ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋ ᐎᑎᒪᑎᓇᐛᐤ, ᙭ ᒋ ᑎᑯᓯᓄᐤ ᒐᒋ ᐊᑐᔅᑯᐛᑦ ᒍᐤ ᐃᔪᐛ, ᒋ ᐎ ᐛᐸᑎᔨᐛᐤ ᑕᑈ ᒐ ᐃᑐᑎᒥᔨᒋ ᒋᓴᒪᓂᑐᐛ ᐊᓂᔭᔪᐤ ᑕᓐ ᑲ ᐃᑕᔨᒋ ᒋᑦ ᐊᓂᔅᒐ ᐊᓂᔅᑯᑕᐸᓄᐛ ᒐᔅᑎᓇᔅ ᒐ ᐃᑐᑎᒧᐛᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:8 Iomraidhean Croise

ᒪᑎᔪᐤ 15:24

ᐊᑯ ᒋᓴᔅ ᐊᑕᑦ ᐊᓂᔭ ᐃᔎᐛ, “ᓂᒋ ᐸᒋ ᐃᑎᓴᐅᑯᐅᓐ ᒐᒋ ᐸᒋ ᓂᑐᐛᐱᒥᒂᐤ ᒥᒄ ᐊᓐᒡ ᐃᔅᕋᐃᓪ ᐃᔪᒡ ᒧᔭᒻ ᑲ ᐃᓯᓇᑯᓯᒡ ᐊ ᐅᓂᓯᓂᒡ ᒪᔭᑕᓂᓯᒡ᙮”

ᒪᑎᔪᐤ 20:28

ᒧᔭᒻ ᐃᔪᐤ ᐅᑯᓯᓴᓐ ᓇᒪ ᐅᒋ ᐸᒋ ᑎᑯᓯᓐ ᒐᒋ ᐊᑐᔅᑯᐛᑭᓄᐅᑦ, ᒋ ᑎᑯᓯᓐ ᒐᒋ ᐊᑐᔅᑯᐛᑦ ᐃᔪᐛ᙮ ᑭᔭ ᒋ ᑎᑯᓯᓐ ᒐᒋ ᐱᔅᑎᓇᐧᒃ ᐅᐱᒪᑎᓯᐅᓐ ᒥᔅᑯᒡ ᒥᒐᑦ ᐊᐛᔪᐛ ᒐᒋ ᐊᐱᐧᑯᓇᑭᓄᔨᒋ᙮”

ᒠᓐ 1:11

ᑲ ᑎᑯᓯᐧᒃ ᐅᑕ ᐊᔅᒋᒡ ᐎᔾ ᑎᐱᔨᐛ ᐅᑦ ᐃᔨᒪ ᒋ ᐸᒋ ᓂᑐᐛᐱᒪᐤ, ᒥᒄ ᒪᒃ ᓇᒪ ᐅᒋ ᐊᐱᑕᔨᒥᑯᐤ᙮

ᒠᓐ 10:16

ᑯᑎᑭᒡ ᒪᔭᑕᓂᓯᒡ ᓂ ᑭᓄᐛᔨᒪᐅᒡ ᐊᑲ ᐅᒋᒡ ᐅᑕ ᐅᔭ ᒪᔭᑕᓂᓯᐅᒋᐛᐱᔪᐤ᙮ ᑭᔭ ᐎᔨᐛᐤ ᒪᒃ ᔭᐃᑕᔾ ᓂᑭ ᐸᓱᐛᐅᒡ᙮ ᒋᑭ ᓂᔅᑐᑎᒧᒡ ᑭᔭ ᐎᔨᐛᐤ ᓂᐸᑕᑯᓱᐅᓂᔪᐤ ᑭᔭ ᒐ ᐸᐃᒂᒡ ᒪᔭᑕᓂᓯᐅᒋᐛᑉ ᑭᔭ ᒋᑭ ᐸᐃᑯᓱᐤ ᐊᓐ ᒪᔭᑕᓂᓯᐅ-ᐃᔪᐤ᙮”

ᐊᑈᔅᑕᓇᒡ 13:46

ᒥᒄ ᒪᒃ ᑈᓪ ᑭᔭ ᐸᕐᓇᐸᔅ ᒋ ᓱᒐᔨᒧᐅᒡ ᐊ ᐃᔅᒋᔄᒡ, “ᒋᓴᒪᓂᑐᐤ ᓂᒋ ᓂᑐᐛᔨᒥᑯᓇᓐ ᒋᔨᐛᐤ ᒍᐤ ᐃᔪᒡ ᓂᔅᑎᒻ ᒐᒋ ᐎᑎᒪᑕᒡ ᐅᑦ ᐃᔨᒧᐅᓐ᙮ ᒥᒄ ᒪᒃ ᐊ ᐊᓏᑎᒪᒄ ᐊᑯᑕ ᐛᒋ ᓄᒂᒡ ᐊᑲ ᒋᔅᑕᔨᑕᑯᓯᔭᒄ ᒐᒋ ᐊᔭᔭᒄ ᑲᒋᒡ ᐱᒪᑎᓯᐅᓐ᙮ ᐊᑯ ᒪᒃ ᒐ ᓂᑭᑎᑕᒡ, ᒐ ᐎᑎᒧᐅᒋᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:22

ᒋ ᐛᐸᑎᒺᓇᓄᐤ ᒪᒃ ᑕᓐ ᐊᔅᐱᔅ ᒥᔽᔨᑕᑯᓯᑦ ᒋᓴᒪᓂᑐᐤ ᑭᔭ ᒋ ᐛᐸᑎᒺᓇᓄᐤ ᑕᓐ ᒐᒋ ᐃᔅᐱᔅ ᐊᑲ ᒥᓇᑎᓯᑦ᙮ ᓇᒪ ᒥᓇᒋᐊᐤ ᐊᓂᔭᔪᐛ ᑲ ᐸᒋᓯᓂᔨᒋ ᒥᒄ ᒪᒃ ᒥᔪᑐᑎᒧᐛᐤ ᐊᓂᔭ ᒧᔅ ᑲ ᐎ ᒥᔪᑐᑎᒥᔨᒋ ᐎᔾ ᐃᔅ ᐊ ᑕᑦ᙮ ᐊᑲ ᒪᒃ ᐅ ᐃᑎᔨᓇ ᑭᔭ ᒋᔾ ᒋᑭ ᒥᓂᓱᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:30

ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ ᐊᓐᑕ ᐅᑕᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᐊᓂᔭ ᒪᒃ ᐊᓄᒡ ᐊᑲ ᓂᓇᐃᑐᐛᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᔪᐅᒄ ᐛᒋ ᒋᔅᑎᒪᒐᔨᒥᑕᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:16

ᓂᔾ ᓂᒋ ᐅᑎᓂᒄ ᒋᓴᒪᓂᑐᐤ ᒋᓴᔅ ᙭ᑕ ᒐᒋ ᐊᑐᔅᑯᐅᒥᒋ, ᐊᓐᑕ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊ ᑕᔭᒄ ᒐᒋ ᐃᓯ ᐊᔭᒥᐊᐤ ᐊᑐᔅᒐᔭᓐ, ᒥᔽᒋᒧᐅᓐ ᐊ ᐛᐎᑎᒪᑎᑯᒡ᙮ ᐊᔪᐅᒄ ᐅᔭ ᐛ ᐃᑕᐱᒋᐃᑦ ᒋᓴᒪᓂᑐᐤ ᒐᒋ ᐅᒋ ᓇᐊᔨᑎᒥᐊᒡ ᒋᓴᒪᓂᑐᐛ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐱᔅᑕᔨᒥᑎᓱᒡ ᐎᔾ ᐊ ᑕᔨᒋ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐃᔨᒥᑐᑕᑕᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:26

ᐊᓄᒡ ᒪᒃ ᐎ ᓇᒪ ᐊᑯ ᐊᑲ ᐱᔅᑲᑕᒧᐛᐤ ᐊᐛᔪᐛ ᐅᒥᒋᑐᑎᒧᐅᓂᔪᐛ ᒋᓴᒪᓂᑐᐤ, ᐛᐸᑎᔨᐛᐤ ᑕᓐ ᐊ ᐃᓯ ᑯᐃᔅᒄ ᐃᑎᑦ ᑭᔭ ᑕᑈ ᐅᑯᐃᔅᑯᑕᑎᓯᐤ ᐊ ᐃᓯ ᑭᓄᐛᐱᒪᑦ ᒥᓯᐛ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:3

ᐱᔅᒐ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᓇᒪ ᐅᒋ ᑕᑈᐅᒐᔨᑕᑯᓯᔪᐛ, ᐊᑯ ᐊ ᒪᒃ ᓇᒪ ᑕᑈᐅᒐᔨᑕᑯᓱᐤ ᑭᔭ ᐎᔾ ᒋᓴᒪᓂᑐᐤ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:16

ᐊᐅᑯᓐ ᒪᒃ ᐛᒋ ᐃᓯᓇᒂᒡ ᑕᑈᑎᒧᐅᓂᒡ ᒥᒄ ᒐᒋ ᐅᒋ ᐊᔭᑭᓄᐎᒡ ᐊᓂᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐃᑐᑎᒪᒐᑦ᙮ ᐊᑯ ᒪᒃ ᒋᓴᒪᓂᑐᐤ ᐅᓱᐛᔨᒋᒐᐅᓂᒡ ᐊᑯᑕ ᐛᒋ ᒐᔅᑎᓇᑕᔨᑕᑯᓂᔨᒡ ᒥᓯᐛ ᐊᓐᒡ ᑲ ᐃᓯ ᐊᓂᔅᒐ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᑲ ᐃᓯ ᑕᑈᔭᔨᒪᔨᒋ ᐊᑉᕋᐊᒪ ᑭᔭ ᐎᔨᐛᐤ ᒐᒋ ᐊᔭᒡ ᐊᓂᔭᔪᐛ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᒐᔨᒋ᙮ ᓇᒪ ᒪᒃ ᒥᒄ ᐊᓐᒡ ᑲ ᒥᔭᑭᓄᐎᒡ ᒧᓱᓴ ᐅᐎᓱᐛᐅᓂᔪᐤ ᒋᑭ ᒋ ᐊᔭᐅᒡ ᐅᔭ᙮ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑉᕋᐊᒪ ᑲ ᐃᓯ ᑕᑈᔭᔨᒪᔨᒋ ᐊᐅᑯᓐᒡ ᑭᔭ ᐎᔨᐛᐤ ᒐ ᐊᔭᒡ ᐅᔭ᙮ ᐛᔅ ᒥᓯᐛ ᐊ ᑎᓯᔭᐧᒄ ᐊᑉᕋᐊᒻ ᒍᑕᐎᑐᐛᓄᐤ᙮

1 ᑯᕆᓐᑎᔭᓇ 1:12

ᔅᒋ ᐃᑕᒋᒥᑯᐛᐅᒡ ᐱᔅᒐ ᐊᓐᑕ ᐊ ᑎᓯᔭᒄ ᐊ ᑕᒡ ᐊ ᐃᔅᒋᔄᔭᒄ, “ᓂᔾ ᑈᓪ ᐊ ᓇᓴᐎᔭᒄ,” ᐊᑯ ᑯᑎᑭᒡ ᐊᓐᑕ ᒪᒂᒡ ᐊ ᑕᐛᒄ ᐊ ᑕᒡ ᐊ ᐃᔅᒋᔄᒡ, ᐊᐳᓚᓴ ᐊ ᓇᓴᐛᒡ, ᐊᑯ ᑯᑎᑭᒡ ᐊ ᐃᔅᒋᔄᒡ, ᐱᑕᕋ ᐊ ᓇᓴᐛᒡ, ᐊᑯ ᒥᓐ ᑯᑎᑭᒡ ᐊ ᐃᔅᒋᔄᒡ, ᙭ᑕ ᐊ ᓇᓴᐛᒡ᙮

1 ᑯᕆᓐᑎᔭᓇ 10:19

ᒪᐅ ᐊ ᐃᓯ ᐎᑎᒪᑎᑯᒡ ᐅ ᑲ ᐃᔅᒋᔄᔭᓐ᙮ ᐊᓐ ᒥᒋᒻ ᑲ ᒥᑐᔅᑕᐊᒧᐛᑭᓄᐎᒡ ᒥᓂᑐᐧᑲᓐᒡ, ᓇᒪ ᓇᔅᒡ ᒐᒂᓂᒡ ᐃᑕᐱᑎᓐ᙮ ᐊᐅᑯᓐ ᒪᒃ ᒧᔭᒻ ᒥᓂᑐᐧᑲᓐᒡ, ᓇᒪ ᒐᒂᓂᒡ ᐃᑕᐱᑎᓯᐅᒡ᙮

1 ᑯᕆᓐᑎᔭᓇ 10:29

ᓇᒪᐎᔾ ᐊᓐ ᒋᔾ ᐊ ᐃᑕᔨᑎᒥᓐ ᒋᐸ ᐅᒋ ᐊᑲ ᒥᒋᓇᓄᐤ ᐊᓐ ᒥᒋᒻ ᒋᐸ ᐅᒋ ᐊᑲ ᒥᒋᓐ᙮ ᐊ ᓂᓇᑭᑐᐛᔨᑎᒧᑦ ᑕᓐ ᐊ ᐃᑕᔨᑕᐧᒃ ᐎᔾ ᐊᐅᑯᓐ ᐊᓐ ᒐ ᐅᒋ ᐊᑲ ᒥᒋᔨᓐ ᐊᓐ ᒥᒋᒻ᙮ ᒥᒄ ᒪᒃ ᒂᔄᓐ ᒋᑭ ᒋ ᐃᓯ ᑯᒂᒋᒐᒧᐤ ᐊᐛᓐ, “ᒐᒂᓐ ᒪᒃ ᒐ ᐅᒋ ᓇᑲᐎᔭᓐ ᐊ ᐃᑐᑎᒪᓐ ᒐᒂᓐ ᐊ ᐃᑕᔨᑎᒪᓐ ᐊᑲ ᒐᒂᓐ ᐊᐃᒡ, ᒥᒄ ᐊᓂᔭ ᐊ ᐃᑕᔨᑕᐧᒃ ᑯᑎᒃ ᐊᐛᓐ ᐊ ᒥᒋᑐᑕᑭᓄᔨᒡ ᐊᓂᔭ ᐊ ᐃᑎᓇᓄᐎᒡ᙮

1 ᑯᕆᓐᑎᔭᓇ 15:50

ᒪᐅ ᐛ ᐃᓯ ᐎᑎᒪᑎᑯᒡ ᓂᐧᑲᓂᓯᑐᒄ᙮ ᐅᔭ ᒋᔭᓄᐛ ᑲ ᐎᔭᓱᐅᒋ ᑭᔭ ᑲ ᒥᐧᑯᐅᒋ ᓇᒪ ᒋᑭ ᒋ ᑎᑯᓇ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ, ᑭᔭ ᐊᓐ ᒐᒂᓐ ᒐ ᓂᐱᒥᑲᒡ ᑲ ᐅᓯᑕᑭᓄᐅᒡ ᓇᒪ ᑲᒋᒡ ᒋᑭ ᒋ ᐱᒪᑎᓯᒥᑭᓐ᙮

2 ᑯᕆᓐᑎᔭᓇ 1:20

ᒋᓴᒪᓂᑐᐤ ᐊᐱᒋᐊᐤ ᒋᓴᓴ ᒐᔅᑎᓇᔅ ᒐᒋ ᐃᑐᑕᐧᒃ ᑕᓐ ᑲ ᐃᔅᒋᔄᑦ ᒐ ᐃᑐᑕᐧᒃ ᑭᔭ ᒐ ᐊᑎ ᒋᔅᑕᔨᑕᑯᐊᑭᓄᐅᑦ᙮

ᐃᐱᓯᔭᓇ 2:12

ᐊᓐᑕ ᐊᓐ ᒪᒂᒡ ᓇᒪ ᒋ ᐅᒋ ᐎᒐᐛᐛᐤ ᙭᙮ ᔅᒋ ᒪᓐᑕᐅᓇᐛᐤ ᐊᑲ ᐅᒋ ᐊᔅᑎᓯᓇᓱᔭᒄ ᐊᓐᑕ ᒋᓴᒪᓂᑐᐤ ᐅᑦ ᐃᔨᒪ ᐊ ᑕᔨᒋ᙮ ᓇᒪ ᒋ ᐅᒋ ᐊᔅᑎᓯᓇᓱᓇᐛᐤ ᓂᔅᑯᒧᐅᓂᒡ, ᐊᓂᔭᔪᐛ ᑲ ᐅᓯᑕᑭᓄᐅᒋ ᐊᓐᑕ ᐅᒋ ᐊᓂᔭ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒧᐛᑦ ᐅᑦ ᐃᔨᒪ᙮ ᑭᔭ ᔅᒋ ᐱᒪᑎᓯᓇᐛᐤ ᐅᑕ ᐊᔅᒋᒡ ᐊᑲ ᐅᒋ ᐊᔭᔭᒄ ᐊᔅᐸᔨᒧᐅᓐ ᑭᔭ ᓇᒪ ᒋ ᐅᒋ ᒋᔅᒐᔨᒪᐛᐤ ᒋᓴᒪᓂᑐᐤ᙮