ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐊᐅᒄ ᒪᒃ ᐅ ᐊ ᐃᓯ ᐎᑎᒪᐧᒄ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᐃᓯᓇᑯᓂᔨᒡ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊᓂᔭ ᐊ ᓂᓇᐃᑎᒺᑦ ᐅᐎᓱᐛᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:28 Iomraidhean Croise

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

ᒠᓐ 6:40

ᐛᔅ ᐊᐅᒄ ᐅᔭ ᓄᑕᐎᔾ ᐅᑦ ᐃᑕᔨᑎᒧᐅᓐ, ᒥᓯᐛ ᐊᐛᔪᐛ ᑲ ᐛᐱᒪᔨᒋ ᑭᔭ ᑲ ᑕᑈᔭᔨᒪᔨᒋ ᐅᑯᓯᓯᒪᐛ ᑲᒋᒡ ᐱᒪᑎᓯᐅᓂᔪᐤ ᒐᒋ ᐊᔭᔨᒋ᙮ ᓂᔾ ᒪᒃ ᒐ ᐅᓂᔅᑲᓂᒥᒋ ᒪᔅᑕᔾ ᒋᓯᑲᒐ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:26

ᐊᓄᒡ ᒪᒃ ᐎ ᓇᒪ ᐊᑯ ᐊᑲ ᐱᔅᑲᑕᒧᐛᐤ ᐊᐛᔪᐛ ᐅᒥᒋᑐᑎᒧᐅᓂᔪᐛ ᒋᓴᒪᓂᑐᐤ, ᐛᐸᑎᔨᐛᐤ ᑕᓐ ᐊ ᐃᓯ ᑯᐃᔅᒄ ᐃᑎᑦ ᑭᔭ ᑕᑈ ᐅᑯᐃᔅᑯᑕᑎᓯᐤ ᐊ ᐃᓯ ᑭᓄᐛᐱᒪᑦ ᒥᓯᐛ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:5

ᒪᒥᑐᓇᔨᒪᑕᐤ ᒪ ᐊᐛᓐ ᑲ ᒥᒐᑎᓯᑦ᙮ ᐊᓂᔭ ᐊ ᒥᔪᑐᑕᐧᒃ ᐊᑯᑕ ᐛᒋ ᑯᐃᔅᑯᑕᑎᓯᑦ᙮ ᐛᔅ ᐊ ᑕᑈᔭᔨᒪᑦ ᒋᓴᒪᓂᑐᐛ ᐊᑯᑕ ᒥᒄ ᒐᒋ ᐅᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:3

ᒥᓯᐛ ᐊᐛᓐ ᓇᒪ ᐅᒋ ᐃᑐᐤ ᓇᔅᒡ ᒐᒋ ᓂᓇᐃᑎᒺᑦ ᒋᓴᒪᓂᑐᐛ ᐅᐎᓱᐛᐅᓂᔪᐤ ᒐᒋ ᐅᒋ ᐱᒪᒋᐅᑦ᙮ ᐊᑯ ᒪᒃ ᒋᓴᒪᓂᑐᐤ ᒂ ᐸᒋ ᐃᑎᓴᐛᑦ ᐅᑯᓴ ᒧᔭᒻ ᒋᔭᓄᐤ ᐊ ᐃᓯᓇᑯᓱᐛᐧᒄ ᒐᒋ ᐃᓯᓇᑯᓯᔨᒋ᙮ ᒋ ᐸᒋ ᐃᑎᓴᐛᐤ ᒐᒋ ᓂᐱᔅᑎᒪᑎᑕᐧᑯ᙮ ᐊᑯᑕ ᐅ ᑲ ᐅᒋ ᓂᓱᐅᓇᒋᑕᑦ ᑕᓐ ᑲ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ᙮

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

ᑲᓚᓯᔭᓇ 2:16

ᐃᔭᐱᒡ ᒪᒃ ᓂ ᒋᔅᒐᔨᑕᓇᓐ ᐊ ᑕᑈᔭᔨᒪᑦ ᐊᐛᓐ ᒋᓴᔅ ᙭ᑕ᙮ ᐊᑯᑕ ᐛᒋ ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊᓂᔭ ᐅᒋ ᐊ ᓂᓇᐃᑕᐧᒃ ᐎᓱᐛᐅᓇ᙮ ᐊᑯ ᒪᒃ ᑭᔭ ᓂᔭᓐ ᑎᔭᑈᔭᔨᒥᒋᒡ ᒋᓴᔅ ᙭, ᐊ ᑕᑈᔭᔨᒥᒋᒡ ᒪᒃ ᙭ ᐊᑯᑕ ᐛᒋ ᐅᑯᐃᔅᑯᑕᑎᓯᐅᒡ ᐃᓯ ᑭᓄᐛᐱᒥᔨᒥᑦ ᒋᓴᒪᓂᑐᐤ᙮ ᓇᒪ ᐎ ᐊᓐ ᐊ ᓂᓇᐃᑎᒪᒡ ᒍᐤ ᐊᔭᒥᐊᐅ ᐎᓱᐛᐅᓇ ᐛᒋ ᐃᓯ ᑭᓄᐛᐱᒥᔨᒥᑦ᙮ ᑕᐸ ᐊᐛᓐ ᐅᑯᐃᔅᑯᑕᑎᓯᐤ ᒋᑭ ᐅᒋ ᐃᓯ ᑭᓄᐛᐱᒥᑯᐤ ᒋᓴᒪᓂᑐᐛ ᒥᒄ ᐊᓂᔭ ᐊ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

ᑲᓚᓯᔭᓇ 3:24

ᐊᐅᒄ ᐎᓱᐛᐅᓐ ᓇᔅᒡ ᑲ ᒋᔅᒋᓄᐱᔨᐃᑯᔭᐧᒄ ᐊᔅᒄ ᐊᑲ ᐅᒋ ᑎᑯᓯᐧᒃ ᒋᓴᔅ᙮ ᐊᐅᒄ ᐎᓱᐛᐅᓐ ᑲ ᐃᑐᑕᑯᔭᐧᒄ ᒐᒋ ᑕᑈᑎᒪᐧᒄ ᑭᔭ ᒋᓴᒪᓂᑐᐤ ᒐᒋ ᓇᐊᔨᒥᑕᐧᒄ᙮

ᑲᓚᓯᔭᓇ 3:8

ᓴᔅ ᐊᓐᑕ ᐛᔅᑭᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒋ ᓂᑲᓐ ᐎᑕᑭᓄᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᑯᐃᔅᑯᑕᑎᓯᐅᒡ ᒐ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ ᐊ ᑕᑈᑕᒡ᙮ ᐊᔪᐅᒄ ᐅᔭ ᐛᒋ ᓂᑲᓐ ᐎᑎᒧᐛᑭᓄᐅᑦ ᐊᑉᕋᐊᒻ ᒥᔽᒋᒧᐅᓂᔪᐤ, ᒋ ᐃᑎᑯᑯᐱᓇ ᒋᓴᒪᓂᑐᐛ, “ᒋᔾ ᐊ ᑕᔨᓐ ᒋᑭ ᐅᒋ ᐊᓂᔅᒐᐱᔪᐤ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᓱᐛᔨᒥᒂᐤ᙮”

ᐃᐱᓯᔭᓇ 2:9

ᓇᒪ ᐊᐛᓐ ᒋᑭ ᒋ ᒪᒥᒋᒧᐤ ᒐᒋ ᐃᔅᒋᔄᑦ ᐎᔾ ᐊᒋ ᐱᒪᒋᐃᓱᑦ ᐊᓂᔭ ᐊᒋ ᒪᒥᔪᑐᑕᐧᒃ ᐅᒡ᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

ᑕᐃᑕᔅ 3:7

ᐊᑯ ᒪᒃ ᐊᓂᔭ ᐊᒋ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮

ᒋᒥᔅ ᐅᒥᓯᓇᐊᒪᒐᐅᓐ 2:18

ᒋᑭ ᒋ ᐃᓯᓇᑯᓐ ᐱᔅᒐ ᐊᐛᓐᒋ ᒐᒋ ᐃᔅᒋᔄᒡ, “ᒋ ᑭᓄᐛᔨᑕᓐ ᒋᔾ ᑕᑈᑎᒧᐅᓐ, ᐊᑯ ᓂᔾ ᓂ ᒥᔪ ᐊᑐᔅᒐᓐ᙮” ᓂᐸ ᐃᑕᐤ ᐅ ᐊᐛᓐ, “ᐸᒋ ᐛᐸᑎᔨ ᐊᓐ ᒋᑕᑈᑎᒧᐅᓐ ᐊᑲ ᐊᔅᑎᓂᒥᓐ ᒋ ᒥᔪ ᐊᑐᔅᒐᐅᓐ ᑭᔭ ᒐ ᐛᐸᑎᔨᑕᓐ ᓂᔾ ᓂ ᒥᔪ ᐊᑐᔅᒐᐅᓐ ᐊ ᐊᔅᑎᓂᒪᓐ ᐊᓐᑕ ᓂᑕᑈᑎᒧᐅᓐ᙮”

ᒋᒥᔅ ᐅᒥᓯᓇᐊᒪᒐᐅᓐ 2:20

ᒋ ᓂᑐᐛᔨᑕᓐ ᐊ ᒐᒋ ᐛᐸᑎᔨᑯᔨᓐ, ᒋᔾ ᒋᔎᐧᑲᓐ, ᐊᑲ ᒐᒂᓐ ᐃᓯᓇᑯᓂᔨᒡ ᐊᐛᓐ ᐅᑕᑈᑎᒧᐅᓐ ᐊᑲ ᓄᑯᓂᔨᒐ ᐅᑦ ᐊᑐᔅᒐᐅᓐ ?

ᒋᒥᔅ ᐅᒥᓯᓇᐊᒪᒐᐅᓐ 2:24

ᒋ ᐛᐸᑕᓐ ᒪᒃ, ᑯᐃᔅᑯᓇᑯᐊᑭᓄᐤ ᐊᐛᓐ ᐊᑐᔅᒐᐅᓂᒡ ᐅᒡ, ᓇᒪ ᒥᒄ ᑕᑈᑎᒧᐅᓂᒡ ᐅᒡ᙮