ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᒋ ᐊᑐᐛᔨᑎᒧᒡ ᒥᔽᒋᒧᐅᓂᔪᐤ᙮ ᐊᑯᑕ ᐛᒋ ᓄᑯᓂᔨᒡ ᐊ ᐛᐧᑲᑕᒡ ᒋᓴᒪᓂᑐᐛ᙮ ᒐᒋ ᐱᒪᒋᐅᔭᒄ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐛᒋ ᐃᔅᐱᔨᒡ ᐅ᙮ ᐃᔭᐱᒡ ᒪᒃ ᓴᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮ ᐛᔅ ᐅᑦ ᐊᓂᔅᒐ ᐛᐧᑯᒪᑭᓂᔪᐛ ᐊᓐᑕ ᐃᔅ ᐅᑕᒡ ᒋ ᐅᑎᓇᐤ ᒐᒋ ᐅᑦ ᐃᔨᒥᑦ᙮ ᐊᑯ ᒪᒃ ᐊᓄᒡ ᑕᐱᔨᐛᐅᓯᑦ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:28 Iomraidhean Croise

ᒐᓂᓯᔅ 26:4

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔭ᙮ ᒋᑦ ᐊᓂᔅᑯᑕᐸᓐᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 28:14

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒐ ᐊᑲ ᐊᐛᓐ ᒋᒋᒪᑦ, ᒋᑭ ᒥᓯᑕᐱᔪᐅᒡ ᐊᑎᒪᐱᓯᒧᒡ ᑭᔭ ᐛᐱᓄᑕᒡ ᐃᔅ, ᒋᐛᑎᓄᒡ ᑭᔭ ᐱᓯᒧᑕᒡ ᐃᔅ᙮ ᒋᔾ ᐅᒋ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᒪᑎᔪᐤ 21:43

ᐊᑯ ᒋᓴᔅ ᒂ ᐊᑎ ᐃᑕᑦ, “ᐅ ᒪᒃ ᒋ ᐎ ᐃᓯ ᐎᑎᒪᑎᓇᐛᐤ, ᒋᓴᒪᓂᑐᐤ ᐅᒋᓴᐅᒋᒪᐅᓐ ᒋᑭ ᒥᔅᑭᒥᑯᓇᐛᐤ, ᐊᑯ ᒐ ᐊᓱᒥᔭᑭᓄᐎᒡ ᐊᓐᒡ ᑕᑈ ᒐ ᓄᑯᑕᐛᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᐱᒪᑎᓯᐅᓄᐛᒡ᙮

ᓗᒃ 1:54

ᒋ ᐎᒋᐊᐤ ᐃᔅᕋᐃᓪ ᐃᔪᐛ, ᒧᔅ ᐊᒋ ᒋᔅᒋᓯᑦ ᑕᓐ ᐊ ᐃᓯ ᒋᔅᑎᒪᒐᔨᒪᑦ᙮

ᐊᑈᔅᑕᓇᒡ 14:2

ᐊᑯ ᐊᓐᒡ ᒍᐤ ᐃᔪᒡ ᐊᑲ ᑕᑈᑕᒡ, ᒋ ᐃᑐᑐᐛᐅᒡ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒥᒋᐱᔭᐊᔨᒋ ᐊᓂᔭᔪᐛ ᐎᐧᑲᓂᓯᒪᐛ᙮

ᐊᑈᔅᑕᓇᒡ 18:6

ᒋ ᐊᓏᑕᑯᐤ ᒪᒃ ᑭᔭ ᒋ ᒪᔭᔨᒥᑯᐤ ᐊᑯ ᑈᓪ ᒂ ᐸᐳᐛᒄ ᐅᑦ ᐊᐱᒋᑕᐅᓇ ᐊ ᓄᑯᑕᑦ ᐊᑲ ᓂᐃᔅᑲᑯᑦ ᐊᓂᔭ ᐊ ᐃᑎᔨᒋ᙮ ᐊᑯ ᒂ ᐃᑕᑦ, “ᒋᔨᐛᐤ ᒋᑭ ᐃᑐᑕᓱᓇᐛᐤ ᓂᓱᐅᓇᑎᓯᔭᒂ, ᓇᒪᔭᐤ ᓂᔾ ᒐ ᑐᑕᑎᑯᒡ᙮ ᐛᔅ ᐊᐅᑯᐤ ᒐ ᒋᒋᐱᔭᓐ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᐛᐎᑎᒧᐅᒂᐤ ᒥᔽᒋᒧᐅᓂᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:11

ᒥᓐ ᑯᑎᒡ ᒐᒂᓐ ᓂ ᐎ ᑯᒂᒋᒐᒧᓐ᙮ ᐃᔅᐱ ᑲ ᐊᑐᐛᔨᒪᒡ ᒋᓴᒪᓂᑐᐛ ᐊᓐᒡ ᒍᐤ ᑲ ᐃᑎᔅᑲᓇᓯᒡ, ᒋ ᓇᔅᐱᒡ ᐸᒋᓯᓄᐅᒡ ᐊ ᐊᓂᔭ ᑲ ᐸᒋᓯᒡ ? ᓇᒪ ᐅᒋ ᓇᔅᐱᒡ ᐸᒋᓯᓄᐅᒡ᙮ ᐊᓂᔭ ᐊ ᐊᑐᐛᔨᒪᒡ ᒋᓴᒪᓂᑐᐛ ᐊᑯᑕ ᑲ ᐅᒋ ᓇᐃᐱᔨᑕᔨᒋ ᒐᒋ ᐱᒪᒋᐊᔨᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ᙮ ᒋ ᐱᒪᒋᐊᔪᐛ ᒪᒃ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᐅᑕᔨᑕᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:30

ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ ᐊᓐᑕ ᐅᑕᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ᙮ ᐊᓂᔭ ᒪᒃ ᐊᓄᒡ ᐊᑲ ᓂᓇᐃᑐᐛᒡ ᐊᓐᒡ ᒍᐤ ᑲ ᐃᑎᔅᑲᓇᓯᒡ ᐊᔪᐅᒄ ᐛᒋ ᒋᔅᑎᒪᒐᔨᒥᑕᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:7

ᓇᒪ ᒪᒃ ᐅᒋ ᒥᔅᑭᒧᒡ ᐊᓐᒡ ᐃᔅᕋᐃᓪ ᐃᔪᒡ ᐊᓂᔭ ᓇᔅᒡ ᑲ ᓇᓂᑐᐛᔨᑕᒡ᙮ ᒥᒄ ᐊᓐᒡ ᒋᓴᒪᓂᑐᐛ ᑲ ᐅᑎᓂᑯᒡ ᐊᐅᑯᓐᒡ ᐊᓐᒡ ᑲ ᒥᔅᑲᒡ᙮ ᐊᑯ ᐊᓐᒡ ᑯᑎᑭᒡ ᐊᔭᔅᒃ ᓇᒪ ᐅᒋ ᐸᑐᐛᐅᒡ ᒋᓴᒪᓂᑐᐛ ᑭᔭ ᓇᒪ ᐅᒋ ᓂᔅᑐᑎᒧᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 5:10

ᐊᔅᒄ ᒪᒃ ᒪᒂᒡ ᐊᑲ ᓇᔅᒡ ᐅᒋ ᐊᐱᑕᔨᒪᐧᒄ ᒋᓴᒪᓂᑐᐤ ᐃᔭᐱᒡ ᒋ ᐅᑎᓂᒻ ᑕᓐᑕ ᒐᒋ ᐅᒋ ᐃᓯᓇᑯᓂᔨᒡ ᒐᒋ ᐊᑎ ᒥᔪ ᐎᒐᐛᐧᒄ᙮ ᑲ ᓂᐱᔅᑎᒪᑎᔨᑕᐧᑯ ᙭ᑕ ᐊᑯᑕ ᑲ ᐅᒋ ᓇᐃᐱᔨᑕᑦ ᐅᔭ ᒐᒋ ᐃᓯᓇᑯᓂᔨᒡ᙮ ᐊᑯ ᒪᒃ ᐊᓄᒡ ᐊ ᒥᔪᐎᒐᐛᐧᒄ ᒋᓴᒪᓂᑐᐤ ᒐᔅᑎᓇᑕᔨᑕᑯᓐ ᒐ ᐱᒪᒋᐃᑕᐧᒄ ᒋᓴᔅ ᐅᐱᒪᑎᓯᐅᓂᒡ ᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:5

ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮