ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᑯ ᒪᒃ ᒋᔨᐛᐤ ᒍᐤ ᑲ ᐃᑎᔅᑲᓇᓯᔭᒄ ᒐ ᓂᓱᐅᓇᒋᒥᑕᑯᒡ ᐅᒡ ᐊᑲ ᒍᐤ ᐃᑎᔅᑲᓇᓯᒡ ᐛᔅ ᑕᐸ ᒋ ᓂᓇᐃᑎᒺᓇᐛᐤ ᒋᔨᐛᐤ ᒋᓴᒪᓂᑐᐤ ᐅᐎᓱᐛᐅᓐ ᐊᑎ ᒋᔨᐛᐤ ᐊ ᐊᔭᐛᒄ ᐊᒋ ᒥᓯᓇᐃᑭᓄᐎᒡ ᑭᔭ ᐊᑎ ᐊᒋ ᒋᔅᒋᓄᐛᒋᔄᑯᔭᒄ᙮ ᐎᔨᐛᐤ ᒪᒃ ᐅᒡ ᐊᑲ ᒍᐤ ᐃᑎᔅᑲᓇᓯᒡ ᓂᓇᐃᑕᒧᒡ ᐎᓱᐛᐅᓂᔪᐤ ᐊᑎ ᐊᑲ ᐅᒋ ᒋᔅᒋᓄᐛᒋᔄᑭᓄᐎᒡ ᐎᔨᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:27 Iomraidhean Croise

ᒪᑎᔪᐤ 3:15

ᐊᑯ ᒋᓴᔅ ᐊᑕᑦ, “ᐊᓄᒡ ᐅ ᐃᑐᑕ ᑕᓐ ᐊ ᐃᑎᓱᒥᑕᓐ᙮ ᐛᔅ ᐅ ᐃᑐᑎᒪᒂ ᒋᑭ ᐃᑐᑎᒺᓇᓄᐤ ᒥᓯᐛ ᑕᓐ ᐊ ᐃᓯ ᓂᑐᐛᔨᑕᐧᒃ ᒋᓴᒪᓂᑐᐤ᙮” ᑭᑈ ᑲ ᓂᔅᑯᒪᑦ ᒠᓐ᙮

ᐊᑈᔅᑕᓇᒡ 13:22

ᐊᑯ ᑎᐱᑦ ᑲ ᒥᔅᑯᑎᔅᑯᐛᑦ ᓴᓚ, ᑎᐱᑦ ᑲ ᒋᓴᐅᒋᒪᐅᐃᑯᑦ ᒋᓴᒪᓂᑐᐛ᙮ ᒋ ᐃᑕᐤ ᒪᒃ ᒋᓴᒪᓂᑐᐤ, ᑎᐱᑦ, ᒐᓯᔾ ᐅᑯᓴ, ᐊᐅᒄ ᒪᔽᔨᒥᒃ ᓇᐸᐤ ᐊ ᐃᑕᔨᑕᑯᓯᑦ ᐊ ᐃᑐᑕᐧᒃ ᒥᓯᐛ ᑕᓐ ᐊ ᐃᓯ ᓂᑐᐛᔨᒥᒃ ᒐᒋ ᐃᑐᑕᐧᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:10

ᐊᐛᓐ ᐊ ᓴᒋᐊᑦ ᐎᒡ ᐃᔪᐛ ᓇᒪ ᓂᑕ ᒋᑭ ᐅᒋ ᐅᓂᑐᑐᐛᐤ᙮ ᐊ ᓴᒋᐊᑦ ᐊᐛᓐ ᐎᒡ ᐃᔪᐛ ᒥᓯᐛ ᐊᓂᔭᔪᐛ ᐃᑎᓱᐛᐅᓇ ᓂᓇᐃᑎᒻ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:15

ᐊᑯᑕ ᒪᒃ ᐛᒋ ᓄᑯᓂᔨᒡ ᐊ ᑎᑯᓂᔨᒡ ᐎᓱᐛᐅᓂᔪᐤ ᐅᑕᐃᐛᒡ ᐊᓂᔭ ᐊ ᐎᓱᒥᑯᒡ ᑕᓐ ᒋᐸ ᐃᓯ ᐱᒪᑎᓯᐅᒡ ᑭᔭ ᑎᑯᓂᔪᐤ ᐊᓐᑕ ᐛᒋ ᒋᔅᒐᔨᑕᒡ ᑕᓐ ᒋᐸ ᐃᓯ ᐱᒪᑎᓯᐅᒡ᙮ ᒋᔅᒐᔨᑎᒧᒡ ᒪᔪᑐᑎᒥᒂᓂᒋ ᒪᒃ ᒪᒋᑐᑎᒥᒂᓂᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:20

ᒋ ᒐᔅᑎᓇᐅᓐ ᒋᐸ ᑯᐃᔅᑯᓇᐅᒡ ᐊᓐᒡ ᓇᔅᒡ ᐊᑲ ᐃᑕᔨᑕᒡ, ᑭᔭ ᒋ ᒐᔅᑎᓇᐅᓐ ᐊᐛᓯᒡ ᒋᐸ ᒋᔅᒋᓄᐊᒧᐛᐅᒡ᙮ ᐊ ᐊᔭᔨᓐ ᐅ ᐎᓱᐛᐅᓐ ᒋᑦ ᐃᑕᔨᑕᓐ ᒥᓯᐛ ᒐᒂᓐ ᐊ ᒋᔅᒐᔨᑎᒥᓐ ᑭᔭ ᐊ ᒋᔅᒐᔨᑎᒥᓐ ᑕᑈᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:25

ᒍᐤ ᐊ ᐃᑎᔅᑲᓇᓯᔨᓐ ᔅᒋ ᒋᔅᒋᓄᐛᒋᔄᑯᐅᓐ ᒐᒋ ᒋᔅᒐᔨᒥᑯᔨᓐ ᒋᓴᒪᓂᑐᐤ ᐊ ᐅᑦ ᐃᔨᒥᑐᑕᔅᒃ᙮ ᓂᓇᐃᑎᒧᑕ ᒋᓴᒪᓂᑐᐤ ᐅᐎᓱᐛᐅᓐ ᒋᑭ ᐎᒋᐃᑯᓐ ᑕᑈ ᒋᔅᒋᓄᐛᒋᔄᐅᓐ᙮ ᐊᑲ ᒪᒃ ᓂᓇᐃᑎᒧᑕ ᐅᐎᓱᐛᐅᓐ ᓇᒪ ᐊᐱᑎᓐ ᐊᒋ ᒋᔅᒋᓄᐛᒋᔄᑯᔨᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:26

ᐊᓐ ᐊᐛᓐ ᐊᑲ ᒍᐤ ᐃᑎᔅᑲᓇᓯᑦ ᑭᔭ ᐊᑲ ᐅᒋ ᒋᔅᒋᓄᐛᒋᔄᑭᓄᐅᑦ ᓂᓇᐃᑕᒐ ᐎᓱᐛᐅᓂᔪᐤ ᒋᑭ ᒥᔪ ᑭᓄᐛᐱᒥᑯᐤ ᒋᓴᒪᓂᑐᐛ, ᒧᔭᒻ ᑕᑈ ᐊᒋ ᒋᔅᒋᓄᐛᒋᔄᑭᓄᐅᑦ ᐊᐅᑯᓐ ᒐ ᐃᓯ ᑭᓄᐛᐱᒥᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:29

ᐊᓐ ᐊᐛᓐ ᒋᒋᐛ ᒍᐤ ᑲ ᑕᑦ ᓄᑯᓂᔪᐤ ᐊᓐᑕ ᐱᒡ ᐅᐱᒪᑎᓯᐅᓂᒡ ᑕᑈ ᒍᐤ ᐊ ᑕᑦ᙮ ᐛᔅ ᑲ ᐸᔭᒋᓯᑦ ᐊᒐᐧᒄ ᐊᐅᒄ ᐊ ᒋᔅᒋᓄᐛᒋᔄᑯᐅᔭᐧᒄ ᒋᑕᐃᓇᒡ, ᐊᐅᒄ ᒪᒃ ᐅ ᒋᒋᐛ ᒋᔅᒋᓄᐛᒋᔄᐅᓐ, ᓇᒪᔭᐤ ᐎ ᐎᓱᐛᐅᓐ ᐊ ᓂᓇᐃᑎᒪᐧᒄ ᒋᑭ ᒋ ᒋᔅᒋᓄᐛᒋᔄᑯᓇᓄᐤ ᒋᑕᐃᓇᒡ᙮ ᐊᐅᒄ ᒪᒃ ᐅ ᐊᐛᓐ ᒋᒋᐛ ᒍᐤ ᑲ ᑕᑦ ᒋᓴᒪᓂᑐᐛ ᐊᐅᒄ ᒐ ᓂᑐᐛᔨᒪᑦ ᒐᒋ ᒪᒥᔽᒋᒥᑯᑦ ᓇᒪ ᐎ ᓇᐸᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:30

ᐛᔅ ᐸᐃᑯᓱᐤ ᒥᒄ ᒋᓴᒪᓂᑐᐤ, ᑕᐱᔅᑯᓐ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑯᐃᔅᑯᑕᑎᓯᐅᓂᒡ ᒋᑭ ᐃᓯ ᑭᓄᐛᐱᒪᐤ ᑕᑈᔭᔨᒪᑥᐛᓐᒋ ᒋᓴᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:4

ᒋ ᐃᑐᑎᒻ ᐅᔭ ᒐᒋ ᐅᒋ ᓇᔅᒡ ᑎᐸᑐᑎᒪᐧᒄ ᑕᓐ ᐊ ᐃᓯ ᑯᐃᔅᒄ ᐃᑕᔨᑕᑯᓂᔨᒡ ᐊ ᐃᑎᓱᐛᒥᑭᓂᔨᒡ ᐅᐎᓱᐛᐅᓐ᙮ ᑲ ᐸᔭᒋᓯᑦ ᐊᒐᐧᒄ ᐊ ᑎᐸᔨᒥᑕᐧᒄ ᐊᑯ ᐃᔭᒄ ᒐᒋ ᐃᑐᑎᒪᐧᒄ ᐅ ᓇᒪ ᐎ ᒋᒥᒐᑎᓯᐅᓄᐛ ᐊ ᑎᐸᔨᒥᑯᔭᐧᒄ᙮

1 ᑯᕆᓐᑎᔭᓇ 7:19

ᓇᒪ ᒐᒂᔪᐤ ᐃᑕᔨᑎᒻ ᒋᓴᒪᓂᑐᐤ ᑲ ᒋᔅᒋᓄᐛᒋᔄᑭᓄᐎᒂᓂ ᓇᐸᐛ ᒪᒃ ᐊᑲ ᐅᒋ ᒋᔅᒋᓄᐛᒋᔄᑭᓄᐎᒂᓂ᙮ ᐊᓐ ᒐᒂᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓂᓇᐃᑕᑭᓄᔨᒋ ᒋᓴᒪᓂᑐᐤ ᐅᑦ ᐃᑎᓱᐛᐅᓇ᙮

2 ᑯᕆᓐᑎᔭᓇ 3:6

ᐎᔾ ᓂ ᒥᔨᑯᓇᓐ ᑭᔅᒋᐅᓂᔪᐤ ᒐᒋ ᐊᑐᔅᑯᐅᒋᒡ ᐅᔭ ᐊ ᐅᔅᑲᔨᒡ ᓂᔅᑯᒧᐅᓂᔪᐤ ᐊ ᐊᐱᒋᑕᐎᒋᒡ᙮ ᐅ ᒪᒃ ᓂᔅᑯᒧᐅᓐ ᓇᒪᐎᔾ ᐊᓐ ᐎᓱᐛᐅᓐ ᑲ ᒥᓯᓇᐃᑭᓄᐅᒡ ᒐ ᓂᓇᐃᑕᑭᓄᐅᒡ, ᑲ ᐸᔭᒋᓯᑦ ᐊᒐᐧᒄ ᐊᐅᒄ ᒋᐸ ᓂᓇᐃᑐᐛᑭᓄᐤ᙮ ᐛᔅ ᐊᐛᓐ ᐊᑲ ᓂᓇᐃᑕᐧᒃ ᑕᓐ ᐊ ᐃᑎᔅᑕᔨᒡ ᐊᓂᔭ ᐎᓱᐛᐅᓂᔪᐤ ᓂᐳᐅᓂᔪᐤ ᒋᑭ ᐅᑎᑕᐅᑯᐤ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᐱᒪᑎᓯᐅᓂᔪᐤ ᒥᔨᐛᐤ ᐎᔾ᙮

ᑲᓚᓯᔭᓇ 5:14

ᑎᐸᑐᑎᒻ ᐊᐛᓐ ᐎᓱᐛᐅᓇ, ᐅᔭ ᐸᐃᒄ ᐎᓱᐛᐅᓂᔪᐤ ᐊ ᓂᓇᐃᑕᐧᒃ ᐊᐅᒄ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

ᐃᐱᓯᔭᓇ 2:11

ᒋᔅᒋᓯᒄ ᒪ ᐅ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᑕᓐ ᑲ ᐸᒋ ᐃᓯᓇᑯᓯᔭᒄ ᐊᓐᑕ ᐸᒡ, ᒋᔨᐛᐤ “ᐊᑲ ᒋᔅᒋᓄᐛᒋᔄᑭᓄᐎᒡ” ᑲ ᐃᓯᓂᐧᑲᑎᑕᑯᒡ ᐊᓐᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᒡ ᐊᒋ ᒋᔅᒋᓄᐛᒋᔄᑭᓄᐎᒡ, ᐎᔪᐛᒡ ᑲ ᒪᑎᓱᑯᒡ ᑯᑎᑲ ᐊᐛᔪᐛ;

2 ᑎᒧᑎ 3:15

ᐛᔅ ᒋ ᒋᔅᒋᓯᓇᒐ ᒪᒂᒡ ᐊ ᐊᐛᓯᐎᔨᓐ ᓴᔅ ᔅᒋ ᒋᔅᑯᑎᒪᑯᐅᓐ ᑕᓐ ᑲ ᐃᓯ ᒥᓯᓇᐃᑭᓄᐎᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᐊᑯᑕ ᑲ ᐅᒋ ᐊᔭᔨᓐ ᑭᒐᑕᐛᔨᑎᒧᐅᓐ ᒐᒋ ᒋᔅᒐᔨᑎᒥᓐ ᐊ ᑕᑈᔭᔨᒪᑦ ᐊᐛᓐ ᙭ ᒋᓴᓴ ᐊᑯᑕ ᒐᒋ ᐅᒋ ᐱᒪᒋᐅᑦ᙮

ᐃᑉᕈᐛ 11:3

ᐊᓐ ᑕᓐ ᐊ ᐃᓯ ᑕᑈᑎᒪᐧᒄ ᐊᑯᑕ ᐛᒋ ᓂᔅᑐᑎᒪᐧᒄ ᒋᓴᒪᓂᑐᐤ ᐊᒋ ᐅᓯᑕᑦ ᐅᔭ ᐊᔅᒋᔪᐤ, ᒥᒄ ᒋ ᐃᔨᒧᐤ ᒂ ᐅᒋ ᑎᑯᓂᔨᒡ᙮ ᐊᓂᔭᔪᐛ ᒐᒂᔪᐛ ᐊᑲ ᓄᒂᒋ, ᐊᑯᑕ ᑲ ᐅᒋ ᐅᓯᑕᑦ ᒋᓴᒪᓂᑐᐤ ᐊᓂᔭ ᒐᒂᔪᐛ ᐊ ᐛᐸᑎᒪᐧᒄ᙮