ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:26 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁶ ᐊᓐᒡ ᑲ ᑕᑈᑕᒡ ᒪᓯᑐᓂᔭᒡ ᑭᔭ ᐊᑲᔭᒡ ᑲ ᐃᓯᓂᐧᑲᑕᔨᒋ ᐊᔅᒋᔭ ᑲ ᑕᒡ ᒋ ᐃᑕᔨᑎᒧᒡ ᒐᒋ ᒪᒧᐅᓇᒡ ᓱᓇᔭᔪᐤ ᐊ ᐎ ᐎᒋᐊᒡ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᐊ ᑕᔨᒋ ᑲ ᒋᔅᑎᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:26 Iomraidhean Croise

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 26:11

ᒧᓯᓇᐤ ᒋᑭ ᑕᐅᒡ ᑲ ᒋᔅᑎᒪᑎᓯᒡ ᐅᑕ ᐊ ᑕᔭᒄ, ᓂᔾ ᒪᒃ ᓇᒪ ᒧᔅ ᓂᑭ ᐅᒋ ᑕᓐ ᐅᑕ ᐊ ᑕᔭᒄ᙮

ᓗᒃ 14:13

ᐃᔭᐱᒡ, ᐊᓐᒡ ᐊᐛᓐᒋ ᑲ ᒋᔅᑎᒪᑎᓯᒡ ᐎᓴᒥᒡ, ᑭᔭ ᐊᓐᒡ ᑲ ᒪᔅᒋᓂᑕᐅᒋᒡ ᑭᔭ ᐊᓐᒡ ᐊᑲ ᓂᑕᐅᑕᒡ, ᑭᔭ ᐊᓐᒡ ᐊᑲ ᐛᐸᑕᒡ᙮

ᓗᒃ 6:20

ᒋᓴᔅ ᒋ ᑭᓄᐛᐱᒪᐤ ᐊᓂᔭ ᑲ ᓇᓴᐅᑯᑦ, ᐊᑯ ᐊᑕᑦ, “ᒋ ᓱᐛᔨᑕᑯᓯᓇᐛᐤ ᒋᔨᐛᐤ ᑲ ᒋᔅᑎᒪᑎᓯᔭᒄ ᐊᓄᒡ, ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᒋ ᒥᓯᓇᓱᓇᐛᐤ᙮

ᐊᑈᔅᑕᓇᒡ 16:12

ᐊᑯᑕ ᐊᓐᑕ ᑲ ᐅᒋ ᐱᒧᑕᔭᒡ ᐊᓐᑕ ᐊ ᐃᑐᑕᔭᒡ ᐱᓕᐸᐃᒡ ᐊᓐ ᑲ ᒥᓴᒡ ᐅᑕᓇᐤ ᐊᓐᑕ ᒪᓯᑐᓂᔭ ᐊᔅᒋᒡ ᑲ ᑎᒂᒡ, ᕈᒻ ᐃᔪᒡ ᒋ ᑎᐸᔨᑎᒧᒡ ᐊᓂᔭ ᐅᑕᓇᔪᐤ᙮ ᐛᐃᐱᔅᒋᔅ ᐊᓐᑕ ᓂᒋ ᑕᓇᓐ᙮

ᐊᑈᔅᑕᓇᒡ 16:9

ᐊᓂᔭ ᒪᒃ ᑕᐱᔅᑲᔨᒡ ᑈᓪ ᒋ ᐛᐸᑎᔭᑭᓄᐤ ᐛᐸᑎᔨᐛᐅᓂᔪᐤ᙮ ᒧᔭᒻ ᐊ ᐛᐱᒪᑦ ᓇᐸᐛ ᒋ ᐃᓯᓂᒻ ᐊᓐᑕ ᒪᓯᑐᓂᔭ ᐊᔅᒋᒡ ᐅᒡ ᐊ ᓂᐳᔨᒋ ᐊ ᐃᑎᑯᑦ, “ᐸᒋ ᐃᑐᑕᒄ ᐅᑕ ᒪᓯᑐᓂᔭᒡ, ᒐ ᐸᒋ ᐎᒋᐃᔭᒡ᙮”

ᐊᑈᔅᑕᓇᒡ 18:12

ᐃᔅᐱ ᒪᒃ ᑲᓕᐅ ᕈᒻ ᑲ ᐅᒋᒪᐧᑲᓄᑦ ᐊᓐᑕ ᐊᑲᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊᓐᒡ ᒍᐤ ᐃᔪᒡ ᒪᒧᐤ ᒋ ᒪᒧᐎᐅᒡ ᐊᑯ ᒂ ᒪᑯᓇᒡ ᑈᓚ ᒂ ᐃᑐᑕᐊᒡ ᐊᓐᑕ ᑎᐸᔅᑯᓂᒐᐅᒋᐛᐱᒡ᙮

ᐊᑈᔅᑕᓇᒡ 19:21

ᐃᔅᐱ ᒪᒃ ᑲ ᒋᔅᐱᔨᒋ ᐅᔭ ᒐᒂᔪᐛ ᑈᓪ ᒋ ᐃᑕᔨᑎᒻ ᑲᐤ ᒐᒋ ᐃᑐᑕᑦ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᐊᔅᒋᒡ᙮ ᐊᑯ ᒥᓐ ᐊᓐᑕ ᒋᕈᓯᓕᒥᒡ ᐃᑕᒐ ᒐᒋ ᐃᑐᑕᑦ᙮ “ᐃᔅᐱᔅ ᒋ ᐃᑐᑕᔭᓇ ᐊᓐᑕ ᒋᕈᓯᓕᒥᒡ, ᐊᑯ ᕈᒥᒡ ᓂᐸ ᐃᑐᑕᓐ,” ᒋ ᐃᑕᔨᑎᒻ᙮

ᐊᑈᔅᑕᓇᒡ 9:13

ᐊᑯ ᐊᓇᓇᔭᔅ ᒂ ᐎᑎᒧᐛᑦ ᐅᑎᐸᔨᒋᒐᐛ ᐊ ᐃᑕᑦ, “ᐅᑎᐸᔨᒋᒐᐤ, ᒥᒐᑦ ᐃᔪᒡ ᓂᒋ ᐎᑎᒪᑯᒡ ᐅᔭ ᓇᐸᐛ ᑕᓐ ᐊᔅᐱᔅ ᓂᓇᐧᑲᒋᐊᑦ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ᙮

1 ᑯᕆᓐᑎᔭᓇ 16:15

ᓂᐧᑲᓂᓯᑐᒄ, ᒋ ᒋᔅᒐᔨᑕᓇᐛᐤ ᐊᓐᑕ ᐊ ᐸᐃᑯᔅᑲᓇᓯᑦ ᔅᑎᐸᓇᔅ ᐊᐅᑯᓐᒡ ᐊᓐᒡ ᓂᔅᑎᒻ ᑲᑕᑈᔭᔨᑕᒡ ᐊᓐᑕ ᐊᓂᔭ ᐊᔅᒋᔪᐤ ᐊᑲᔭ ᐊ ᐃᓯᓂᐧᑲᑕᔨᒡ᙮ ᒋ ᐱᔅᑎᓂᓱᐅᒡ ᒐᒋ ᐊᑐᔅᑯᐛᒡ ᑲ ᑕᑈᑎᒥᔨᒋ᙮

1 ᑯᕆᓐᑎᔭᓇ 16:5

ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᓂᑭ ᓴᐳᑐᐛᑕᓐ᙮ ᐊᑯ ᒪᒃ ᒐ ᓂᑐᐛᐱᒥᑎᑯᒡ ᐃᔅᐱ ᒋ ᐃᑐᑕᔭᓇ ᐊᓐᑕ᙮

2 ᑯᕆᓐᑎᔭᓇ 1:16

ᐛᔅ ᐊᓐᑕ ᐊᓐ ᐊᔅᒋᔾ ᒪᓯᑐᓂᔭ ᑲ ᐃᓯᓂᐧᑲᑕᒡ ᑲ ᐃᑐᑕᔭᓐ ᓂᒋ ᐃᑕᔨᑕᓐ ᒋᔨᐛᐤ ᓂᔅᑎᒻ ᒐᒋ ᓂᑐᐛᐱᒥᑎᑯᒡ᙮ ᐊᑯ ᒪᒃ ᐃᔅᐱ ᑲᐤ ᐸᒋ ᒋᐛᔭᓇ ᐊᑯ ᒥᓐ ᒋᐸ ᓂᑐᐛᐱᒥᑎᓇᐛᐤ᙮ ᐊᑯᑕ ᒪᒃ ᐊᓐᑕ ᒋᐸ ᒋ ᐎᒋᐃᓇᐛᐤ ᒍᑎᔭ ᐊ ᐃᓯᓂᐧᑲᑕᒡ ᐊᔅᒋᔾ ᒐᒋ ᐃᑐᑕᔭᓐ, ᐊᐅᑯᓐ ᑭᑈ ᑲ ᐃᓯ ᐃᑕᔨᑎᒪᓐ ᓂᐸ ᐃᑎᓐ᙮

2 ᑯᕆᓐᑎᔭᓇ 11:9

ᐊᑎ ᒪᒃ ᓇᓂᑯᑎᓂᔾ ᐊᒋ ᓄᑕᐱᔭᓐ ᒐᒂᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ, ᓇᒪ ᐃᔭᐱᒡ ᒋ ᐅᒋ ᓂᑐᐛᔨᑎᒪᑎᓇᐛᐤ ᒐᒂᓐ᙮ ᒋᐧᑲᓂᓯᓄᐅᒡ ᒪᓯᑐᓂᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᑲ ᑕᒡ ᓂᒋ ᐎᒋᐃᑯᓇᓂᒡ ᐊᒋ ᒥᔨᒥᒡ ᑕᓐ ᑲ ᐃᓯ ᓄᑕᐱᔪᒋᑦ᙮ ᓇᒪ ᒋ ᐅᒋ ᐎ ᐊᔨᒪᔨᑎᒥᐃᑎᓇᓐ ᒐᒋ ᓂᑐᐛᔨᑎᒪᑕᒡ ᒐᒂᓐ᙮ ᐊᔅᒄ ᒪᒃ ᐊᓄᒡ ᓇᒪ ᐃᔭᐱᒡ ᒋ ᓂᑐᐛᔨᑎᒪᑎᓇᓐ ᒐᒂᓐ᙮

2 ᑯᕆᓐᑎᔭᓇ 2:13

ᒥᒄ ᒪᒃ ᐃᔭᐱᒡ ᒋ ᑎᑯᓐ ᑕᓐ ᑲ ᐃᓯ ᒥᑯᔅᑲᑕᔨᑎᒪᓐ ᐛᔅ ᑕᐸ ᓂ ᐅᒋ ᐛᐱᒪᐤ ᓂᐧᑲᓂᔅ ᑕᐃᑕᔅ ᐊᓐᑕ ᒐᒋ ᑕᑦ᙮ ᐊᑯ ᒪᒃ ᑲ ᓂᑭᑎᒂᐤ ᐊᓐᒡ ᐃᔪᒡ ᐊᓐᑕ ᐊ ᑕᒡ᙮ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᒥᓐ ᑲ ᐃᑐᑕᔭᓐ᙮

2 ᑯᕆᓐᑎᔭᓇ 7:5

ᐛᔅ ᐃᔅᐱ ᑲ ᑎᑯᓯᓂᔭᒡ, ᐊᓐᑕ ᐊᓐ ᒪᓯᑐᓂᔭ ᐊ ᐃᓯᓂᐧᑲᑕᒡ ᐊᔅᒋᔾ ᓂᔅᑎᒻ ᑲ ᑕᔭᒡ ᓇᒪ ᐛᐛᒡ ᓂ ᐅᒋ ᐊᔅᑕᔭᔅᑯᓯᓇᓐ᙮ ᓇᔅᒡ ᑕᑈ ᓂᓇᐧᑯᐤ ᒋ ᐃᓯ ᐛᐅᔅᑕᐱᔪᐤ᙮ ᒋ ᑕᐅᒡ ᐊᓐᒡ ᐊ ᒥᒋᐱᔨᒥᒡ᙮ ᓂᒋ ᐎ ᓴᒋᓯᓇᓐ ᒪᒃ᙮

2 ᑯᕆᓐᑎᔭᓇ 9:12

ᐅᔭ ᒪᒃ ᐊ ᐃᓯ ᒥᔪᑐᑎᒧᐛᑯᒡ ᑲ ᑕᑈᑕᒡ ᐊ ᒥᔭᑯᒡ ᑕᓐ ᐊ ᐃᓯ ᓄᑕᐱᔨᒡ ᐊᑯᑕ ᐛᒋᐱᔨᒡ ᒥᔅᑎ ᒐᒋ ᓂᓇᔅᑯᒪᒡ ᒋᓴᒪᓂᑐᐛ᙮

2 ᑯᕆᓐᑎᔭᓇ 9:2

ᒋ ᒋᔅᒐᔨᒥᑎᓇᐛᐤ ᑭᑈ ᓇᔅᒡ ᐊ ᐊᓯᒐᔨᑎᒪᒄ ᒐᒋ ᐎᒋᐊᑯᒡ᙮ ᔅᒋ ᐊᔨᒧᒥᑎᓇᐛᐤ ᒪᒃ ᐊᓐᑕ ᒪᓯᑐᓂᔭᒡ ᑲ ᐃᑎᒂᐤ ᐊᓐᒡ ᐃᔪᒡ, “ᒋᐧᑲᓂᓯᓄᐅᒡ ᐊᑲᔭ ᐊ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ, ᓴᔅ ᐸᐳᓂᔨᒡ ᒋ ᐊᔭᔅᑯᐎᔪᐅᒡ ᒐᒋ ᐱᔅᑎᓂᒐᒡ ᓱᓇᔭᔪᐤ᙮” ᑲ ᐸᑕᒡ ᐅᔭ ᓇᔅᒡ ᒋ ᐃᑕᔨᑎᒧᒡ ᑭᔭ ᐎᔨᐛᐤ ᒐᒋ ᐱᔅᑎᓂᒐᒡ᙮

2 ᑯᕆᓐᑎᔭᓇ 9:4

ᐊᔅᒄ ᒪᒃ ᒐ ᐊᑲ ᐊᔭᔅᑯᐎᐛᒂ ᒐᒋ ᐱᔅᑎᓂᒪᒄ ᓱᓇᔭᐤ ᐅᑎᑎᑕᒐ, ᑭᑈ ᐃᐛᒃ ᒐ ᓴᒂᔨᒧᐃᔭᒡ ᑭᔭ ᒋᔨᐛᐤ ᒪᒃ ᐃᐛᒃ ᒋᑭ ᓴᒂᔨᒧᓇᐛᐤ᙮ ᐛᔅ ᓇᔅᒡ ᑕᑈ ᓂᒋ ᒐᔅᑎᓇᐅᓐ ᒥᒄ ᒐ ᐃᓯ ᐱᔅᑎᓂᒐᔭᒄ᙮

ᐱᓕᐱᔭᓇ 4:15

ᒋᔨᐛᐤ ᐱᓕᐸᐃᒡ ᑲ ᐅᒋᔭᒄ, ᒋ ᒋᔅᒐᔨᑕᓇᐛᐤ ᐊ ᑎᓯᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᔨᐛᐤ ᒥᒄ ᐊᒋ ᐛᐎᒋᐃᔭᒄ ᓱᓇᔭᐤ ᐃᔅᐱ ᑲ ᓂᑭᑎᒪᓐ ᒪᓯᑐᓂᔭ᙮ ᒋᔨᐛᐤ ᒥᒄ ᔅᒋ ᐎᒋᐃᓇᐛᐤ ᐅᔅᑭᒡ ᑲ ᐛᐎᑎᒪᓐ ᒥᔽᒋᒧᐅᓐ᙮

1 ᑕᓴᓗᓂᔭᓇ 1:7

ᐊᑯ ᒪᒃ ᑕᓐ ᑲ ᐃᓯ ᐱᒪᑎᓯᔭᒄ ᒥᓯᐛ ᐊᓐᒡ ᑲ ᑕᑈᑕᒡ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᑲ ᐅᒋᒡ ᔅᒋ ᒋᔅᒋᓄᐛᐱᒥᑯᐛᐅᒡ ᑕᓐ ᐊ ᐃᑕᑎᓯᐛᒄ᙮

1 ᑕᓴᓗᓂᔭᓇ 1:8

ᐊᓐ ᒪᒃ ᑲ ᐛᐎᑎᒪᒄ ᐅᑎᐸᔨᒋᒐᐤ ᐅᒥᔽᒋᒧᐅᓐ ᓇᒪ ᒥᒄ ᐊᓐᑕ ᒪᓯᑐᓂᔭ ᑭᔭ ᐊᑲᔭ ᒋ ᐅᒋ ᐸᑕᑯᑕᓇᐛᐤ, ᒥᓯᑕ ᒋ ᐸᑕᑯᓐ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᓇᒪ ᒪᒃ ᓂᑐᐛᔨᑕᑯᓐ ᒐᒋ ᐊᔨᒧᑎᒧᐅᒋᒡ ᐊᐛᓐᒋ ᐛᔅ ᓴᔅ ᒋᔅᒐᔨᑎᒧᒡ᙮

1 ᑕᓴᓗᓂᔭᓇ 4:10

ᓇᔅᒡ ᒪᒃ ᑕᑈ ᒋ ᓴᒋᐊᐛᐅᒡ ᒥᓯᐛ ᐊᓐᒡ ᒋᐧᑲᓂᓱᐛᐅᒡ ᐊᓐᑕ ᒪᓯᑐᓂᔭ ᐊᔅᒋᒡ ᐊ ᑕᒡ᙮ ᐊᑯ ᒪᒃ ᓱᒃ ᐃᔭᐱᒡ ᒋ ᐎ ᐃᑎᑎᓇᓐ ᐃᔭᐱᒡ ᐊᑐᐎᔅ ᒐᒋ ᓴᒋᐊᑯᒡ᙮

1 ᑎᒧᑎ 1:3

ᐊᓐ ᒪᒃ ᑕᓐ ᑲ ᐃᓯ ᓯᒋᒥᑕᓐ ᐃᔅᐱ ᒐ ᐃᑐᑕᔭᓐ ᒪᓯᑐᓂᔭ ᒥᓐ ᒋᑦ ᐃᑎᓐ, ᐊᐅᒄ ᐊᓐ ᒐᒋ ᑕᔨᓐ ᐸᑎᒪ ᐊᓐᑕ ᐊᓐ ᐅᑕᓇᐤ ᐃᐱᓴᔅ ᐊ ᐃᓯᓂᐧᑲᑕᒡ ᒐᒋ ᒋᑕᐊᒧᐅᑥᐤ ᐊᓐᒡ ᐊᐛᓐᒋ ᐊᑲ ᒧᔭᒻ ᑲ ᐃᓯ ᒋᔅᑯᑎᒪᒐᒡ᙮

ᐸᐃᓕᒪᓐ 1:5

ᒧᔅ ᓂ ᐸᑕᓐ ᐊᔅᐱᔅ ᓴᒋᐃᑥᐤ ᑲ ᑕᑈᑕᒡ᙮ ᓂ ᐸᑕᓐ ᑭᔭ ᑕᓐ ᐊ ᐃᓯ ᑕᑈᔭᔨᒥᑦ ᒋᑎᐸᔨᒋᒐᓯᒥᓄᐤ ᒋᓴᔅ᙮