ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑲᐎᔾ ᓂᔅᐱᑐᐛᐧᑯᒡ ᑕᓐ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ᙮ ᐃᔭᐱᒡ ᓂᑐᐛᔨᒥᐧᒄ ᒋᓴᒪᓂᑐᐤ ᐃᔭᒡ ᒐᒋ ᐃᑕᔨᑕᑯᐃᑕᒄ ᐊ ᐅᔅᒋᑕᑦ ᑕᓐ ᐊ ᐃᓯ ᒪᒥᑐᓇᔨᑎᒺᒄ᙮ ᐊᑯ ᒪᒃ ᒐ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ, ᒋᑭ ᒋᔅᒐᔨᑕᓇᐛᐤ ᒐᒂᔪᐤ ᒪᔽᓯᔨᒡ ᑭᔭ ᒐᒂᔪᐤ ᓇᐊᔨᑎᒥᐃᑯᑦ ᒋᓴᒪᓂᑐᐤ, ᑭᔭ ᐊᓂᔭᔪᐛ ᒐᒂᔪᐛ ᓇᔅᒡ ᐊ ᑯᐃᔅᑯᓇᒂᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:2 Iomraidhean Croise

ᑎᐱᑦ ᐅᓂᑭᒧᐅᓇ 119:103

ᑕᑈ ᓂ ᓯᐅᔅᐱᑕᓐ ᒋᑦ ᐃᔨᒧᐅᓇ ! ᓂᐦᐃ ᐅᔅᑕ ᓂ ᐎᔅᑕᓐ ᐃᔅᐱᔅ ᑲᓯᐛᓯᐛᐳᔾ᙮

ᑎᐱᑦ ᐅᓂᑭᒧᐅᓇ 119:128

ᐊᐅᒄ ᐅᒋ ᓂ ᐃᑕᒋᑕᓐ ᒥᓯᐛ ᒋᑭᒐᔅᒋᒧᐛᐅᓇ ᒋᒋᐛ ᐊ ᑯᐃᔎᒋ; ᓂ ᐛᐧᑲᑕᓐ ᒪᒃ ᒥᓯᐛ ᑕᑐ ᒥᒋ ᐃᓯᑥᐅᓐ᙮

ᑎᐱᑦ ᐅᓂᑭᒧᐅᓇ 119:174

ᓂᒋ ᐱᒂᔨᑕᓐ ᒋᐱᒪᒋᐃᐛᐅᓐ, ᐅ ᑎᐸᔨᒋᒐᓱᐤ; ᒋᐎᓱᐛᐅᓐ ᑭᔭ ᓂ ᒥᔽᔨᑕᓐ᙮

ᑎᐱᑦ ᐅᓂᑭᒧᐅᓇ 119:72

ᐃᑎᓱᐛᐅᓐ ᒋᑐᓂᒡ ᑲ ᐅᒋᐱᔨᒡ ᐊᔪᐛᒃ ᓂ ᒥᔪᔅᑲᑯᓐ ᐃᔅᐱᔅ ᒥᒐᑥᐤ ᒐᓯᐱᔪᐤ ᐎᔄᐅᓱᓇᔭᒡ ᑭᔭ ᓱᓇᔭᒡ᙮

ᑎᐱᑦ ᐅᓂᑭᒧᐅᓇ 119:97

ᐅ, ᑕᑈ ᓂ ᓴᒋᑕᓐ ᒋᐎᓱᐛᐅᓐ ! ᐊᐅᒄ ᑲ ᒪᒥᑐᓇᔨᑎᒪᓐ ᐃᔅᑭᓐ ᒋᓯᑲᐛ᙮

ᑎᐱᑦ ᐅᓂᑭᒧᐅᓇ 34:8

ᐅ ᑯᒋᔅᑎᒧᒄ, ᐛᐸᑎᒧᒄ ᑭᔭ ᐊ ᒥᔽᑎᓯᑦ ᑎᐸᔨᒋᒐᓱᐤ: ᓱᐛᔨᑕᑯᓱᐤ ᐊᓐ ᐃᔪᐤ ᑲ ᒪᒥᓯᑐᑐᐛᑦ᙮

ᑎᐱᑦ ᐅᓂᑭᒧᐅᓇ 51:10

ᐅᓯᑕᒧᐎ ᐱᒋᔪᐤ ᐸᔭᒋ ᒥᑕᐃ; ᑭᓄᐛᐃᑎᒧᐎ ᒪᒃ ᑯᐃᔅᒄ ᐊᒐᐧᒄ ᒐᒋ ᐱᒋᔅᑯᐎᑦ᙮

ᐊᒃᓱᑕᔅ 23:2

ᒐ ᐊᑲ ᐎᒐᐊᑯᒡ ᐊ ᒥᒋᑐᑕᒡ ᐊᐛᓐᒋ᙮ ᒐ ᐎᑎᒪᒄ ᑕᑈᐅᓐ ᐊᑎᓱᐧᒄ ᐊᑲ ᐎᐎᑕᑥᐛ ᐊᐛᓐᒋ ᑕᑈᐅᓂᔪᐤ᙮

ᒪᑎᔪᐤ 13:22

ᐊᑯ ᒪᒃ ᐊᓐ ᑯᑎᒃ ᓂᑕᐅᒋᑕᑭᓐ ᑲ ᐸᒋᓯᐧᒃ ᐊᓐᑕ ᐊ ᑎᑯᓂᔨᒋ ᑲ ᑲᓱᑕᐛᔅᑯᒋ ᓂᐱᓯᔭᑎᑯᒡ, ᐊ ᐊᑎ ᓂᑕᐅᒋᑦ ᒪᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐃᔪᒡ ᑲ ᓂᑐᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐎᒡ ᐅᐱᒪᑎᓯᐅᓄᐛᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:19

ᒥᒄ ᒪᒃ ᐊᓂᔭ ᓇᔅᒡ ᐊ ᒥᑯᔅᑲᒋᑕᒡ ᐊᔅᒋᔪᐤ ᒐᒂᔪᐛ ᑭᔭ ᓇᔅᒡ ᒥᒄ ᐊ ᐎ ᐅᓱᓇᔭᓂᒥᒡ ᐊ ᐃᑎᒡ ᑭᔭ ᐱᓯᒄ ᐊ ᒧᔅᑕᓇᒡ ᒐᒂᔪᐛ ᒐᒋ ᐊᔭᒡ ᐊᔪᐅᒄ ᐅᔭ ᒐᒃ ᐛᒋ ᓂᓱᐅᓇᑎᓂᔨᒡ ᐅᑕᑈᑎᒧᐅᓄᐛᐤ᙮ ᐊᑯ ᒪᒃ ᓇᒪ ᒋ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮

ᒠᓐ 14:30

ᓇᒪ ᓴᔅ ᓇᔅᒡ ᓇᐅᔅ ᒋᑭ ᒋ ᐃᔨᒥᐃᑎᓇᐛᐤ, ᐛᔅ ᒥᒋᒥᓂᑐᐤ, ᐊᓐ ᑲ ᑎᐸᔨᒋᒐᑦ ᐅᑕ ᐊᔅᒋᒡ ᓴᔅ ᐸᒋ ᑎᑯᓯᓄᐤ᙮ ᒥᒄ ᒪᒃ ᓇᒪ ᓇᔅᒡ ᓂᑭ ᒋ ᐅᒋᒪᐧᑲᑎᒄ᙮

ᒠᓐ 15:19

ᐃᑕᔨᑕᑯᓯᔭᒄ ᒪᒃ ᑕᓐ ᐊ ᐃᑕᔨᑕᑯᓯᒡ ᒋᐸ ᓴᒋᐃᑯᐛᐅᒡ ᒧᔭᒻ ᐊ ᐃᓯ ᓯᓴᒋᐃᑐᒡ ᐎᔨᐛᐤ᙮ ᒥᒄ ᒪᒃ ᐊᒋ ᐅᑎᓂᑎᑯᒡ ᐊᐅᒄ ᐛᒋ ᐛᐧᑲᑎᑕᑯᒡ, ᐛᔅ ᑕᐸ ᐊᓐᑕ ᐊ ᑕᒡ ᐊᑯ ᒋ ᐊᑎ ᐃᓯ ᐎᒋᐃᐛᓇᐛᐤ᙮

ᒠᓐ 17:14

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐛᐧᑲᑎᑯᐅᒡ ᒪᒃ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐛᔅ ᑕᐸ ᐅᑕ ᐊᔅᒋᒡ ᐃᓯ ᑎᐸᔨᑕᑯᓱᐅᒡ ᒧᔭᒻ ᓂᔾ ᐊ ᐃᓯ ᐊᑲ ᑎᐸᔨᑕᑯᓯᔭᓐ ᐅᑕ ᐊᔅᒋᒡ᙮

ᒠᓐ 7:7

ᑕᐸ ᑎᑯᓂᔪᐤ ᒐᒂᔪᐤ ᒐᒋ ᐅᒋ ᐛᐧᑲᑎᑕᑯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᒥᒄ ᒪᒃ ᓂ ᐛᐧᑲᑎᑯᒡ ᓂᔾ ᐛᔅ ᓂ ᐎᑕᓐ ᑕᓐ ᐊᔅᐱᔅ ᒥᒐᑎᓯᓇᓄᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:1

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 13:14

ᓂᔅᐱᑐᐛᐧᒄ ᐅᑎᐸᔨᒋᒐᐤ ᒋᓴᔅ ᙭ ᒐᒋ ᐅᒋ ᐛᐱᒪᒡ ᐊᐛᓐᒋ ᑕᓐ ᐊ ᐃᑕᔨᑕᑯᓯᔨᒋ᙮ ᐊᑲᐎᔾ ᐊᐱᑕᔨᑎᒧᒄ ᒋᔭᓱᐛᐤ ᒐᒋ ᐃᑐᑎᒪᒄ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑲᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:12

ᐊᑯᑕ ᒪᒃ ᐛᒋ ᐛᐸᑎᒪᓐ ᐊ ᐸᔭᐧᑲᒡ ᐎᓱᐛᐅᓐ᙮ ᑭᔭ ᒥᓯᐛ ᑕᓐ ᐊᑎᓱᐛᒥᑲᒋ ᐊᓂᔭᔪᐛ ᑭᔅᒐᔎᐅᓇ ᐊᓐᑕ ᐎᓱᐛᐅᓂᒡ ᐸᔭᒋᓯᒥᑭᓇ, ᑕᑈᒥᑭᓇ, ᑭᔭ ᒥᔽᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:14

vvᑉ ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑦ ᐊᒐᒂ ᐊ ᑕᔨᒋ ᐊᒋ ᐅᒋᐱᔨᒡ ᐅ ᐎᓱᐛᐅᓐ᙮ ᓂᔾ ᐎ, ᓂ ᐎᔭᓱᐤ ᐱᒪᑎᓯᓐ ᓂᔾ᙮ ᒧᔭᒻ ᐊᐛᓐ ᑲ ᐅᑦ ᐊᐱᒋᐊᑭᓂᑐᑐᐛᑭᓄᐅᑦ ᐊᐅᑯᓐ ᐊ ᐃᑐᑕᑯᔭᓐ ᒥᒋᑥᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 7:22

ᐅᑕ ᐱᒡ ᐊ ᑕᔭᓐ ᓇᔅᒡ ᓂ ᒥᔽᔨᑎᒥᐃᑯᐛᓐ ᒋᓴᒪᓂᑐᐤ ᐅᐎᓱᐛᐅᓐ᙮

1 ᑯᕆᓐᑎᔭᓇ 3:19

ᐛᔅ ᐊᓂᔭ ᐊ ᐃᓯ ᑭᒐᑕᐛᔨᑕᒡ ᐊᐛᓐᒋ ᐅᑕ ᐊᔅᒋᒡ, ᒋᔎᓇᑯᓐ ᐃᑕᔨᑎᒻ ᐎᔾ ᒋᓴᒪᓂᑐᐤ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᐊᐱᒋᑕᐛᐤ ᓇᐸᐛ ᐅᑭᒐᑕᐛᔨᑎᒧᐅᓂᔪᐤ ᒐᒋ ᐅᒋ ᒋᔅᒐᔨᑎᒥᐊᑦ ᑕᓐ ᐊ ᐃᓯ ᒋᔎᓇᑯᓂᔨᒡ ᐅᑭᒐᑕᐛᔨᑎᒧᐅᓂᔪᐤ᙮

2 ᑯᕆᓐᑎᔭᓇ 4:4

ᓇᒪ ᑕᑈᑎᒧᒡ ᐛᔅ ᑕᔪᐛ ᐊᓂᔭᔪᐛ ᑲ ᒥᒋᒥᓂᑐᔨᒋ ᑲ ᐅᒋᒪᐧᑲᑎᒥᔨᒋ ᐅᔭ ᐊᔅᒋᔪᐤ᙮ ᐊᐅᑯᓂ ᒪᒃ ᐊᓂᔭᔪᐛ ᐊ ᐃᑐᑕᑯᒡ ᒐ ᐊᑲ ᒋ ᐛᐸᑕᒡ ᐊᓂᔭ ᐛᔅᑕᐅᓂᔪᐤ ᐊᓐᑕ ᒐᒋ ᐅᒋ ᐱᒪᒋᐅᒡ᙮ ᓇᒪ ᒋ ᓂᔅᑐᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐛᒋ ᐛᐸᑎᔨᑯᐅᔭᐧᒄ ᒋᓴᔅ ᙭ ᐅᒋᔅᑕᔨᑕᑯᓱᐅᓐ᙮ ᐛᔅ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᒪᓂᑐᐤ ᐊᐅᑯᓐ ᒧᔭᒻ ᐊ ᐃᓯ ᒋᔅᑕᔨᑕᑯᓯᑦ ᒋᓴᔅ᙮

2 ᑯᕆᓐᑎᔭᓇ 5:17

ᐃᔅᐱ ᙭ᑕ ᐊ ᑕᔨᒋ ᐊ ᐃᓯ ᑎᐸᔨᑕᑯᓯᑦ ᐊᐛᓐ ᓇᔅᒡ ᐅᔅᒋᑕᑭᓄᐅᔪᐤ ᐅᐱᒪᑎᓯᐅᓐ᙮ ᑕᓐ ᑲ ᐃᑕᔨᑕᑯᓯᑦ ᐛᔅᑭᒡ ᓴᔅ ᐎᒪᐱᔨᔪᐤ᙮ ᒥᓯᐛ ᒋ ᐃᓯ ᐅᔅᒋᐊᑭᓄᐤ ᐅᐱᒪᑎᓯᐅᓂᒡ᙮

ᑲᓚᓯᔭᓇ 1:4

ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 2:2

ᐊᐅᑯᓐ ᑲ ᐃᓯ ᐱᒪᑎᓯᔭᒄ ᐊᔅᒄ ᐊᒋ ᓇᓴᐊᒪᒄ ᑕᓐ ᐊ ᐃᑎᓇᓄᐅᒡ ᐅᑕ ᐊᔅᒋᒡ ᑭᔭ ᐊᔅᒄ ᐊᒋ ᓇᓴᐛᒄ ᐊᓐ ᑲ ᐅᒋᒪᐧᑲᑕᐧᒃ ᒋᓯᑯᔪᐤ, ᐊᓐ ᐊᒐᐧᒄ ᑲ ᐃᓯ ᐊᑐᔅᒐᑦ ᐊ ᐱᒋᔅᑯᐛᑦ ᐊᓂᔭᔪᐛ ᐊᐛᔪᐛ ᐊᑲ ᓂᓇᐃᑐᐛᔨᒋ ᒋᓴᒪᓂᑐᐛ᙮

ᐃᐱᓯᔭᓇ 5:17

ᐊᑲᐎᔾ ᒪᒃ ᒋᔎᐱᒪᑎᓯᒄ᙮ ᐃᔭᐱᒡ ᓱᒃ ᐎ ᓂᔅᑐᑎᒺᐧᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

ᑯᓚᓯᔭᓇ 1:9

ᐃᔅᐱ ᒪᒃ ᑲ ᐸᒋ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ᐳᓂᓇᓐ ᐊ ᐊᔭᒥᐊᔅᑎᒪᑕᒡ᙮ ᒧᔅ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮

ᑯᓚᓯᔭᓇ 3:10

ᑭᔭ ᓇᔅᒡ ᐃᔭᒡ ᐊᑯ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᐊᔭᔅᒃ ᐊᑎ ᐅᔅᒋᓇᑯᓇ ᒋᒥᑐᓇᔨᒋᑭᓄᐛᐛ ᒐᒋ ᓂᔅᐱᑐᐛᒄ ᒋᓴᒪᓂᑐᐤ ᐊᓐ ᑲ ᐅᓯᐃᑕᒄ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

1 ᑕᓴᓗᓂᔭᓇ 4:3

ᐛᔅ ᒋᓴᒪᓂᑐᐤ ᐊᓂᔭ ᐅᑦ ᐃᑕᔨᑎᒧᐅᓐ ᒐᒋ ᐸᔭᒋᓯᐛᒄ ᑭᔭ ᐊᑲ ᓇᔅᒡ ᐎᓂᓱᐛᑎᓯᐅᓐ ᒐᒋ ᑎᒂᒡ ᒋᐱᒪᑎᓯᐅᓄᐛᒡ᙮

ᑕᐃᑕᔅ 3:5

ᔅᒋ ᐱᒪᒋᐃᑯᓄᐤ᙮ ᓇᒪ ᐎ ᑕᓐ ᑲ ᐃᓯ ᒋᒥᔪᑐᑎᒪᐧᒄ ᒋ ᐅᒋ ᐱᒪᒋᐃᑯᓄᐤ ᒥᒄ ᐊᓂᔭ ᒋᓴᒪᓂᑐᐤ ᐊᒋ ᒋᔅᑎᒪᒐᔨᒥᑕᐧᒄ ᐊᑯᑕ ᑲ ᐅᒋ ᐱᒪᒋᐃᑕᐧᒄ᙮ ᑲ ᐸᔭᒋᓯᑦ ᐊᒐᐧᒄ ᔅᒋ ᐸᔭᒋᐃᑯᓄᐤ ᑭᔭ ᒥᓐ ᔅᒋ ᐅᔅᒋᐃᑯᓄᐤ᙮

ᒋᒥᔅ ᐅᒥᓯᓇᐊᒪᒐᐅᓐ 1:27

ᐊᓐ ᐊᔭᒥᐊᐅᓐ ᑲ ᐃᑕᔨᑕᐧᒃ ᒋᓴᒪᓂᑐᐤ ᑲ ᐅᑕᐎᒪᐅᑦ ᐊ ᑯᐃᔅᑯᓇᑯᓂᔨᒡ ᑭᔭ ᐊ ᐸᔭᒋᓇᑯᓂᔨᒡ ᒪᐅ ᐊ ᐃᓯᓇᒂᒡ, ᐃᑐᑕᑯᐤ ᐊᐛᓐ ᒐᒋ ᒥᔪ ᐎᒋᐊᑦ ᒋᐅᓴᓂᓴ ᑭᔭ ᑲ ᐸᐃᑯᓯᔨᒋ ᐃᔎᐛ ᒪᒂᒡ ᐊ ᐊᔨᒥᐅᔨᒋ ᑭᔭ ᐃᑐᑕᑯᐤ ᐊᐛᓐ ᐊᑲ ᓇᔅᒡ ᒐᒋ ᐎᓂᐃᑯᑦ ᒥᒐᑎᓯᐅᓂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮

ᒋᒥᔅ ᐅᒥᓯᓇᐊᒪᒐᐅᓐ 4:4

ᑕᑈ ᓂᑐᐎᔾ ᑲ ᐃᑎᔭᒄ᙮ ᓇᒪᐎᔾ ᐊ ᒋ ᒋᔅᒐᔨᑕᓇᐛᐤ ᐊᐛᓐ ᐊ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐛᐧᑲᑕᐤ ᒋᓴᒪᓂᑐᐛ ? ᐊᓐ ᐊᐛᓐ ᑲ ᓴᒋᑕᑦ ᑕᓐ ᐊ ᐃᑕᑎᓯᓇᓄᐎᒡ ᐅᑕ ᐊᔅᒋᒡ, ᐃᑐᑕᓱᐤ ᒐᒋ ᐛᐧᑲᑕᑦ ᒋᓴᒪᓂᑐᐛ᙮

1 ᐱᑕᕐ 1:14

ᓱᒃ ᓂᓇᐃᑐᐛᐧᒄ ᒋᓴᒪᓂᑐᐤ᙮ ᐊᑲᐎᔾ ᒥᓐ ᒋᑭ ᐅᒋ ᓂᑕᐅᒋᒥᑭᓐ ᑕᓐ ᑲᒋ ᐃᓯ ᒥᒋ ᓇᓂᑐᐛᔨᑎᒪᒄ ᐊᓐᑕ ᐅᑕᒡ ᐊᔅᒄ ᐊᑲ ᓇᔅᒡ ᒐᒂᓐ ᐅᒋ ᐊᔨᒪᔨᑎᒥᐃᑯᔭᒄ ᑭᔭ ᐊᔅᒄ ᐊᑲ ᐅᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

1 ᐱᑕᕐ 1:18

ᐛᔅ ᒋ ᒋᔅᒐᔨᑕᓇᐛᐤ ᑕᓐ ᑲ ᐃᓯ ᐎᐧᑯᒋᐃᑯᔭᒄ ᐊᓐᑕ ᐅᒋ ᐸᑯᓂᑐᐤ ᐊ ᐃᑕᔨᑕᑯᓂᔨᒡ ᐊ ᐃᓯ ᐱᒪᑎᓯᓇᓄᐎᒡ ᐊᓂᔭ ᑕᓐ ᑲ ᐃᓯ ᐸᒋ ᐊᓂᔅᒐ ᒥᔨᑕᑯᒡ ᐊᓂᔭᐧᑲ ᒋᐧᑲᓂᓱᐛᐅᒡ᙮ ᓇᒪ ᒪᒃ ᐎ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᑭᔭ ᒪᒃ ᐎᔄᐅᓱᓇᔭᐱᔅᒄ ᐅᒋ ᐊᐱᑎᓱᐤ ᑲ ᐎᐧᑯᒋᐃᑯᔭᒄ,

1 ᐱᑕᕐ 2:3

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᓴᔅ ᒋ ᒋᔅᒐᔨᑎᒥᐃᑯᓇᐛᐤ ᑕᓐ ᐊᔅᐱᔅ ᒥᔪᑐᑎᒪᑕᒄ ᐅᑎᐸᔨᒋᒐᐤ᙮”

1 ᐱᑕᕐ 4:2

ᐊᑯ ᒪᒃ ᑕᓐ ᐊᔅᒄ ᒐ ᐃᔅᐱᔅ ᐱᒪᑎᓯᒂ ᐅᑕ ᐊᔅᒋᒡ ᓇᒪ ᐊᑯ ᒋᐸ ᐅᒋ ᑎᐸᔨᒥᑯᐤ ᐎᔾ ᑕᓐ ᐊ ᐃᓯ ᒧᔅᑕᓇᔨᑕᐧᒃ ᑎᐱᔨᐛ ᒐᒋ ᐃᑕᑎᓯᑦ ᒪᒃ ᐃᐛᒃ ᒋᓴᒪᓂᑐᐛ ᑕᓐ ᐊ ᐃᓯ ᓂᑐᐛᔨᒥᑯᑦ ᐊᔪᐅᒄ ᐊᓂᔭ ᒋᐸ ᐎ ᓂᓇᑭᑐᐛᔨᑎᒥᐃᑯᐤ ᒐᒋ ᐃᑐᑕᐧᒃ᙮

2 ᐱᑕᕐ 1:4

ᐊᑯᑕ ᒪᒃ ᑭᔭ ᐅᔭᔪᐤ ᐅᒋ, ᐅᔭ ᑕᓐ ᓴᔅ ᑲ ᐃᓯ ᒥᔨᑕᐧᒄ ᒋᐱᒪᑎᓯᐅᓇᒡ, ᐊᑯᑕ ᑲ ᐅᒋ ᒥᔨᑕᐧᒄ ᐊᓂᔭ ᒥᔨᐛᐅᓇ ᓇᔅᒡ ᑲ ᒋᔅᑕᔨᑕᑯᓂᔨᒋ ᑭᔭ ᓇᔅᒡ ᑲ ᒥᔽᓯᔨᒋ᙮ ᐊᐅᑯᓐ ᐛᔅ ᑭᑈ ᐊᓂᔭᔪᐛ ᒥᔨᐛᐅᓇ ᑲ ᐊᓱᑎᒧᐛᑦ ᒥᓯᐛ ᐊᓂᔭ ᒐ ᑕᑈᔭᔨᒥᑯᑦ᙮ ᐅᔭ ᒪᒃ ᒥᔨᐛᐅᓇ ᑲ ᐊᓱᑎᒪᑕᐧᒄ, ᐊᐅᑯᓐ ᐅᔭ ᒐ ᐎᒋᐃᑯᔭᐧᒄ ᒐ ᐊᑲ ᒋ ᓴᐧᑯᒋᐱᑎᑯᔭᐧᒄ ᑲ ᓂᓱᐅᓇᒋᐃᐛᒥᑲᒋ ᒥᒋ ᓂᑐᐛᔨᑎᒧᐅᓇ ᐅᑕ ᐊᔅᒋᒡ ᐊ ᑎᒂᒋ᙮ ᐊᑯᑕ ᑭᔭ ᒐᒋ ᐅᒋ ᐊᔭᔅᒃ ᐃᑕᔨᑕᑯᓯᔭᐧᒄ ᑕᓐ ᐊ ᐃᑕᔨᑕᑯᓯᑦ ᐎᔾ ᒋᓴᒪᓂᑐᐤ᙮

2 ᐱᑕᕐ 2:20

ᒧᔭᒻ ᑲ ᐎᐧᑯᒋᐅᐛᒂ ᐊᐛᓐᒋ ᑕᓐ ᐊ ᐃᓯ ᒥᒋᑐᑕᒐᒥᑭᓂᔨᒡ ᐅᔭ ᐊᔅᒋᔪᐤ ᐊᓂᔭ ᑕᓐ ᐊ ᐃᓯ ᒋᔅᒐᔨᒪᒡ ᒋᓴᔅ ᙭ᑕ ᐊ ᑎᐸᔨᒋᒐᔨᒋ ᑭᔭ ᐊ ᐱᒪᒋᐃᐛᔨᒋ ᒥᓐ ᒪᒃ ᑲᐤ ᐊ ᑲᒋᔅᑎᓂᑯᒡ ᑭᔭ ᐊ ᓴᐧᑯᒋᐃᑯᒡ ᐅᔭ ᒐᒂᔪᐤ ᐊᑐᐎᔅ ᐃᑕᔨᑕᑯᓂᔪᐤ ᐊᓐᑕ ᐊ ᑕᒡ ᐊᓄᒡ ᐃᔅᐱᔅ ᐎᔾ ᑕᓐᑕ ᑲ ᐸᒋ ᑕᒡ ᓂᔅᑎᒻ᙮

1 ᒠᓐ 3:13

ᐊᐅᒄ ᒪᒃ ᐅ ᐅᒋ, ᓂᐧᑲᓂᓯᑐᒄ, ᐊᑲᐎᔾ ᒋᑭ ᐅᒋ ᒥᔅᑲᑕᔨᑕᓇᐛᐤ ᐊ ᐛᐧᑲᑎᑕᑯᒡ ᐊᓐᒡ ᐊᐛᓐᒋ ᐊᑲ ᑕᑈᔭᔨᒪᒡ ᒋᓴᓴ᙮

1 ᒠᓐ 5:19

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐊ ᐅᑦ ᐊᐛᓯᒥᑐᑕᑕᐧᒄ᙮ ᒥᓯᐛ ᐊᓐᒡ ᐅᑕ ᐊᔅᒋᒡ ᐊ ᑕᒡ ᑎᐸᔨᒥᑯᐅᒡ ᒥᒋᒥᓂᑐᐛ᙮

ᒋᔅᒐᔨᑕᑯᑕᒐᐅᓐ 12:9

ᐊᑯ ᒂ ᓂᒋᐛᐱᓇᑭᓄᐅᑦ ᐊᓐ ᒥᔅᑎ ᒥᓐᑐᔅ ᒋᒋᒋᓯᑯᒡ ᐅᒡ᙮ ᐊᐅᒄ ᒪᒃ ᐊᓐ ᒋᓇᐱᒄ ᐛᔅᑭᒡ ᐊᓐᑕ ᑲ ᑕᑦ, ᒥᒋᒥᓂᑐᐤ ᒪᒃ ᓴᑎᓐ ᑲ ᐃᓯᓂᐧᑲᑕᑭᓄᐅᑦ᙮ ᐊᐅᒄ ᐅ ᑲᒋ ᐎᔭᓯᐊᑦ ᒥᓯᐛ ᐊᐛᔪᐛ ᐅᑕ ᐊᔅᒋᒡ᙮ ᐊᓐᑕ ᒪᒃ ᐊᔅᒋᒡ ᒋ ᐃᓯ ᐛᐱᓇᑭᓄᐤ ᑭᔭ ᒥᓯᐛ ᐊᓂᔭ ᐅᑦ ᐊᓐᒋᓂᒪ᙮

ᒋᔅᒐᔨᑕᑯᑕᒐᐅᓐ 13:8

ᐊᑯ ᒪᒃ ᒥᓯᐛ ᐊᐛᓐ ᐊᔅᒋᒡ ᐊ ᑕᑦ ᒋᑭ ᐊᔭᒥᐊᔅᑐᐛᐤ ᐊᓂᔭ ᒥᒋ ᐊᐛᓯᓴ᙮ ᒥᒄ ᐊᓐᒡ ᐱᒪᑎᓯᐤ ᒥᓯᓇᐃᑭᓂᒡ ᑲ ᒥᓯᓇᑕᔨᒋ ᐅᑦ ᐃᓯᓂᐧᑲᓱᐅᓄᐛᐤ, ᐊᓂᔭ ᒥᓯᓇᐃᑭᓂᔪᐤ ᐊᓐᑕ ᑲ ᒥᓯᓇᓱᒡ ᐊᐛᓐᒋ ᐊᔅᒄ ᐊᑲ ᐅᒋ ᐅᓯᑕᑭᓄᐅᒡ ᐊᔅᒋᔾ, ᐊᐅᑯᓐᒡ ᐊᓐᒡ ᓇᒪ ᐅᒋ ᐊᔭᒥᐊᔅᑐᐛᐅᒡ ᐊᓂᔭ ᒥᒋ ᐊᐛᓯᓴ᙮ ᐅ ᒪᒃ ᒥᓯᓇᐃᑭᓐ ᐊᓐ ᒪᔭᑕᓂᔅ ᑲ ᓂᐸᐊᑭᓄᐅᑦ ᑎᐸᔨᑎᒻ᙮