᑭ ᐃᔅᐱᔪᒡ ᐊᓐᒡ ᐊᑲ ᐎ ᓂᓇᐃᑎᒺᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮

1 ᒠᓐ 2:28

ᐊᐛᓯᑐᒄ, ᒧᔅ ᐎᒐᐛᐧᒄ ᒋᓴᔅ᙮ ᐊᑯ ᒪᒃ ᒐ ᒐᔅᑎᓇᑕᔨᒧᔭᒄ ᐸᒋ ᓄᑯᓯᒐ ᑭᔭ ᓇᒪ ᒋᑭ ᐅᒋ ᓴᒂᔨᒧᓇᐛᐤ ᑎᑯᓯᒐ᙮

ᒋᔅᒐᔨᑕᑯᑕᒐᐅᓐ 16:6

ᐛᔅ ᓇᐸᐛ ᒋ ᓂᐸᐃᑯᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑕᑈᑕᒡ᙮ ᐊᑯ ᒪᒃ, ᒋᔾ ᒋᓴᒪᓂᑐᐤ, ᒥᔨᒡ ᒥᐧᑯᔪᐤ ᒐᒋ ᒥᓂᒡ ᐊᓐᒡ ᐊᐛᓐᒋ ᑲ ᓂᐸᐊᒡ ᐅᔭ᙮ ᐃᑕᔨᑕᑯᓂᔪᐤ ᒪᒃ ᐅᔭ ᒐᒋ ᐃᑐᑐᐅᑥᐤ ᐊᓂᔭ ᐊᒋ ᐸᒋ ᐃᑎᒡ᙮”

ᒋᔅᒐᔨᑕᑯᑕᒐᐅᓐ 20:14

ᓂᐳᐅᓐ ᑭᔭ ᒋᐱᔾ ᐊᔅᒋᔾ ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮ ᐅ ᒥᒋ ᐃᔅᑯᑕᐤ ᓴᑲᐃᑭᓐ, ᐊᐅᒄ ᐅ ᓂᓱ ᓂᐳᐅᓐ᙮