ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒥᓯᐛ ᐊᓐᒡ ᑲ ᒥᒐᑎᓯᒡ ᒥᔅᑎ ᒋᑭ ᐅᑎᑕᐅᑯᐅᒡ ᓂᓇᐧᑲᑕᔨᒧᐅᓂᔪᐤ ᑭᔭ ᒋᑭ ᒪᑎᑯᔅᑲᑯᐅᒡ ᐊᔨᒪᔨᑎᒧᐅᓂᔪᐤ᙮ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᓂᔅᑎᒻ ᒋᑭ ᑎᐸᔅᑯᓇᑭᓄᐎᒡ ᐊᑯ ᒥᓐ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:9 Iomraidhean Croise

ᑎᐱᑦ ᐅᓂᑭᒧᐅᓇ 32:10

ᒥᒐᑦ ᑯᐸᑕᔨᑎᒧᐅᓇ ᒋᑭ ᐅᑎᑎᑯᐅᒡ ᐅᒥᒋᑥᐅᒡ: ᒪᒃ ᐊᓐ ᑲ ᒪᒥᓯᑐᑐᐛᑦ ᑎᐸᔨᒋᒐᓱᐛ ᒋᑭ ᐛᔅᑲᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮

ᒪᑎᔪᐤ 16:26

ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ? ᓇᒪ ᒋᑭ ᐅᒋ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ?

ᓗᒃ 24:47

ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 13:26

“ᓂᐧᑲᓂᓯᑐᒄ, ᒋᔨᐛᐤ ᒪᒃ ᑲ ᐃᑎᔅᑲᓇᓯᔭᒄ ᐊᑉᕋᐊᒻ ᐊ ᑕᑦ ᑭᔭ ᒋᔨᐛᐤ ᐊᑲ ᒍᐤ ᑲ ᐃᑎᔅᑲᓇᓯᔭᒄ ᑲ ᐊᔭᒥᐊᔅᑐᐛᒄ ᒋᓴᒪᓂᑐᐤ, ᔅᒋ ᐎᑎᒪᑯᓇᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ᙮

ᐊᑈᔅᑕᓇᒡ 20:21

ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”

ᐊᑈᔅᑕᓇᒡ 26:20

ᐊᓐᑕ ᒪᒃ ᑕᒪᔅᑲᓯᒡ ᓂᔅᑎᒻ, ᑭᔭ ᐊᓐᑕ ᒋᕈᓯᓕᒥᒡ, ᐊᑯ ᒥᓐ ᒥᓯᐛ ᐊᓐᑕ ᐅᑕᓇᐛ ᒍᑎᔭ ᐊᔅᒋᒡ ᑲ ᑎᒂᒋ ᑭᔭ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ ᓂᒋ ᐱᐸᑭᒐᔅᒋᒧᓐ ᐊ ᐃᑎᒂᐤ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᑕᑈᔭᔨᒪᒡ ᒋᓴᒪᓂᑐᐛ, ᑭᔭ ᒐᒋ ᐃᑐᑕᒡ ᒐᒂᔪᐤ ᐊᓐᑕ ᒐᒋ ᐅᒋ ᓄᑯᓂᔨᒡ ᑕᑈ ᐊ ᒂᔅᑲᑎᓯᒡ᙮

ᐊᑈᔅᑕᓇᒡ 28:17

ᓂᔅᑐ ᒋᓯᑲᐛ ᒪᒃ ᐃᔅᐱᔅ, ᐊᑯ ᒂ ᐎᓴᒪᑦ ᑈᓪ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ᙮ ᐃᔅᐱ ᒪᒃ ᒥᔭᒧᐎᔨᒋ ᒋ ᐃᔅᒋᔄᐤ, “ᓂᐧᑲᓂᓯᑐᒄ, ᓂᒋ ᒪᑯᓂᑯᐅᓐ ᐊᓐᑕ ᒋᕈᓯᓕᒥᒡ ᐊᑯ ᐊᓐᑕ ᕈᒻ ᐃᔪᒡ ᐊ ᑕᒡ ᒂ ᐃᓯ ᐱᔅᑎᓂᑯᐅᔭᓐ ᒐᒋ ᐃᓯ ᒪᒪᒋᑯᓂᑯᐅᔭᓐ᙮ ᐊᐅᒄ ᐅ ᑲ ᐃᑐᑕᑯᐅᔭᓐ ᐊᑎ ᐊᑲ ᐅᒋ ᒥᒋᑐᑐᐅᒂᐤ ᒋᑦ ᐃᔨᒥᓄᒡ ᑭᔭ ᐊᑲ ᐅᒋ ᐅᓂᑐᑎᒪᓐ ᐊᓂᔭᔪᐛ ᐃᑐᐅᓇ ᐊᓂᔅᒐ ᒋᐛᐧᑯᒪᑭᓄᐎᒡ ᑲ ᒥᔨᑕᐧᑯᒡ᙮

ᐊᑈᔅᑕᓇᒡ 28:28

ᐊᑯ ᑈᓪ ᒂ ᐃᔅᒋᔄᑦ, “ᒐ ᐎ ᒋᔅᒐᔨᑎᒪᒄ ᒪᒃ ᒋᓴᒪᓂᑐᐤ ᐊ ᐃᑎᓴᐅᑯᔭᒡ ᒐᒋ ᐛᐎᑎᒪᒡ ᒐᒋ ᐱᒪᒋᐊᑭᓄᐎᒡ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊᐛᓐᒋ᙮ ᒋᑭ ᓂᑐᑎᒧᒡ ᒪᒃ ᐅᒡ ᐎ᙮”

ᐊᑈᔅᑕᓇᒡ 3:26

ᒋ ᐅᑎᓇᐤ ᒪᒃ ᒋᓴᒪᓂᑐᐤ ᐅᔭ ᐅᑦ ᐊᐱᒋᐊᑭᓇ ᒋᔨᐛᐤ ᒪᐅᒡ ᓂᔅᑎᒻ ᒐᒋ ᐃᑎᓴᐊᒪᑕᒄ᙮ ᒋᑭ ᓱᐛᔨᒥᑯᐛᐤ ᐊ ᐃᑐᑕᑯᐅᔭᒄ ᒥᓯᐛ ᐊ ᑎᓯᔭᒄ ᒐᒋ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:16

ᐛᔅ ᑕᐸ ᓂ ᐱᒪᒥᓯᑐᑕᓐ ᒥᔽᒋᒧᐅᓐ᙮ ᐊᐅᒄ ᐅᔭ ᒥᔽᒋᒧᐅᓂᔪᐤ ᓱᒃ ᐃᔭᐱᒋᑕᑦ ᒋᓴᒪᓂᑐᐤ ᒐᒋ ᐊᔭᔨᒋ ᐱᒪᒋᐃᑯᓯᐅᓂᔪᐤ ᒥᓯᐛ ᐊᐛᔪᐛ ᑲ ᑕᑈᑎᒥᔨᒋ᙮ ᓂᔅᑎᒻ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒋ ᐛᐎᑎᒧᐛᑭᓄᐅᔪᐛ ᒐᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒂ ᐛᐎᑎᒧᐛᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:12

ᒥᓯᐛ ᒪᒃ ᐊᐛᓐ ᐊᔨᒧᒪᑭᓄᐤ ᐅᑕ, ᐛᔅ ᐸᐃᑯᓄᒡ ᐃᓯ ᑭᓄᐛᐱᒪᑭᓄᐎᒡ ᒍᐤ ᑲ ᐃᑎᔅᑲᓇᓯᒡ ᑭᔭ ᐊᑲ ᒍᐤ ᐃᑎᔅᑲᓇᓯᒡ᙮ ᐸᐃᑯᓱᐤ ᐊᓐ ᐅᑎᐸᔨᒋᒐᐤ ᒥᓯᐛ ᐊ ᐃᓯ ᑎᐸᔨᒋᒐᑦ᙮ ᒥᓯᐛ ᒪᒃ ᐊᓂᔭᔪᐛ ᑲ ᓂᑐᑎᒪᑯᑦ ᒐᒋ ᐎᒋᐊᑦ ᒋᑭ ᓱᐛᔨᒪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:10

ᐊᓂᔭᔪᐛ ᒪᒃ ᒧᔅ ᑲ ᒥᔪᑐᑎᒥᔨᒋ ᐊᐅᑯᓐ ᐊᓂᔭᔪᐛ ᒐ ᒥᔪ ᑭᓄᐛᐱᒪᑦ ᒋᓴᒪᓂᑐᐤ᙮ ᒋᑭ ᒋᔅᑕᒋᒪᐤ ᑭᔭ ᒋᑭ ᒥᔭᐤ ᒋᔭᒪᔨᑎᒧᐅᓂᔪᐤ᙮ ᐊᓂᔭᔪᐛ ᓂᔅᑎᒻ ᒍᐤ ᑲ ᐃᑎᔅᑲᓇᓯᔨᒋ ᒋᑭ ᐃᑐᑐᐛᐤ ᐅᔭ ᐊᑯ ᒥᓐ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:35

ᐊᐛᓐ ᒪᒃ ᒐᒋ ᐃᒐᓂᑕᐧᒄ ᙭ᑕ ᐅᓴᒋᐃᐛᐅᓂᔨᒡ ᐅᒋ᙮ ᐊᑎ ᓇᔅᒡ ᓂᓇᐧᑲᑕᔨᒧᔭᒂ ᒪᒃ ᓇᔅᒡ ᐊᔨᒥᐅᔭᒂ, ᑭᔭ ᐊᑎ ᐛᐎᓯᒐᔨᑎᒥᐃᑯᐅᔭᒂ, ᐊᑎ ᐃᓯᓇᒂᒐ ᒐᒋ ᑯᐅᐧᑭᑕᔭᐧᒄ, ᑭᔭ ᐊᑎ ᓇᔅᒡ ᒋᔅᑎᒪᑎᓯᔭᒂ, ᐊᑎ ᓇᔅᒡ ᑯᔅᑕᑎᒂᒐ ᑕᓐᑕ ᐊ ᑕᐛᐧᒄ ᑭᔭ ᒪᒃ ᐊᑎ ᓂᐸᐃᑯᐅᔭᒂ ᓇᒪ ᐃᔭᐱᒡ ᒋᑭ ᒋ ᐃᒐᑕᐃᑯᓇᓄᐤ ᒋᓴᔅ ᐅᓴᒋᐃᐛᐅᓂᒡ ᐅᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:24

ᒋᔭᓄᐤ ᔅᒋ ᑕᑈᑎᑯᓄᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮ ᓇᒪ ᒪᒃ ᒥᒄ ᓂᔭᓐ ᒍᐤ ᑲ ᐃᑎᔅᑲᓇᓯᔭᒡ ᓂ ᐅᒋ ᑕᑈᑎᑯᓇᓐ ᑭᔭ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᔅᒋ ᑕᑈᑎᑯᐛᐤ᙮

ᑲᓚᓯᔭᓇ 3:28

ᒥᓯᐛ ᐸᐃᑯᓄᒡ ᒋ ᐊᑎ ᐃᓯ ᑭᓄᐛᐱᒥᑯᐛᐤ ᒋᓴᒪᓂᑐᐤ, ᓇᒪ ᒐᒂᓐ ᐊᓐ ᒍᐤ ᑭᔭ ᒪᒃ ᐊᑲ ᒍᐤ ᐊ ᐃᑎᔅᑲᓇᓱᐛᒂ, ᑭᔭ ᐊ ᐊᐱᒋᐊᑭᓂᐛᒂ ᑭᔭ ᒪᒃ ᐊᑲ ᐊ ᐊᐱᒋᐊᑭᓂᐛᒂ, ᐊ ᓇᐸᐅᐛᒂ ᑭᔭ ᒪᒃ ᐊ ᐃᔎᐅᐛᒂ᙮

ᑯᓚᓯᔭᓇ 3:11

ᐊᑯ ᒪᒃ ᓇᒪ ᐊᐱᑕᔨᑕᑯᓐ ᑕᓐ ᐊ ᐃᑎᔅᑲᓇᓯᑦ ᐊᐛᓐ, ᒍᐤ ᐃᑎᔅᑲᓇᓯᒂ ᑭᔭ ᒪᒃ ᐊᑲ ᒍᐤ ᐃᑎᔅᑲᓇᓯᒂ᙮ ᑭᔭ ᓇᒪ ᐊᐱᑕᔨᑕᑯᓂᔪᐤ ᑕᓐᑕ ᐛᒋᑦ ᐊᐛᓐ, ᑕᓐ ᑲ ᐃᓯ ᒋᔅᑯᑎᒧᐛᑭᓄᐅᑦ ᑭᔭ ᑕᓐ ᐊ ᐃᓯ ᑭᓄᐛᐱᒥᑯᑦ ᐊᐛᔪᐛ᙮ ᓇᒪ ᐊᐱᑎᓇ ᐅᔭ᙮ ᙭ᑕ ᐊ ᐊᔭᐛᑦ ᐊᐛᓐ ᐅᐱᒪᑎᓯᐅᓂᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮ ᒥᓯᐛ ᐊᐛᔪᐛ ᐊ ᐃᓯᓇᑯᓯᔨᒋ ᐱᒋᔅᑯᐛᐤ᙮

2 ᑕᓴᓗᓂᔭᓇ 1:6

ᒋᓴᒪᓂᑐᐤ ᑯᐃᔅᒄ ᐃᑐᐤ᙮ ᒋᑭ ᐃᑐᑐᐛᐤ ᒐᒋ ᓂᓇᐧᑲᑕᔨᒧᔨᒋ ᐊᓂᔭ ᐊᐛᔪᐛ ᑲ ᓂᓇᐧᑲᑕᔨᒧᐃᑕᑯ᙮

1 ᐱᑕᕐ 4:17

ᐛᔅ ᓴᔅ ᐅᑎᒋᐱᔪᐤ ᒐ ᑎᐸᔅᑯᓇᑦ ᒋᓴᒪᓂᑐᐤ ᐅᑦ ᐃᔨᒪ᙮ ᒧᔭᒻ ᒪᒃ ᒋᔭᓄᐤ ᑲ ᑕᑈᑎᒪᐧᒄ ᓂᔅᑎᒻ ᒐ ᑎᐸᔅᑯᓂᑯᐛᐅᒂ, ᐃᓯᒪ ᒋᑭ ᐃᔅᐱᔪᒡ ᐊᓐᒡ ᐊᑲ ᐎ ᓂᓇᐃᑎᒺᒡ ᒋᓴᒪᓂᑐᐛ ᐅᒥᔽᒋᒧᐅᓂᔪᐤ᙮