ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᐛᔅ ᒋᓴᒪᓂᑐᐤ ᒋ ᐱᔅᑎᓇᐤ ᒋᓴᓴ ᒐᒋ ᓂᐸᐊᑭᓄᔨᒋ ᒋᐱᔭᑎᑯᒡ ᒐᒋ ᐅᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮ ᐊ ᑕᑈᔭᔨᒪᑦ ᒪᒃ ᐊᐛᓐ ᒋᓴᓴ ᐊᑯᑕ ᐊ ᐅᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒋᓴᒪᓂᑐᐤ ᒋ ᐃᑐᑎᒻ ᐅᔭ ᒐᒋ ᐛᐸᑎᔨᐛᑦ ᒧᔅ ᑯᐃᔅᒄ ᐊ ᐃᑎᑦ᙮ ᐅᑕ ᐃᔅ ᐅᑕᒡ ᓇᔅᒡ ᑕᑈ ᒋ ᓯᐱᔪᐛᓯᔅᑕᒐᐤ ᒋᓴᒪᓂᑐᐤ ᑕᓐ ᑲ ᐃᓯ ᒥᒋᑐᑕᑭᓄᐎᒡ᙮ ᓇᒪ ᒧᔅ ᐊᓐ ᐊ ᐃᑕᔨᑕᑯᓂᔨᒡ ᒐᒋ ᐃᓯ ᑎᐸᔅᑯᓇᑭᓄᔨᒋ ᐊᐛᔪᐛ ᐅᒋ ᐃᓯ ᑎᐸᔅᑯᓇᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:25 Iomraidhean Croise

ᑎᐱᑦ ᐅᓂᑭᒧᐅᓇ 119:142

ᒋᑯᐃᔅᑯᑕᑎᓯᐅᓐ ᑲᒋᒡ ᑯᐃᔅᑯᑕᑎᓯᒥᑭᓐ, ᑭᔭ ᒋᑦ ᐃᑎᓱᐛᐅᓐ ᐊᐅᒄ ᑕᑈᐅᓐ᙮

ᑎᐱᑦ ᐅᓂᑭᒧᐅᓇ 22:31

ᒋᑭ ᐸᒋ ᐃᑐᑕᔪᐛ, ᑭᔭ ᐅᑯᐃᔅᑯᑕᑎᓯᐅᓐ ᒋᑭ ᐊᔨᒧᑎᒧᐛᔪᐛ ᐃᔪᐛ ᐊᔎ ᒐ ᓂᑕᐅᒋᔨᒋ, ᐅᔭᔪᐤ ᐊᒋ ᐃᑐᑕᐧᒃ᙮

ᑎᐱᑦ ᐅᓂᑭᒧᐅᓇ 40:10

ᓇᒪᐎᔾ ᓂ ᐅᒋ ᑲᑕᓐ ᒋᑯᐃᔅᑯᑕᑎᓯᐅᓐ ᓂᑕᐃᒡ; ᓂᒋ ᐎᑕᓐ ᒋᑯᐃᔅᑯᑐᐅᓐ ᑭᔭ ᒋᐱᒪᒋᐃᐛᐅᓐ: ᒋᓴᒋᐃᐛᐎ ᒋᓴᐛᑎᓯᐅᓂᔪᐤ ᑭᔭ ᒋᑕᑈᐅᓂᔪᐤ ᓇᒪᐎᔾ ᓂ ᐅᒋ ᑲᑐᐛᐅᒡ ᑲ ᒥᒐᑎᒡ ᐊ ᒪᒧᐎᔨᑐᒡ᙮

ᑎᐱᑦ ᐅᓂᑭᒧᐅᓇ 50:6

ᒋᓯᒂ ᒪᒃ ᒋᑭ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ: ᐛᔅ ᒋᓴᒪᓂᑐᐤ ᐛᒋᒡ ᑎᐸᔅᑯᓂᒐᐤ᙮

ᑎᐱᑦ ᐅᓂᑭᒧᐅᓇ 97:6

ᒋᓯᒂ ᐎᑎᒧᒪᑭᓂᔪᐛ ᐅᑯᐃᔅᑯᑕᑎᓯᐅᓐ, ᑭᔭ ᒥᓯᐛ ᐃᔪᐛ ᐛᐸᑎᒥᔪᐛ ᐅᒋᔅᑕᔨᑕᑯᓱᐅᓐ᙮

ᑎᐱᑦ ᐅᓂᑭᒧᐅᓇ 98:2

ᑎᐸᔨᒋᒐᓱᐤ ᒧᓴ ᒋ ᐛᐸᑎᔨᐛᐤ ᐎᔾ ᐊᒋ ᐱᒪᒋᐃᐛᑦ; ᐎᔾ ᐊ ᑯᐃᔅᑯᑕᑎᓯᑦ ᓇᐃᔪᐤ ᒋ ᓄᑯᑐᐛᐤ ᐸᐱᑐᔅ ᐃᔅ ᐃᔪᐛ᙮

ᒠᓐ 6:47

ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᑲ ᐸᒋ ᑕᑈᔭᔨᒥᑦ ᐊᔭᐤ ᑲᒋᒡ ᐱᒪᑎᓯᐅᓂᔪᐤ᙮

ᐊᑈᔅᑕᓇᒡ 14:16

ᐅᑕᒡ ᐊᓐᑕ ᒋ ᐱᔅᑎᓇᐤ ᒋᓴᒪᓂᑐᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐃᓯ ᐱᒪᑎᓯᔨᒋ ᑕᓐ ᐛ ᐃᓯ ᐱᒪᑎᓯᔨᒋ ᑭᔭ ᒐᒋ ᐃᓯ ᐊᔭᒥᐊᔨᒋ ᑕᓐ ᐛ ᐃᓯ ᐊᔭᒥᐊᔨᒋ᙮

ᐊᑈᔅᑕᓇᒡ 15:18

ᐊᐅᒄ ᐅᔭ ᑲ ᐃᔅᒋᔄᑦ ᐅᑎᐸᔨᒋᒐᐤ ᐊᓐ ᐛᔅᑭᒡ ᑲ ᒋᔅᒐᔨᑕᑯᑕᑦ ᐅᔭ ᐊᒋ ᐃᓯ ᐎᔭᔨᑕᐧᒃ᙮”

ᐊᑈᔅᑕᓇᒡ 17:30

ᐛᔅᑭᒡ ᐃᔪᒡ ᐊᑲ ᐅᒋ ᒋᔅᒐᔨᑕᒡ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᐅᓯᐊᐅᒡ ᒥᓂᑐᐧᑲᓇ, ᓇᒪ ᒪᒃ ᓂᔅᑎᒻ ᐅᒋ ᐛᐛᓯᐃᑯᐅᒡ ᒋᓴᒪᓂᑐᐛ᙮ ᐊᓄᒡ ᒪᒃ ᒋᓴᒪᓂᑐᐤ ᐃᑎᓱᒪᐤ ᐃᔪᐛ ᒥᓯᐛ ᐅᑕ ᐊᔅᒋᒡ ᒐᒋ ᒂᔅᑲᑎᓯᔨᒋ᙮

ᐊᑈᔅᑕᓇᒡ 2:23

ᓴᔅ ᐊᓐᑕ ᒋ ᐎᔭᔨᑎᒻ ᒋᓴᒪᓂᑐᐤ ᒋᔨᐛᐤ ᐊ ᑕᐛᒄ ᒐ ᐃᓯ ᐱᔅᑎᓇᑦ ᒋᓴᓴ, ᒋᔨᐛᐤ ᒪᒃ ᔅᒋ ᓂᐸᐊᐛᐤ ᐊᒋ ᐱᔅᑎᓇᑯᒡ ᓇᐸᐅᒡ ᐊ ᒥᒐᑎᓯᒡ ᒐᒋ ᒋᔅᑕᔎᐛᒡ ᒋᐱᔭᑎᑯᒡ᙮

ᐊᑈᔅᑕᓇᒡ 3:18

ᒋᓴᒪᓂᑐᐤ ᒋ ᒥᔭᐤ ᐊᓂᔭᔪᐛ ᐅᒋᔅᒋᐛᐃᒐᓱᐛ ᒐᒋ ᓂᑲᓐ ᐎᑎᒥᔨᒋ ᒐ ᐛᐎᓯᒐᔨᑎᒥᔨᒋ ᙭ᑕ ᐊᓂᔭᔪᐛ ᑲ ᐅᑎᓇᑦ᙮ ᒋᓴᒪᓂᑐᐤ ᒪᒃ ᒋ ᑎᐱᐱᔨᑕᐤ ᐅᔭ᙮

ᐊᑈᔅᑕᓇᒡ 4:28

ᒥᒄ ᒪᒃ ᐅᔭ ᑕᓐ ᑲ ᐃᓯ ᐃᑐᑕᒡ, ᒋᔾ ᓴᔅ ᐛᔅᑭᒡ ᔅᒋ ᐎᔭᔨᑕᓐ ᒐ ᐃᔅᐱᔨᒡ, ᒋᔾ ᒪᒃ ᔅᒋ ᐃᑐᑕᓐ ᒐᒋ ᑎᐱᐱᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:4

ᓇᔅᒡ ᑕᑈ ᒋᓴᐛᑎᓯᐤ ᒋᓴᒪᓂᑐᐤ᙮ ᓇᑲᐎᐤ ᒐᒋ ᑎᐸᔅᑯᓂᔅᒃ ᑭᔭ ᓇᔅᒡ ᑕᑈ ᒋ ᓯᐱᔪᐛᓯᔅᑕᒄ᙮ ᒐᒂᔪᐤ ᐛᒋ ᒪᔭᔨᒥᑦ, ᐊᓂᔭ ᒪᒃ ᐊ ᐃᔅᐱᔅ ᒥᔽᔨᑕᑯᓯᑦ᙮ ᓇᒪᐎᔾ ᐊ ᒋ ᒋᔅᒐᔨᑕᓐ ᒐᒂᔪᐤ ᐛᒋ ᒋᓴᐛᑐᑕᔅᒃ ? ᒋ ᓂᑐᐛᔨᒧᒄ ᒐᒋ ᒥᑕᒋᔨᐛᔨᑎᒧᑦ ᑕᓐ ᐊ ᐃᓯ ᒥᒐᑎᓯᔪᐅᑦ ᑭᔭ ᒐᒋ ᒂᔅᑲᑎᓯᔪᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:26

ᐊᓄᒡ ᒪᒃ ᐎ ᓇᒪ ᐊᑯ ᐊᑲ ᐱᔅᑲᑕᒧᐛᐤ ᐊᐛᔪᐛ ᐅᒥᒋᑐᑎᒧᐅᓂᔪᐛ ᒋᓴᒪᓂᑐᐤ, ᐛᐸᑎᔨᐛᐤ ᑕᓐ ᐊ ᐃᓯ ᑯᐃᔅᒄ ᐃᑎᑦ ᑭᔭ ᑕᑈ ᐅᑯᐃᔅᑯᑕᑎᓯᐤ ᐊ ᐃᓯ ᑭᓄᐛᐱᒪᑦ ᒥᓯᐛ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:1

ᐊᑯ ᒪᒃ ᑯᐃᔅᑯᑕᑎᓯᐅᓂᒡ ᐊᑯ ᐊ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᐊ ᑕᑈᔭᔨᒪᐧᒄ᙮ ᐊᑯ ᑭᔭ ᒪᔪ ᐎᒐᐛᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᑐᑎᒪᑕᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:11

ᐊᔪᐤ ᒪᒃ ᓇᔅᒡ ᒋ ᒥᔽᔨᑕᓇᓄᐤ ᒋᓴᒪᓂᑐᐤ ᓴᔅ ᐊᒋ ᓇᐃᐱᔨᑕᑦ ᒐᒋ ᒥᔪ ᐎᒐᐛᐧᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:18

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᒧᔭᒻ ᐸᐃᒄ ᐊᐛᓐ ᐅᒥᒋᑥᐅᓇ ᐅᒋ ᒥᓯᐛ ᐊᐛᓐ ᐊ ᐃᓯ ᐊᑕᒪᔨᑕᑯᓯᑦ ᒥᒋᑥᐅᓂᔪᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᒋᓴᔅ ᒪᒃ ᐅᑯᐃᔅᑯᑕᑎᓯᐅᓂᒡ ᐊᑯᑕ ᐛᒋᐱᔨᒡ ᒋᓴᒪᓂᑐᐤ ᒥᓯᐛ ᐅᑯᐃᔅᑯᑕᑎᓯᐅᒡ ᒐᒋ ᐃᓯ ᑭᓄᐛᐱᒥᑯᒡ ᑭᔭ ᒐᒋ ᒥᔭᑦ ᑲᒋᒡ ᐱᒪᑎᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:9

ᐊᔪᐅᒄ ᒪᒃ ᐊ ᑯᐃᔅᑯᑕᑎᓯᔭᐧᒄ ᐛᒋ ᐃᓯ ᑭᓄᐛᐱᒥᑕᐧᒄ ᒋᓴᒪᓂᑐᐤ ᐊᓂᔭ ᙭ ᐊᒋ ᓂᐱᔅᑎᒪᑕᐧᒄ ᒋᐱᔭᑎᑯᒡ᙮ ᒋ ᒐᔅᑎᓇᑕᔨᑕᓇᓄᐤ ᙭ ᑕᑈ ᒐ ᐎᐧᑯᒋᐃᑕᐧᒄ ᒋᓴᒪᓂᑐᐛ ᐅᑦ ᐊᐧᑯᔪᐛᓱᐤ ᑎᐸᔅᑯᓂᒐᐅᓂᔨᒡ ᐅᒡ ᒪᔅᑕᔾ ᒋᓯᑲᔨᒐ᙮

1 ᑯᕆᓐᑎᔭᓇ 5:7

ᐊᑲᐎᔾ ᐱᔅᑎᓂᒧᒄ ᒥᒋᑥᐅᓐ ᒐᒋ ᑎᒂᒡ ᐊᓐᑕ ᐊ ᑕᔭᒄ᙮ ᐛᔅ ᒧᔭᒻ ᑲᐅᐱᔨᒡ ᐃᑕᔨᑕᑯᓐ ᒥᒋᑥᐅᓐ, ᐊᐅᒄ ᐅᔭ ᑲ ᐃᑐᑕᑯᑦ ᐸᒂᓯᑭᓐ ᒐᒋ ᐅᐱᔨᑦ ᐊᐅᑯᓐ ᒪᒃ ᒧᔭᒻ ᐊ ᐃᑐᑕᒐᒥᑲᒡ ᒥᒋᑥᐅᓐ ᐱᒪᑎᓯᐅᓂᒡ᙮ ᓇᒪ ᒋᐸ ᐅᒋ ᐊᔭᓇᐛᐤ ᒥᒋᑥᐅᓐ ᒋᐱᒪᑎᓯᐅᓄᐛᒡ ᐛᔅ ᔅᒋ ᐎᐧᑯᒋᐃᑯᓇᐛᐤ ᒥᒋᑥᐅᓂᒡ ᐅᒡ᙮ ᐛᔅ ᙭ ᒋ ᐎᒪᔅᑲᒐᐤ ᒪᔭᑕᓂᓯᒥᓄᐤ ᒋ ᓂᐸᐊᑭᓄᐤ ᒋᔭᓄᐤ ᐅᒋ ᒐᒋ ᐱᒪᒋᐅᔭᐧᒄ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐃᐱᓯᔭᓇ 2:13

ᒋᔨᐛᐤ ᑲᒋ ᐊᔭᐛᐱᒪᒄ ᒋᓴᒪᓂᑐᐤ, ᐊᒋ ᓂᐸᐊᑭᓄᐅᑦ ᒋᓴᔅ ᙭ ᐊᑯᑕ ᑲ ᐅᒋ ᐃᑐᑕᑕᒄ ᒋᓴᒪᓂᑐᐤ ᒐᒋ ᐸᓱᐛᐱᒪᒄ ᐊᓂᔭ ᐅᒋ ᐊ ᐎᒐᐛᒄ ᐊᑯ ᙭᙮

1 ᑎᒧᑎ 1:15

ᐊᐅᒄ ᒪᒃ ᐅ ᑎᔭᑈᒥᑲᒡ ᐃᔅᒋᔄᐅᓐ, ᙭ ᒋᓴᔅ ᐊᒋ ᐸᒋ ᑎᑯᓯᐧᒃ ᐅᑕ ᐊᔅᒋᒡ ᒐᒋ ᐱᒪᒋᐊᑦ ᐅᒥᒋᑥᐛ᙮ ᒪᐅᒡ ᒪᒃ ᑲ ᒥᒐᑎᓯᑦ ᓂᔾ ᓂᒋ ᐃᑕᔨᑕᑯᓯᓐ᙮

ᐃᑉᕈᐛ 10:4

ᑕᐸ ᐛᔅ ᐊᓐ ᓂᑕ ᒋᑭ ᒋ ᐛᐸᔨᑎᒧᐛᑭᓄᐤ ᐊᐛᓐ ᐅᒥᒋᑥᐅᓇ ᒥᒄ ᐊᓂᔭ ᐊᐛᓯᓴ ᐅᒥᐧᑯᔪᐤ ᐊ ᐊᐱᑎᓂᔨᒡ᙮

ᐃᑉᕈᐛ 11:14

ᐅᔭ ᒪᒃ ᐊ ᐃᔅᒋᔄᒡ ᐊᐛᓐᒋ, ᓂᔅᑐᑕᑯᓱᐅᒡ ᐊ ᓇᓂᑐᐛᔨᑕᒡ ᐊᔅᒋᔪᐤ ᐊᓐᑕ ᒋᒋᐛ ᒐᒋ ᑕᒡ᙮

ᐃᑉᕈᐛ 11:17

ᒥᓐ ᒪ ᒪᒥᑐᓇᔨᒪᐧᒄ ᐊᑉᕋᐊᒻ᙮ ᐊᓂᔭ ᐊᒋ ᐃᔅᐱᔅ ᑕᑈᑕᐧᒃ ᓇᔅᒡ ᒋ ᐎ ᐃᑐᑎᒻ ᒐᒋ ᒥᑐᔅᑕᐊᒪᑦ ᐅᑯᓴ ᐊᐃᓯᑲ᙮ ᐊᐅᒄ ᐅᔭ ᑲ ᐎ ᐃᑎᑦ ᐊᑉᕋᐊᒻ ᐛᔅ ᐊᐅᑯᓐ ᑲ ᐃᑎᓱᒥᑯᑦ ᒋᓴᒪᓂᑐᐛ ᒐᒋ ᐃᑎᑦ ᐊᒋ ᐎ ᓂᑐ ᒋᔅᒐᔨᒥᑯᑦ ᑕᑈ ᒐ ᓂᓇᐃᑎᒧᒂ᙮ ᓇᔅᒡ ᒪᒃ ᒋ ᐊᔭᔅᑯᐎᔪᐤ ᐊᑉᕋᐊᒻ ᒐᒋ ᐃᑐᑎᒧᐛᑦ ᑕᓐ ᑲ ᐃᑎᓱᒥᑯᑦ ᒋᓴᒪᓂᑐᐛ, ᐊᑎ ᐊᒋ ᐎᑎᒧᐛᑭᓄᐅᑦ ᒐᔅᑎᓇᔅ ᒐ ᓱᐛᔨᒪᑭᓄᐅᑦ᙮

ᐃᑉᕈᐛ 11:7

ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮

ᐃᑉᕈᐛ 9:28

ᑭᔭ ᐎᔾ ᒪᒃ ᙭ ᒥᒄ ᐸᐃᒂ ᒋ ᐱᔅᑎᓂᒻ ᐅᐱᒪᑎᓯᐅᓐ ᐊᓐᑕ ᒐᒋ ᐅᒋ ᑎᑯᓂᔨᒡ ᒥᓯᐛ ᐊᐛᓐ ᒐᒋ ᐛᐸᔨᑎᒧᐛᑭᓄᐅᑦ ᐅᒥᒋᑥᐅᓇ᙮ ᒥᒄ ᒪᒃ ᒥᓐ ᒋᑭ ᑎᑯᓯᓄᐤ, ᓇᒪ ᐎ ᒐᒋ ᓇᐃᐱᔨᑕᑦ ᐊᓐᑕ ᒐᒋ ᐅᒋ ᐛᐸᔨᑎᒪᒐᓄᔨᒋ ᒥᒋᑥᐅᓇ, ᒋᑭ ᑎᑯᓯᓄᐤ ᒥᒄ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᑲ ᐊᓱᐛᐱᒥᑯᑦ ᒐ ᐃᔅᐱᔅ ᑎᑯᓯᐧᒃ᙮

ᐃᑉᕈᐛ 9:5

ᑎᐱᔅᑯᒡ ᐊᓐ ᒥᔅᑎᑯᒥᐅᑦ ᐃᑐᐤ ᒪᒃ ᐊᓐᑕ ᐊ ᐃᔎᒡ ᐊᓐ ᒥᔅᑎᑯᒥᐅᑦ, ᒋ ᑕᐅᒡ ᐊᓐᒋᓐᒡ ᐃᔨᐧᑲᓂᒡ ᐊᒋ ᐃᓯᐊᑭᓄᐎᒡ, ᓇᔅᒡ ᐊᒋ ᒥᔪᓇᑯᐊᑭᓄᐛᒂᓂᒋ᙮ ᐅᑎᑎᑭᓄᐛᐛ ᓇᔅᒡ ᒋ ᐊᑯᐛᑯᒋᓂᔪᐛ ᐊᓐᑕ ᐊ ᐊᑯᓇᐸᑕᑭᓄᐅᒡ ᐊᓐ ᒥᔅᑎᑯᒥᐅᑦ᙮ ᐊᓐ ᒪᒃ ᐊᑯᓇᐸᒋᑭᓐ ᐊᐳᐅᓐ ᐊᓐᑕ ᐛᒋ ᐛᐸᔨᑎᒧᐛᑦ ᒋᓴᒪᓂᑐᐤ ᐊᐛᔪᐛ ᐅᒥᒋᑥᐅᓂᔪᐤ ᒋ ᐃᓯᓂᐧᑲᑕᑭᓄᐤ᙮ ᐊᑐᐎᔅ ᒋᐸ ᒋ ᐊᔨᒧᑎᒪᑎᓇᐛᐤ ᐅᔭ ᒐᒂᔪᐛ ᒥᒄ ᒪᒃ ᓇᒪ ᒋᑭ ᐅᒋ ᐎᒋᐃᐛᐱᔪᐤ ᐊᑎ ᐊᔨᒧᑎᒪᓇ ᐊᓄᒡ᙮

1 ᒠᓐ 1:10

ᒧᔭᒻ ᐃᔅᒋᔄᔭᒂ ᐊᑲ ᒥᒋᑐᑎᒪᐧᒄ ᒧᔭᒻ ᐊ ᑭᑭᒋᔭᑦ ᒋᑦ ᐃᓯᓇᑯᐊᓄᐤ ᒋᓴᒪᓂᑐᐤ ᑭᔭ ᓇᒪ ᒋ ᐱᒋᔅᑲᑯᐛᓇᓄᐤ ᐅᑦ ᐃᔨᒧᐅᓐ᙮

1 ᒠᓐ 2:2

᙭ ᔅᒋ ᓂᐱᔅᑎᒪᑭᓄᐤ ᒐᒋ ᐅᒋ ᐛᐸᔨᑎᒪᑯᔭᐧᒄ ᒋᒥᒋᑥᐅᓄᐛ᙮ ᓇᒪ ᒪᒃ ᒥᒄ ᒋᔭᓄᐤ ᒋᒥᒋᑥᐅᓄᐛ ᒋᑭ ᒋ ᐛᐸᔨᑎᒪᑯᓇᓄᐤ ᑭᔭ ᒥᓯᐛ ᐊᐛᓐ ᐅᑕ ᐊᔅᒋᒡ ᐊ ᑕᑦ ᒋᑭ ᒋ ᐛᐸᔨᑎᒧᐛᑭᓄᐤ ᐅᒥᒋᑥᐅᓇ᙮

1 ᒠᓐ 4:10

ᒪᐅ ᒪᒃ ᐅ ᓴᒋᐃᐛᐅᓐ, ᓇᒪ ᐎ ᒋᔭᓄᐤ ᐊᒋ ᓴᒋᐊᐧᒄ ᒋᓴᒪᓂᑐᐤ, ᒪᒃ ᐎᔾ ᐊᒋ ᓴᒋᐃᑕᐧᒄ ᐊᒋ ᐸᒋ ᐃᑎᓴᐛᑦ ᐅᑯᓴ ᐊᓐᑕ ᒐᒋ ᑎᐸᒪᒐᔅᑎᒪᑕᐧᒄ ᒋᒥᒋᑐᑎᒧᐅᓄᐛ᙮

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮

ᒋᔅᒐᔨᑕᑯᑕᒐᐅᓐ 20:15

ᐊᓐ ᒪᒃ ᐊᐛᓐ ᐊᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓐ ᐊᓐᑕ ᒥᓯᓇᐃᑭᓂᒡ ᐊᓐᑕ ᒪᓯᓇᓱᔨᒋ ᐊᓂᔭᔪᐛ ᐊᐛᔪᐛ ᒐ ᐊᔭᔨᒋ ᑲᒋᒡ ᐱᒪᑎᓯᐅᓂᔪᐤ, ᒥᒋ ᐃᔅᑯᑕᐤ ᓴᑲᐃᑭᓂᒡ ᒋ ᐃᓯ ᐛᐱᓇᑭᓄᐤ᙮

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮