ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒋᑦ ᐊᔅᐸᔨᒧᑐᑐᐛᐛᐤ ᒋᓴᒪᓂᑐᐤ ᒧᔅ ᒪᒃ ᒥᔽᔨᑎᒧᒄ᙮ ᓱᒃ ᐎ ᓱᒐᔨᒧᒄ ᓂᓇᐧᑲᑕᔨᒧᔭᑯ᙮ ᒧᔅ ᑭᔭ ᐊᔭᒥᐊᒄ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:12 Iomraidhean Croise

ᑎᐱᑦ ᐅᓂᑭᒧᐅᓇ 109:4

ᐊᒋ ᓴᒋᐃᒂᐤ ᓂᒋ ᐅᒋ ᐛᐧᑲᑎᑯᒡ: ᒪᒃ ᓂ ᐱᔅᑎᓂᑎᓱᓐ ᒐᒋ ᐊᔭᒥᐊᔭᓐ᙮

ᑎᐱᑦ ᐅᓂᑭᒧᐅᓇ 37:7

ᐊᔽᐱᔅᑐᐤ ᑎᐸᔨᒋᒐᓱᐤ, ᓯᐱᔪᐛᓯᐅᓂᒡ ᐊᓯᓄᐛᔾ: ᐊᑲᐎᔾ ᒥᑯᔅᑲᒋᐃᑎᓱᐤ ᐊᓐ ᐅᒋ ᑲ ᒥᔽᐱᒪᐅᓯᑦ ᐅᑦ ᐃᓯᑥᐅᓂᒡ, ᐊᓐ ᐃᔪᐤ ᐅᒋ ᑲ ᑎᐱᐸᔨᑕᑦ ᐅᒥᒋ ᐃᑕᔨᑎᒧᐅᓇ᙮

ᑎᐱᑦ ᐅᓂᑭᒧᐅᓇ 40:1

ᓯᐱᔪᐛᓯᐅᓂᒡ ᓂᒋ ᐊᓯᓄᐛᐊᐤ ᑎᐸᔨᒋᒐᓱᐤ; ᓂᒋ ᐱᔅᒐᔨᒥᒄ ᒪᒃ, ᑭᔭ ᒋ ᓂᑐᑎᒻ ᓂᒪᐅᓂᔪᐤ᙮

ᑎᐱᑦ ᐅᓂᑭᒧᐅᓇ 62:8

ᒪᒥᓯᑐᑕᐧᒄ ᑲᒋᒡ; ᒋᔨᐛᐤ ᐃᔨᑐᒄ, ᓯᒋᓇᒧᐛᐧᒄ ᒋᑕᐃᐛᐛ: ᒋᓴᒪᓂᑐᐤ ᒋᓇᑕᓯᒧᐅᓇᓄᐤ᙮

ᒪᑎᔪᐤ 5:12

ᒥᔽᔨᑎᒧᒄ ᐛᔅ ᒋᑭ ᒥᓴᐤ ᒋᑎᐸᐊᒪᑯᓯᐅᓄᐛᐤ ᑕᓐ ᐊ ᐃᓯ ᑭᓄᐛᔨᑕᒂᒡ ᐊᓐᑕ ᒋᒋᒋᓯᑯᒡ᙮ ᐛᔅ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᒋᐊᑭᓄᐎᒡ ᐊᓐᒡ ᐅᒋᔅᒋᐛᐃᒐᓱᒡ ᐊᓐᑕ ᐅᑕᒡ᙮”

ᓗᒃ 10:20

ᐊᑲᐎᔾ ᒥᔽᔨᑎᒧᒄ ᒥᒄ ᐊᒋ ᓴᐧᑯᒋᐊᑯᒡ ᒥᒋ ᐊᒐᐧᑯᒡ, ᐃᐛᒃ ᒥᔽᔨᑎᒧᒄ ᒋᑦ ᐃᓯᓂᐧᑲᓱᐅᓄᐛᐛ ᐊ ᒥᓯᓇᑕᔨᒋ ᒋᒋᒋᓯᑯᒡ᙮”

ᓗᒃ 21:19

ᒋᑭ ᐊᔭᓇᐛᐤ ᒋᒋᐛ ᐱᒪᑎᓯᐅᓐ ᐊᑲ ᓄᑎᐳᓂᔭᒂ ᐊ ᓇᓴᐎᔭᒄ᙮”

ᓗᒃ 8:15

ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ᓂᑕᐅᒋᑦ ᐊ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”

ᐊᑈᔅᑕᓇᒡ 1:14

ᒥᓯᐛ ᒪᒃ ᒋ ᓇᐊᔨᑎᒧᒡ ᒧᔅ ᒐᒋ ᐸᐃᑯᒪᒧᐎᒡ ᐊ ᒪᒧᐤ ᐊᔭᒥᐊᒡ᙮ ᐊᑯᑕ ᑲᒋ ᑕᒡ ᑭᔭ ᐊᓐᒡ ᐃᔎᐅᒡ, ᑭᔭ ᒪᕆ ᒋᓴᔅ ᐅᑲᐎᔭ, ᑭᔭ ᒋᓴᔅ ᐎᐧᑲᓂᓴ ᑲ ᓇᐸᐎᔨᒋ᙮

ᐊᑈᔅᑕᓇᒡ 12:5

ᒪᒂᒡ ᒪᒃ ᐱᑕᕐ ᑲ ᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊᓂᔭ ᐅᒪᒧᐊᔭᒥᐊᐤ ᓱᒃ ᒋ ᐊᔭᒥᐊᔅᑎᒪᑯᐤ᙮

ᐊᑈᔅᑕᓇᒡ 2:42

ᒥᓯᐛ ᒪᒃ ᐊᑯᑕ ᒧᔅ ᑲ ᑕᒡ ᐊ ᒋᔅᑯᑎᒪᒐᔨᒋ ᐊᓂᔭᔪᐛ ᐊᑈᔅᑕᓇ ᑭᔭ ᒋ ᐸᒂᓇᐅᒡ ᐸᒂᓯᑭᓇ ᑭᔭ ᒋ ᒪᒧᐤ ᐊᔭᒥᐊᐅᒡ᙮

ᐊᑈᔅᑕᓇᒡ 6:4

ᐊᑯ ᒪᒃ ᓂᔭᓐ ᒐ ᐃᔅᐱᓯᔭᒡ ᒐᒋ ᐊᔭᒥᐊᔭᒡ ᑭᔭ ᐊ ᑭᒐᔅᒋᒧᔭᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:13

ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᔭᒄ ᐊᔅᐸᔨᒧᐅᓐ ᐊᐅᑯᓐ ᐊᓐ ᓇᑐᑎᒧᐅᒄ ᓇᔅᒡ ᒐᒋ ᒥᔽᔨᑎᒥᐃᑕᒄ ᑭᔭ ᒐᒋ ᒋᔭᒪᔨᑎᒺᒄ ᐊ ᑕᑈᔭᔨᒪᒄ᙮ ᑭᔭ ᑲ ᐸᔭᒋᓯᑦ ᐊᒐᐧᒄ ᐅᓱᒐᔨᑕᑯᓱᐅᓐ ᒐᒋ ᑐᑕᑯᔭᒄ ᐊᑐᐎᔅ ᒐᒋ ᐊᔅᐸᔨᒧᑐᑕᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:4

ᒥᓯᐛ ᑕᓐ ᑲ ᐸᒋ ᐃᑎᓯᓇᐃᑭᓄᐅᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᔅᒋ ᐎ ᒋᔅᑯᑎᒪᑯᓇᓄᐤ ᐊᓐᑕ ᐅᒡ᙮ ᐊᑯᑕ ᐛᒋ ᓯᒋᒥᑯᐅᔭᐧᒄ ᑭᔭ ᐊᑯᑕ ᐛᒋ ᐊᔭᔭᐧᒄ ᓯᐱᔪᐛᓯᐅᓐ ᑭᔭ ᒐᒋ ᐊᔭᔭᐧᒄ ᐊᔅᐸᔨᒧᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:7

ᐊᓂᔭᔪᐛ ᐊᐛᔪᐛ ᒧᔅ ᑲ ᒥᔪᑐᑎᒥᔨᒋ ᐊ ᐱᑯᓴᔨᒧᔨᒋ ᒐᒋ ᒥᔪ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:25

ᒋᑦ ᐊᓱᐛᐸᑕᓇᓄᐤ ᒪᒃ ᒐᒂᓐ ᐊᑲ ᓂᑕ ᐅᒋ ᐛᐸᑎᒪᐧᒄ᙮ ᒋ ᓯᐱᔪᐛᓯᓇᓄᐤ ᒪᒃ ᐊ ᐊᓱᐛᐸᑎᒪᐧᒄ᙮

1 ᑯᕆᓐᑎᔭᓇ 13:13

ᓂᔅᑐ ᒐᒂᔪᐛ ᓇᒪ ᓂᑕ ᒋᑭ ᐅᒋ ᐃᔎᐱᔪᐛ, ᐊᐅᒄ ᐅᔭ᙮ ᑕᑈᑎᒧᐅᓐ, ᐊᔅᐸᔨᒧᐅᓐ ᑭᔭ ᓴᒋᐃᐛᐅᓐ᙮ ᐊᓐ ᒪᒃ ᓇᔅᒡ ᒐᔅᑕᔨᑕᒂᒡ ᐊᐅᒄ ᓴᒋᐃᐛᐅᓐ᙮

2 ᑯᕆᓐᑎᔭᓇ 12:8

ᓂᔍᐤ ᒪᒃ ᓂᒋ ᓂᑐᑎᒧᐛᐤ ᐅᑎᐸᔨᒋᒐᐤ ᒐᒋ ᐃᒐᓇᐧᒃ ᐅᔭ ᒐᒂᔪᐤ᙮

ᐱᓕᐱᔭᓇ 3:1

ᐊᑯ ᒪᒃ ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐅ ᑲ ᒥᓯᓇᐊᒪᑎᑯᒡ ᒋ ᐎ ᐃᑎᑎᓇᐛᐤ ᒐᒋ ᒥᔽᔨᑎᒪᒄ ᐅᑎᐸᔨᒋᒐᐤ ᐊ ᑎᐸᔨᒥᑕᒄ᙮ ᓇᒪ ᐅᔭᔅ ᓂᑦ ᐃᑕᔨᑕᓐ ᒥᓐ ᒐᒋ ᐊᔨᒧᑎᒪᑎᑯᒡ ᑕᓐ ᑲ ᐃᑎᓯᓇᐊᒪᑎᑯᒡ ᐅᑕ ᐅᑕᒡ, ᐛᔅ ᒋᑭ ᑎᑯᓐ ᑕᓐ ᒐ ᐃᓯ ᐎᒋᐃᑯᔭᒄ ᐅ᙮

ᐱᓕᐱᔭᓇ 4:4

ᒧᔅ ᒥᔽᔨᑎᒧᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᒥᓐ ᒪᒃ ᒋᑦ ᐃᑎᓇᐛᐤ, “ᒥᔽᔨᑎᒧᒄ !”

ᑯᓚᓯᔭᓇ 1:11

ᓂᑐᑎᒧᐛᐤ ᒋᓴᒪᓂᑐᐤ ᒐᒋ ᐃᑐᑕᑕᒄ ᓇᔅᒡ ᒐᒋ ᒥᔅᑯᓯᔨᑯᔭᒄ ᓱᐧᑲᑎᓯᐅᓐ, ᐎᔾ ᑲ ᒋᔅᑕᔨᑕᑯᓂᔨᒡ ᐅᓱᐧᑲᑎᓯᐅᓂᒡ ᐅᒡ᙮ ᐊᑯ ᒪᒃ ᒐ ᓯᐱᔪᐛᓯᔭᒄ ᒥᒄ ᑕᓐ ᒐ ᐃᓯ ᓂᒋᔅᑭᒧᐛᐛᒂ᙮

ᑯᓚᓯᔭᓇ 1:27

ᒋᓴᒪᓂᑐᐤ ᒪᒃ ᒋ ᐃᑕᔨᑎᒥᐃᑯᐤ ᒐᒋ ᒋᔅᒐᔨᑎᒥᔨᒋ ᐊᑯ ᐅᑦ ᐃᔨᒪ ᐊᓂᔭ ᐊᑲ ᐅᒋ ᒋᔅᒐᔨᑎᒪᐊᑦ ᐊᓐᑕ ᐅᑕᒡ᙮ ᐊᔪᐛᒡ ᒪᒃ ᒪᒥᔅᑲᑕᔨᑕᑯᓂᔪᐤ ᐅᔭ ᐛ ᐃᓯ ᒋᔅᒐᔨᑎᒪᐊᑦ ᒥᓯᐛ ᐊᐛᔪᐛ᙮ ᐊᓐ ᒪᒃ ᐊᑲ ᓂᑕ ᐅᒋ ᐸᒋ ᒋᔅᒐᔨᑕᑭᓄᐅᒡ ᐊᐅᒄ ᙭ ᐊ ᐱᒋᔅᑲᑕᒄ ᒋᑕᐃᐛᒡ ᐛᔅ ᐊᑯᑕ ᐛᒋ ᒐᔅᑎᓇᑕᔨᑎᒥᐃᑯᔭᒄ ᑕᑈ ᒐ ᐅᑎᑎᒪᒄ ᒥᓯᐛ ᑕᓐ ᐊ ᐃᓯ ᒥᔪ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮

ᑯᓚᓯᔭᓇ 4:12

ᒥᓐ ᑯᑎᒃ ᐊᐛᓐ ᐊ ᑕᔭᒄ ᐊ ᐅᒋᑦ ᒋ ᐛᒋᔭᒥᑯᐛᐤ ᐊᐅᒄ ᐅ ᐊᐸᑉᕋᔅ᙮ ᑭᔭ ᐎᔾ ᐊᑐᔅᑯᐛᐤ ᙭ ᒋᓴᓴ᙮ ᒧᔅ ᓱᒃ ᒋᑦ ᐊᔭᒥᐊᔅᑎᒪᑯᐛᐤ ᐊ ᓂᑐᑎᒧᐛᑦ ᒋᓴᒪᓂᑐᐛ ᒐᒋ ᐊᔨᒋᑲᐳᐃᑕᑯ ᓇᔅᒡ ᐊ ᓂᓇᐃᑎᒺᑦ ᐅᑦ ᐃᑕᔨᑎᒧᐅᓂᔪᐤ ᒧᔭᒻ ᐊ ᐃᑎᒡ ᐊᓐᒡ ᑲᒋ ᐃᓯ ᓂᑕᐅᒋᒡ ᑭᔭ ᓇᔅᒡ ᑲ ᑕᑈᔭᔨᒪᒡ ᒋᓴᓴ᙮

ᑯᓚᓯᔭᓇ 4:2

ᒧᓯᓇᐤ ᐊᔭᒥᐊᒄ᙮ ᐊ ᐊᔭᒥᐊᔭᒄ ᒪᒃ ᓱᒃ ᐎ ᐱᔭᑭᔅᒐᔨᑎᒧᒄ ᑭᔭ ᓂᓇᔅᑯᒪᐧᒄ ᒋᓴᒪᓂᑐᐤ᙮

1 ᑕᓴᓗᓂᔭᓇ 1:3

ᓂ ᒋᔅᒋᓯᓇᓐ ᐊ ᐃᔨᒥᐃᒋᒡ ᒋᓴᒪᓂᑐᐤ ᑕᓐ ᐊ ᐃᓯ ᒥᔪ ᐊᑐᔅᑲᑐᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ ᓂ ᒋᔅᒋᓯᓇᓐ ᑕᓐ ᐊ ᐃᓯ ᒥᔪ ᐊᐱᑎᓯᔭᒄ ᐊ ᓴᒋᐊᒄ ᒋᓴᔅ᙮ ᓂ ᒋᔅᒋᓯᓇᓐ ᑭᔭ ᑕᓐ ᐊ ᐃᓯ ᓱᒋᑲᐳᐅᔭᒄ ᐊ ᐊᔅᐸᔨᒧᑐᑐᐛᒄ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮

1 ᑕᓴᓗᓂᔭᓇ 5:8

ᐊᑯ ᒪᒃ ᒧᔭᒻ ᐊᓐᑕ ᐛᔅᑕᐅᓂᒡ ᐊ ᑕᔭᐧᒄ ᐊ ᐃᓯᓇᑯᓯᔭᐧᒄ ᑯᐃᔅᒄ ᒋᐸ ᐎ ᐃᓯ ᒪᒥᑐᓇᔨᑕᓇᓄᐤ᙮ ᐊᑯ ᒪᒃ ᒋᐸ ᐳᔅᑎᔅᑲᓇᓄᐤ ᒥᔅᑲᔅᒋᑭᓇᐱᔅᒄ ᐊᓐ ᒐ ᓇᑲᐊᒪᓱᐛᒐᔭᐧᒄ᙮ ᐅ ᒪᒃ ᒥᔅᑲᔅᒋᑭᓇᐱᔅᒄ ᐊᐅᒄ ᐊᓐ ᓴᒋᐃᐛᐅᓐ ᑭᔭ ᑕᑈᑎᒧᐅᓐ᙮ ᐃᓴᒄ ᐊᑯᓂᔎᐅᓐ ᑭᔭ ᒋᐸ ᐳᔅᑎᔅᑲᓇᓄᐤ᙮ ᐊᐅᒄ ᐊᔅᐸᔨᒧᐅᓐ ᒐ ᐱᒪᒋᐅᔭᐧᒄ᙮

2 ᑕᓴᓗᓂᔭᓇ 1:4

ᐊᐅᒄ ᒪᒃ ᐅ ᐛᒋ ᒪᒥᔽᔨᑎᒥᔨᔭᒡ ᑭᔭ ᐊᔨᒧᒥᑕᒡ ᐊᓐᑕ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊ ᑕᒡ᙮ ᓂ ᒪᒥᒋᔨᓱᓇᓐ ᐊ ᐊᔨᒧᑎᒪᒡ ᐊᑲ ᐳᓂᔭᒄ ᑭᔭ ᐊᔅᒄ ᐃᔭᐱᒡ ᐊ ᑕᑈᐅᒐᔨᒪᒄ ᙭ ᐊᑎ ᐃᔅᐱᔅ ᓂᓇᐧᑲᑕᔨᒧᐃᑯᐅᔭᒄ ᑭᔭ ᐊᔅᐱᔅ ᐊᔨᒥᐅᔭᒄ᙮

2 ᑕᓴᓗᓂᔭᓇ 3:5

ᓂ ᓂᑐᑎᒧᐛᓇᓐ ᐅᑎᐸᔨᒋᒐᐤ ᒐᒋ ᐎᒋᐃᑕᒄ ᐊᑐᐎᔅ ᒐᒋ ᒋᔅᒐᔨᑎᒺᒄ ᒋᓴᒪᓂᑐᐤ ᐅᓴᒋᐃᐛᐅᓐ᙮ ᑭᔭ ᒐᒋ ᓯᐱᔨᐛᓱᐛᒄ ᐊ ᓂᒋᔅᑭᒪᒄ ᐊ ᐊᔨᒪᒡ ᒧᔭᒻ ᙭ ᑲ ᐃᓯ ᓯᐱᔨᐛᓯᑦ᙮

1 ᑎᒧᑎ 6:11

ᒋᔾ ᒪᒃ ᑎᒧᑎ, ᒋᓴᒪᓂᑐᐤ ᑲ ᐊᑐᔅᑯᐅᑦ, ᐊᑲᐎᔾ ᐊᐱᑕᔨᑕ ᐅᔭ ᒥᒋ ᒐᒂᔪᐛ᙮ ᐅᔅᑕ ᐃᑕᔨᑎᒥᐃᑯ ᑯᐃᔅᑯᑕᑎᓯᐅᓐ, ᒋᓴᒪᓂᑐᐛᑎᓯᐅᓐ, ᑕᑈᑎᒧᐅᓐ, ᓴᒋᐃᐛᐅᓐ, ᔭᐃᑕᔨᑕᑯᓱᐅᓐ, ᑭᔭ ᒋᔭᒥᓯᐅᓐ᙮

2 ᑎᒧᑎ 3:10

ᒋᔾ ᒪᒃ ᑎᒧᑎ ᓂ ᒐᔅᑎᓇᐅᓐ ᒐ ᓇᓴᐊᒥᓐ ᓂᒋᔅᑯᑎᒪᒐᐅᓐ, ᑭᔭ ᑲ ᐃᓯ ᐱᒪᑎᓯᔭᓐ, ᑭᔭ ᓂᑦ ᐃᑕᔨᑎᒧᐅᓐ᙮ ᔅᒋ ᐛᐸᑕᓐ ᑕᓐ ᑲ ᐃᓯ ᑕᑈᑎᒪᓐ, ᑕᓐ ᑲ ᐃᓯ ᓯᐱᔪᐛᓯᔭᓐ, ᑭᔭ ᓂᓴᒋᐃᐛᐅᓐ, ᑭᔭ ᔅᒋ ᐛᐸᑕᓐ ᑕᓐ ᑲ ᐃᓯ ᓯᐱᔪᐛᓯᔅᑎᒪᓐ ᑕᓐ ᑲ ᐃᓯ ᓂᓇᐧᑯᐤ ᓂᒋᔅᑭᒪᓐ᙮

ᑕᐃᑕᔅ 2:13

ᐊᐅᒄ ᐊ ᐃᓯ ᐱᒪᑎᓯᔭᐧᒄ ᐊ ᐊᓱᐛᐸᑎᒪᐧᒄ ᒐᔅᑎᓇᔅ ᒐ ᐃᔅᐱᔨᒡ ᐊᓐ ᐊ ᓱᐛᔨᑕᒂᒡ ᐊ ᒋᓯᑲᒡ ᒐ ᑎᑯᓯᐧᒃ ᐊᓐ ᑲ ᓱᐧᑲᑎᓯᑦ ᒋᓴᒪᓂᑐᐤ ᑭᔭ ᒋᐱᒪᒋᐃᐛᒥᓄᐤ ᒋᓴᔅ ᙭ ᐊ ᐸᒋ ᓄᑯᓯᑦ ᐅᒋᔅᑕᔨᑕᑯᓱᐅᓂᒡ᙮

ᑕᐃᑕᔅ 3:7

ᐊᑯ ᒪᒃ ᐊᓂᔭ ᐊᒋ ᒋᓴᐛᑐᑕᑕᐧᒄ ᒋᓴᒪᓂᑐᐤ ᔅᒋ ᐃᑐᑕᑭᓄᐤ ᒐᒋ ᑯᐃᔅᑯᓇᑯᓯᔭᐧᒄ ᑭᔭ ᒋᔭᔅᑎᓇᑕᔨᑎᒪᐧᒄ ᒐ ᐊᔭᔭᐧᒄ ᑲᒋᒡ ᐱᒪᑎᓯᐅᓐ᙮

ᐃᑉᕈᐛ 10:32

ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ᐸᑎᒪᒄ ᐊ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ᓱᒋᑲᐳᐅᔭᒄ ᑲ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ᔭᐃᑎᓐ ᒋᑕᑈᑎᒧᐅᓄᐛᐤ᙮

ᐃᑉᕈᐛ 10:36

ᒋ ᓂᑐᐛᔨᑕᑯᓯᓇᐛᐤ ᒐᒋ ᓯᐱᔪᐛᓯᔭᒄ ᑭᔭ ᒐᒋ ᐃᑐᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᑭᔭ ᒐᒋ ᒥᔅᑭᒺᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᑕᒄ᙮

ᐃᑉᕈᐛ 12:1

ᒪᒥᑐᓇᔨᒪᑕᐅᒋ ᒪ ᐊᓐᒡ ᑲ ᒥᒐᑎᒡ ᐊᐛᓐᒋ ᓇᔅᒡ ᑲ ᐛᐸᑎᔨᐛᒡ ᐊ ᑕᑈᔭᔨᒪᒡ ᒋᓴᒪᓂᑐᐛ᙮ ᐅᔭ ᐊᒋ ᐃᑎᒡ, ᐊᐅᑯᓐ ᑭᔭ ᒋᔭᓄᐤ ᒋᐸ ᐃᑎᓇᓄᐤ᙮ ᐊᑯ ᒪᒃ ᐊᓐ ᐅᒋ ᑭᔭ ᒋᔭᓄᐤ ᐳᓂᑕᑕᐤ ᒥᓯᐛ ᐊᓂᔭ ᒐᒂᔪᐛ ᐊ ᐅᓇᐃᑯᔭᐧᒄ ᒐᒋ ᐃᑕᑎᓯᔭᐧᒄ ᐊᓂᔭ ᑕᓐ ᐊ ᐃᓯ ᓂᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᑕᑎᓯᐛᐧᒄ᙮ ᑭᔭ ᒥᓯᐛ ᐛᐱᓇᑕᐤ ᐊᓂᔭ ᒥᒋᑥᐅᓇ ᑲ ᐎ ᑎᐸᔨᒥᑯᔭᐧᒄ, ᑭᔭ ᒐ ᐱᒥᐸᔨᑐᔭᐧᒄ ᐊᓐᑕ ᐊ ᑯᒂᒋᔅᑭᑕᐅᑐᓇᓄᐅᒡ ᐊᓐᑕ ᐊᒐᐧᑯᐅᓂᒡ ᐃᔅ ᐸᑐᔅ ᒋ ᐅᑎᑎᒪᒂ ᐊᓐᑕ ᓇᑐᐛᔨᒥᑕᐧᒄ ᒋᓴᒪᓂᑐᐤ ᒐᒋ ᐃᔅᐸᑕᐛᐧᒄ᙮

ᐃᑉᕈᐛ 3:6

ᐊᓂᔭ ᒪᒃ ᒋᓴᒪᓂᑐᐛ ᐊ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ᐊᔅᐸᔨᒧᔭᐧᒄ᙮

ᐃᑉᕈᐛ 5:7

ᒪᒂᒡ ᐅᑕ ᐊᔅᒋᒡ ᑲ ᐱᐸᒧᑕᑦ ᒋᓴᔅ ᒥᒐᑥᐤ ᒋ ᐃᓯᓇᑯᓱᐤ ᓱᒃ ᐊ ᓂᑐᑎᒧᐛᑦ ᐊᓂᔭᔪᐛ ᑲ ᒋᔅᒐᔨᒪᑦ ᒐᒋ ᐎᒋᐃᑯᑦ ᒐ ᐊᑲ ᒋ ᓂᐸᐊᑭᓄᐅᑦ᙮ ᒋ ᐸᑕᑯᐤ ᒪᒃ ᐛᔅ ᒋ ᓂᓇᐃᑐᐛᐤ᙮

ᐃᑉᕈᐛ 6:12

ᓇᒪ ᒋ ᓂᑐᐛᔨᒥᑎᓇᓐ ᒐᒋ ᒋᑎᒥᔭᒄ, ᐃᔭᐱᒡ ᓂᔅᐱᑐᐛᐧᑯᒡ ᐊᓐᒡ ᑲ ᑕᑈᑕᒡ ᐊᑲ ᒋᐛᑲᐳᔅᑐᐛᒡ ᒋᓴᒪᓂᑐᐛ, ᐛᔅ ᐊᐅᑯᓐᒡ ᐅᒡ ᒐ ᒥᔨᑯᒡ ᒋᓴᒪᓂᑐᐛ ᑕᓐ ᐊᓂᔭᔪᐛ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᒡ᙮

ᐃᑉᕈᐛ 6:15

ᒋ ᓯᐱᔪᐛᓯᐤ ᒪᒃ ᐊᑉᕋᐊᒻ ᐊ ᐊᓱᐛᐱᑦ ᒐ ᐃᔅᐱᔅ ᐃᑐᑎᒧᐛᑭᓄᐅᑦ ᐊᓂᔭ ᑲ ᐃᑕᑭᓄᐅᑦ ᒐᔅᑎᓇᔅ ᒐ ᐃᑐᑎᒧᐛᑭᓄᐅᑦ᙮ ᒐᒃ ᒥᒐᑐᐤ ᐱᐳᓇ ᑲ ᐊᓱᐛᐱᑦ᙮ ᐊᑯ ᑲ ᒥᔨᑯᑦ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 5:7

ᓂᐧᑲᓂᓯᑐᒄ, ᓯᐱᔪᐛᓯᒄ ᒐ ᐃᔅᐱᔅ ᐊᑲ ᑎᑯᓯᐧᒃ ᐅᑎᐸᔨᒋᒐᐤ᙮ ᒋ ᒋᔅᒐᔨᒪᐤ ᑲ ᓂᑕᐅᒋᑕᑦ ᐊ ᐃᔅᐱᔅ ᓯᐱᔪᐛᓯᑦ ᐊ ᐊᓱᐛᐸᑕᐧᒃ ᒐᒋ ᒋ ᐃᓯ ᓂᑕᐅᒋᓂᔨᒋ ᐊ ᒥᔽᓯᔨᒋ ᓂᑕᐅᒋᑕᑭᓇ ᐊᓐᑕ ᑲ ᓂᑕᐅᒋᑕᑦ᙮ ᓯᐱᔪᐛᓱᐤ ᐊ ᐊᓱᐛᐸᑕᐧᒃ ᒐᒋ ᒋᒧᓂᔨᒡ ᐊ ᓯᑯᓂᔨᒡ ᑭᔭ ᐊ ᑎᒂᒋᓂᔨᒡ᙮

1 ᐱᑕᕐ 4:13

ᐃᔭᐱᒡ ᒋᐸ ᒥᔽᔨᑕᓇᐛᐤ ᐊ ᐎᒋᐃᐛᔭᒄ ᑕᓐ ᑲ ᐃᓯ ᐛᐎᓯᒐᔨᑎᒥᐊᑭᓄᐅᑦ ᙭, ᐊᑯ ᒪᒃ ᒐ ᓴᑭᔅᒋᓇᔅᑲᑯᔭᒄ ᒥᔽᔨᑎᒧᐅᓐ ᐃᔅᐱ ᐸᒋ ᓄᑯᑕᑭᓄᔨᒐ ᐅᒋᔅᑕᔨᑕᑯᓱᐅᓐ᙮

1 ᐱᑕᕐ 4:7

ᓴᔅ ᐸᓱᓇᑯᓐ ᒥᓯᐛ ᒐᒂᓐ ᒐ ᐃᔎᐱᔨᒡ᙮ ᒋ ᓂᑐᐛᔨᑕᑯᓯᓇᐛᐤ ᒐᒋ ᐃᓯ ᓂᓇᑭᑐᐛᔨᑎᒪᒄ ᑕᓐ ᐊ ᐃᑎᔭᒄ ᑭᔭ ᐊᓱᐛᐱᒄ ᐊ ᐊᔭᒥᐊᔭᒄ᙮

2 ᐱᑕᕐ 1:6

ᒥᓐ ᒪᒃ ᒐᒂᓐ ᒐ ᐎ ᐊᑎ ᐊᔭᔭᒄ ᐊᐅᒄ ᐅ ᒐᒋ ᒥᔪ ᓂᓇᑭᑐᐛᔨᒥᓱᔭᒄ ᒋᐱᒪᑎᓯᐅᓄᐛᒡ᙮ ᐃᔅᐱ ᒪᒃ ᐊ ᐊᑎ ᒥᔪ ᓂᓇᑭᑐᐛᔨᒥᓱᔭᒂ, ᐊᑯ ᒐ ᐊᑎ ᓱᒋᑲᐳᐅᔅᑎᒪᒄ ᓂᓇᐧᑯᐤ ᒐᒂᓐ᙮ ᐅ ᒪᒃ ᐊ ᐊᑎ ᓱᒋᑲᐳᐅᔭᒂ, ᐊᑯ ᒐ ᐊᑎ ᒪᓂᑐᐛᑎᓯᔭᒄ᙮

ᒋᔅᒐᔨᑕᑯᑕᒐᐅᓐ 13:10

ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᒐᒋ ᒋᐸᐛᑭᓄᐅᑦ ᒋᑭ ᒋᐸᐛᑭᓄᐤ, ᑭᔭ ᐊᓐ ᐊᐛᓐ ᑲ ᐃᑎᔅᑕᔨᑯᐱᓇ ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ ᒐᒋ ᓂᐸᐊᑭᓄᐅᑦ ᒐᔅᑎᓇᔅ ᐊᑯᓐ ᒐ ᐃᑐᑐᐛᑭᓄᐅᑦ᙮ ᐊᑯ ᒪᒃ ᐊᓐᒡ ᑲ ᑕᑈᑕᒡ ᓇᑐᐛᔨᑕᑯᓯᒡ ᓱᒃ ᒐᒋ ᓯᐱᔪᐛᓯᒡ ᐊ ᐊᔨᒋᑲᐳᐅᒡ ᑭᔭ ᓱᒃ ᒧᔅ ᒐᒋ ᑕᑈᑕᒡ᙮