ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑎ ᒪᒃ ᐊᒋ ᑕᔨᒋ ᐊᓂᔭᔪᐛ ᑲ ᐃᑎᓴᐊᒧᐛᑭᓄᐎᒡ ᒐᒋ ᐛᐎᑎᒪᑯᒡ ᒥᔽᒋᒧᐅᓂᔪᐤ ᐊᓐᒡ ᒍᐤ ᐃᔪᒡ ᓇᒪ ᒥᓯᐛ ᐅᒋ ᑕᑈᑎᒧᒡ᙮ ᐊᐅᒄ ᒪᒃ ᐅᔭ ᐊᓂᔭᐧᑲ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐊᔨᒧᑕᐧᒃ ᑲ ᐃᔅᒋᔄᑦ, ᐅᑎᐸᔨᒋᒐᐤ, ᐊᑐᐎᔅ ᐊ ᐊᐛᓐ ᑕᑈᑎᒻ ᑕᓐ ᐊ ᐃᓯ ᐛᐎᑎᒪᒡ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:16 Iomraidhean Croise

ᒪᑎᔪᐤ 13:14

ᒧᔭᒻ ᐊᓂᔭ ᐅᒋᔅᒋᐛᐃᒐᓱᐤ ᐊᐃᓴᔭ ᑲ ᐃᔅᒋᔄᒂ, ᐅᒡ ᐃᔪᒡ ᒋᑭ ᐸᑎᒧᒡ, ᓇᒪ ᒥᒄ ᒋᑭ ᐅᒋ ᓂᔅᑐᑎᒧᒡ, ᒋᑭ ᐛᐸᑎᒧᒡ, ᓇᒪ ᒥᒄ ᒋᑭ ᐅᒋ ᓂᔅᑐᐅᓂᒧᒡ᙮

ᒠᓐ 10:26

ᒋᔨᐛᐤ ᒪᒃ ᐎ ᓇᒪ ᒋᑭ ᐅᒋ ᑕᑈᑐᐅᓇᐛᐤ ᐛᔅ ᑕᐸ ᐊᓐᑕ ᓂᒪᔭᑕᓂᓯᒥᒡ ᐊ ᑕᒡ ᒋ ᐊᑎ ᐃᓯ ᐎᒋᐃᐛᓇᐛᐤ᙮

ᐊᑈᔅᑕᓇᒡ 28:24

ᐱᔅᒐ ᒪᒃ ᒋ ᑕᑈᑕᑯᐤ, ᑯᑎᑲ ᓇᒪ ᐅᒋ ᑕᑈᑎᒥᔪᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:5

᙭ ᐅᒋ ᒋᓴᒪᓂᑐᐤ ᓂᒋ ᐅᑎᓂᑯᓇᓐ ᐊ ᒥᔽᔨᑕᑯᓂᔨᒡ ᒐᒋ ᐃᓯ ᐊᑐᔅᑯᐅᒋᒡ, ᐊᐅᒄ ᐅᔭ ᐊᑈᔅᑕᓐ ᒐᒋ ᐃᑕᐱᑎᓯᐅᒋᒡ, ᒐᒋ ᐎᒋᐃᒥᒋᒋ ᒥᓯᐛ ᓂᓇᐧᑯᐤ ᐊ ᐃᑎᔅᑲᓇᓯᔨᒋ ᐊᐛᔪᐛ ᒐᒋ ᐊᑎ ᑕᑈᔭᔨᒥᑯᑦ ᑭᔭ ᒐᒋ ᐊᑎ ᓂᓇᐃᑕᑯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:17

ᐊᓐᒡ ᐃᔪᒡ ᒍᐤ ᑲ ᐃᑎᔅᑲᓇᓯᒡ ᐊᐅᑯᐤ ᐅᒡ ᐊᓕᑉ ᒥᔅᑎᒄ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᑲ ᓂᑕᐅᒋᐊᑭᓄᐅᑦ᙮ ᒋ ᑎᑯᓇ ᐅᑎᐧᑯᓇ ᐊᒋ ᓇᑥᑲᐃᑭᓄᐅᒋ ᐊᓐᑕ ᐅᒋ ᒥᔅᑎᑯᒡ᙮ ᐸᐃᒄ ᒪᒃ ᐅᑎᐧᑯᓐ ᓂᑎᒥᒄ ᐊ ᓂᑕᐅᒋᑦ ᐊᓕᑉ ᒥᔅᑎᒄ ᒋ ᒋᑭᒧᑕᑭᓄᐅᔪᐤ ᐊᓐᑕ᙮ ᒋᔨᐛᐤ ᒪᒃ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᑯᓐ ᐊᓐ ᐊᓕᑉ ᒥᔅᑎᒄ ᐊᓐᑕ ᓂᑐᐎᔾ ᑲ ᓂᑕᐅᒋᑦ᙮ ᐊᓄᒡ ᒪᒃ ᒋ ᒥᔪ ᓂᑕᐅᒋᓇᐛᐤ ᐊᒐᐧᑯᐅᓂᒡ ᑭᔭ ᒋᔨᐛᐤ, ᒧᔭᒻ ᑕᓐ ᐊ ᐃᓯ ᒥᔪ ᓂᑕᐅᒋᒡ ᐊᒐᐧᑯᐅᓂᒡ ᐊᓐᒡ ᒍᐤ ᐃᔪᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:26

ᐊᓄᒡ ᒪᒃ ᓴᔅ ᒋ ᒋᔅᒐᔨᑕᓇᓄᐤ ᐅ ᒥᔽᒋᒧᐅᓐ᙮ ᒋᓴᒪᓂᑐᐤ ᑲᒋᒡ ᐊ ᑕᑦ ᒋ ᐃᑎᓱᒪᐤ ᐊᓂᔭᐧᑲ ᐅᒋᔅᒋᐛᐃᒐᓯᒪ ᒐᒋ ᐊᔨᒧᑎᒥᔨᒋ ᐅᔭ ᒥᔽᒋᒧᐅᓂᔪᐤ ᐊᓐᑕ ᐅᑦ ᐃᔨᒧᐅᓂᒡ ᐊᑎ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᒋᔅᒐᔨᑎᒥᐊᑭᓄᐎᒡ ᐊᓂᔭ ᒥᔽᒋᒧᐅᓂᔪᐤ ᑭᔭ ᒐᒋ ᑕᑈᔭᔨᒪᒡ ᑭᔭ ᒐᒋ ᓂᓇᐃᑐᐛᒡ ᒋᓴᒪᓂᑐᐛ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:8

ᐊᑯ ᐊᓂᔭ ᑯᑎᑲ ᐊᐛᔪᐛ ᒥᒄ ᐎᔨᐛᐤ ᑲ ᒪᒥᑐᓇᔨᒥᓱᔨᒋ ᐊᑲ ᓇᔅᒡ ᐊᐱᑕᔨᑎᒥᔨᒋ ᐊᓂᔭ ᑕᓐ ᐊ ᐃᓯ ᑯᐃᔅᑯᓇᑯᓂᔨᒡ ᒐᒋ ᐃᑐᑎᒥᔨᒋ, ᐱᓯᒄ ᑲ ᒥᒋᑐᑎᒥᔨᒋ, ᐊᐅᑯᓐ ᐅᔭ ᒪᐅᒡ ᐃᔭᒂᒡ ᒐ ᐃᓯ ᑎᐸᔅᑯᓇᑦ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:3

ᐱᔅᒐ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᓇᒪ ᐅᒋ ᑕᑈᐅᒐᔨᑕᑯᓯᔪᐛ, ᐊᑯ ᐊ ᒪᒃ ᓇᒪ ᑕᑈᐅᒐᔨᑕᑯᓱᐤ ᑭᔭ ᐎᔾ ᒋᓴᒪᓂᑐᐤ ?

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:17

ᓂᓇᔅᑯᒪᐤ ᒋᓴᒪᓂᑐᐤ ᒋᔨᐛᐤ ᐸᐃᒂᐤ ᑲ ᐃᓯᓇᑯᓯᔭᒄ ᐊ ᐅᑦ ᐊᐱᒋᐊᑭᓂᑐᑕᑯᔭᒄ ᒥᒋᑥᐅᓐ, ᐊᒋ ᐅᑎᒋᐱᔨᒡ ᑕᓐᑕ ᓇᔅᒡ ᑲ ᐃᑕᔨᑎᒥᐃᑯᔭᒄ ᒐᒋ ᓂᓇᐃᑎᒪᒄ ᒥᔪ ᒋᔅᑯᑎᒪᒐᐅᓐ ᐃᔅᐱ ᐊ ᐊᑎ ᐛᐎᑎᒪᑯᐅᔭᒄ᙮

ᑲᓚᓯᔭᓇ 3:1

ᒋᔨᐛᐤ ᑲ ᑕᑈᑎᒪᒄ ᑲᓚᓯᔭ ᐊᔅᒋᒡ ᐊ ᑕᔭᒄ ᐊᔪᐛᒡ ᐊᑲ ᐃᑕᔨᑎᒪᒄ᙮ ᐊᐛᓐ ᐛᓴ ᑲ ᐃᓯ ᐎᔭᓯᒥᑕᒄ ? ᓇᔅᒡ ᐃᔭᒂ ᔅᒋ ᐎᑎᒪᑎᓇᐛᐤ ᒋᓴᔅ ᙭ ᐊᒋ ᒋᔅᑕᔎᑕᑭᓄᐅᑦ ᒋᐱᔭᑎᑯᒡ᙮

ᑲᓚᓯᔭᓇ 5:7

ᐊᑎ ᐊᔅᒄ ᓱᒃ ᔅᒋ ᐃᑕᔨᑕᓇᐛᐤ ᐊ ᐱᒪᑎᓯᔅᑐᐛᒄ ᐅᑎᐸᔨᒋᒐᐤ᙮ ᐊᐛᓐ ᑲ ᐃᑐᑕᑕᒄ ᒐ ᐊᑲ ᒋ ᓂᓇᐃᑎᒪᒄ ᑕᑈᐅᓐ ?

2 ᑕᓴᓗᓂᔭᓇ 1:8

ᐃᔅᑯᑕᔪᐤ ᐊ ᐛᔭᑕᐱᔨᒡ ᒋᑭ ᐊᐱᒋᑕᐤ ᐛᐛᓯᐊᒐ ᐊᓂᔭ ᐊᑲ ᒋᔅᒐᔨᒪᔨᒋ ᒋᓴᒪᓂᑐᐛ ᑭᔭ ᐊᓂᔭᔪᐛ ᐊᑲ ᓂᓇᐊᔨᑎᒥᔨᒋ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᐅᑎᐸᔨᒋᒐᐛ ᒋᓴᓴ᙮

ᐃᑉᕈᐛ 11:8

ᐊᑉᕋᐊᒻ ᑭᔭ ᒋ ᑕᑈᔭᔨᒪᐤ ᒋᓴᒪᓂᑐᐛ᙮ ᐊᐅᒄ ᐊᓂᔭ ᐛᒋ ᓂᓇᐃᑐᐛᑦ ᐃᔅᐱ ᑲ ᑕᑈᑎᑯᑦ ᑭᔭ ᑲ ᐃᑎᑯᑦ ᒐᒋ ᓂᑭᑕᐧᒃ ᐊᓂᔭ ᐊᔅᒋᔪᐤ ᐊᓐᑕ ᑲ ᐅᒋᑦ ᐊᓐᑕ ᒐᒋ ᐃᑐᑕᑦ ᐊᓂᔭ ᐊᔅᒋᔪᐤ ᑲ ᐃᑎᑯᑦ ᒋᓴᒪᓂᑐᐛ ᒐ ᒥᔨᑯᑦ ᐎᔾ ᒐᒋ ᐊᔭᑦ᙮ ᐊᑉᕋᐊᒻ ᒪᒃ ᒋ ᓂᓇᐃᑎᒻ, ᑎᐛᒡ ᒋ ᔅᑐᑕᐤ ᐊᑎ ᐊᑲ ᐊᔅᒄ ᐅᒋ ᒋᔅᒐᔨᑕᐧᒃ ᑕᓐᑕ ᐊᓐ ᒋᐸ ᐃᑐᑕᐤ᙮

ᐃᑉᕈᐛ 4:2

ᐊᑯ ᒪᒃ ᔅᒋ ᐸᑕᓇᓄᐤ ᐊᓐ ᒥᔽᒋᒧᐅᓐ ᐊᓐᑕ ᑲ ᐊᔨᒧᑕᒡ ᐊᓐᑕ ᒐ ᐊᔽᐱᔨᒋ ᒋᓴᒪᓂᑐᐤ ᐅᑦ ᐃᔨᒪ᙮ ᐊᔪᐅᒄ ᐅᔭ ᒥᔽᒋᒧᐅᓂᔪᐤ ᑲ ᐃᓯ ᐸᑕᒡ ᐊᓂᔭᐧᑲ ᒋᐛᐧᑯᒪᑭᓄᐎᒡ᙮ ᒥᒄ ᒪᒃ ᓇᒪ ᐅᒋ ᐱᒐᐅᒡ ᐊᓐᑕ ᐛᔅ ᓇᒪ ᐅᒋ ᑕᑈᑎᒧᒡ ᑕᓐ ᑲ ᐃᓯ ᐎᑎᒧᐛᑭᓄᐎᒡ᙮

ᐃᑉᕈᐛ 5:9

ᐊᓂᔭ ᒪᒃ ᓇᔅᒡ ᐊᒋ ᓂᓇᐃᑕᐧᒃ ᒋᓴᔅ ᒐᒋ ᓂᓇᐧᑲᒋᐊᑭᓄᐅᑦ, ᐊᑯᑕ ᑲ ᐅᒋ ᒥᔭᑭᓄᐅᑦ ᑲᒋᒡ ᒐᒋ ᐱᒪᒋᐊᑦ ᒥᓯᐛ ᐊᓂᔭᔪᐛ ᑲ ᓂᓇᐃᑕᑯᑦ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

1 ᐱᑕᕐ 2:8

ᐊᑯ ᒪᒃ ᒥᓐ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐅ ᐊᓯᓂᔾ ᒋᑭ ᐱᓱᔅᑭᒧᐛᐤ ᑭᔭ ᐊᐅᒄ ᑲ ᒥᒐᐱᔅᒋᓯᑦ ᐊᓯᓂᔾ ᒐ ᐸᒋᓯᒪᑦ ᐊᐛᔪᐛ᙮ ᐱᓱᔅᑯᐛᐅᒡ ᐅᔭ ᐊᓯᓂᔭ ᐛᔅ ᓇᒪ ᐅᒋ ᓂᓇᐃᑎᒺᐅᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ᙮ ᐊᐅᒄ ᒪᒃ ᐅᔭ ᒐ ᐅᒋ ᐛᐛᓯᐊᑭᓄᐎᒡ ᐛᔅ ᓴᔅ ᐊᐅᑯᓐ ᑲ ᐃᓯ ᐎᔭᔨᑎᒥᔨᒋ ᒋᓴᒪᓂᑐᐛ ᒐ ᐃᑐᑕᑯᒡ᙮

1 ᐱᑕᕐ 3:1

ᒧᔭᒻ ᒪᒃ ᑭᔭ ᒋᔨᐛᐤ ᐃᔎᑐᒄ ᑲ ᓂᐳᔭᒄ ᒋᐸ ᓂᓇᐃᑐᐛᐛᐅᒡ ᒋᓇᐸᒧᐛᐅᒡ᙮ ᐛᔅ ᐅ ᑎᔭᒂ ᒋᑭ ᒋ ᐃᓯᓇᑯᓂᔪᐤ ᐱᔅᒐ ᒐᒋ ᐊᑎ ᑕᑈᑕᒡ ᐛᐱᒥᑕᒂᐛ ᑕᓐ ᐊ ᐃᓯ ᑯᐃᔅᑯᐱᒪᑎᓯᐛᒄ, ᐊᑎ ᐊᑲ ᒋᔅᑐᑕᒂᐛ ᒐᒋ ᑕᑈᑕᒡ᙮