ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒋ ᐛᐸᑎᒺᓇᓄᐤ ᒪᒃ ᑕᓐ ᐊᔅᐱᔅ ᒥᔽᔨᑕᑯᓯᑦ ᒋᓴᒪᓂᑐᐤ ᑭᔭ ᒋ ᐛᐸᑎᒺᓇᓄᐤ ᑕᓐ ᒐᒋ ᐃᔅᐱᔅ ᐊᑲ ᒥᓇᑎᓯᑦ᙮ ᓇᒪ ᒥᓇᒋᐊᐤ ᐊᓂᔭᔪᐛ ᑲ ᐸᒋᓯᓂᔨᒋ ᒥᒄ ᒪᒃ ᒥᔪᑐᑎᒧᐛᐤ ᐊᓂᔭ ᒧᔅ ᑲ ᐎ ᒥᔪᑐᑎᒥᔨᒋ ᐎᔾ ᐃᔅ ᐊ ᑕᑦ᙮ ᐊᑲ ᒪᒃ ᐅ ᐃᑎᔨᓇ ᑭᔭ ᒋᔾ ᒋᑭ ᒥᓂᓱᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:22 Iomraidhean Croise

ᑎᐱᑦ ᐅᓂᑭᒧᐅᓇ 31:19

ᐅ, ᑕᑈ ᒥᓴᐤ ᒋᒥᔪᑐᑕᒐᐅᓐ, ᑲᒋ ᐊᔅᑐᐛᑭᓄᒡ ᐊᓐᒡ ᑲ ᓇᓂᒋᔅᑕᔅᒡ; ᑲᒋ ᐃᑐᑎᒧᐅᑥᐤ ᐊᓐᒡ ᑲ ᒪᒥᓯᑐᑕᔅᒡ, ᐅᑎᔅᑯᐤ ᐃᔪᐤ ᐅᑯᓯᓴᓐᒡ !

ᓗᒃ 8:15

ᐊᓐ ᒪᒃ ᓂᑕᐅᒋᑕᑭᓐ ᑲ ᒥᔪ ᓂᑕᐅᒋᑦ ᐊ ᒥᔪᔅᑭᒥᑲᔨᒡ ᐊᔅᒋᒡ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᐛᓐᒋ ᑲ ᓂᑐᑐᒺᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᓂᓇᐃᑎᒧᒡ, ᑭᔭ ᑭᓄᐛᔨᑎᒧᒡ᙮ ᒧᓯᓇᐤ ᑕᑈᑎᒧᒡ ᐊ ᓯᐱᔪᐛᓯᒡ ᑭᔭ ᒐᒃ ᐊ ᒥᔪ ᒥᓂᓱᐅᒡ ᐅᐱᒪᑎᓯᐅᓄᐛᒡ᙮”

ᒠᓐ 15:2

ᒥᓯᐛ ᐅᑎᐧᑯᓇ ᓂᔾ ᐊ ᑕᔭᓐ ᑲ ᑎᒂᒋ ᐊᑲ ᒥᓂᓱᔨᒋ ᓄᑕᐎᔾ ᒪᓂᓯᒻ᙮ ᐊᑯ ᐊᓂᔭᔪᐛ ᐅᑎᐧᑯᓇ ᑲ ᒥᓂᓱᔨᒋ ᒥᓯᐛ ᐛᐛᓯᑕᐤ ᐊᑐᐎᔅ ᒐᒋ ᒥᓂᓱᔨᒋ᙮

ᒠᓐ 8:31

ᒋᓴᔅ ᒪᒃ ᒋ ᐃᑕᐤ ᐊᓂᔭᔪᐛ ᒍᐤ ᐃᔪᐛ ᑲ ᑕᑈᔭᔨᒥᑯᑦ, “ᒧᔅ ᓂᓇᐃᑎᒪᒂ ᓂᒋᔅᑯᑎᒪᒐᐅᓇ, ᒋᔨᐛᐤ ᐊᐅᒄ ᑕᑈ ᓂᒋᔅᒋᓄᐊᒧᐛᑭᓐᒡ᙮

ᐊᑈᔅᑕᓇᒡ 11:23

ᐃᔅᐱ ᒪᒃ ᑕᑯᓯᐧᒃ ᐸᕐᓇᐸᔅ ᐊᓐᑕ, ᐎᔭᐸᑎᒧᐛᑦ ᒪᒃ ᒋᓴᒪᓂᑐᐤ ᑕᓐ ᐊ ᐃᓯ ᓱᐛᔨᒪᔨᒋ ᐊᓂᔭᔪᐛ ᐃᔪᐛ, ᒋ ᒥᔽᔨᑎᒻ᙮ ᒋ ᓯᒋᒪᐤ ᒪᒃ ᒐᒋ ᐊᔨᒋᑲᐳᔨᒋ ᑭᔭ ᓱᒃ ᒧᔅ ᒐ ᐎ ᓂᓇᐃᑎᒪᔨᒋ ᐅᑎᐸᔨᒋᒐᐛ᙮

ᐊᑈᔅᑕᓇᒡ 14:22

ᐊᑯᑕ ᐊᓐᑕ ᑲ ᐃᔨᒪᐊᒡ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊ ᓯᒋᒪᒡ ᒐᒋ ᒪᒥᒋᒥᓂᒥᔨᒋ ᐅᑕᑈᑎᒧᐅᓂᔪᐤ᙮ ᒋ ᐃᑕᐅᒡ ᑭᔭ ᐊ ᓂᑐᐛᔨᑕᑯᓂᔨᒡ ᐊᐛᓐ ᒐᒋ ᓂᒋᔅᑲᐧᒃ ᓂᓇᐧᑯᐤ ᒐᒂᔪᐛ ᐊ ᐊᔨᒥᓂᔨᒋ ᒐᒋ ᐱᒐᑦ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:21

ᓇᒪ ᐅᒋ ᒥᓇᒋᐊᐤ ᒋᓴᒪᓂᑐᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ, ᐊᓂᔭᔪᐛ ᒋᒋᐛ ᐅᑎᐧᑯᓇ ᐊᓐᑕ ᒥᔅᑎᑯᒡ ᑲ ᐃᓯ ᑭᓄᐛᐱᒪᑭᓄᔨᒋ᙮ ᒋᑦ ᐃᑕᔨᑕᓐ ᐊ ᒪᒃ ᒋᔾ ᒐ ᒥᓇᒋᐃᔅᒃ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:7

ᐊᓂᔭᔪᐛ ᐊᐛᔪᐛ ᒧᔅ ᑲ ᒥᔪᑐᑎᒥᔨᒋ ᐊ ᐱᑯᓴᔨᒧᔨᒋ ᒐᒋ ᒥᔪ ᑭᓄᐛᐱᒥᑯᔨᒋ ᒋᓴᒪᓂᑐᐛ ᑭᔭ ᒐᒋ ᒥᔽᒋᒥᑯᔨᒋ ᑭᔭ ᒐᒋ ᒥᔨᑯᔨᒋ ᑲᒋᒡ ᒐᒋ ᐱᒪᑎᓯᔨᒋ, ᒋᑭ ᒥᔭᐤ ᑲᒋᒡ ᒐᒋ ᐱᒪᑎᓯᔨᒋ᙮

1 ᑯᕆᓐᑎᔭᓇ 15:2

ᐊᐅᒄ ᒥᔽᒋᒧᐅᓐ ᒋᓴᔅ ᑲ ᐊᔨᒧᒪᑭᓄᐅᑦ ᑲ ᐊᔨᒧᑎᒪᓐ ᑲ ᑭᒐᔅᒋᒥᑎᑯᒡ᙮ ᐊᐅᒄ ᒐ ᐱᒪᒋᐃᑯᔭᒄ ᓱᒃ ᒥᒪᒋᒥᓂᒪᒂ᙮ ᐊᑲ ᒪᒃ ᐅ ᑎᔭᒂ ᐊᑯ ᑭᑈ ᒐᔅᑲ ᐊᒋ ᑕᑈᑎᒪᒄ ᒐ ᐃᓯᓇᒂᒡ ᐊᑲ ᐱᒪᒋᐃᑯᔭᒂ᙮

ᑲᓚᓯᔭᓇ 6:9

ᐊᑲᐎᔾ ᒋᑭ ᐅᒋ ᑕᔅᑎᑲᒋᓇᓄᐤ ᐊ ᒥᔪᑐᑎᒪᐧᒄ᙮ ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ᒥᔪᑐᑎᒪᐧᒄ᙮

1 ᑕᓴᓗᓂᔭᓇ 3:5

ᐊᐅᒄ ᒪᒃ ᐊᓂᔭ ᐛᒋ ᔭᐃᑕᔾ ᒋ ᐃᑎᓴᐅᒄ ᑎᒧᑎ ᐊᓐᑕ ᐊ ᑕᐛᒄ᙮ ᐃᔅᐱ ᐊᑲ ᑲᒋ ᐃᑎᔭᓐ ᐊᑲ ᒋᔅᒐᔨᒥᑎᑯᒡ ᑕᓐ ᐊ ᐃᔅᐱᔨᔭᒄ ᐊᑯ ᒂ ᐃᑎᓴᐅᒃ ᑎᒧᑎ ᐊᓐᑕ ᐊ ᑕᐛᒄ ᒐᒋ ᓂᑐ ᒋᔅᒐᔨᒥᑕᒡ ᑕᓐ ᐊ ᐃᔅᐱᔪᐛᒂ ᐊ ᑕᑈᔭᔨᒪᒄ ᙭᙮ ᓂᒋ ᓴᒋᓯᓐ ᒐᒋ ᐃᑐᑕᑕᒄ ᒥᒋᒥᓂᑐᐤ ᒐᒋ ᐳᓂᐛᒄ ᐊ ᑕᑈᑎᒪᒄ ᒐᔅᑲ ᒐᒋ ᐃᓯᓇᒂᒡ ᑕᓐ ᑲ ᐃᓯ ᐊᑐᔅᑯᐅᒋᒡ ᐅᑎᐸᔨᒋᒐᐤ ᐊᓐᑕ ᐊ ᑕᔭᒄ᙮

1 ᑕᓴᓗᓂᔭᓇ 3:8

ᐊᑯ ᒪᒃ ᒧᔭᒻ ᐊ ᐅᔅᒋᐃᑯᐅᔭᒡ ᓂᐱᒪᑎᓯᐅᓇᒡ ᓂᑦ ᐃᑕᔨᑕᓇᓐ ᐊ ᒋᔅᒐᔨᒥᑕᒡ ᐊᔅᒄ ᐃᔭᐱᒡ ᐊ ᓱᒋᑲᐳᐅᔭᒄ ᐊ ᐎᒐᐛᒄ ᐅᑎᐸᔨᒋᒐᐤ᙮

ᐃᑉᕈᐛ 10:23

ᓱᒃ ᒪᒃ ᓱᒋᑲᐳᐅᑕᐤ ᑕᓐ ᐊ ᐃᓯ ᒐᔅᑎᓇᑕᔨᑎᒪᐧᒄ, ᐊᑲᐎᔾ ᐊᓏᑎᒧᑕᐤ, ᐛᔅ ᒐᔅᑎᓇᔅ ᒋᑭ ᐃᑐᑎᒻ ᒋᓴᒪᓂᑐᐤ ᐊᓂᔭ ᑲ ᐃᔅᒋᔄᑦ ᒐ ᐃᑐᑕᐧᒃ᙮

ᐃᑉᕈᐛ 3:14

ᒋᐸ ᓱᒋᑲᐳᐅᓇᓄᐤ ᒋᑕᑈᑎᒧᐅᓂᒡ ᒐ ᐃᔅᐱᔅ ᐱᒪᑎᓯᐛᐅᒂ, ᒧᔭᒻ ᑕᓐ ᑲ ᐃᔅᐱᔅ ᓱᒋᑲᐳᐅᔭᐧᒄ ᐅᔅᑭᒡ ᑲ ᑕᑈᔭᔨᒪᐧᒄ᙮ ᐅ ᒪᒃ ᑎᔭᒂ ᙭ ᒥᓯᐛ ᑕᓐ ᐊ ᐃᓯ ᐊᔭᑦ ᒋᑭ ᒥᔨᑯᓄᐤ ᑭᔭ ᒋᔭᓄᐤ ᒐᒋ ᐊᔭᐛᐧᒄ ᑕᓐ ᐊ ᐃᓯ ᐊᔭᑦ᙮

ᐃᑉᕈᐛ 3:6

ᐊᓂᔭ ᒪᒃ ᒋᓴᒪᓂᑐᐛ ᐊ ᐅᑯᓯᑐᑕᑯᑦ ᒋᓴᔅ, ᑯᐃᔅᒄ ᐃᓯ ᐊᑐᔅᑯᐛᐤ ᒋᓴᒪᓂᑐᐛ ᐊ ᓂᑲᓂᔅᑯᐅᒪᑦ ᐅᑦ ᐃᔨᒥᔪᐛ᙮ ᙭ ᐊᐅᒄ ᒋᓴᒪᓂᑐᐤ ᐅᑯᓯᓴ᙮ ᒋᔭᓄᐤ ᒪᒃ ᒋᑭ ᐅᑦ ᐃᔨᒥᑐᑕᑭᓄᐤ ᒋᓴᒪᓂᑐᐤ, ᒧᔭᒻ ᓱᒋᑕᐊᔭᒂ ᑕᑈᑎᒧᐅᓂᒡ ᑭᔭ ᓱᒃ ᒥᒪᒋᒥᓂᒪᒂ ᑕᓐ ᐊ ᐃᓯ ᐊᔅᐸᔨᒧᔭᐧᒄ᙮

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮

ᒋᔅᒐᔨᑕᑯᑕᒐᐅᓐ 2:5

ᒋᔅᒋᓯᒄ ᒪ ᑕᓐ ᑲ ᐃᔅᐱᔅ ᓴᒋᐃᔭᒄ ᐅᔅᑭᒡ᙮ ᐊᐅᑯᓐ ᐊ ᒪᒃ ᐊ ᐃᔅᐱᔅ ᓴᒋᐃᔭᒄ ᐊᓄᒡ᙮ ᒂᔅᑲᑎᓯᒄ ᑭᔭ ᑲᐤ ᐃᑎᒄ ᑕᓐ ᑲᒋ ᐃᑎᔭᒄ ᐊᔅᒄ ᓇᔅᒡ ᐊᒋ ᓴᒋᐃᔭᒄ᙮ ᐛᔅ ᐊᑲ ᒂᔅᑲᑎᓯᔭᒂ, ᓂᑭ ᑎᑯᓯᓐ ᒐ ᐅᑎᓂᒪᓐ ᐊᓐ ᒋᐛᔅᑕᓂᐱᒪᑭᓇᑎᑯᐛᐤ᙮