ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᓐ ᒪᒃ ᐊᐛᓐ ᑲ ᐊᑐᔅᑯᐛᑦ ᙭ᑕ ᐅᔭ ᐊ ᐃᓯ ᐱᒪᑎᓯᑦ ᒋᓴᒪᓂᑐᐛ ᓇᐊᔨᑎᒥᐊᐤ᙮ ᑭᔭ ᒋᑭ ᒋᔅᑕᔨᒥᑯᐤ ᑯᑎᑲ ᐊᐛᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:18 Iomraidhean Croise

ᒐᓂᓯᔅ 4:7

ᓇᒪ ᒋᔅᒐᔨᑕᓐ ᐊ, ᐃᑐᑎᒥᓇ ᐊ ᒥᔽᒡ ᒋᑭ ᐸᐱᒂᔨᓐ ? ᒥᒄ ᓇᑭᑐᐛᔨᑕ ᐛᔅ ᐊᑲ ᐃᑐᑎᒥᓇ ᐊ ᒥᔽᒡ, ᒧᔭᒻ ᒥᒋᒥᓂᑐᐅᒡ ᐃᓯᓇᒂᓐ ᒥᒋᑥᐅᓐ ᓇᔅᒡ ᐊ ᐸᓱᓇᑯᓯᑦ, ᓇᓂᑐᐛᔨᑎᒻ ᒐᒋ ᑎᐸᔨᒥᔅᒃ᙮ ᓇᔅᒡ ᒋᐸ ᐎ ᓱᒋᓯᓐ ᒐᒋ ᓴᑯᑕᔨᓐ ᐅ ᑯᒂᒋᐃᐛᐅᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:34

ᐊᑯᓐ ᒧᔭᒻ ᐊ ᐃᓯᓇᒂᒡ ᐃᔪᐤ ᐛᔪᐤ ᐊ ᐎ ᐃᑐᑕᑦ᙮ ᐃᔅᐱ ᒐ ᓂᑭᑕᐧᒃ ᐎᒡ ᐅᑦ ᐊᐱᒋᐊᑭᓇ ᒥᔭᐤ ᒐ ᐅᒋᒪᐎᔨᒋ ᒪᒂᒡ ᐊᑲ ᑕᒐ᙮ ᒥᓯᐛ ᐸᐸᐃᒄ ᐎᑎᒧᐛᐤ ᒐ ᐃᑕᐱᑎᓯᔨᒋ᙮ ᑭᔭ ᐊᓂᔭᔪᐛ ᑲ ᑭᓄᔎᑎᐛᔨᒋ ᐃᑎᓱᒪᐤ ᐃᔭᒂ ᒐᒋ ᓂᓇᑭᑐᐛᐸᑎᒥᔨᒋ ᐃᔎᑕᒥᔪᐤ᙮”

ᒠᓐ 12:26

ᐊᓐ ᒪᒃ ᐊᐛᓐ ᓂᔾ ᑲ ᐊᑐᔅᑯᐅᑦ ᓂᑭ ᐸᒋ ᓇᓴᐅᒄ᙮ ᐊᑯ ᒪᒃ ᒐ ᑕᑦ ᓂᑦ ᐊᐱᒋᐊᑭᓐ ᐊᓐᑕ ᒐ ᐊᑎ ᐃᑕᐅᒡ᙮ ᒋᑭ ᒋᔅᑕᔨᒥᑯᐤ ᓄᑕᐎᔭ ᐊᓐ ᐊᐛᓐ ᒐ ᐊᑐᔅᑯᐅᒂ᙮”

ᐊᑈᔅᑕᓇᒡ 10:35

ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ᓇᓂᒋᔅᑕᑯᑦ ᑭᔭ ᑲ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:11

ᓱᒃ ᐊᓯᒐᔨᑎᒧᒄ ᐊ ᐊᑐᔅᒐᔭᒄ᙮ ᐊᑲᐎᔾ ᒋᑭ ᐅᒋ ᒋᑎᒥᓇᐛᐤ᙮ ᓱᒃ ᐊᓯᒐᔨᑎᒧᒄ ᒋᑦ ᐊᒐᐧᑯᐛᒡ᙮ ᐊᑐᔅᑯᐛᐧᒄ ᐅᑎᐸᔨᒋᒐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:4

ᐊᐛᓐ ᒋᔾ ᑲ ᐎ ᑎᐸᔅᑯᓂᒥᑎ ᑯᑎᒃ ᐊᐛᓐ ᐅᑦ ᐊᐱᒋᐊᑭᓇ᙮ ᐊᓐᒡ ᒥᒄ ᐊ ᐃᓯᓇᑯᓂᔨᒡ ᒐᒂᔪᐤ ᑲ ᒥᒋᒡ ᐊᑐᔅᑯᐛᐅᒡ ᒋᓴᒪᓂᑐᐛ᙮ ᒥᒄ ᐅᒋᒪᒪ ᒋᑭ ᐎᔭᔨᑎᒥᔪᐛ ᑯᐃᔅᒄ ᐊ ᑎᒂ ᒪᒃ ᐊᑲ ᑯᐃᔅᒄ ᐊ ᑎᒂ᙮ ᑯᐃᔅᒄ ᒪᒃ ᒋᑭ ᐃᑐᐤ ᐛᔅ ᑭᔅᒋᐅᔪᐛ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑯᑦ ᑕᑈᑎᒧᐅᓂᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:18

ᓇᒪᐎᔾ ᒋᑎᐸᔨᒋᒐᓯᒥᓄᐛ ᙭ᑕ ᐊᑐᔅᑯᐛᐅᒡ ᐅᒡ ᐅᔭ ᐊ ᐃᑎᒡ, ᒥᒄ ᑕᓐ ᐊᓂᔭᔪᐛ ᒐᒂᔪᐛ ᒐᒋ ᒥᒋᒡ ᒪᒃ ᑕᓐ ᐊᓂᔭᔪᐛ ᒐ ᐊᑲ ᒋ ᒥᒋᒡ ᐊᐅᑯᓂ ᒪᑯᔅᑲᑕᔨᑎᒥᐃᑯᒡ᙮ ᓇᔅᒡ ᑕᑈ ᒥᔪᑕᑯᓱᐅᒡ ᑕᓐ ᐊ ᐃᓯ ᐃᔨᒥᒡ ᑭᔭ ᓂᑎᒥᒄ ᐃᑐᐅᒡ ᐊᓂᔭ ᐊ ᒥᔽᒋᒪᒡ ᐊᐛᔪᐛ᙮ ᐊᑯᑕ ᒪᒃ ᐛᒋ ᐎᔭᓯᒪᒡ ᐊᓂᔭᔪᐛ ᓇᔅᒡ ᑲ ᐛᒋᐱᔨᒡ ᒐᒋ ᐎᔭᓯᒪᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:22

ᐊᓄᒡ ᒪᒃ ᐎ, ᔅᒋ ᐎᐧᑯᒋᐃᑯᐅᓐ ᒥᒋᑥᐅᓂᒡ ᐅᒡ ᒋᓴᒪᓂᑐᐤ ᐊᑯ ᒐᒋ ᐅᑦ ᐊᐱᒋᐊᑭᓂᑐᑕᔅᒃ᙮ ᐊᑯ ᒪᒃ ᓇᔅᒡ ᒋᓴᒪᓂᑐᐤ ᐊ ᑕᑦ ᐊᑯ ᐊ ᐃᓯ ᑎᐸᓂᔅᑕᒡ ᒋᐱᒪᑎᓯᐅᓐ, ᒋᑭ ᐊᑎ ᐅᑎᑕᓐ ᒪᒃ ᑲᒋᒡ ᐱᒪᑎᓯᐅᓐ᙮

1 ᑯᕆᓐᑎᔭᓇ 7:22

ᐛᔅ ᐊᓐ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐃᔅᐱ ᑲ ᐱᒪᒋᐃᑯᑦ ᐅᑎᐸᔨᒋᒐᐛ, ᑲ ᑎᐸᔨᒥᓱᑦ ᐃᓯ ᑭᓄᐛᐱᒥᑯᐤ ᐅᑎᐸᔨᒋᒐᐛ, ᐊᑯ ᐊᓐ ᐊᐛᓐ ᐎᔾ ᑲ ᑎᐸᔨᒥᓱᑦ ᑲ ᐱᒪᒋᐊᑭᓄᐅᑦ ᐊᐅᑯᓐ ᐊᓐ ᙭ᑕ ᐛᑕᐱᒋᐊᑭᓂᑐᑕᑯᑦ᙮

2 ᑯᕆᓐᑎᔭᓇ 4:2

ᐊ ᐛᐎᑎᒪᒡ ᐅ ᒥᔽᒋᒧᐅᓐ ᓇᒪ ᒐᒂᓐ ᓂ ᒋᒧᒡ ᐃᑎᓇᓐ᙮ ᒧᔅ ᑯᐃᔅᒄ ᑭᔭ ᒧᓴ ᓂ ᐎᑕᓇᓐ ᒐᒂᓐ᙮ ᓇᒪ ᓂ ᐎ ᐎᔭᓯᒪᓇᓐ ᐊᐛᓐ ᒐᒋ ᐅᒋ ᑕᑈᑕᐧᒃ᙮ ᓇᒪ ᑭᔭ ᓂ ᒪᒧᐱᔨᑕᓇᓐ ᑯᑎᒡ ᒐᒂᓐ ᐊ ᐛᐎᑎᒪᒡ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᑯᐃᔅᒄ ᓂ ᐎᑎᒧᐛᓇᓐ ᒥᓯᐛ ᐊᐛᓐ ᑕᑈᐅᓂᔪᐤ ᑭᔭ ᒐ ᒋᔅᒐᔨᑕᒡ ᑕᑈ ᒐᒋ ᑕᑈᑕᒡ ᑕᓐ ᐊ ᐃᓯ ᐛᐎᑎᒧᐅᒋᑦ᙮ ᓂ ᒋᔅᒐᔨᒥᑯᓇᓐ ᒪᒃ ᒋᓴᒪᓂᑐᐤ ᐊ ᑕᑈᐅᒋᑦ᙮

2 ᑯᕆᓐᑎᔭᓇ 5:11

ᐊ ᒋᔅᒐᔨᑎᒪᒡ ᒪᒃ ᒋᓴᒪᓂᑐᐤ ᐊ ᑯᔅᑕᑎᑯᓯᑦ ᐊᐅᒄ ᐛᒋ ᒐᔅᑎᓇᒋᒥᒋᒡ ᐊᐛᓐᒋ ᐊ ᑕᑈᒥᑭᓂᔨᒡ ᐊ ᐃᓯ ᐊᔨᒧᑎᒧᐅᒋᒡ ᐅᑎᐸᔨᒋᒐᐛ᙮ ᐛᔅ ᓇᔅᒡ ᓂ ᒋᔅᒐᔨᒥᑯᓇᓐ ᒋᓴᒪᓂᑐᐤ ᑕᓐ ᐊ ᐃᑕᔨᑕᑯᓱᐛᒋᒡ᙮ ᓂ ᐱᑯᓴᔨᑕᓇᓐ ᒪᒃ ᑭᔭ ᒋᔨᐛᐤ ᒐᒋ ᒋᔅᒐᔨᒥᔭᒡ ᑕᓐ ᐊᓐ ᐊ ᐃᑕᔨᑕᑯᓯᔭᒡ᙮

2 ᑯᕆᓐᑎᔭᓇ 5:9

ᐊᑯ ᒪᒃ ᒥᒄ ᐊ ᐃᑎᔭᐧᒄ ᒋᑦ ᐃᑎᓇᓄᐤ ᒐᒋ ᓇᐊᔨᑎᒪᐊᐧᒄ ᐅᑎᐸᔨᒋᒐᐤ ᒪᒂᒡ ᐅᑕ ᐊ ᐱᒪᑎᓯᔭᐧᒄ ᒪᒃ ᐊᓐᑕ ᐊ ᑕᑦ ᑕᔭᒂ᙮

2 ᑯᕆᓐᑎᔭᓇ 6:4

ᒥᒄ ᑕᓐ ᐊ ᐃᑐᐛᒐ ᓱᒃ ᓂ ᐎ ᓂᔅᑐᓇᑯᐃᓱᓇᓐ ᑕᑈ ᐊ ᐊᑐᔅᑯᐅᒋᒡ ᒋᓴᒪᓂᑐᐤ᙮ ᓱᒃ ᓂᓯᐱᔪᐛᓯᔅᑕᓇᓐ ᑕᓐ ᐊ ᐃᓯ ᐊᔨᒥᐅᔭᒡ᙮ ᓂ ᓂᓇᐧᑲᑕᔨᒧᐃᑯᐅᓇᓐ᙮ ᓂ ᓂᓇᐧᑲᒋᐃᑯᐅᓇᓐ᙮

2 ᑯᕆᓐᑎᔭᓇ 8:21

ᒋᓴᒪᓂᑐᐤ ᓂ ᒋᔅᒐᔨᒥᒄ ᒧᔅ ᑯᐃᔅᒄ ᐊ ᐃᑐᐅᒡ᙮ ᓂ ᐱᑯᓴᔨᑕᓐ ᒪᒃ ᒧᔅ ᑯᐃᔅᒄ ᒐᒋ ᐃᑎᔭᓐ ᓇᐸᐤ ᑭᔭ ᐊ ᑭᓄᐛᐱᒥᑦ᙮

ᐱᓕᐱᔭᓇ 4:18

ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮

ᐱᓕᐱᔭᓇ 4:8

ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ᒥᔽᓯᔨᒋ, ᐊᓂᔭᔪᐛ ᑲ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ᑯᐃᔅᑯᓇᒂᒡ, ᒐᒂᓐ ᐊ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ᐛᐎᑕᑭᓄᐅᒡ᙮

ᑯᓚᓯᔭᓇ 3:24

ᐛᔅ ᐅᑎᐸᔨᒋᒐᐤ ᙭ ᐊᐅᒄ ᒋᒋᐛ ᒋᐅᒋᒪᒧᐛᐤ᙮ ᒋᔅᒋᓯᒄ ᒪᒃ ᐅᑎᐸᔨᒋᒐᐤ ᒐ ᒥᔨᑕᒄ ᑎᐸᐊᒪᑯᓯᐅᓂᔪᐤ ᐊᓂᔭ ᑲᓄᐛᔨᑕᐧᒃ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᐊᑐᔅᑲᑯᑦ᙮

1 ᑎᒧᑎ 2:3

ᐊᐅᒄ ᐅᔭ ᐊ ᐃᓯ ᒥᔪᓇᐧᒃ ᑭᔭ ᓂᐊᔨᑎᒥᐃᑯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ,

1 ᑎᒧᑎ 5:4

ᐊ ᐸᐃᑯᓯᑦ ᐃᔎᐤ ᐊ ᑕᔨᒂᓂ ᒪᒃ ᐅᑦ ᐊᐛᓯᒪ ᑭᔭ ᒪᒃ ᐅᓯᒪ ᐊ ᐃᔅᐱᑎᓯᔨᒋ ᒐᒋ ᑭᓄᐛᔨᒥᑯᑦ ᑭᑈ ᒋᐸ ᑭᓄᐛᔨᒥᑯᐤ ᑭᔭ ᒋᐸ ᓄᑯᑕᔨᐛ ᐊ ᒋᔅᑕᔨᒪᔨᒋ ᒋᓴᒪᓂᑐᐛ ᑭᔭ ᑕᑈ ᑕᑈᑎᒧᐅᓂᒡ ᐊ ᐃᓯ ᐱᒪᑎᓯᔨᒋ᙮ ᐅᔭ ᐃᑎᑥᐛ ᐊᑯ ᒧᔭᒻ ᐊ ᒋᐛ ᒥᔭᒡ ᑕᓐ ᑲ ᐃᓯ ᒥᔪᑐᑕᑯᒡ ᐅᓂᒋᐃᑯᐛᐛ ᒪᒃ ᐅᒧᓱᒧᐛᐛᐤ ᐊᐅᑯᓐ ᒐ ᐃᓯᓇᑯᓯᒡ᙮ ᐊᐅᒄ ᐅᔭ ᐊ ᐃᓯ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐃᑎᓇᓄᐎᒡ᙮

1 ᐱᑕᕐ 2:12

ᓱᒃ ᐎ ᑯᐃᔅᑯᐱᒪᑎᓯᒄ ᒪᒂᒡ ᐊᓐᒡ ᐊᑲ ᑕᑈᑕᒡ ᐊ ᑕᒡ᙮ ᐊᑯᑕ ᒐᒋ ᓂᔅᑐᓇᒡ ᒋᒥᔪᑐᑎᒧᐅᓄᐛᐛ ᑭᔭ ᒐ ᒪᒥᒋᒪᒡ ᒋᓴᒪᓂᑐᐛ ᐃᔅᐱ ᑎᑯᓯᓂᔨᒐᓂ᙮ ᐊᐅᑯᓐ ᒐ ᐃᑎᒡ ᐊᑎ ᐊᓄᒡ ᓂᑎᒥᒄ ᐊ ᐃᓯ ᒪᒥᓯᒥᑕᑯᒡ ᒧᔭᒻ ᐊ ᒥᒋᑐᑎᒺᒄ᙮

1 ᐱᑕᕐ 2:20

ᐛᔅ ᑕᐸ ᒐᒂᓐ ᒋ ᐎᒋᐃᑯᓐ ᐊ ᐛᐛᓯᐃᑯᔨᓐ ᐊᒋ ᒥᒋᑐᑎᒥᓐ᙮ ᒥᒄ ᒪᒃ ᒋᓴᒪᓂᑐᐤ ᒋᑭ ᓇᐊᔨᑎᒥᐊᐤ, ᓂᓇᐧᑲᒋᐃᑯᔨᓇ ᐊᒋ ᒥᔪᑐᑎᒥᓐ ᐅᒡ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮

1 ᐱᑕᕐ 3:16

ᓱᒃ ᒧᔅ ᑯᐃᔅᒄ ᐎ ᐃᓯ ᐱᒪᑎᓯᒄ ᓇᔅᒡ ᒐᒋ ᒐᔅᑎᓇᐅᔭᒄ ᐊᑲ ᒥᒋᑐᑎᒪᒄ᙮ ᐅ ᐃᓯᓇᑯᓯᔭᒂ, ᐊᑯᑕ ᒐ ᐅᒋ ᓯᓴᒂᔨᒧᒡ ᐊᓐᒡ ᑲ ᒪᔭᔨᒥᑕᑯᒡ, ᐊᓐᒡ ᑲ ᒥᒋ ᐊᔨᒧᒥᑕᑯᒡ ᐊ ᑯᐃᔅᑯᐱᒪᑎᓯᐛᒄ ᙭ᑕ ᐊ ᓇᓴᐅᒪᑯ᙮