ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᑕᐸ ᓂᑕ ᐃᒐᓇᐤ ᒋᓴᒪᓂᑐᐤ ᐊᓂᔭᔪᐛ ᑲ ᐅᑎᓇᑦ᙮ ᑭᔭ ᓇᒪ ᓂᑕ ᑲᐤ ᐅᑎᓂᒻ ᐊᓂᔭ ᑕᓐ ᓴᔅ ᑲ ᐃᓯ ᒥᔭᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:29 Iomraidhean Croise

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:30

ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ ᐊᓐᑕ ᐅᑕᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᐊᓂᔭ ᒪᒃ ᐊᓄᒡ ᐊᑲ ᓂᓇᐃᑐᐛᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᔪᐅᒄ ᐛᒋ ᒋᔅᑎᒪᒐᔨᒥᑕᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:30

ᐊᓂᔭᔪᐛ ᒪᒃ ᓂᑲᓐ ᑲ ᐎᔭᔨᒪᑦ ᐊᐛᔪᐛ ᒋ ᑕᑈᑕᐤ᙮ ᐅᔭ ᒪᒃ ᑲ ᑕᑈᑕᑦ ᒋ ᑯᐃᔅᑯᓇᑯᐊᐤ ᐎᔾ ᐃᔅ ᐊ ᑕᑦ᙮ ᐅᔭ ᒪ ᑲ ᑯᐃᔅᑯᓇᑯᐊᑦ ᒋ ᒋᔅᑕᔨᑕᑯᐊᐤ᙮

1 ᑯᕆᓐᑎᔭᓇ 1:26

ᑭᓄᐛᐱᒥᓱᒄ ᒪ ᑕᓐ ᑲ ᐃᑕᔨᑕᑯᓯᔭᒄ ᒋᔨᐛᐤ ᓂᐧᑲᓂᓯᑐᒄ ᐃᔅᐱ ᒋᓴᒪᓂᑐᐤ ᑲ ᑕᑈᑎᑕᒄ᙮ ᓇᒪ ᒥᒐᑦ ᐊᓐᑕ ᐊ ᑎᓯᔭᒄ ᒋ ᐅᒋ ᐃᑕᔨᒥᑯᐛᐤ ᓇᐸᐤ ᐊ ᑭᓄᐛᐱᒥᑕᒄ ᓇᔅᒡ ᐊ ᐃᑈᐧᑲᐛᒄ᙮ ᓇᒪ ᒥᒐᑦ ᒋ ᐅᒋ ᐃᑕᔨᒥᑯᓇᐛᐤ ᓇᔅᒡ ᐊ ᐅᒋᒪᐛᔨᑕᑯᓯᔭᒄ ᑭᔭ ᓇᒪ ᒥᒐᑦ ᒋ ᐅᒋ ᓇᔅᒡ ᒋᒋᐛᔭᔨᒥᑯᓇᐛᐤ᙮

ᐃᐱᓯᔭᓇ 1:18

ᓂ ᓂᑐᑎᒪᓐ ᑭᔭ ᒐᒋ ᒋᔅᒐᔨᑎᒺᒄ ᒐᒂᔪᐤ ᐊᓂᔭ ᑲ ᒥᔨᑕᒄ ᒋᓴᒪᓂᑐᐤ ᒐᒋ ᐊᔅᐸᔨᒧᑐᑎᒺᒄ ᐃᔅᐱ ᑲ ᐅᑎᓂᑕᒄ᙮ ᑭᔭ ᒐᒋ ᒋᔅᒐᔨᑎᒪᒄ ᑕᓐ ᐊᔅᐱᔅ ᐛᔪᑎᓂᔨᒋ ᐊ ᒋᔅᑕᔨᑕᑯᓂᔨᒋ ᒥᔪ ᒥᔨᐛᐅᓇ ᑕᓐ ᐊ ᐃᓯ ᐊᔭᔅᑯᔅᑎᒧᐛᑦ ᑲ ᑕᑈᑎᒥᔨᒋ ᒐ ᒥᔭᑦ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

ᐃᐱᓯᔭᓇ 4:4

ᒥᓯᐛ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᐸᐃᒄ ᒥᔪᐤ ᐃᓯᓇᑯᓱᐅᒡ᙮ ᑭᔭ ᒥᒄ ᐸᐃᑯᓱᐤ ᑲ ᐸᔭᒋᓯᑦ ᐊᒐᐧᒄ᙮ ᐸᐃᑯᓐ ᑭᔭ ᐊᔅᐸᔨᒧᐅᓐ, ᐊᓂᔭ ᒋᓴᒪᓂᑐᐤ ᑲ ᒥᔨᑕᒄ ᐃᔅᐱ ᑲ ᐅᑎᓂᑕᒄ᙮

ᐱᓕᐱᔭᓇ 3:14

ᓇᔅᒡ ᐊ ᐃᔅᐱᓯᔭᓐ ᓱᒃ ᓂ ᐎ ᒋᔅᑕᓐ ᒐᒋ ᐎᐧᑯᒋᑎᒪᓱᔭᓐ ᐊᓐ ᑲᓂᔪᐅᓐ ᑕᓐ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐅᑦ ᒋᓴᒪᓂᑐᐤ ᒐ ᐊᔭᐅᒡ ᙭ ᒋᓴᓴ ᐅᒋ, ᐊᐅᒄ ᑲᒋᒡ ᐱᒪᑎᓯᐅᓐ᙮

2 ᑕᓴᓗᓂᔭᓇ 1:11

ᐊᐅᒄ ᒪᒃ ᐅ ᐛᒋ ᒧᔅ ᐊᔭᒥᐊᔅᑎᒪᑕᒡ᙮ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᒐᒋ ᒋᔅᑕᔨᑕᑯᓯᔭᒄ ᒐᒋ ᐃᓯ ᐱᒪᑎᓯᔭᒄ ᐊᓂᔭ ᑕᓐ ᑲ ᐃᓯ ᓂᑐᐛᔨᒥᑕᒄ ᒐᒋ ᐃᓯ ᐱᒪᑎᓯᐛᒄ᙮ ᓂ ᓂᑐᑎᒧᐛᓇᓐ ᒐᒋ ᒥᔨᑕᒄ ᓱᐧᑲᑎᓯᐅᓂᔪᐤ ᒐᒋ ᐃᑐᑎᒪᒄ ᒥᓯᐛ ᐊ ᐃᓯ ᐱᑯᓴᔨᒥᑯᐅᔭᒄ ᒐᒋ ᐃᓯ ᒥᔪᑐᑎᒪᒄ᙮ ᑭᔭ ᒐᒋ ᐎᒋᐃᑕᒄ ᒐᒋ ᒋᔅᑕᐛᒄ ᐊᓂᔭᔪᐛ ᒐᒂᔪᐛ ᑲ ᐃᑐᑎᒪᒄ ᐊ ᑕᑈᑎᒪᒄ᙮

2 ᑎᒧᑎ 1:9

ᒋᓴᒪᓂᑐᐤ ᔅᒋ ᐱᒪᒋᐃᑯᓄᐤ ᑭᔭ ᔅᒋ ᑕᑈᑎᑯᓄᐤ ᒐᒋ ᐸᔭᒋᓯᔭᐧᒄ ᐊ ᐅᑦ ᐃᔨᒥᑕᑕᐧᒄ᙮ ᓇᒪ ᐎ ᐊᓂᔭ ᑕᓐ ᑲ ᐃᓯ ᐊᑐᔅᒐᐛᐧᒄ ᐅᔭ ᐛᒋ ᐃᑐᑕᑕᐧᒄ᙮ ᐊᔅᒄ ᐊᑲ ᐅᒋ ᑎᑯᓂᔨᒡ ᐅᔭ ᐊᔅᒋᔪᐤ ᓴᔅ ᒋ ᐎᔭᔨᑎᒻ ᐅᔭ ᒐ ᐃᑐᑕᑕᐧᒄ ᒋᓴᒪᓂᑐᐤ᙮ ᔅᒋ ᐎ ᐛᐸᑎᔨᑯᓄᐤ ᐅᒋᓴᐛᑎᓯᐅᓐ ᙭ᑕ ᐊ ᑕᔨᒋ ᐅᒡ᙮

ᐃᑉᕈᐛ 3:1

ᓂᐧᑲᓂᓯᑐᒄ ᑲ ᐸᔭᒋᓯᔭᒄ, ᑭᔭ ᒋᔨᐛᐤ ᒋᓴᒪᓂᑐᐤ ᑲ ᑕᑈᑎᑕᒄ᙮ ᒪᒥᑐᓇᔨᒪᐧᒄ ᒪ ᒋᓴᔅ, ᐊᐅᑯᓂ ᐅᔭ ᒋᓴᒪᓂᑐᐤ ᐅᑦ ᐃᑎᓴᐛᑭᓇ᙮ ᑭᔭ ᐊᐅᒄ ᐅ ᐛᒋᓴᐊᔭᒥᐊᐅᒋᒪᒥᔭᐧᒄ᙮ ᒋ ᐎᒋᐃᑯᓄᐤ ᓇᔅᒡ ᒐᒋ ᑕᑈᑎᒪᐧᒄ ᑭᔭ ᒐᒋ ᐎᑎᒪᐧᒄ ᑕᓐ ᐊ ᐃᓯ ᑕᑈᑎᒪᐧᒄ᙮

ᐃᑉᕈᐛ 7:21

“ ‘ᒋᔾ ᒧᔅ ᒋᑭ ᐊᔭᒥᐊᐅᒋᒪᐅᓐ᙮’ ᓇᒪ ᒪᒃ ᓂᑕ ᐃᔭᒡ ᓂᑭ ᐅᒋ ᐃᑕᔨᑎᒥᐃᑯᓐ, ᒋᔾ ᑲᒋᒡ ᒐ ᐊᔭᒥᐊᐅᒋᒪᐎᔨᓐ᙮” ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ ᓇᒪ ᓂᑕ ᐅᒋ ᐃᑕᐤ ᐊᓂᔭ ᑯᑎᑲ ᐊᔭᒥᐊᐅᒋᒪᐛ ᐊᓐᑕ ᓕᐸᐃᔨᒋ ᐊ ᑕᔨᒋ ᑲ ᐅᒋ ᐊᓂᔅᒐ ᐱᒪᑎᓯᔨᒋ᙮

2 ᐱᑕᕐ 1:10

ᐊ ᒪᒥᑐᓇᔨᑎᒪᒄ ᒪᒃ ᒥᓯᐛ ᐅ ᑲ ᐃᓯ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ, ᓱᒃ ᐊᑐᐎᔅ ᑯᒋᑕᒄ ᑕᑈ ᒐᒋ ᓄᒂᒡ, ᑕᑈ ᒐᒋ ᓂᔅᑐᓇᒂᒡ ᒋᐱᒪᑎᓯᐅᓄᐛᒡ ᐊᒋ ᐎᔭᔨᒥᑕᒄ ᒋᓴᒪᓂᑐᐤ ᑭᔭ ᐊ ᑎᑯᓂᔨᒡ ᑕᓐ ᑲ ᐃᓯ ᑕᑈᑎᑕᒄ ᒐᒋ ᐃᑕᐱᑎᓱᐛᒄ᙮ ᐛᔅ ᒧᔭᒻ ᐅ ᑎᔭᒂ, ᓇᒪ ᓂᑕ ᒋᑭ ᐅᒋ ᐸᒋᓯᓇᐛᐤ ᒋᑕᑈᑎᒧᐅᓄᐛᒡ ᐅᒡ᙮