ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:23 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²³ ᐊᓐ ᐊᐛᓐ ᐃᔭᐱᒡ ᑲ ᒥᒋᑦ ᒥᒋᒥᔪᐤ ᐊ ᐃᑕᔨᑕᐧᒃ ᐊᑲ ᒋᐸ ᐅᒋ ᒥᒍᐤ ᑎᑯᓂᔪᐤ ᐊ ᐃᓯ ᐊᑕᒪᔨᑕᑯᓯᑦ ᐊᓂᔭ ᐊ ᐃᑎᑦ᙮ ᐛᔅ ᐃᑐᑎᒻ ᐊᓂᔭ ᒐᒂᔪᐤ ᐊ ᑕᑈᑕᐧᒃ ᐊᑲ ᒋᐸ ᐅᒋ ᐃᑐᑎᒻ᙮ ᒧᔭᒻ ᐊ ᐃᑐᑎᒧᐛᐅᒂ ᒐᒂᓐ ᐊ ᑕᑈᑎᒪᐧᒄ ᐊᑲ ᒋᐸ ᐅᒋ ᐃᑐᑕᓇᓄᐤ ᒋ ᒥᒋᑐᑕᓇᓄᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:23 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:2

ᐊᐅᒄ ᐛᒋ ᐃᓯᓇᑯᓂᔨᒡ ᐊᐛᓐ ᐊ ᓂᔅᑯᔅᑕᐧᒃ ᑎᐸᔨᒐᐅᓂᔪᐤ ᓂᔅᑯᔅᑎᒻ ᒐᒂᔪᐤ ᒋᓴᒪᓂᑐᐛ ᐊᒋ ᐃᑎᓱᐛᑎᒥᔨᒋ ᒐᒋ ᑎᑯᓂᔨᒡ᙮ ᓂᔅᑯᔅᑕᒐ ᒪᒃ ᐊᐛᓐ ᑎᐸᔨᒐᐅᓂᔪᐤ ᒋᑭ ᐃᑐᑕᓱᐤ ᒐᒋ ᐃᓯᓇᑯᓂᔨᒡ ᒐᒋ ᐛᐛᓯᐊᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:5

ᐸᐃᒄ ᐊᐛᓐ ᑎᑯᓂᔪᐛ ᐊᓂᔭᔪᐛ ᐊ ᒋᓯᑲᔨᒡ ᒋᒋᐛ ᐊ ᐃᑕᔨᑎᒥᐃᑯᑦ᙮ ᑯᑎᒃ ᐊᐛᓐ ᐸᐃᑯᓄᒡ ᐃᓯ ᑭᓄᐛᐸᑎᒻ ᒥᓯᐛ ᐊ ᒋᓯᑲᔨᒡ᙮ ᒥᓯᐛ ᒪᒃ ᐊᐛᓐ ᒋᐸ ᐎᔭᔨᑎᒻ ᑕᓐ ᐊᓐ ᒐ ᐃᓯ ᑭᓄᐛᐸᑕᐧᒃ ᐎᔾ ᐅᔭ᙮

1 ᑯᕆᓐᑎᔭᓇ 8:7

ᒥᒄ ᒪᒃ ᓇᒪ ᒥᓯᐛ ᐊᐛᓐ ᒋᔅᒐᔨᑎᒻ ᐊ ᑕᑈᒥᑭᓂᔨᒡ ᐅᔭ᙮ ᐱᔅᒐ ᐊᐛᓐᒋ ᐃᑕᔨᑎᒧᒡ ᒧᔭᒻ ᒥᓂᑐᐧᑲᓇ ᐊ ᐊᔭᒥᐊᔅᑐᐛᒡ ᐊ ᐃᓯᓇᑯᓯᒡ ᐊ ᒥᒋᒡ ᒥᑐᔅᑕᐊᒪᒐᐅᓂᔪᐤ ᒥᓂᑐᐧᑲᓇ ᐊᒋ ᐱᔅᑎᓂᒧᐛᑭᓄᔨᒋ᙮ ᐛᒋᐱᔪᐤ ᒐᒋ ᐃᑕᔨᑕᒡ ᐅᔭ ᐛᔅ ᓇᒪ ᐊᔨᒋᑲᐳᐅᒡ ᑕᑈᑎᒧᐅᓂᒡ᙮

ᑕᐃᑕᔅ 1:15

ᐊᓐ ᐊᐛᓐ ᑲ ᐸᔭᒋ ᐱᒪᑎᓯᑦ ᒥᓯᐛ ᒐᒂᔪᐤ ᐸᔭᒋᓇᑯᓂᔪᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᑭᔭ ᐊᑲ ᑕᑈᑕᐧᒃ ᓇᒪ ᒐᒂᔪᐤ ᐸᔭᒋᓇᑯᓂᔪᐤ ᐛᔅ ᓇᔅᒡ ᑕᑈ ᐎᓇᔪᐤ ᐅᒥᑐᓇᔨᒋᑭᓐ ᑭᔭ ᐅᑕᐃ᙮

ᐃᑉᕈᐛ 11:6

ᓇᒪ ᐊᐛᓐ ᒋᑭ ᒋ ᓇᐊᔨᑎᒥᐊᐤ ᒋᓴᒪᓂᑐᐛ ᐸᑐᔅ ᑕᑈᔭᔨᒪᒐ᙮ ᐛᔅ ᐊᓐ ᐊᐛᓐ ᑲ ᐎ ᐸᒋ ᓇᑕᑦ ᒋᓴᒪᓂᑐᐛ ᒋᐸ ᑕᑈᑎᒻ ᐊ ᑕᔨᒋ ᒋᓴᒪᓂᑐᐛ ᑭᔭ ᐊ ᒥᔪᑐᑐᐛᔨᒋ ᐊᓂᔭ ᓱᒃ ᑲ ᐎ ᒋᔅᒐᔨᒥᑯᑦ᙮