ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓴᔅ ᒐᑲᑦ ᐎᒪᐱᔪᐤ ᐊ ᑎᐱᔅᑲᒡ᙮ ᓴᔅ ᒋᑭ ᐅᑎᒋᐱᔪᐤ ᐊ ᒋᓯᑲᒡ᙮ ᐳᓂᑕᐤ ᐊ ᐃᑐᑎᒪᐧᒄ ᐊᓂᔭᔪᐛ ᒐᒂᔪᐛ ᑕᓐ ᐊ ᐃᓯ ᑐᑕᑭᓄᐅᒋ ᐅᓂᑎᐱᔅᒋᓯᐅᓂᒡ᙮ ᑐᑕᑕᐤ ᐊᓂᔭᔪᐤ ᒐᒂᔪᐛ ᒐ ᐎᒋᐃᑯᔭᐧᒄ ᒐᒋ ᓂᔅᑯᔅᑐᐛᐧᒄ ᒥᒋᒥᓂᑐᐤ ᐛᔅᑕᐅᓂᒡ ᐊ ᑕᔭᐧᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:12 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

1 ᑯᕆᓐᑎᔭᓇ 10:11

ᐊᐅᒄ ᐅᔭ ᒥᓯᐛ ᑲ ᐃᔅᐱᔨᒡ ᐊᓐᒡ ᐃᔪᒡ ᒐᒋ ᐅᒋ ᐃᔭᒂᒥᒥᑯᐅᔭᐧᒄ ᒐ ᐊᑲ ᒋ ᒥᒋᑐᑐᐛᐧᒄ ᒋᓴᒪᓂᑐᐤ᙮ ᒋ ᒥᓯᓇᐃᑭᓄᐛ ᒪᒃ ᐅᔭ ᐊᓐᑕ ᒐᒋ ᐅᒋ ᒋᔅᒐᔨᑎᒥᐃᑯᐅᔭᐧᒄ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᑕᓐ ᑲ ᐃᓯ ᐱᒪᑎᓯᒡ᙮ ᐛᔅ ᓴᔅ ᒪᔅᑕᔾ ᑲ ᒋᓯᑲᒋ ᒋ ᐱᒪᑎᓯᓇᓄᐤ᙮

1 ᑯᕆᓐᑎᔭᓇ 7:29

ᓂᐧᑲᓂᓯᑐᒄ, ᒪᐅ ᓇᑐᐛᔨᒥᑎᑯᒡ ᒐᒋ ᒋᔅᒐᔨᑎᒪᒄ᙮ ᓇᒪ ᓇᔅᒡ ᓴᔅ ᑐᐛᐤ ᐊᓐᑕ ᒐᒋ ᐊᑐᔅᑯᐛᑭᓄᐅᑦ ᐅᑎᐸᔨᒋᒐᐤ᙮ ᐊᓐᒡ ᒪᒃ ᑲ ᑕᔨᒋ ᐎᐛᐛ ᐊᑲᐎᔾ ᒋᑭ ᐅᒋ ᐅᑎᒥᐃᑯᐅᒡ ᐊᓂᔭ ᐊ ᓂᐳᐅᒡ ᒐᒋ ᐃᑎᒡ ᑕᓐ ᐊᓂᔭᔪᐛ ᒋᒋᐛ ᐊ ᐃᓯ ᓂᑐᐛᔨᑕᑯᓯᒡ ᒐᒋ ᐃᑎᒡ ᐊᔪᐅᒄ ᒐᒋ ᐊᑐᔅᑯᐛᒡ ᐅᑎᐸᔨᒋᒐᐛ᙮

2 ᑯᕆᓐᑎᔭᓇ 10:4

ᓇᒪ ᐎ ᐊᔅᒋᔪᐤ ᒪᓯᒐᐤ ᒐᒂᓇ ᓂᑦ ᐊᐱᒋᑕᓇᓐ᙮ ᒋᓴᒪᓂᑐᐤ ᐅᓱᐧᑲᑎᓯᐅᓐ ᓂᑦ ᐊᐱᒋᑕᐛᓇᓐ ᐊ ᓂᓱᐅᓇᒋᑕᐎᒋᒡ ᑕᓐ ᓂᓇᐧᑯᐤ ᐊ ᐃᓯ ᒪᒋᒂᐱᐧᑲᑎᑯᒡ ᐊᐛᓐᒋ ᒥᒋᒥᓂᑐᐛ᙮

2 ᑯᕆᓐᑎᔭᓇ 6:7

ᑕᓐ ᐊ ᐃᓯ ᑯᐃᔅᒄ ᐎᑎᒪᒡ ᑕᑈᐅᓐ ᑭᔭ ᑕᓐ ᑲ ᐃᓯ ᒥᔨᒥᑦ ᒋᓴᒪᓂᑐᐤ ᓱᒐᔨᑕᑯᓱᐅᓂᔪᐤ ᐊᑯᑕ ᒥᓐ ᐛᒋ ᒋᔅᒐᔨᑕᑯᓯᔭᒡ ᑕᑈ ᐊ ᐊᑐᔅᑯᐅᒋᒡ᙮ ᐊ ᐃᓯ ᑯᐃᔅᒄ ᐱᒪᑎᓯᔭᒡ ᐊᑯᑕ ᒥᒄ ᐛᒋ ᓇᑲᐊᒪᓱᔭᒡ ᑕᓐ ᐛ ᐃᓯ ᒥᒋ ᐊᔨᒧᒥᑯᐅᔭᒡ ᑭᔭ ᑕᓐ ᐛ ᐃᓯ ᒪᔭᔨᒥᑯᐅᔭᒡ ᐊᐛᓐ ᒪᒃ ᓂᑐᐎᔾ ᐊ ᐎ ᐃᑐᑐᐎᔨᒥᑦ᙮

ᐃᐱᓯᔭᓇ 4:22

ᔅᒋ ᐎᑎᒪᑯᓇᐛᐤ ᒐ ᓂᓱᐅᓇᒋᐃᑯᔭᒄ ᐊᓐ ᑲ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ᐃᑕᑎᓯᔭᒄ ᐊ ᒥᒋᑐᑎᒪᒄ᙮

ᐃᐱᓯᔭᓇ 5:11

ᐊᑲᐎᔾ ᒥᑯᔅᑲᑕᔨᑎᒧᒄ ᑕᓐ ᐊ ᐃᓯ ᓂᓇᐧᑯᐤ ᓂᑎᒥᒄ ᐃᑎᓇᓄᐅᒡ, ᑕᐸ ᓇᔅᒡ ᑯᐃᔅᒄ ᐃᓯ ᐎᒋᐃᐛᐱᔪᐛ ᐅᔭ᙮ ᐃᔭᐱᒡ ᒋᐸ ᐎ ᐛᐸᑎᔨᐛᓇᐛᐤ ᑕᓐ ᐊ ᐃᓯ ᐊᑲ ᑯᐃᔅᑯᓇᒂᒋ ᓂᑐᐎᔾ ᒐᒂᔪᐛ᙮

ᐃᐱᓯᔭᓇ 5:8

ᐛᔅ ᑭᔭ ᒋᔨᐛᐤ ᐅᓂᑎᐱᔅᒋᓯᐅᓂᒡ ᔅᒋ ᑕᓇᐛᐤ ᐊᓐᑕ ᐅᑕᒡ, ᒥᒄ ᒪᒃ ᐊᓄᒡ ᐊᑯ ᐛᔅᑕᐅᓂᒡ ᐊ ᑕᔭᒄ ᐊᓐ ᐅᒋ ᐊ ᑕᑈᔭᔨᒪᒄ ᒋᓴᒪᓂᑐᐤ᙮ ᐊᑯᑕ ᒪᒃ ᓱᐧᒃ ᐎᓯ ᐱᒪᑎᓯᒄ ᐊᑯ᙮

ᐃᑉᕈᐛ 10:25

ᒥᒄ ᒪᒃ ᓇᒪ ᒋᑭ ᒋ ᐃᑐᑕᓇᓄᐤ ᐅ ᐊᑲ ᐎᒋᐃᐛᔭᒂ ᐊᓐᑕ ᐊ ᒪᒧᐎᒡ ᑲ ᑕᑈᑕᒡ᙮ ᑕᐅᒡ ᐊᓐᒡ ᐊᑲ ᐎᒋᐃᐛᒡ ᐊᓐᑕ ᐊ ᒪᒧᐎᔨᒋ ᑲ ᑕᑈᑎᒥᔨᒋ᙮ ᒋᐸ ᒪᒧᐎᓇᓄᐤ ᐊᓐᑕ ᒐᒋ ᐅᒋ ᓯᒋᒥᑐᔭᐧᒄ᙮ ᓇᔅᒡ ᒪᒃ ᐃᑕᔨᑕᑯᓐ ᐅ ᒐᒋ ᐃᑎᔭᐧᒄ ᐛᔅ ᒋ ᐛᐸᑕᓇᓄᐤ ᐊ ᐸᓱᓇᒂᒡ ᐊᓐ ᐊ ᒋᓯᑲᒡ ᒥᓐ ᒐ ᑎᑯᓯᐧᒃ ᙭᙮

ᐃᑉᕈᐛ 12:1

ᒪᒥᑐᓇᔨᒪᑕᐅᒋ ᒪ ᐊᓐᒡ ᑲ ᒥᒐᑎᒡ ᐊᐛᓐᒋ ᓇᔅᒡ ᑲ ᐛᐸᑎᔨᐛᒡ ᐊ ᑕᑈᔭᔨᒪᒡ ᒋᓴᒪᓂᑐᐛ᙮ ᐅᔭ ᐊᒋ ᐃᑎᒡ, ᐊᐅᑯᓐ ᑭᔭ ᒋᔭᓄᐤ ᒋᐸ ᐃᑎᓇᓄᐤ᙮ ᐊᑯ ᒪᒃ ᐊᓐ ᐅᒋ ᑭᔭ ᒋᔭᓄᐤ ᐳᓂᑕᑕᐤ ᒥᓯᐛ ᐊᓂᔭ ᒐᒂᔪᐛ ᐊ ᐅᓇᐃᑯᔭᐧᒄ ᒐᒋ ᐃᑕᑎᓯᔭᐧᒄ ᐊᓂᔭ ᑕᓐ ᐊ ᐃᓯ ᓂᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᑕᑎᓯᐛᐧᒄ᙮ ᑭᔭ ᒥᓯᐛ ᐛᐱᓇᑕᐤ ᐊᓂᔭ ᒥᒋᑥᐅᓇ ᑲ ᐎ ᑎᐸᔨᒥᑯᔭᐧᒄ, ᑭᔭ ᒐ ᐱᒥᐸᔨᑐᔭᐧᒄ ᐊᓐᑕ ᐊ ᑯᒂᒋᔅᑭᑕᐅᑐᓇᓄᐅᒡ ᐊᓐᑕ ᐊᒐᐧᑯᐅᓂᒡ ᐃᔅ ᐸᑐᔅ ᒋ ᐅᑎᑎᒪᒂ ᐊᓐᑕ ᓇᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᔅᐸᑕᐛᐧᒄ᙮

ᒋᒥᔅ ᐅᒥᓯᓇᐊᒪᒐᐅᓐ 1:21

ᐛᐱᓂᒧᒄ ᒥᓯᐛ ᐎᓂᓱᐅᓐ ᑭᔭ ᒥᓯᐛ ᒥᒐᑎᓯᐅᓐ᙮ ᐱᔅᑎᓂᓱᒄ ᒋᓴᒪᓂᑐᐤ ᐊ ᑕᑦ, ᑎᑎᒺᐧᒄ ᐅᑦ ᐃᔨᒧᐅᓐ ᒋᑕᐃᐛᒡ ᑲ ᐱᑕᐊᐧᒃ ᐊᓂᔭ ᒐᒋ ᐱᒪᒋᐃᑯᐛᒄ᙮

ᒋᒥᔅ ᐅᒥᓯᓇᐊᒪᒐᐅᓐ 5:8

ᒋᔨᐛᐤ ᒪᒃ ᑭᔭ ᒋᐸ ᐎ ᓯᐱᔪᐛᓯᓇᐛᐤ᙮ ᐊᔨᒋᑲᐳᐅᒄ ᒋᑕᐃᐛᒡ ᐛᔅ ᓴᔅ ᐎᐱᒡ ᒋᑭ ᑎᑯᓯᓐ ᐅᑎᐸᔨᒋᒐᐤ᙮

1 ᐱᑕᕐ 2:1

ᓇᔅᒡ ᒪᒃ ᐊᑯ ᐳᓂᑕᒄ ᒥᓯᐛ ᒪᔭᑎᓯᐅᓐ᙮ ᐳᓂᒄ ᐊᑯ ᐊ ᑭᑭᒋᔭᔭᒄ, ᑭᔭ ᐊᑲᐎᔾ ᐎ ᐃᑕᔨᑕᑯᐃᓱᒄ ᑕᓐ ᐊᓐ ᐊᑲ ᒋᒋᐛ ᐃᑕᔨᑕᑯᓯᔭᒄ, ᐊᑲᐎᔾ ᒋᑭ ᐅᒋ ᑎᑯᓐ ᐊ ᐛᐅᑕᔨᒥᑐᔭᒄ᙮ ᑭᔭ ᐊᑲᐎᔾ ᓂᑎᒥᒄ ᐃᓯ ᐊᔨᒧᒪᐧᑯᒡ ᐊᐛᓐᒋ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

2 ᐱᑕᕐ 3:11

ᐊ ᒋᔅᒐᔨᑎᒪᒄ ᒪᒃ ᐅ ᒐ ᐃᔅᐱᔨᒡ, ᑕᓐᑕ ᒋᐸ ᐃᓯ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ᑕᑦ,

2 ᐱᑕᕐ 3:9

ᑕᐸ ᑕᔅᑎᑲᒋᔪᐤ ᐅᑎᐸᔨᒋᒐᐤ ᒐᒋ ᐃᑐᑕᐧᒃ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐ ᐃᑐᑕᐧᒃ᙮ ᑕᔅᑎᑲᒋᐤ ᐃᑕᔨᒪᐅᒡ ᒪᒃ ᑯᑎᑭᒡ ᐊᐛᓐᒋ᙮ ᒋ ᓯᐱᔪᐛᓯᔅᑕᑯᐛᐤ ᐛᔅ ᐊᓐ, ᐊᑲ ᐛᒋ ᐸᐃᒄ ᐊᐛᔪᐛ ᓂᑐᐛᔨᒪᑦ ᒐᒋ ᓂᓱᐅᓇᑎᓯᔨᒋ, ᐛᔅ ᒥᓯᐛ ᐊᐛᔪᐛ ᓂᑐᐛᔨᒪᐤ ᒐᒋ ᓂᑭᑎᒥᔨᒋ ᐅᒥᒐᑎᓯᐅᓂᔪᐤ᙮

1 ᒠᓐ 2:18

ᐊᐛᓯᑐᒄ, ᐊᔪᐅᒄ ᐅᔭ ᒪᔅᑕᔾ ᐊ ᒋᓯᑲᔨᒡ᙮ ᔅᒋ ᐎᑎᒪᑯᐅᓇᐛᐤ ᒐ ᑎᑯᓯᐧᒃ ᐊᓐ ᐊᐛᓐ ᑲ ᓱᒐᔨᒧᑐᑐᐛᑦ ᙭ᑕ᙮ ᓴᔅ ᒪᒃ ᒥᒐᑦ ᐊᐛᓐ ᙭ᑕ ᑲ ᐎ ᓱᒐᔨᒧᑐᑐᐛᑦ ᒋ ᑎᑯᓯᓄᐤ᙮ ᐊᑯᑕ ᒪᒃ ᐛᒋ ᒋᔅᒐᔨᑎᒪᐧᒄ ᐊᔪᐅᒄ ᐅᔭ ᐊ ᒪᔅᑕᔾ ᒋᓯᑲᔨᒡ᙮

ᒋᔅᒐᔨᑕᑯᑕᒐᐅᓐ 1:3

ᒋᑭ ᓱᐛᔨᑕᑯᓱᐤ ᐊᓐ ᐊᐛᓐ ᒐ ᐃᔨᒥᑕᑦ ᐅᔭ ᑕᓐ ᐊ ᐃᑎᔅᑕᔨᒡ ᐅᑕ, ᐊᓐᑕ ᒐᒋ ᐅᒋ ᐸᑎᒥᔨᒋ ᑯᑎᑲ ᐊᐛᔪᐛ᙮ ᐊᓐᒡ ᑲ ᐸᑕᒡ ᑭᔭ ᑲ ᓂᓇᐃᑕᒡ ᑕᓐ ᐊ ᐃᑎᔅᑕᔨᒡ ᐊᓐᑕ ᑭᔭ ᐎᔨᐛᐤ ᒋᑭ ᓱᐛᔨᑕᑯᓱᐅᒡ᙮ ᐛᔅ ᓴᔅ ᐸᓱᓇᑯᓐ ᒐ ᐅᑎᒋᐱᔨᒡ ᒥᓯᐛ ᒐᒋ ᐃᔅᐱᔨᒡ ᑕᓐ ᑲ ᐃᓯ ᐛᐸᑎᔨᑯᔭᓐ᙮

ᒋᔅᒐᔨᑕᑯᑕᒐᐅᓐ 22:10

ᐊᑯ ᒥᓐ ᒂ ᐸᒋ ᐃᓯᑦ, “ᐊᑲᐎᔾ ᒋᒧᑦ ᑭᓄᐛᔨᑕ ᑕᓐ ᐊ ᐃᓯ ᐊᔨᒧᑕᒡ ᐅᑕ ᒥᓯᓇᐃᑭᓂᒡ ᐊᔅᒄ ᒐ ᐃᔅᐱᔨᒡ᙮ ᐛᔅ ᓴᔅ ᐸᓱᓇᑯᓐ ᒐ ᐃᔅᐱᔨᒋ ᐅᔭ ᒐᒂᔪᐛ᙮