ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᑭᔭ ᐊᓐᒡ ᓂᐧᑲᓂᓯᒡ ᐊᓐᑎᕈᓂᑲᔅ ᑭᔭ ᒍᓂᔭᔅ ᓂ ᐛᒋᔭᒪᐅᒡ᙮ ᐊᑯᑕ ᑭᔭ ᐎᔨᐛᐤ ᑲ ᑕᒡ ᒪᒂᒡ ᑲᒪᑯᓄᐛᓯᐅᒋᐛᐱᒡ ᑲ ᑕᐅᒡ᙮ ᓇᔅᒡ ᒥᔪ ᒋᔅᑕᔨᒥᑯᐅᒡ ᑯᑎᑲ ᐊᑈᔅᑕᓇ᙮ ᐎᔨᐛᐤ ᓂᔅᑎᒻ ᒋ ᑕᑈᔭᔨᒪᐅᒡ ᒋᓴᓴ ᐊᔅᒄ ᐊᑲ ᓂᔾ ᐅᒋ ᑕᑈᔭᔨᒥᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:7 Iomraidhean Croise

ᒠᓐ 14:20

ᐃᔅᐱ ᒪᒃ ᐅᑎᒋᐱᔨᒐ ᐊᓐᑕ ᒐ ᐸᒋ ᓂᑐᐛᐱᒥᑎᑯᒡ ᐊᑯᑕ ᒐ ᓂᔅᑐᑎᒪᒄ ᐊ ᐱᒋᔅᑯᐅᒃ ᓄᑕᐎᔾ ᑭᔭ ᐊ ᐱᒋᔅᑯᐅᔭᒄ, ᑭᔭ ᐊ ᐱᒋᔅᑲᑎᑯᒡ᙮”

ᒠᓐ 15:2

ᒥᓯᐛ ᐅᑎᐧᑯᓇ ᓂᔾ ᐊ ᑕᔭᓐ ᑲ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮

ᒠᓐ 6:56

“ᐊᓐ ᒪᒃ ᐊᐛᓐ ᒐ ᒥᒋᒂ ᓂᔭᓯᔪᐤ ᑭᔭ ᒐ ᒥᓂᒂ ᓂᒥᐧᑯᔪᐤ, ᓂ ᐱᒋᔅᑲᒄ ᑭᔭ ᓂᔾ ᒪᒃ ᓂ ᐱᒋᔅᑯᐛᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:10

ᓂ ᐛᒋᔭᒪᐤ ᐊᐸᓕᔅ᙮ ᑕᑈ ᓄᑯᓂᔪᐤ ᐊ ᑕᑈᔭᔨᒪᑦ ᒋᓴᓴ ᐊᓂᔭ ᑕᓐ ᐊ ᐃᓯ ᐱᒪᑎᓯᑦ᙮ ᓂ ᐛᒋᔭᒪᐅᒡ ᐊᓐᒡ ᐊᕆᔅᑕᐳᓚᔅ ᐎᒋᔨᒡ ᐊ ᑕᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:11

ᓂᐧᑲᓂᔅ ᐊᕈᑎᔭᓐ, ᐊᐅᒄ ᒥᓐ ᐎᔭᒋᔭᒥᒃ, ᑭᔭ ᐊᓐᒡ ᓇᕐᓯᓴᔅ ᐎᒋᔨᒡ ᐊ ᑕᒡ ᐊᓐᒡ ᑲ ᑕᑈᔭᔨᒪᒡ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:21

ᑎᒧᑎ ᐊᓐ ᑲ ᐎᒋ ᐊᑐᔅᒐᒥᒃ ᒋ ᐛᒋᔭᒥᑯᐛᐤ᙮ ᑭᔭ ᐊᓐᒡ ᓂᐧᑲᓂᓯᒡ ᓗᓯᔭᔅ, ᒐᐃᓯᓐ, ᑭᔭ ᓱᓯᐸᑕᕐ ᒋ ᐛᒋᔭᒥᑯᐛᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:3

ᓂ ᐛᒋᔭᒪᐅᒡ ᐳᕆᓯᓚ ᑭᔭ ᐊᑯᐎᓚ᙮ ᓂ ᐎᒋ ᐊᑐᔅᒐᒪᐅᒡ ᐅᒡ ᐊ ᐊᑐᔅᑯᐛᒡ ᒋᓴᔅ ᙭ᑕ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:6

ᒪᕆ ᐊᓐ ᓇᔅᒡ ᑲ ᒥᔅᑎ ᐊᑐᔅᒐᑦ ᐊ ᐎᒋᐃᑕᒄ ᓂ ᐛᒋᔭᒪᐤ ᑭᔭ ᐎᔾ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:8

ᓂ ᐛᒋᔭᒪᐤ ᑭᔭ ᐊᒻᐱᓕᐊᑐᔅ, ᓂᐎᒐᐛᑭᓐ ᑲ ᓴᒋᐃᒃ ᑲ ᑕᑈᔭᔨᒪᑦ ᐅᑎᐸᔨᒋᒐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:9

ᐅᕐᐸᓇᔅ ᐊᐅᒄ ᒥᓐ ᐎᔭᒋᔭᒥᒃ᙮ ᓂᒋ ᐎᒋᑐᔅᒐᒪᓇᓐ ᐊ ᐊᑐᔅᑯᒥᒋᒋ ᒋᓴᔅ ᙭ᑕ᙮ ᓂᐎᒐᐛᑭᓐ ᔅᑕᑭᔅ ᓇᔅᒡ ᑲ ᓴᒋᐃᒃ ᑭᔭ ᓂ ᐛᒋᔭᒪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:1

ᓇᒪ ᐊᑯ ᓂᓱᐅᓇᒋᒥᑯᐅᒡ ᒋᓴᒪᓂᑐᐛ ᐊᓐᒡ ᐊᐛᓐᒋ ᒋᓴᔅ ᙭ᑕ ᑲ ᐎᒐᐛᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:11

ᒧᔭᒻ ᐸᒋᔅᑲᑎᔨᑕᑯ ᐅ ᐸᔭᒋᓯᔪᐤ ᐊᒐᒂ ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ, ᒐᔅᑎᓇᔅ ᒋᑭ ᐅᓂᔅᑲᓂᑯᐛᐤ ᑭᔭ ᒋᔨᐛᐤ ᓂᐳᐅᓂᒡ ᐅᒡ ᐊᓂᔭᔪᐛ ᐅ ᑲ ᐸᔭᒋᓯᔪᐤ ᐊᒐᒂ ᐅᒋ᙮ ᐊᑯᑕ ᒪᒃ ᒐᒋ ᐅᒋ ᐱᒪᒋᑕᑭᓄᐅᒋ ᐊᓂᔭᔪᐛ ᒋᔪᐛᐛ ᑲ ᐃᓯᓇᒂᒋ ᒐ ᓂᐱᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:3

ᒧᔭᒻ ᒋ ᓇᐃᐱᔨᑯᐱᓇ ᒐᒋ ᐃᑐᑕᑭᓄᐅᒡ ᓂᐸ ᐱᔅᑕᔨᒥᓱᓐ ᓂᔾ ᐊᐅᒄ ᒐᒋ ᐛᐛᓯᐃᑦ ᒋᓴᒪᓂᑐᐤ ᑭᔭ ᓂᔾ ᐊᐅᒄ ᒐᒋ ᐃᒐᑕᐃᑯᐅᔭᓐ ᙭ ᐅᒋ ᐊ ᑕᑦ᙮

1 ᑯᕆᓐᑎᔭᓇ 1:30

ᐎᔾ ᒋᓴᒪᓂᑐᐤ ᒋ ᓇᐃᐱᔨᑕᐤ ᒐᒋ ᐎᒐᐅᒪᑯ ᒋᓴᔅ ᙭ᑕ᙮ ᒋᓴᔅ ᒪᒃ ᐊ ᑕᑦ ᐅᒋ ᐊᑯᑕ ᐛᒋ ᐊᔭᔭᐧᒄ ᑭᒐᑕᐛᔨᑎᒧᐅᓐ, ᑭᔭ ᑯᐃᔅᑯᑕᑎᓯᐅᓐ, ᑭᔭ ᐸᔭᒋ ᐱᒪᑎᓯᐅᓐ, ᑭᔭ ᐱᒪᒋᐃᑯᓯᐅᓐ᙮

2 ᑯᕆᓐᑎᔭᓇ 11:23

ᐃᑕᔨᑎᒧᒡ ᐊ ᐊ ᐊᑐᔅᑯᐛᒡ ᙭ᑕ ? ᐊᑐᐎᔅ ᓂᔾ ᓂᑦ ᐊᑐᔅᑯᒪᔪᐛ᙮ ᓴᔅ ᐊᑐᐎᔅ ᓂ ᒋᔎ ᐃᔨᒥᓐ᙮ ᓇᒪ ᓂ ᒥᔽᔨᑕᓐ ᒧᔭᒻ ᐎᔨᐛᐤ ᐊ ᐃᓯ ᐊᔨᒧᒥᓱᒡ ᐊ ᐃᓯ ᐊᔨᒧᒥᓱᔭᓐ᙮ ᐊᑐᐎᔅ ᓂᔾ ᓂᒋ ᒥᔅᑎ ᐊᐱᑎᓯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᒋᐸᐅᑯᓐ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐱᓯᔅᑕᐅᑯᓐ ᐃᔅᐱᔅ ᐎᔨᐛᐤ᙮ ᐊᑐᐎᔅ ᓂᔾ ᒥᒐᑥᐤ ᓂᒋ ᐸᓱᐛᐸᑕᓐ ᓂᐳᐅᓐ ᐃᔅᐱᔅ ᐎᔨᐛᐤ᙮

2 ᑯᕆᓐᑎᔭᓇ 12:2

ᓂ ᒋᔅᒐᔨᒪᐤ ᐸᐃᒄ ᓇᐸᐤ ᑲ ᑕᑈᔭᔨᒪᑦ ᒋᓴᓴ ᓇᐅᓴᑉ ᐱᐳᓇ ᐅᑕᒡ ᓇᔅᒡ ᐊᒋ ᐅᐱᔅᑲᐊᑭᓄᐅᑦ ᒋᒋᒋᓯᑯᒡ ᐃᔅ᙮ ᓇᒪ ᓂ ᒋᔅᒐᔨᑕᓐ ᒥᒄ ᐅᑦ ᐊᒐᒂ ᑲ ᐅᐱᔅᑲᔨᒂᓂ ᒪᒃ ᒋᒡ ᒥᔪᐤ ᑲ ᐃᓯ ᐅᐱᔅᑲᒂ, ᒋᓴᒪᓂᑐᐤ ᒥᒄ ᒋᔅᒐᔨᑎᒻ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

2 ᑯᕆᓐᑎᔭᓇ 5:21

ᐊᑎ ᒪᒃ ᙭ ᐊᑲ ᓂᑕ ᐅᒋ ᒥᒋᑐᑕᐧᒃ ᒋᓴᒪᓂᑐᐛ ᒋ ᐃᑐᑕᑯᐤ ᒧᔭᒻ ᐅᒥᒋᑥᐤ ᒐᒋ ᐃᓯᓇᑯᓯᑦ ᒋᔭᓄᐤ ᐅᒡ᙮ ᐊᑯ ᒪᒃ ᙭ ᐎᒐᐛᒂ, ᐅᑯᐃᔅᑯᑕᑎᓯᐅᒡ ᒋᑭ ᐃᓯ ᑭᓄᐛᐱᒥᑯᓄᐤ ᒋᓴᒪᓂᑐᐤ᙮

ᑲᓚᓯᔭᓇ 1:22

ᐊᓐ ᒪᒂᒡ ᐊᔅᒄ ᓇᒪ ᓂᑕ ᓂ ᐅᒋ ᐛᐱᒥᑯᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ᙮

ᑲᓚᓯᔭᓇ 2:2

ᒋᓴᒪᓂᑐᐤ ᓂᒋ ᐛᐸᑎᔨᒄ ᐊ ᓂᑐᐛᔨᒥᑦ ᐊᓐᑕ ᒐᒋ ᐃᑐᑕᐅᒡ᙮ ᑲ ᑎᑯᓯᓂᔭᓐ ᒪᒃ ᐊᓐᑕ ᓂᔾ ᑭᔭ ᐊᓐᒡ ᑲ ᓂᑲᓂᐊᑭᓄᐎᒡ ᑲ ᑕᑈᑕᒡ ᑎᐸᓐ ᓂᒋ ᒪᒧᐎᓇᓐ᙮ ᓂᒋ ᐎᑎᒧᐛᐅᒡ ᑕᓐ ᐊᓐ ᑲ ᐃᔅᒋᔄᐅᒡ ᑲ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᓂᒋ ᐎ ᒋᔅᒐᔨᒪᐅᒡ ᑕᓐ ᐊ ᐃᑕᔨᑎᒥᐃᑯᐛᒂ ᐊᓂᔭ ᑲ ᐃᓯ ᐛᐎᑎᒧᒡ᙮ ᐛᔅ ᒋ ᑎᑯᓂᑯᐱᓇ ᒐᒂᔪᐤ ᐊᑲ ᐅᒋ ᓇᐊᔨᑎᒥᐃᑯᒡ ᒐᔅᑲ ᒋᐸ ᐃᓯᓇᑯᓐ ᑕᓐ ᑲ ᐃᓯ ᐸᒋ ᐛᐎᑎᒪᓐ ᐊᓐᑕ ᐅᑕᒡ᙮ ᓇᒪ ᒪᒃ ᓂ ᐅᒋ ᓂᑐᐛᔨᑕᓐ ᒐᔅᑲ ᒐᒋ ᐃᓯᓇᒂᒡ᙮

ᑲᓚᓯᔭᓇ 2:6

ᐊᓐᒡ ᑲ ᓂᑲᓂᔅᑲᒐᒡ, ᒋᔅᑕᔨᑕᑯᓱᐅᒡ ᒋ ᐃᑕᔨᒪᑭᓄᐎᒡ᙮ ᓇᒪ ᒪᒃ ᒐᒂᓐ ᑕᓐ ᐊ ᐃᑕᔨᒪᑭᓄᐎᒡ ᓂᑦ ᐃᑕᔨᑕᓐ ᓂᔾ ᐎ᙮ ᐛᔅ ᒥᓯᐛ ᐊᐛᔪᐛ ᐸᐃᑯᓄᒡ ᐃᑕᔨᒪᐤ ᐎᔾ ᒋᓴᒪᓂᑐᐤ᙮ ᒋ ᓇᐊᔨᑎᒧᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ, ᓇᒪ ᐅᒋ ᑎᑯᓂᔪᐤ ᐊᑐᐎᔅ ᒐᒋ ᐃᓯ ᐸᒋ ᐎᑎᒧᐅᑥᐤ᙮

ᑲᓚᓯᔭᓇ 5:6

ᓇᒪ ᐅᔭᔅ ᐊᓐ ᒐᔅᒋᓄᐛᒋᓱᑯᐛᒐ ᑭᔭ ᒪᒃ ᐊᑲ ᒐᔅᒋᓄᐛᒋᓱᑯᐛᒐ ᐊ ᐎᒐᐎᒋᑦ ᒋᓴᔅ ᙭᙮ ᐊᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᒐᒋ ᓴᒋᐃᑐᔭᐧᒄ ᐊ ᑕᑈᔭᔨᒪᒄ᙮

ᑲᓚᓯᔭᓇ 6:15

ᒐᔅᒋᓄᐛᒋᐊᑭᓄᐅᒂ ᐊᐛᓐ ᒪᒃ ᐊᑲ ᒐᔅᒋᓄᐛᒋᐊᑭᓄᐅᒂ, ᓇᒪ ᒐᒂᓐ ᐊᓐ᙮ ᒋᓴᒪᓂᑐᐤ ᐊᒋ ᒥᔨᑕᐧᒄ ᐅᔅᒋ ᐱᒪᑎᓯᐅᓂᔪᐤ ᐊᐅᒄ ᒋᒋᐛ ᐊ ᐃᑕᔨᑕᒂᒡ᙮

ᐃᐱᓯᔭᓇ 2:10

ᐛᔅ ᐎᔾ ᒋᓴᒪᓂᑐᐤ ᔅᒋ ᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᐊᓂᔭ ᐅᒋ ᑕᓐ ᑲ ᐃᑐᑎᒥᔨᒋ ᙭ ᒋᓴᓴ᙮ ᙭ᑕ ᒪᒃ ᐊ ᐎᒐᐅᒪᐧᑯ, ᒋᓴᒪᓂᑐᐤ ᔅᒋ ᐃᑕᔨᑕᑯᐃᑯᓄᐤ ᒐᒋ ᒪᒥᔪᑐᑎᒪᐧᑯ ᐊᐛᔪᐛ, ᐛᔅ ᐊᔪᐅᒄ ᐅᔭ ᓴᔅ ᐊᓐᑕ ᐛᔅᑭᒡ ᓂᑲᓐ ᑲ ᐃᓯ ᐎᔭᔨᑕᐧᒃ ᒐ ᐃᑐᐛᐧᒄ᙮

ᑯᓚᓯᔭᓇ 4:10

ᐊᕆᔅᑕᕐᑲᔅ ᑭᔭ ᐎᔾ ᒋᐸᐛᑭᓄᐤ ᐅᑕ ᑲ ᒋᐸᐅᑯᐅᒡ᙮ ᒋ ᐛᒋᔭᒥᑯᐛᐤ ᑭᔭ ᐎᔾ᙮ ᑭᔭ ᒪᕐᒃ ᒋ ᐛᒋᔭᒥᑯᐛᐤ᙮ ᐸᕐᓇᐸᔅ ᐅᔭ ᐎᐧᑲᓂᓴ᙮ ᓴᔅ ᔅᒋ ᐎᑎᒪᑯᓇᐛᐤ ᒐ ᒥᔪᐧᑯᐛᒄ ᒪᕐᒃ ᐅᑎᑎᑕᒂ᙮

ᐸᐃᓕᒪᓐ 1:23

ᒋ ᐎᒐᐛᑭᓄᐤ ᐊᐸᑉᕋᔅ ᑭᔭ ᐎᔾ ᑕᐤ ᐅᑕ ᑲᒪᑯᓄᐛᓯᐅᒋᐛᐱᒡ ᐊᓂᔭ ᐅᒋ ᐊᒋ ᐊᔨᒧᒪᑦ ᒋᓴᓴ᙮ ᒋ ᐛᒋᔭᒥᑯᐛᐤ ᑭᔭ ᐎᔾ᙮

1 ᒠᓐ 4:13

ᐅᒪ ᒋ ᐅᒋ ᒋᔅᒐᔨᑕᓇᓄᐤ ᐊ ᐱᔅᑯᐛᐧᒄ ᐎᔾ ᑭᔭ ᐊᐱᔅᑲᑕᐧᒄ ᐊᒋ ᒥᔨᑕᐧᒄ ᐅᑦ ᐊᒐᒂ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 1:9

ᐊᐅᒄ ᓂᔾ ᒋᐧᑲᓂᓱᐛᐤ ᒠᓐ᙮ ᒥᓯᐛ ᒋ ᐎᐧᑲᓂᓯᓂᑐᓇᓄᐤ ᒋᓴᔅ ᐊ ᑕᑦ ᐃᔅ᙮ ᒐ ᓂᓇᐧᑲᑕᔨᒧᐃᑯᔭᐧᒄ ᐊᓐ ᐅᒋ ᐊ ᓇᓴᐛᐧᒄ ᒋᓴᔅ, ᒥᒄ ᒪᒃ ᒪᒧᐤ ᒋ ᐎ ᓯᐱᔪᐛᓯᓇᓄᐤ ᑕᓐᑕ ᐊᓐᑕ ᓇᒋᔅᑭᒪᐧᒄ ᒪᓐ ᐊ ᐊᔨᒪᒡ ᒐᒂᓐ᙮ ᓂᒋ ᒪᑯᓂᑯᐅᓐ, ᐊᑯ ᐊᓐᑕ ᐊᓐ ᒥᓂᔅᑎᒄ ᐸᑦᒧᔅ ᑲ ᐃᓯᓂᐧᑲᑕᒡ ᑲ ᑎᔨᑯᔭᓐ ᐊᓐ ᐅᒋ ᐊᒋ ᐛᐎᑎᒪᓐ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᒋ ᑎᐸᒋᒥᒃ ᒋᓴᔅ ᑕᓐ ᑲ ᐃᑎᑦ᙮