ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒥᒄ ᒐ ᐃᔅᐱᔅ ᒋ ᐃᑐᐅᓇ, ᑯᒋᑕ ᒥᓯᐛ ᐊᐛᓐ ᒐᒋ ᒥᔪ ᐎᒐᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:18 Iomraidhean Croise

ᒐᓂᓯᔅ 21:24

ᐊᑉᕋᐊᒻ ᒂ ᐃᑕᑦ, “ᓂᑦ ᐊᓱᑎᒪᒐᓐ᙮”

ᑎᐱᑦ ᐅᓂᑭᒧᐅᓇ 34:14

ᓂᑭᑕ ᑲ ᒪᔭᑎᒡ, ᑐᑕ ᒪᒃ ᑲ ᒥᔽᓯᒡ, ᓇᓂᑐᐛᔨᑕ ᒋᔭᒪᔨᑎᒧᐅᓐ, ᓄᓱᔅᑲ ᒪᒃ᙮

ᒪᑎᔪᐤ 5:24

ᓂᑭᑕ ᐊᓐ ᒋᒥᔨᐛᐅᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᓂᔅᑎᒻ ᒐ ᒥᔪ ᐎᒐᐅᑦ ᐊᓐ ᒋᒡ ᐃᔪᐤ᙮ ᐊᑯ ᒥᓐ ᑲᐤ ᒐ ᑎᑯᓯᓂᔨᓐ ᐊᑯ ᒪᒃ ᐃᔭᒄ ᒐ ᒥᔨᑦ ᒋᓴᒪᓂᑐᐤ ᐊᓂᔭ ᑲ ᐎ ᒥᔨᑦ ᒥᔨᐛᐅᓂᔪᐤ᙮

ᒪᑎᔪᐤ 5:5

ᓱᐛᔨᑕᑯᓱᐅᒡ ᐊᓐᒡ ᑲ ᔪᔅᐸᑎᓯᒡ ᐛᔅ ᒋᑭ ᒥᔭᑭᓄᐎᒡ ᐅᔭ ᐊᔅᒋᔪᐤ᙮

ᒪᑎᔪᐤ 5:9

ᓱᐛᔨᑕᑯᓱᐅᒡ ᐊᓐᒡ ᑲ ᒥᔪᐱᔭᐊᒡ ᐊᐛᔪᐛ ᐊ ᒥᒋᐱᔨᐃᑐᔨᒋ, ᐛᔅ ᒋᓴᒪᓂᑐᐤ ᐅᑦ ᐊᐛᓯᒪ ᒋᑭ ᐃᓯᓂᐧᑲᑕᑭᓄᐎᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 9:50

ᒥᔪ ᐊᐱᑎᓐ ᓯᐅᑕᑭᓐ, ᒥᒄ ᒪᒃ ᐛᔅ ᒧᔭᒻ ᐊᑲ ᓴᐱᔅᐳᑯᒐ ᑕᓐ ᒐᒋ ᐃᑐᑎᒥᓐ ᒥᓐ ᒐᒋ ᒥᔽᒡ᙮ ᐊᑯ ᒪᒃ ᒋᔨᐛᐤ ᐊᓐᑕ ᐊ ᑕᔭᒄ ᒧᔭᒻ ᐊᒋ ᓯᐅᐃᑯᔭᒄ ᒋᐸ ᐃᑕᔨᑕᑯᓯᓇᐛᐤ ᑭᔭ ᒋᐸ ᒋᔭᒪᔨᑕᑯᓐ ᐊᓐᑕ ᐊ ᑕᔭᒄ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:15

ᐊᐅᑯᓐ ᒪᒃ ᐛᒋ ᓂᑐᐛᔨᑎᒪᓐ ᒐᒋ ᐛᐎᑎᒪᑎᑯᒡ ᑭᔭ ᒋᔨᐛᐤ ᕈᒻ ᐊ ᑕᔭᒄ ᐅ ᒥᔽᒋᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:17

ᐛᔅ ᐊᓐᑕ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ ᑕᐸ ᓇᒪᔭᔪᐤ ᑕᓐ ᐊ ᐃᓯ ᒥᒋᓱᑦ ᐊᐛᓐ ᒪᒃ ᒐᒂᔪᐤ ᐊ ᒥᓐᑦ ᓇᔅᒡ ᑲᓄᐛᐸᑕᑭᓄᐅᒡ᙮ ᐊ ᑯᐃᔅᑯᑕᑎᓯᔭᐧᒄ ᑭᔭ ᐊ ᒥᔪ ᐎᒐᐛᐧᑯᒡ ᐊᐛᓐᒋ ᑭᔭ ᐊ ᒥᔽᔨᑎᒪᐧᒄ ᒋᑕᐃᓇᒡ ᐊᐅᒄ ᒋᒋᐛ ᐊ ᐃᑕᔨᑕᒂᒡ ᒋᓴᒪᓂᑐᐤ ᐅᒋᓴᐅᒋᒪᐅᓂᒡ᙮ ᑲ ᐸᔭᒋᓯᑦ ᐊᒐᐧᒄ ᒪᒃ ᒥᔨᐛᐤ ᐅᔭ ᒐᒋ ᐃᓯ ᐱᒪᑎᓯᓇᓄᐎᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 14:19

ᓱᒃ ᒪᒃ ᒧᔅ ᐎᓯ ᐱᒪᑎᓯᑕᐤ ᒐᒋ ᐎᒋᐃᐧᑯᒡ ᑯᑎᑭᒡ ᐊᐛᓐᒋ ᒐᒋ ᒥᔪ ᐎᒐᐅᑐᒡ᙮

1 ᑯᕆᓐᑎᔭᓇ 7:15

ᐛ ᐛᐱᓇᒂ ᒪᒃ ᐎᒋᒪᑭᓇ ᐊᓐ ᐊᐛᓐ ᐊᑲ ᑕᑈᑕᐧᒃ ᐊᐅᑯᓐ ᑭᑈ ᒐ ᐃᓯᓇᑯᓂᔨᒡ᙮ ᐅ ᒪᒃ ᐃᔅᐱᔨᒐ, ᐊᓐ ᒋᐧᑲᓂᓯᓄᐤ ᑲ ᑕᑈᑕᐧᒃ ᒋᑭ ᒋ ᐱᔅᑎᓇᐤ ᒐᒋ ᓂᑭᑎᑯᑦ ᐊᓂᔭᔪᐛ ᐎᒋᒪᑭᓇ᙮ ᐛᔅ ᒋᓴᒪᓂᑐᐤ ᒋ ᓂᑐᐛᔨᒥᑯᓄᐤ ᒋᔭᒪᔨᑎᒧᐅᓂᒡ ᒐᒋ ᐃᓯ ᐱᒪᑎᓯᔭᐧᒄ᙮

2 ᑯᕆᓐᑎᔭᓇ 13:11

ᐊᑯ ᒪᒃ ᓂᐧᑲᓂᓯᑐᒄ, ᐛᒋᔭ ᒋᑦ ᐃᑎᓇᐛᐤ᙮ ᓱᒃ ᑯᒋᑕᒄ ᐊᓐ ᒐᒋ ᐃᑕᔨᑕᑯᓯᔭᒄ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᑕᔨᑕᑯᓱᐛᒄ᙮ ᐃᔭᒂᐤ ᓂᑐᑎᒧᒄ ᑕᓐ ᐊ ᐃᓯ ᓯᒋᒥᑎᑯᒡ᙮ ᓱᒃ ᐸᐃᑯᓄᒡ ᐎ ᐃᓯ ᐱᒪᑎᓯᒄ᙮ ᓱᒃ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐊᓐ ᑲ ᓴᒋᐃᐛᑦ ᑭᔭ ᑲ ᐊᔭᑦ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᐤ᙮

ᑲᓚᓯᔭᓇ 5:22

ᐊᑯ ᒪᒃ ᐊᓐᒡ ᑲ ᐸᔭᒋᓯᔨᒋ ᐊᒐᒂ ᑲ ᐱᔅᑎᓂᒧᐛᒡ ᒐᒋ ᑎᐸᔨᑎᒥᔨᒋ ᐊ ᐃᓯ ᐱᒪᑎᓯᒡ ᑭᔭ ᐎᔨᐛᐤ ᒋᐧᑲᓇᑯᓂᔪᐤ ᑕᓐ ᐊᓐ ᐊ ᐃᓯ ᐱᒪᑎᓯᒡ᙮ ᓴᒋᐃᐛᐅᒡ, ᒧᒋᒐᔨᑎᒧᒡ, ᒋᔭᒪᔨᑕᑯᓱᐅᒡ, ᓯᐱᔪᐛᓱᐅᒡ, ᒥᔽᔨᑕᑯᓱᐅᒡ, ᒥᔪᑐᑎᒧᒡ, ᑕᑈᐅᒐᔨᑕᑯᓱᐅᒡ,

ᐃᐱᓯᔭᓇ 4:3

ᓱᒃ ᒧᔅ ᐎ ᒥᔪ ᐎᒐᐅᑐᒄ᙮ ᒋᓴᒪᓂᑐᐤ ᐅᑦ ᐊᒐᒂ ᒋ ᐎᒋᐃᑯᐛᐤ ᒐᒋ ᒥᔪ ᐎᒐᐅᑐᔭᒄ ᒋᔭᒪᔨᑎᒧᐅᓂᔪᐤ ᐊ ᒥᔨᑕᒄ᙮

1 ᑕᓴᓗᓂᔭᓇ 5:13

ᓇᔅᒡ ᒋᐸ ᒋᔅᑕᔨᒪᐛᐅᒡ ᑭᔭ ᒋᐸ ᓴᒋᐊᐛᐅᒡ ᐊᓂᔭ ᐅᑦ ᐊᑐᔅᒐᐅᓄᐛᐤ ᐅᒡ᙮ ᐊᑲᐎᔾ ᒪᒥᒋᐱᔨᑐᒄ᙮

2 ᑎᒧᑎ 2:22

ᑯᒋᑕ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔨᓐ ᑕᓐ ᐊᓂᔭᔪᐛ ᓇᓂᑯᑎᓂᔾ ᐊ ᐃᓯ ᒧᔅᑕᓇᔨᑕᐧᒃ ᒐᒋ ᐃᑕᑎᓯᑦ ᐅᔅᒋᓂᒋᓱᐤ᙮ ᐅᔅᑕ ᐃᑕᔨᑎᒥᐃᑯᐤ ᑯᐃᔅᑯᑕᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ ᑭᔭ ᒋᔭᒪᔨᑎᒧᐅᓐ, ᐊ ᐎᒐᐅᑥᐤ ᐊᓐᒡ ᑲ ᑕᑈᑕᒡ ᐅᑎᐸᔨᒋᒐᐛ ᒐᒋ ᐎᒋᐃᑯᒡ ᐊ ᐸᔭᐧᑭᓂᔨᒋ ᐅᑕᐃᐛᐛ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮

1 ᐱᑕᕐ 3:11

ᐊᑯᔅ ᒋᑭ ᐳᓂᐤ ᐊ ᒥᒋᑐᑕᐧᒃ᙮ ᐅᔅᑕ ᒧᔅ ᒋᑭ ᐎ ᒥᔪᑐᑎᒪᒐᐤ᙮ ᓱᒃ ᒋᑭ ᐎ ᐊᒋᔅᑎᒻ ᒐᒋ ᐎᒋᐊᑦ ᒥᓯᐛ ᐎᐧᑲᓂᓯᒪᐛ ᒧᔅ ᒐᒋ ᒥᔪ ᐎᒐᐅᑐᔨᒋ᙮