ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᑲᐎᔾ ᑭᔭ ᓇᔅᒡ ᐱᔅᑎᓂᒥᒄ ᒋᔪᐛᐛ ᒥᒋᑥᐅᓂᒡ ᒐᒋ ᐃᓯ ᐊᐱᑎᒋ᙮ ᒋᓴᒪᓂᑐᐤ ᐃᔭᐱᒡ ᐱᔅᑕᔨᒥᑎᓱᔅᑐᐛᐧᒄ᙮ ᐊᑯ ᒪᒃ ᒐ ᐃᓯᓇᑯᓯᔭᒄ ᒧᔭᒻ ᐊᐛᓐᒋ ᐊᒋ ᓂᐱᒡ ᑲᐤ ᒪᒃ ᐊ ᐱᒪᑎᓯᒡ᙮ ᓇᔅᒡ ᐱᔅᑎᓂᒧᐛᐧᒄ ᒋᓴᒪᓂᑐᐤ ᒐᒋ ᑎᐸᔨᑕᐧᒃ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐᒋ ᐊᐱᒋᐃᑕᒄ ᒐᒋ ᒥᔪᑐᑎᒺᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:13 Iomraidhean Croise

ᑎᐱᑦ ᐅᓂᑭᒧᐅᓇ 37:30

ᐅᑐᓐ ᐅᑯᐃᔅᑯᑕᑎᓯᐤ ᐊᔭᒥᒪᑭᓂᔪᐤ ᑭᒐᑕᐛᔨᑎᒧᐅᓂᔪᐤ, ᐅᑕᔨᔾ ᒪᒃ ᐊᔨᒧᑎᒧᒪᑭᓂᔪᐤ ᑎᐸᔅᑯᓂᒐᐅᓂᔪᐤ᙮

ᓗᒃ 15:24

ᐛᔅ ᐅ ᓂᑯᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᐊᑯ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᒄ ᐊ ᐃᓯᓇᑯᓯᑦ, ᒧᔭᒻ ᐊᒋ ᐅᓂᓯᓂᑦ ᑭᔭ ᒥᓐ ᐊ ᒥᔅᑯᐛᑭᓄᐅᑦ᙮’ ᑭᔭ ᒂ ᒧᒋᒐᔨᑕᒡ᙮

ᓗᒃ 15:32

ᐃᓯᓇᑯᓐ ᑕᑈ ᒐᒋ ᒧᒋᒐᔨᑎᒪᐧᒄ ᐛᔅ ᒋᐧᑲᓂᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᑭᔭ ᐊᓄᒡ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒧᔭᒻ ᐊᒋ ᐅᓂᓯᓂᑦ ᒋ ᐃᓯᓇᑯᓱᐤ ᑭᔭ ᒥᓐ ᐊ ᒥᔅᑯᐛᑭᓄᐅᑦ ᐊᐅᑯᓐ ᐊ ᐃᓯᓇᑯᓯᑦ᙮’ ”

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:29

ᐱᒋᔅᑲᑯᐅᒡ ᓂᓇᐧᑯᐤ ᒥᒐᑎᓯᐅᓂᔪᐤ ᑭᔭ ᒪᔭᑎᓯᐅᓂᔪᐤ, ᑭᔭ ᐱᒋᔅᑲᑯᐅᒡ ᒧᔅᑕᓂᒪᒐᐅᓂᔪᐤ ᑭᔭ ᐛᐧᑲᑕᔨᒧᐅᓂᔪᐤ᙮ ᓇᔅᒡ ᐱᒋᔅᑲᑯᐅᒡ ᐅᑕᔨᒧᐅᓂᔪᐤ, ᑭᔭ ᒧᔅ ᐎ ᓂᐸᐃᐛᐅᒡ, ᑭᔭ ᒧᔅ ᒪᒥᒋᐱᔭᐊᐅᒡ ᐊᐛᔪᐛ, ᐱᓯᒄ ᑭᔭ ᐛᐎᔭᓯᒧᐛᐅᒡ, ᑭᔭ ᓇᔅᒡ ᐱᒋᔅᑲᑯᐅᒡ ᐛᐧᑲᓱᐛᐅᓂᔪᐤ᙮ ᐱᒋᔅᒂᑲᑐᐛᐅᒡ ᑭᔭ,

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:1

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:11

ᒧᔭᒻ ᐊᐛᓐᒋ ᐊ ᓂᐱᒡ ᐊᑲ ᑎᐸᔨᒥᑯᒡ ᒥᒐᑎᓯᐅᓂᔪᐤ ᐊᑯᓐ ᒋᐸ ᐃᓯ ᑭᓄᐛᐱᒥᓱᓇᐛᐤ᙮ ᒋ ᐱᒪᑎᓯᓇᐛᐤ ᐊᑯ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ ᐊ ᐎᒐᐅᒪᑯ ᒋᓴᔅ ᙭ᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:16

ᒋ ᓂᑐᐛᔨᒥᑎᓇᐛᐤ ᐅ ᒐᒋ ᒋᔅᒋᔭᒄ᙮ ᐱᔅᑕᔨᒥᑎᓱᔅᑐᐛᒂ ᐊᐛᓐ ᒐᒋ ᐅᒋ ᓇᔅᒡ ᓂᓇᐃᑐᐛᒄ ᒧᔭᒻ ᐊᐱᒋᐊᑭᓐ ᐊ ᐃᓯᓇᑯᓯᑦ ᐊ ᓂᓇᐃᑐᐛᑦ ᐅᒋᒪᒪ, ᑭᑈ ᒐ ᐅᑦ ᐊᐱᒋᐊᑭᓂᑐᑕᑕᒄ ᐊᓐ ᐊᐛᓐ ᑲ ᐃᑕᔨᑎᒪᒄ ᒐᒋ ᓂᓇᐃᑎᐛᒄ᙮ ᒧᔭᒻ ᒪᒃ ᐊ ᐃᓯᓇᑯᓯᑦ ᐊᐱᒋᐊᑭᓐ ᒧᔭᒻ ᐊ ᒪᒋᒂᐱᐧᑲᓱᑦ ᒐᒋ ᓂᓇᐃᑐᐛᑦ ᐅᒋᒪᒪ ᐊᐅᑯᓐ ᒧᔭᒻ ᐊ ᐃᓯᓇᑯᓯᔭᒄ ᑭᔭ ᒋᔨᐛᐤ᙮ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᒪᒃ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ᙮ ᒧᔭᒻ ᒪᒃ ᑲ ᐱᔅᑕᔨᒥᑎᓱᔅᑎᒧᐛᒂ ᐊᓐ ᑕᓐ ᐊ ᐃᓯ ᑎᒂᒡ ᐊ ᐎ ᒥᒋᑐᑎᒪᒄ ᑭᑈ ᐊᑯᑕ ᒐ ᐅᒋᐱᔨᒡ ᑲᒋᒡ ᒐ ᓂᐱᔭᒄ᙮ ᒧᔭᒻ ᒪᒃ ᐎᔾ ᒋᓴᒪᓂᑐᐤ ᑲ ᐱᔅᑕᔨᒥᑎᓱᔅᑐᐛᒂ ᐊᑯᑕ ᒐ ᐅᒋᐱᔨᒡ ᒐᒋ ᑯᐃᔅᑯᑕᑎᓯᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:19

ᐊᐅᒄ ᐊ ᐃᓯ ᐃᔨᒥᐃᑎᑯᒡ ᐛᔅ ᐊᑯᑕ ᒥᒄ ᒐᒋ ᐅᒋ ᓂᔅᑐᑎᒪᒄ᙮ ᐸᐃᒂᐤ ᔅᒋ ᐃᓯᓇᑯᓯᓇᐛᐤ ᓇᔅᒡ ᐊᒋ ᐱᔅᑎᓂᓱᔭᒄ ᐎᓂᓱᐛᑎᓯᐅᓐ ᒐᒋ ᑎᐸᔨᒥᑯᔭᒄ ᑭᔭ ᔅᒋ ᐱᔅᑎᓂᓱᓇᐛᐤ ᐊᔭᔅᒃ ᒐᒋ ᐊᑎ ᒥᒐᑎᓯᔭᒄ᙮ ᐊᓄᒡ ᒪᒃ ᓇᔅᒡ ᐱᔅᑎᓂᓱᒄ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒧᑕᔭᒄ ᒐᒋ ᐅᒋ ᐸᔭᒋᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:23

ᐊᑯ ᒥᒄ ᒪᐅ ᐊ ᐃᓯ ᐛᐸᑎᒪᓐ ᒧᔅ ᐊ ᐎ ᐃᔅᐱᔨᔭᓐ᙮ ᑎᑯᓐ ᐊ ᐃᓯ ᒪᓯᒐᐱᔨᒡ ᐅᑕ ᐊ ᑕᔭᓐ, ᐊᓐ ᐊ ᐎ ᒥᔪᑐᑎᒪᓐ ᑭᔭ ᐊᓐ ᐊ ᐎ ᒥᒋᑐᑎᒪᓐ ᒪᓯᒐᐱᔨᐛ᙮ ᐊᓐ ᒪᒃ ᒧᔅ ᐊ ᑎᒂᒡ ᐊ ᐎ ᒥᒋᑐᑎᒪᓐ ᐊᐅᒄ ᑕᐸᔨᒥᑯᔭᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:5

ᐛᔅ ᐊᔅᒄ ᐛᔅᑭᒡ ᒋᑦ ᐃᑕᑎᓯᐅᓄᐛ ᐊᒋ ᑎᐸᔨᒥᑯᔭᐧᒄ, ᐊᓐ ᒪᒃ ᐊ ᑎᒂᒡ ᐎᓱᐛᐅᓐ ᑭᔭ ᐊᒋ ᒋᔅᒐᔨᑎᒪᐧᒄ ᐊᓐ ᐎᓱᐛᐅᓐ, ᐊᑯᑕ ᑲ ᐅᒋᐱᔨᒡ ᐊᓐ ᐊ ᒧᔅᒋᐱᔨᒡ ᒐᒋ ᒥᒋᑐᑎᒪᐧᒄ᙮ ᐅ ᒪᒃ ᐊᒋ ᐃᓯ ᐱᒪᑎᓯᔭᐧᒄ ᒧᔭᒻ ᐊ ᓂᐱᔭᐧᒄ ᔅᒋ ᐃᓯᓇᑯᓯᓇᓄᐤ᙮

1 ᑯᕆᓐᑎᔭᓇ 6:15

ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐅᔭ ᒋᔭᓄᐛ ᙭ ᐊ ᑕᑦ ᐊ ᐃᓯ ᑎᐸᔨᑕᒂᒋ᙮ ᐊᐅᒄ ᐅ ᒐ ᐅᒋ ᐊᑲ ᓂᑕ ᐊᐱᒋᑕᔭᓐ ᓂᔪᐤ ᒐᒋ ᐎᐸᒥᒃ ᐃᔎᔅ ᑲ ᒋᓯᐧᑯᐛᑭᓄᐅᑦ ᐊ ᐎᐸᒪᑭᓄᐅᑦ᙮

1 ᑯᕆᓐᑎᔭᓇ 6:20

ᐛᔅ ᒐᒂᔪᐤ ᒋ ᐃᓯ ᑎᐸᔨᒐᐤ ᒐᒋ ᐊᔭᐅᔅᒃ᙮ ᐊᐱᒋᑕ ᒋᔪᐤ ᒋᓴᒪᓂᑐᐤ ᒐᒋ ᒋᔅᑕᔨᑕᑯᐃᑦ᙮

1 ᑯᕆᓐᑎᔭᓇ 6:9

ᐊᑲᐎᔾ ᐎᔭᓯᐃᓱᒄ᙮ ᒋ ᒋᔅᒐᔨᑕᓇᐛᒐ ᐊᓐᒡ ᐊᐛᓐᒋ ᑲ ᒥᒐᑎᓯᒡ ᓇᒪ ᒋᑭ ᐅᒋ ᒥᔨᑯᐅᒡ ᒋᓴᒪᓂᑐᐛ ᐊᓐᑕ ᐅᒋᓴᐅᒋᒪᐅᓂᔨᒡ ᒐᒋ ᑕᒡ᙮ ᒪᒃ ᐊᓐᒡ ᐊᐛᓐᒋ ᒥᓯᐛ ᐎᓂᓱᐅᓂᒡ ᑲ ᐃᓯ ᐱᒪᑎᓯᒡ, ᑭᔭ ᒪᒃ ᐊᓐᒡ ᑲ ᐊᔭᒥᐊᔅᑐᐛᒡ ᒥᓂᑐᐧᑲᓇ, ᑭᔭ ᒪᒃ ᐊᓐᒡ ᑲ ᐅᓂᑐᑐᐛᒡ ᐅᐎᒋᒪᑭᓄᐛᐛ ᑭᔭ ᒪᒃ ᐊᓐᒡ ᑲ ᒋᓯᐧᑯᐛᑭᓄᐎᒡ ᓇᐸᐅᒡ ᐊ ᐎᐸᒪᑭᓄᐎᒡ ᑭᔭ ᒪᒃ ᐊᓐᒡ ᓇᐸᐅᒡ ᑲ ᐎᐸᒥᑐᒡ, ᑭᔭ ᐃᔎᐅᒡ ᑲ ᐎᐸᒥᑐᒡ᙮

2 ᑯᕆᓐᑎᔭᓇ 10:4

ᓇᒪ ᐎ ᐊᔅᒋᔪᐤ ᒪᓯᒐᐤ ᒐᒂᓇ ᓂᑦ ᐊᐱᒋᑕᓇᓐ᙮ ᒋᓴᒪᓂᑐᐤ ᐅᓱᐧᑲᑎᓯᐅᓐ ᓂᑦ ᐊᐱᒋᑕᐛᓇᓐ ᐊ ᓂᓱᐅᓇᒋᑕᐎᒋᒡ ᑕᓐ ᓂᓇᐧᑯᐤ ᐊ ᐃᓯ ᒪᒋᒂᐱᐧᑲᑎᑯᒡ ᐊᐛᓐᒋ ᒥᒋᒥᓂᑐᐛ᙮

2 ᑯᕆᓐᑎᔭᓇ 5:14

ᐊ ᒋᔅᒐᔨᑎᒪᒡ ᑕᓐ ᐊᔅᐱᔅ ᓴᒋᐃᒥᑦ ᒋᓴᔅ ᙭ ᐊᐅᒄ ᐅ ᐊ ᓯᒋᒥᑯᔭᒡ ᐅ ᒐᒋ ᐃᑕᐱᑎᓯᔭᒡ᙮ ᐛᔅ ᒋ ᒋᔅᒐᔨᒪᓄᐤ ᐎᔾ ᐊᒋ ᓂᐱᔅᑎᒧᐛᑦ ᒥᓯᐛ ᐊᐛᔪᐛ ᑭᔭ ᒐᒋ ᐃᓯ ᑭᓄᐛᐸᑕᑭᓄᐅᒡ ᒥᓯᐛ ᐊᐛᓐ ᐊᒋ ᓂᐱᑦ᙮

2 ᑯᕆᓐᑎᔭᓇ 5:15

ᒥᓯᐛ ᐊᐛᔪᐛ ᒋ ᓂᐱᔅᑎᒧᐛᐤ ᙭᙮ ᐊᑯᑕ ᒪᒃ ᐛᒋ ᐱᑯᓴᔨᑕᒂᒡ ᐊᓐᒡ ᑲ ᐱᒪᑎᓯᒡ ᐊᑲ ᐊᑯ ᒥᒄ ᐎᔨᐛᐤ ᐊ ᐃᓯ ᓇᐊᔨᑕᒡ ᒐᒋ ᐃᓯ ᐱᒪᑎᓯᒡ ᒪᒃ ᒐᒋ ᐱᒪᑎᓯᒡ ᒐᒋ ᓇᐊᔨᑎᒥᐊᒡ ᐊᓂᔭᔪᐛ ᑲ ᓂᐸᐊᑭᓄᔨᒋ ᑭᔭ ᑲ ᐅᓂᔅᑲᓇᑭᓄᔨᒋ ᓂᐳᐅᓂᒡ ᐅᒡ᙮

2 ᑯᕆᓐᑎᔭᓇ 8:5

ᐊᑐᐎᔅ ᒪᒃ ᒋ ᐃᑐᑎᒧᒡ ᑕᓐ ᑲ ᐃᑕᔨᒥᒋᒡ ᒐ ᐃᑎᒡ᙮ ᓂᔅᑎᒻ ᒋᓴᒪᓂᑐᐛ ᒋ ᐱᔅᑕᔨᒥᑎᓱᔅᑐᐛᐅᒡ ᐊᑯ ᓂᔭᓐ ᑲ ᐱᔅᑕᔨᒥᑎᓱᔅᑐᐎᒥᒡ ᒧᔭᒻ ᑕᓐ ᑲ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᑎᒡ᙮

ᐃᐱᓯᔭᓇ 2:5

ᐊᑎ ᐊᔅᒄ ᒪᒂᒡ ᐊ ᓂᐱᔭᐧᒄ ᐊᒋ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ᑐᑕᑯᓄᐤ ᒐᒋ ᐎᒋ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ ᐊᒋ ᐎ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᐱᓕᐱᔭᓇ 1:20

ᓇᔅᒡ ᓂ ᐱᑯᓴᔨᑕᓐ ᑭᔭ ᓂᑦ ᐊᔅᐸᔨᒧᓐ ᐊᑲ ᓂᑕ ᒐᒋ ᐃᑐᑎᒪᓐ ᒐᒂᓐ ᐊᓐ ᒐᒋ ᐅᒋ ᐅᓂᑐᑎᒪᓐ ᐊ ᐊᑐᔅᑯᐅᒃ ᙭᙮ ᑎᔭᐧᑯᓂ ᒐᒋ ᓱᒋᑕᐊᔭᓐ ᒧᔅ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒺᒡ ᐊᓄᒡ ᐊ ᐃᓯ ᒋᔅᑕᔨᑕᑯᐊᑭᓄᐅᑦ᙮ ᓂ ᐱᑯᓴᔨᑕᓐ ᒐᒋ ᒋᔅᑕᔨᑕᑯᐊᑭᓄᐅᑦ ᙭ ᓂᐱᒪᑎᓯᐅᓂᒡ ᒪᒂᒡ ᐊ ᐱᒪᑎᓯᔭᓐ ᑭᔭ ᒪᒃ ᓂᐸᐃᑯᐅᒐ ᐎᔾ ᐅᒡ᙮

ᑯᓚᓯᔭᓇ 2:13

ᒋᒥᒋᑥᐅᓄᐛᐛ ᔅᒋ ᐃᑐᑕᑯᓇᐛᐤ ᒧᔭᒻ ᐊ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ᒥᔨᑯᐛᐤ ᒋᓴᒪᓂᑐᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

2 ᑕᓴᓗᓂᔭᓇ 2:12

ᐊᑯ ᒪᒃ ᒥᓯᐛ ᐊᐛᓐᒋ ᐊᑲ ᐅᒋ ᑕᑈᑕᒡ ᑕᑈᐅᓂᔪᐤ, ᐅᔅᑕ ᑲ ᒥᔽᔨᑕᒡ ᐊ ᒥᒐᑎᓯᒡ ᐊᐅᑯᓐᒡ ᐅᒡ ᒐ ᓂᓱᐅᓇᒋᒪᑭᓄᐎᒡ᙮

2 ᑎᒧᑎ 2:15

ᓱᒃ ᒧᔅ ᐎ ᐃᑐᑕ ᐊᓐ ᒪᐅᒡ ᐊ ᑭᔅᒋᐅᔨᓐ ᐊ ᐃᑐᑎᒥᓐ ᒐᒂᓐ ᐊᓂᔭ ᒐ ᓇᐊᔨᑎᒪᐃᑯᑦ ᒋᓴᒪᓂᑐᐤ, ᒧᔭᒻ ᐊᐛᓐ ᓱᒃ ᑲ ᐊᑐᔅᒐᑦ ᐊᑲ ᑎᑯᓂᔨᒡ ᑕᓐ ᒐ ᐃᓯ ᓴᒂᔨᒧᐃᑯᑦ ᐅᑦ ᐊᑐᔅᒐᐅᓐ᙮ ᐊᐛᓐ ᑯᐃᔅᒄ ᑲ ᐃᓯ ᒋᔅᑯᑎᒪᒐᑦ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐊᐅᑯᓐ ᒋᐸ ᐃᑎᓐ᙮

ᒋᒥᔅ ᐅᒥᓯᓇᐊᒪᒐᐅᓐ 4:1

ᑕᓐᑕ ᐛᒋᐱᔨᒡ ᐊᓐ ᐊ ᒪᓯᐃᑐᔭᒄ ᑭᔭ ᐊ ᐊᔭᔅᑕᒥᑐᔭᒄ ? ᐱᒡ ᐊᓐᑕ ᐊ ᑕᑦ ᐊᐛᓐ ᒧᔭᒻ ᐊ ᒪᓯᒐᐱᔨᒋ ᐃᓯᓇᑯᓂᔪᐛ ᐊᓂᔭ ᒐᒂᔪᐛ ᑲ ᒧᔅᑕᓇᔨᑕᐧᒃ ᒐᒋ ᓂᓇᐊᔨᑎᒥᐃᑯᑦ᙮

1 ᐱᑕᕐ 2:24

ᐎᔾ ᑎᐱᔨᐛ ᐎᔭᒡ ᒋ ᐃᓯ ᐅᑎᓂᒻ ᒋᒥᒋᑥᐅᓄᐛ ᑲ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ, ᒥᔅᑯᒡ ᒋᔭᓄᐤ ᒐ ᐊᑲ ᒋ ᐱᒋᔅᑲᑯᔭᐧᒄ ᒥᒋᑥᐅᓐ᙮ ᒋ ᐃᑐᑎᒻ ᒋᒥᒋᑥᐅᓄᐛ ᒐᒋ ᐊᑎ ᐃᓯᓇᑯᓱᐛᐧᒄ ᒧᔭᒻ ᐊ ᓂᐱᔭᐧᒄ ᒥᒋᑥᐅᓂᒡ ᐃᔅ ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮ ᐊᓂᔭ ᑕᓐ ᑲ ᐃᓯ ᐸᐱᓯᔅᑕᐛᑭᓄᐅᑦ, ᐊᑯᑕ ᑲ ᐅᒋ ᒥᓏᑎᓯᔭᒄ᙮

1 ᐱᑕᕐ 4:2

ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮

1 ᒠᓐ 1:9

ᒧᔭᒻ ᐎᑎᒧᐛᒂ ᒋᓴᒪᓂᑐᐤ ᒋᒥᒋᑐᑎᒧᐅᓄᐛ, ᐎᔾ ᑕᑈᐅᒐᔨᑕᑯᓱᐤ ᑭᔭ ᑯᐃᔅᑯᑐ, ᒋᑭ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ ᑭᔭ ᒋᑭ ᐸᔭᒋᐃᑯᓄᐤ ᑕᓐ ᐊ ᐃᓯ ᐊᑲ ᑯᐃᔅᑯᑕᑎᓯᐛᐧᒄ᙮