ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓂᐧᑲᓂᓯᑐᒄ, ᓂ ᒐᔅᑎᓇᐅᓐ ᑕᑈ ᐊ ᓴᑭᔅᒋᓇᔅᑲᑯᔭᒄ ᐊ ᐎ ᒥᔪᑐᑎᒪᒄ, ᒥᓯᐛ ᐊ ᒋᔅᒐᔨᑎᒺᒄ ᑕᓐ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᒋᔅᒐᔨᑎᒺᒄ ᑭᔭ ᐊ ᑭᔅᒋᐅᔭᒄ ᒐᒋ ᒋᔅᑯᑎᒪᑐᔭᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:14 Iomraidhean Croise

1 ᑯᕆᓐᑎᔭᓇ 1:5

ᐛᔅ ᐊ ᐎᒐᐛᒄ ᙭ ᒥᓯᐛ ᒋ ᐊᑎ ᐃᓯ ᐛᔪᑎᓯᓇᐛᐤ ᒋᑦ ᐃᓯᓇᑯᓯᓇᐛᐤ, ᒋ ᐛᔪᑎᓯᐅᓇᐛᐤ ᑭᔭ ᑕᓐ ᐊ ᐃᓯ ᐃᔨᒥᔭᒄ ᑭᔭ ᐊ ᐃᓯ ᑭᒐᑕᐛᔨᑎᒪᒄ᙮

1 ᑯᕆᓐᑎᔭᓇ 12:8

ᐊᐅᒄ ᒪᒃ ᐅ ᑲ ᐸᔭᒋᓯᑦ ᐊᒐᐧᒄ ᒪᔭᑦ ᐱᔅᒐ ᐊᐛᔪᐛ ᒐᒋ ᐛᐎᑎᒥᔨᒋ ᒋᓴᒪᓂᑐᐛ ᐅᑭᒐᑕᐛᔨᑎᒧᐅᓂᔪᐤ, ᐊᑯ ᑯᑎᑲ ᒪᔭᑦ ᒐᒋ ᐎᑎᒪᒐᔨᒋ ᑕᓐ ᐛ ᐃᓯ ᒋᔅᒐᔨᑎᒥᐊᔨᒋ ᒋᓴᒪᓂᑐᐛ ᐊᐛᔪᐛ᙮

1 ᑯᕆᓐᑎᔭᓇ 13:2

ᑭᔭ ᐊᑎ ᒥᔨᑯᐅᔭᓐ ᒐᒋ ᑭᔅᒋᐅᔭᓐ ᐊ ᒋᔅᒋᐛᐃᒐᔭᓐ, ᑭᔭ ᐊᑎ ᒥᓯᐛ ᒋᔅᒐᔨᑎᒪᓐ ᓂᔾ ᑕᓐ ᐊ ᐃᓯ ᐊᑲ ᒋᔅᒐᔨᑕᒡ ᑯᑎᑭᒡ ᐊᐛᓐᒋ, ᑭᔭ ᐊᑎ ᒥᔨᑯᐅᔭᓐ ᒥᓯᐛ ᒐᒋ ᒋᔅᒐᔨᑎᒪᓐ ᒐᒂᓐ ᐊᑲ ᐅᒋ ᒋᔅᒐᔨᑎᒥᐃᐛᓄᐅᒡ ᐊᓐᑕ ᐅᑕᒡ ᑭᔭ ᐊᑎ ᐊᔭᔭᓐ ᑕᑈᑎᒧᐅᓐ ᒐᒋ ᐊᑎᓂᒪᓐ ᐱᔅᑯᑎᓇᐛ ᐊᑲ ᒪᒃ ᐊᔭᔭᓐ ᓴᒋᐃᐛᐅᓐ ᐃᔭᐱᒡ ᓇᒪ ᓇᔅᒡ ᒐᒂᓐ ᓂᐸ ᐅᒋ ᐃᑕᔨᑕᑯᓯᓐ᙮

1 ᑯᕆᓐᑎᔭᓇ 8:1

ᐊᑯ ᒪᒃ ᒐ ᐊᔨᒧᑎᒪᑎᑯᒡ ᑕᓐ ᒋᐸ ᐃᓯ ᑭᓄᐛᐸᑕᑭᓄᐤ ᒥᒋᒻ ᒥᓂᑐᐧᑲᓐᒡ ᐊᒋ ᐱᔅᑎᓂᒧᐛᑭᓄᐎᒡ᙮ ᐃᓇᓄᐤ ᒥᓯᐛ ᐊᐛᓐ ᐊ ᐊᔭᑦ ᒋᔅᒐᔨᑎᒧᐅᓂᔪᐤ᙮ ᐃᑐᑕᑯᐤ ᒪᒃ ᐊᐛᓐ ᒋᔅᒐᔨᑎᒧᐅᓂᔪᐤ ᒋᒋᐛ ᒐᒋ ᐃᑕᔨᒥᓱᑦ᙮ ᒥᒄ ᒪᒃ ᐊᐛᓐ ᑲ ᐊᔭᑦ ᓴᒋᐃᐛᐅᓂᔪᐤ ᐃᑐᑐᐛᐤ ᑯᑎᑲ ᐊᐛᔪᐛ ᒐᒋ ᓱᒋᑲᐳᔨᒋ᙮

1 ᑯᕆᓐᑎᔭᓇ 8:10

ᑕᓐ ᒪᒃ ᒐ ᐃᑎᑦ ᐊᐛᓐ ᐊᑲ ᐊᔨᒋᑲᐳᐅᑦ ᑕᑈᑎᒧᐅᓂᒡ ᐛᐱᒥᔅᒐ ᐊ ᒥᒋᓱᐅᑦ ᐊᓐᑕ ᒥᓂᑐᐧᑲᓐ ᐊᔭᒥᐊᐅᒋᐛᐱᒡ, ᐊ ᐃᑕᔨᒥᔅᒃ ᒪᒃ ᐊ ᐊᔭᐅᑦ ᒋᔅᒐᔨᑎᒧᐅᓂᔪᐤ᙮ ᓇᒪᐎᔾ ᐊ ᒋᔾ ᒋᑭ ᐅᒋ ᐃᑐᑐᐛᐤ ᒥᒋᒐ ᐊᓂᔭ ᒥᒋᒥᔪᐤ ᒥᓂᑐᐧᑲᓇ ᑲ ᐱᔅᑎᓂᒧᐛᑭᓄᔨᒋ᙮

1 ᑯᕆᓐᑎᔭᓇ 8:7

ᒥᒄ ᒪᒃ ᓇᒪ ᒥᓯᐛ ᐊᐛᓐ ᒋᔅᒐᔨᑎᒻ ᐊ ᑕᑈᒥᑭᓂᔨᒡ ᐅᔭ᙮ ᐱᔅᒐ ᐊᐛᓐᒋ ᐃᑕᔨᑎᒧᒡ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᒡ ᐊ ᐃᓯᓇᑯᓯᒡ ᐊ ᒥᒋᒡ ᒥᑐᔅᑕᐊᒪᒐᐅᓂᔪᐤ ᒥᓂᑐᐧᑲᓇ ᐊᒋ ᐱᔅᑎᓂᒧᐛᑭᓄᔨᒋ᙮ ᐛᒋᐱᔪᐤ ᒐᒋ ᐃᑕᔨᑕᒡ ᐅᔭ ᐛᔅ ᓇᒪ ᐊᔨᒋᑲᐳᐅᒡ ᑕᑈᑎᒧᐅᓂᒡ᙮

2 ᑯᕆᓐᑎᔭᓇ 8:7

ᒥᓯᐛ ᒐᒂᓐ ᓇᔅᒡ ᑕᑈ ᒋ ᑭᔅᒋᐅᓇᐛᐤ᙮ ᓱᒐᔨᑕᑯᓐ ᒋᑕᑈᑎᒧᐅᓄᐛᐤ᙮ ᒋ ᑭᔅᒋᐅᓇᐛᐤ ᐊ ᐊᔨᒧᑎᒪᒄ ᑕᓐ ᐊ ᐃᓯ ᑕᑈᑎᒪᒄ᙮ ᒥᔅᑎ ᒋ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮ ᓇᔅᒡ ᑕᑈ ᓱᒃ ᒋᑦ ᐃᑕᔨᑕᓇᐛᐤ ᒐᒋ ᐎᒋᐊᑯᒡ ᑯᑎᑭᒡ ᐊᐛᓐᒋ ᑭᔭ ᓇᔅᒡ ᑕᑈ ᒋᓴᒋᐃᓇᓐ᙮ ᒋᐸ ᐎ ᒥᔪ ᒥᔨᐛᓇᐛᐤ ᒪᒃ᙮

ᐃᐱᓯᔭᓇ 5:9

ᑕᑈ ᐛᔅᑕᐅᓂᒡ ᐃᓯ ᐱᒪᑎᓯᔭᒂ ᒋᑭ ᓄᑯᓐ ᒥᔪᑥᐅᓐ ᑭᔭ ᑯᐃᔅᑯᑕᑎᓯᐅᓐ ᑭᔭ ᑕᑈᐅᓐ ᐊᓐᑕ ᒋᐱᒪᑎᓯᐅᓄᐛᒡ᙮

ᐱᓕᐱᔭᓇ 1:11

ᒋᑦ ᐊᔭᒥᐊᔅᑎᒪᑎᓇᐛᐤ ᒧᔅ ᒐᒋ ᒥᔪᑐᑐᐛᑯᒡ ᐊᐛᓐᒋ ᐛᔅ ᒋ ᑯᐃᔅᑯᑕᑎᓯᓇᐛᐤ᙮ ᙭ ᒋ ᐃᑐᑕᑯᐛᐤ ᒐᒋ ᒥᔪᑐᑐᐛᑯᒡ ᐊᐛᓐᒋ᙮ ᐊᑯ ᒪᒃ ᒋᓴᒪᓂᑐᐤ ᒐ ᒋᔅᑕᔨᒪᑭᓄᐅᑦ ᑭᔭ ᒐ ᒪᒥᒋᒪᑭᓄᐅᑦ᙮

ᐱᓕᐱᔭᓇ 1:7

ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ᑎᓯᔭᒄ ᔅᒋ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᑭᔭ ᒪᒂᒡ ᑲᒋ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮

ᑯᓚᓯᔭᓇ 3:16

ᒧᔅ ᒪᒥᑐᓇᔨᑎᒥᐃᑯᐛᒄ ᒥᓯᐛ ᑲ ᐃᓯ ᐊᔨᒧᑎᒪᑕᒄ ᙭, ᒋᑕᐃᐛᒡ ᐊ ᑭᓄᐛᔨᑎᒺᒄ᙮ ᓱᒃ ᐎ ᑭᒐᑕᐛᔨᑎᒧᒄ ᐊ ᒋᔅᑯᑎᒪᑐᔭᒄ ᑭᔭ ᐊ ᑭᒐᔅᒋᒥᑐᔭᒄ᙮ ᒋᑕᐃᐛᒡ ᐅᒡ ᓂᑭᒧᔅᑐᐛᐧᒄ ᒋᓴᒪᓂᑐᐤ᙮ ᓂᓇᔅᑯᒪᐧᒄ ᐊ ᓂᑭᒧᔅᑐᐛᒄ ᐊᔭᒥᐊᐅ ᓂᑭᒧᐅᓇ, ᑎᐱᑦ ᐅᓂᑭᒧᐅᓇ ᑭᔭ ᑕᓐ ᐊ ᐃᓯ ᒥᔨᑕᒄ ᑲ ᐸᔭᒋᓯᑦ ᐊᒐᐧᒄ ᓂᑭᒧᐅᓇ᙮

1 ᑕᓴᓗᓂᔭᓇ 5:11

ᐊᐅᒄ ᒪᒃ ᐅ ᒐ ᐅᒋ ᓯᒋᒥᑐᔭᒄ ᑭᔭ ᒐ ᐅᒋ ᒥᔽᔨᒧᐃᑐᔭᒄ ᒧᔭᒻ ᑕᓐ ᐊ ᐃᑎᔭᒄ ᐊᓄᒡ᙮

1 ᑕᓴᓗᓂᔭᓇ 5:14

ᓂᐧᑲᓂᓯᑐᒄ, ᒋ ᓯᒋᒥᑎᓇᓐ ᒐᒋ ᐃᔭᒂᒥᒪᑯᒡ ᐊᓐᒡ ᐊᑲ ᐎ ᐊᑐᔅᒐᒡ᙮ ᐎᒋᐊᐧᑯᒡ ᐊᓐᒡ ᑲ ᑯᔅᑕᒋᒡ ᒐ ᐊᑲ ᒋ ᑯᔅᑕᒋᒡ ᑭᔭ ᐎᒋᐊᐧᑯᒡ ᐊᓐᒡ ᐊᑲ ᓴᐸᔨᑕᒡ, ᑭᔭ ᐊᓐᒡ ᑲ ᓄᑕᐱᔨᒡ ᒐᒂᔪᐤ᙮ ᒥᓯᐛ ᐊᐛᓐ ᓯᐱᔪᐛᓯᔅᑐᐛᐧᒄ᙮

2 ᑕᓴᓗᓂᔭᓇ 1:11

ᐊᐅᒄ ᒪᒃ ᐅ ᐛᒋ ᒧᔅ ᐊᔭᒥᐊᔅᑎᒪᑕᒡ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᒋᔅᑕᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᑲ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᐱᒪᑎᓯᐛᒄ᙮ ᓂ ᓂᑐᑎᒧᐛᓇᓐ ᒐᒋ ᒥᔨᑕᒄ ᓱᐧᑲᑎᓯᐅᓂᔪᐤ ᒐᒋ ᐃᑐᑎᒪᒄ ᒥᓯᐛ ᐊ ᐃᓯ ᐱᑯᓴᔨᒥᑯᐅᔭᒄ ᒐᒋ ᐃᓯ ᒥᔪᑐᑎᒪᒄ᙮ ᑭᔭ ᒐᒋ ᐎᒋᐃᑕᒄ ᒐᒋ ᒋᔅᑕᐛᒄ ᐊᓂᔭᔪᐛ ᒐᒂᔪᐛ ᑲ ᐃᑐᑎᒪᒄ ᐊ ᑕᑈᑎᒪᒄ᙮

2 ᑎᒧᑎ 1:5

ᓂ ᒋᔅᒋᓯᓐ ᓇᔅᒡ ᓱᒃ ᐊᒋ ᐃᑕᔨᑎᒥᐃᑯᔨᓐ ᐊ ᑕᑈᑎᒥᓐ᙮ ᐊᐅᑯᓐ ᑲ ᐃᓯᓇᑯᓂᔨᒡ ᒋᑲᐎᔾ ᔪᓂᔅ ᑭᔭ ᒍᐧᑯᒻ ᓗᔅ ᐅᑕᑈᑎᒧᐅᓄᐛᐤ᙮ ᓂ ᒐᔅᑎᓇᑕᔨᑕᓐ ᒪᒃ ᐊᐅᑯᓐ ᐊ ᐃᓯᓇᒂᒡ ᑭᔭ ᒋᔾ ᒋᑕᑈᑎᒧᐅᓐ᙮

ᐸᐃᓕᒪᓐ 1:21

ᓂ ᒐᔅᑎᓇᐅᓐ ᒪᒃ ᑕᑈ ᒐ ᐃᑐᑎᒥᓐ ᒥᓯᐛ ᐅ ᑲ ᐃᓯ ᐊᔨᒧᑎᒪᑕᓐ ᒐᒋ ᐃᑎᔨᓐ᙮ ᓂ ᒐᔅᑎᓇᐅᓐ ᑭᔭ ᐊᔪᐛᒃ ᐃᔭᐱᒡ ᒐ ᐃᑐᑎᒥᓐ᙮

ᐃᑉᕈᐛ 5:12

ᓴᔅ ᒋᐸ ᒋᔅᑯᑎᒧᐛᐛᐅᒡ ᐊᐛᓐᒋ ᑕᓐ ᐊ ᐃᓯ ᑕᑈᒥᑭᓂᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ ᐛᔅ ᓴᔅ ᐛᔅᑭᒡ ᑲ ᐅᒋ ᑕᑈᑎᒪᒄ ᒋᔨᐛᐤ ᒥᔽᒋᒧᐅᓐ᙮ ᒥᒄ ᒪᒃ ᓇᑐᐛᔨᑕᑯᓂᒂ ᒥᓐ ᒐᒋ ᒋᔅᑯᑎᒪᑯᐅᔭᒄ ᑕᓐ ᑲ ᐃᓯ ᒋᔅᑯᑎᒪᑯᐅᔭᒄ ᐅᔅᑭᒡ ᑲ ᒋᒋ ᑕᑈᑎᒪᒄ ᒧᔭᒻ ᐅᔅᒋᐛᓯᒡ ᒥᒄ ᒋᒋᓇᐳᔭ ᑲ ᒥᓂᐊᑭᓄᐎᒡ ᒋᑦ ᐃᑕᔨᑕᑯᓯᓇᐛᐤ᙮ ᐛᔅ ᓇᒪ ᒋ ᒥᒍᐅᒡ ᐎᔭᓯᔪᐤ ᐅᔅᒋᐛᓯᒡ᙮

ᐃᑉᕈᐛ 6:9

ᐊ ᓴᒋᐃᑕᒡ ᐛᒋ ᐅ ᐃᓯ ᐃᔨᒥᐃᑕᒡ᙮ ᒋ ᑕᑈᐅᒐᔨᒥᑎᓇᓐ ᐛᔅ ᓂᔅᑐᓇᑯᓐ ᑕᓐ ᐊ ᐃᑕᑎᓯᔭᒄ ᑕᑈ ᐊᒋ ᐱᒪᒋᐅᔭᒄ᙮

2 ᐱᑕᕐ 1:12

ᐊᐅᒄ ᐛᔅ ᑭᑈ ᑭᔭ ᐅ ᒐ ᐅᒋ ᒧᔅ ᐎ ᒋᔅᒋᓱᒥᑎᑯᒡ ᐅᔭ ᒐᒂᔪᐛ ᐊᑎ ᓴᔅ ᐊ ᒋᔅᒐᔨᑎᒪᒄ ᑭᔭ ᓴᔅ ᐊ ᒐᔅᑎᓇᑕᔨᑎᒥᐃᑯᔭᒄ ᑕᓐ ᐊ ᐃᓯ ᑕᑈᑎᒪᒄ ᐊᓄᒡ᙮

1 ᒠᓐ 2:21

ᓇᒪ ᐎ ᐊ ᐃᑕᔨᒥᑎᑯᒡ ᐊᑲ ᒋᔅᒐᔨᑎᒪᒄ ᑕᑈᐅᓐ ᐛᒋ ᒥᓯᓇᐊᒪᑎᑯᒡ᙮ ᐊ ᒋᔅᒐᔨᑎᒪᒄ ᑕᑈᐅᓐ ᑭᔭ ᐊ ᒋᔅᒐᔨᑎᒪᒄ ᐊᑲ ᑎᒂᒡ ᑭᑭᒋᔭᐅᓐ ᐊᓐᑕ ᑕᑈᐅᓂᒡ ᐊᐅᑯᓐ, ᐛᒋ ᒥᓯᓇᐊᒪᑎᑯᒡ᙮