ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᒐ ᐃᔨᒥᐃᑎᑯᒡ᙮ ᐊᐅᒄ ᓂᔾ ᒋᑦ ᐊᑈᔅᑕᓂᒧᐛᐤ᙮ ᒧᔅ ᒪᒃ ᒋᒋᐛ ᓂᑭ ᐃᑕᔨᑎᒥᐃᑯᓐ ᐅ ᐊᑐᔅᒐᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:13 Iomraidhean Croise

ᐊᑈᔅᑕᓇᒡ 13:2

ᒪᒂᒡ ᒪᒃ ᐊᓐᑕ ᐊ ᐊᑲ ᒥᒋᓱᒡ ᒥᒄ ᐊ ᒪᒧᐤ ᐊᔭᒥᐊᔅᑐᐛᒡ ᒋᓴᒪᓂᑐᐛ, ᐊᑯᑕ ᑲ ᐃᔨᒥᐃᑯᒡ ᑲ ᐸᔭᒋᓯᔨᒋ ᐊᒐᒂ ᐊ ᐃᑎᑯᒡ, “ᐸᒋ ᑎᐸᓇᐊᐧᑯᒡ ᐸᕐᓇᐸᔅ ᑭᔭ ᓴᓪ ᐛᔅ ᓂᒋ ᐎᔭᔨᒪᐅᒡ ᒐᒋ ᐃᑐᑎᒧᐅᒡ ᐊᑐᔅᒐᐅᓂᔪᐤ᙮”

ᐊᑈᔅᑕᓇᒡ 22:21

“ᐊᑯ ᒂ ᐃᓯᑦ ᐅᑎᐸᔨᒋᒐᐤ, ‘ᒪᒋ ᐃᔭᐱᒡ ᐛᔅ ᐛᔪᐤ ᒋᑭ ᐃᑎᓴᐅᑎᓐ ᐊᓐᑕ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐊ ᑕᒡ᙮’ ”

ᐊᑈᔅᑕᓇᒡ 9:15

ᐊᑯ ᐊᓇᓇᔭᔅ ᒂ ᐃᑎᑯᑦ ᐅᑎᐸᔨᒋᒐᐛ, “ᐃᑐᑕ ᐃᔭᐱᒡ, ᐛᔅ ᓂᒋ ᐅᑎᓇᐤ ᓴᓪ ᒐᒋ ᐸᒋ ᐊᑐᔅᑯᐅᑦ, ᑭᔭ ᒐᒋ ᐸᒋ ᒋᔅᒐᔨᑕᑯᐃᑦ ᐊᓐᑕ ᒍᐤ ᐃᔪᐛ ᐊ ᑕᔨᒋ ᑭᔭ ᐊᓐᑕ ᐊ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ, ᑭᔭ ᒋᓴᐅᒋᒪᐛ ᐊ ᑕᔨᒋ᙮

ᑲᓚᓯᔭᓇ 1:16

ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮

ᑲᓚᓯᔭᓇ 2:2

ᒋᓴᒪᓂᑐᐤ ᓂᒋ ᐛᐸᑎᔨᒄ ᐊ ᓂᑐᐛᔨᒥᑦ ᐊᓐᑕ ᒐᒋ ᐃᑐᑕᐅᒡ᙮ ᑲ ᑎᑯᓯᓂᔭᓐ ᒪᒃ ᐊᓐᑕ ᓂᔾ ᑭᔭ ᐊᓐᒡ ᑲ ᓂᑲᓂᐊᑭᓄᐎᒡ ᑲ ᑕᑈᑕᒡ ᑎᐸᓐ ᓂᒋ ᒪᒧᐎᓇᓐ᙮ ᓂᒋ ᐎᑎᒧᐛᐅᒡ ᑕᓐ ᐊᓐ ᑲ ᐃᔅᒋᔄᐅᒡ ᑲ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭᔪᐛ ᐊᑲ ᑕᑈᑎᒥᔨᒋ᙮ ᓂᒋ ᐎ ᒋᔅᒐᔨᒪᐅᒡ ᑕᓐ ᐊ ᐃᑕᔨᑎᒥᐃᑯᐛᒂ ᐊᓂᔭ ᑲ ᐃᓯ ᐛᐎᑎᒧᒡ᙮ ᐛᔅ ᒋ ᑎᑯᓂᑯᐱᓇ ᒐᒂᔪᐤ ᐊᑲ ᐅᒋ ᓇᐊᔨᑎᒥᐃᑯᒡ ᒐᔅᑲ ᒋᐸ ᐃᓯᓇᑯᓐ ᑕᓐ ᑲ ᐃᓯ ᐸᒋ ᐛᐎᑎᒪᓐ ᐊᓐᑕ ᐅᑕᒡ᙮ ᓇᒪ ᒪᒃ ᓂ ᐅᒋ ᓂᑐᐛᔨᑕᓐ ᒐᔅᑲ ᒐᒋ ᐃᓯᓇᒂᒡ᙮

ᐃᐱᓯᔭᓇ 3:8

ᐊᑎ ᒪᒃ ᓂᔾ ᒪᐅᒡ ᓄᑕᔭᔅ ᐊ ᐃᑕᔨᑕᑯᓯᔭᓐ ᐊ ᐃᑕᔨᑕᑯᓯᒡ ᑲ ᑕᑈᑕᒡ, ᐃᔭᐱᒡ ᓂᔾ ᓂᒋ ᓱᐛᔨᒥᒄ ᒋᓴᒪᓂᑐᐤ ᐊᒋ ᒥᔨᑦ ᒐᒋ ᐛᐎᑎᒪᒥᒋ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᑕᓐ ᐊᔅᐱᔅ ᓇᔅᐱᒡ ᐛᔪᑎᓂᔨᒡ ᑭᔭ ᐊᔅᐱᔅ ᐊᑲ ᓂᑕ ᐳᓂᐱᔨᒡ ᑕᓐ ᐛ ᐃᓯ ᓱᐛᔨᒥᑕᒄ ᒋᓴᒪᓂᑐᐤ ᙭ᑕ ᐊ ᑕᔨᒋ ᐅᒋ᙮

1 ᑎᒧᑎ 2:7

ᐛᔅ ᑕᑈ ᓂᒋ ᐅᑎᓂᑯᐅᓐ ᒐᒋ ᐛᐎᑎᒪᓐ ᒥᔽᒋᒧᐅᓐ ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒧᐅᒂᐤ ᐊᓂᔭ ᑕᑈᐅᓂᔪᐤ ᒋᐸ ᐃᓯ ᑕᑈᑎᒧᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᓇᒪ ᒪᒃ ᓂᑎᒥᒄ ᓂᑦ ᐃᔅᒋᔄᓐ ᐅ ᑲ ᐃᔅᒋᔄᔭᓐ᙮