ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᑭᔭ ᒧᓯᓇᐤ ᒥᒋ ᐊᔨᒧᒪᐅᒡ ᐊᐛᔪᐛ, ᐛᐧᑲᑕᐅᒡ ᑭᔭ ᒋᓴᒪᓂᑐᐛ, ᓇᔅᒡ ᑕᑈ ᓱᒋᒪᔭᔨᒐᐅᒡ, ᓇᔅᒡ ᑕᑈ ᒋᒋᐛ ᐃᑕᔨᒥᓱᐅᒡ ᑭᔭ ᓇᔅᒡ ᑲ ᐎ ᓂᓇᐸᐅᒧᒡ ᐊᐅᑯᓐ ᐊ ᐃᑕᔨᑕᑯᓯᒡ᙮ ᒧᔅ ᒪᒥᔅᑭᒧᒡ ᑕᓐ ᐊᑐᐎᔅ ᒐᒋ ᐃᓯ ᒪᔭᒋ ᐱᒪᑎᓯᒡ᙮ ᓂᔅᑯᔅᑐᐛᐅᒡ ᐅᓂᒋᐃᑯᐛᐛ ᑭᔭ ᓇᒪ ᓇᔅᒡ ᐊᐱᓯᑐᐛᐅᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:30 Iomraidhean Croise

ᑎᐱᑦ ᐅᓂᑭᒧᐅᓇ 10:3

ᐛᔅ ᐅᒥᒋᑥᐤ ᒪᒪᑕᑯᒧᐤ ᐊ ᐃᓯ ᐱᑯᓴᔨᒧᑦ ᐅᑕᐃᒡ, ᑭᔭ ᒥᔽᒋᒪᐤ ᑲ ᐊᔅᐳᓂᓯᔨᒋ, ᐛᐧᑲᑕᐤ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 106:39

ᐊᑯ ᒪᒃ ᐊᔪᐅᒄ ᑲ ᐃᓯ ᐅᓂᐃᑯᒡ ᑎᐱᔨᐛ ᐅᑦ ᐃᑐᐅᓄᐛᐛ, ᑭᔭ ᒋ ᐱᓯᒂᒋᑐᑎᒧᒡ ᑎᐱᔨᐛ ᑲ ᐃᓯ ᒥᔅᑯᐛᔭᔨᑕᒡ ᒐ ᐃᑎᒡ᙮

ᑎᐱᑦ ᐅᓂᑭᒧᐅᓇ 49:6

ᐊᓐᒡ ᑲ ᒪᒥᓯᑐᑕᒡ ᐅᐛᔪᑎᓯᐅᓄᐛᐤ, ᑭᔭ ᑲ ᒪᒥᒋᒧᒡ ᐊᔅᐱᔅ ᒥᒐᓂᔨᒋ ᐅᐛᔪᑎᓯᐅᓄᐛᐛ;

ᑎᐱᑦ ᐅᓂᑭᒧᐅᓇ 5:5

ᒋᔎᐧᑲᓐᒡ ᓇᒪᐎᔾ ᒋᑭ ᐅᑎᔅᑯᑲᐳᔅᑕᑯᒡ: ᒋ ᐛᐧᑲᑕᐅᒡ ᒥᓯᐛ ᑲ ᒥᒐᑎᓯᒡ᙮

ᑎᐱᑦ ᐅᓂᑭᒧᐅᓇ 52:1

ᒐᒂᓐ ᐛᒋ ᒋᐧᑲᔭᒋᒧᔨᓐ ᒪᔭᔨᒐᐅᓂᒡ, ᐅ ᓱᐧᑲᑎᓯᔨᓐ ᐃᔪᐤ ? ᐅᒥᔽᑎᓯᐅᓐ ᒋᓴᒪᓂᑐᐤ ᑲᒋᒡ ᑎᑯᓂᔪᐤ᙮

ᑎᐱᑦ ᐅᓂᑭᒧᐅᓇ 81:15

ᑲ ᐛᐧᑲᑕᒡ ᒋᓴᒪᓂᑐᐛ ᒋᑭ ᒋ ᐱᑕᐱᔅᑕᐛᐸᓐᒡ: ᒪᒃ ᐎᔨᐛᐤ ᐅᒋᓯᑲᒧᐛᐤ ᑲᒋᒡ ᒋᐸ ᒋ ᐊᔭᑕᐛᑯᐱᓐ᙮

ᑎᐱᑦ ᐅᓂᑭᒧᐅᓇ 94:4

ᑕᓐ ᒐ ᐃᔅᐱᔅ ᐊᔅᒄ ᐎᑕᒡ ᑭᔭ ᐊᔨᒧᑕᒡ ᑲ ᐊᔨᒥᓂᔨᒋ ᒐᒂᔪᐛ ? ᑭᔭ ᒐ ᐎᒪᒥᒋᒧᒡ ᒥᓯᐛ ᑲ ᒥᒐᑎᓱᐤ ᐃᑎᒡ ?

ᑎᐱᑦ ᐅᓂᑭᒧᐅᓇ 97:7

ᒋᑭ ᐛᐛᓇᔨᑎᒧᒡ ᒥᓯᐛ ᐊᓐᒡ ᑲ ᐊᑐᔅᑯᐛᒡ ᒥᓂᑐᐧᑲᓇ, ᑲ ᐅᒋ ᒪᒪᑕᑯᒧᒡ ᒥᓂᑐᐧᑲᓇ: ᐸᑕᐱᔅᑕᐧᒄ, ᒥᓯᐛ ᒋᔨᐛᐤ ᒥᓂᑐᐅᒡ᙮

ᑎᐱᑦ ᐅᓂᑭᒧᐅᓇ 99:8

ᔅᒋ ᓂᔅᑯᒪᐅᒡ, ᐅ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ: ᒋᔾ ᒋᑦ ᐊᐎᓐ ᒋᓴᒪᓂᑐᐤ ᑲ ᐛᐸᔨᑎᒧᐅᑥᐤ, ᐊᑎ ᐊᒋ ᓂᔅᑯᔅᑕᒡ ᑲ ᐃᓯ ᒥᔅᑯᐛᔭᔨᑕᒡ ᐅᒋ᙮

ᒪᑎᔪᐤ 15:4

ᐛᔅ ᒋ ᐃᔅᒋᔄᐤ ᒋᓴᒪᓂᑐᐤ, ‘ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ,’ ᑭᔭ ᒋ ᐃᔅᒋᔄᐤ, ‘ᐊᐛᓐ ᒪᔭᔨᒪᒐ ᐅᑕᐎᔭ ᑭᔭ ᐅᑲᐎᔭ ᐊᑯᔅ ᒋᑭ ᓂᐳᐤ᙮’

ᒪᑎᔪᐤ 16:21

ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”

ᓗᒃ 21:16

ᐛᐛᒡ ᒋᓂᒋᐃᑯᐛᐅᒡ, ᒋᐧᑲᓂᓱᐛᐅᒡ ᒋᐛᐧᑯᒪᑭᓄᐛᐅᒡ, ᑭᔭ ᒋᐎᒐᐛᑭᓄᐛᐅᒡ ᒋᑭ ᐃᑐᑕᐃᑯᐛᐅᒡ ᑎᐸᔅᑯᓂᒐᐅᒋᐛᐱᒡ, ᒋᑭ ᑐᑕᑯᐛᐅᒡ ᐱᔅᒐ ᐊᓐᑕ ᐊ ᑎᓯᔭᒄ ᒐᒋ ᓂᐸᐃᑯᐛᒄ᙮

ᒠᓐ 7:7

ᑕᐸ ᑎᑯᓂᔪᐤ ᒐᒂᔪᐤ ᒐᒋ ᐅᒋ ᐛᐧᑲᑎᑕᑯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᐊᑲ ᑕᑈᔭᔨᒪᒡ ᒋᓴᒪᓂᑐᐛ, ᒥᒄ ᒪᒃ ᓂ ᐛᐧᑲᑎᑯᒡ ᓂᔾ ᐛᔅ ᓂ ᐎᑕᓐ ᑕᓐ ᐊᔅᐱᔅ ᒥᒐᑎᓯᓇᓄᐅᒡ᙮

ᐊᑈᔅᑕᓇᒡ 5:36

ᒋ ᒋᔅᒋᓯᑐᑐᐛᐛᐤ ᐊ ᐛᔅᑭᒡ ᓇᐸᐤ ᑎᔪᑕᔅ ᑲ ᐃᓯᓂᐧᑲᓱᑦ ᑲ ᑎᑯᓯᐧᒃ ᐊ ᐃᔅᒋᔄᑦ ᓇᔅᒡ ᐊ ᒋᔅᑕᔨᑕᑯᓯᑦ ? ᒂᔄᓐ ᒪᒃ ᓇᐤ ᒥᑕᓯᒥᑎᓄᐤ ᓇᐸᐛ ᒋ ᓇᓴᐅᑯᐤ᙮ ᒥᒄ ᒪᒃ ᒋ ᓂᐸᐊᑭᓄᐤ, ᒥᓯᐛ ᒪᒃ ᐊᓂᔭᔪᐛ ᑲ ᓇᓴᐅᑯᑦ ᑕᑎᐸᓐ ᒋ ᑕᔪᐛ ᑭᔭ ᐊᓂᔭᔪᐤ ᑲ ᐃᑎᑦ ᓇᒪ ᓴᔅ ᐊᐱᑕᔨᑕᑭᓄᐅᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:17

ᒋᔾ ᒪᒃ ᐎ, ᒍᐤ ᑲ ᐃᑎᔅᑲᓇᓯᔨᓐ ᒥᔅᑯᒡ ᒋᑦ ᐃᑕᔨᑕᓐ ᐊ ᒥᔪ ᑭᓄᐛᐱᒥᔅᒃ ᒋᓴᒪᓂᑐᐤ ᒥᒄ ᐊᓂᔭ ᐊ ᒋᔅᒐᔨᑎᒧᑦ ᒧᓱᔅ ᐅᐎᓱᐛᐅᓐ᙮ ᑭᔭ ᒋ ᒪᒥᒋᒧᓐ ᒋᓴᒪᓂᑐᐤ ᐊ ᐅᑦ ᐃᔨᒥᑐᑕᔅᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:23

ᒥᓐ ᑯᑎᒡ ᒐᒂᓐ᙮ ᓇᔅᒡ ᒋ ᓂᓇᐸᐅᒧᓐ ᐊ ᐊᔭᐅᑦ ᒋᓴᒪᓂᑐᐤ ᐅᐎᓱᐛᐅᓐ᙮ ᒥᒄ ᒪᒃ ᓄᐛᒡ ᒋ ᒪᔭᔨᒪᐤ ᒋᓴᒪᓂᑐᐤ ᐊᑲ ᓂᓇᐃᑎᒧᑦ ᐅᐎᓱᐛᐅᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:27

ᑕᓐ ᒪᒃ ᒐᒋ ᐃᓯ ᓂᓇᐸᐅᒧᑦ ᐊᑯ ᐊᐛᓐ᙮ ᓇᒪ ᓇᔅᒡ ᑎᑯᓂᔪᐤ ᑕᓐ ᒐᒋ ᐃᓯ ᓂᓇᐸᐅᒧᑦ᙮ ᓇᒪ ᐊᐛᓐ ᒋᑭ ᒋ ᑕᐤ ᐊ ᑯᐃᔅᑯᓇᑯᓯᑦ ᒥᒄ ᐊ ᓂᓇᐃᑕᐧᒃ ᐎᓱᐛᐅᓂᔪᐤ᙮ ᐛᔅ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐅᑯᐃᔅᑯᑕᑎᓯᐤ ᒐᒋ ᐃᓯ ᑭᓄᐛᐱᒥᑯᑦ ᒋᓴᒪᓂᑐᐛ, ᓇᒪ ᐎ ᐊ ᓂᓇᐃᑎᒺᑦ ᐅᐎᓱᐛᐅᓂᔪᐤ᙮

2 ᑯᕆᓐᑎᔭᓇ 10:15

ᓇᒪ ᑭᔭ ᓂᑦ ᐊᔨᒧᑎᒺᓇᓐ ᑯᑎᒃ ᐊᐛᓐ ᐅᑦ ᐊᑐᔅᒐᐅᓐ ᒧᔭᒻ ᓂᔭᓐ ᐊᓐ ᐊᒋ ᐃᓯ ᐊᑐᔅᒐᔭᒡ ᒐᒋ ᐃᑎᑕᑯᓯᔭᒡ᙮ ᓇᒪ ᓂ ᐎ ᐸᔅᑎᔅᑭᒺᓇᓐ ᑕᓐ ᐊ ᐃᓯ ᒥᔨᒥᑦ ᒋᓴᒪᓂᑐᐤ ᒐᒋ ᐃᓯ ᐊᑐᔅᑯᐅᒋᑦ᙮ ᓂ ᐱᑯᓴᔨᑕᓇᓐ ᒥᒄ ᐊᑐᐎᔅ ᒐᒋ ᐊᑐᔅᒐᔭᒡ ᐊᓐᑕ ᐊ ᑕᔭᒄ ᐊᔭᔅᒃ ᒐᒋ ᓂᑕᐅᒋᒋ ᒋᑕᑈᑎᒧᐅᓄᐛᐤ ᑭᔭ ᒐ ᐃᔅᐱᔅ ᒥᔨᑯᐛᒐ ᒋᓴᒪᓂᑐᐤ ᒐᒋ ᐎᒋᐃᑕᒡ᙮

2 ᑯᕆᓐᑎᔭᓇ 12:20

ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮

2 ᑕᓴᓗᓂᔭᓇ 2:4

ᒥᓯᐛ ᒐᒂᔪᐤ ᑲ ᐃᑐᑕᑯᔨᒋ ᐊᐛᔪᐛ ᒐᒋ ᐊᔭᒥᐊᔅᑐᐛᔨᒋ ᒋᓴᒪᓂᑐᐛ ᒪᒃ ᒋᓴᒪᓂᑐᐛ ᐊ ᑕᔨᒋ ᐊ ᐅᒋᐱᔨᒡ ᐊ ᐃᑕᔨᑕᑯᓂᔨᒡ ᒋᑭ ᒪᓯᑕᐤ᙮ ᐊᔪᐅᒄ ᐅᔭ ᒐ ᐃᑎᑦ ᐊ ᓂᑐᐛᔨᑕᐧᒃ ᐎᔾ ᓇᔅᒡ ᒐᒋ ᒋᔅᑕᔨᑕᑯᐊᑭᓄᐅᑦ᙮ ᐛᐛᒡ ᒋᑭ ᐱᒐᐤ ᐊᓐᑕ ᒋᓴᒪᓂᑐᐛ ᐅᒋᓴᐊᔭᒥᐊᐅᒋᐛᐱᒡ ᐊᑯ ᒐ ᐃᔅᒋᔄᑦ ᐎᔾ ᐊ ᒋᓴᒪᓂᑐᐅᑦ᙮

2 ᑎᒧᑎ 3:2

ᐅᔅᑕ ᐎᔾ ᒋᑭ ᐃᑕᔨᒥᓱᐤ ᐊᐛᓐ, ᑭᔭ ᓇᔅᒡ ᑕᑈ ᒋᑭ ᓴᒋᑕᐅᒡ ᓱᓇᔭᔪᐤ᙮ ᓇᔅᒡ ᒋᑭ ᒪᒥᔽᒋᒥᓱᒡ, ᓇᔅᒡ ᒋᒋᐛ ᒋᑭ ᐃᑕᔨᒥᓱᒡ ᐊ ᐸᔅᑕᒧᒡ, ᑭᔭ ᓇᔅᒡ ᒋᑭ ᒪᒪᔭᔨᒐᐅᒡ᙮ ᑭᔭ ᓇᒪ ᒋᑭ ᐅᒋ ᓂᓇᐃᑐᐛᐅᒡ ᐅᓂᒋᐃᑯᐛᐛ᙮ ᓇᒪ ᓇᔅᒡ ᒋᑭ ᐅᒋ ᓂᓇᔅᑯᒧᒡ ᒐᒂᔪᐤ ᑭᔭ ᓇᒪ ᓇᔅᒡ ᒋᑭ ᐅᒋ ᐊᐱᑕᔨᒪᐅᒡ ᒋᓴᒪᓂᑐᐛ᙮

ᑕᐃᑕᔅ 3:3

ᐛᔅ ᑭᔭ ᒋᔭᓄᐤ ᐸᐃᒂᐤ ᔅᒋ ᒋᔎᐱᒪᑎᓯᓇᓄᐤ, ᓇᒪ ᒋ ᐅᒋ ᓂᓇᐃᑐᐛᓄᐤ ᒋᓴᒪᓂᑐᐤ, ᔅᒋ ᐎᔭᓯᐃᑯᓇᓄᐤ ᑭᔭ ᔅᒋ ᓴᐧᑯᒋᐃᑯᓇᓄᐤ ᓂᓇᐧᑯᐤ ᒥᒋ ᓂᑐᐛᔨᑎᒧᐅᓇ ᑭᔭ ᒥᒋ ᒥᔽᔨᑎᒧᐅᓇ᙮ ᐱᓯᒄ ᔅᒋ ᒥᒐᑎᓯᓇᓄᐤ ᑭᔭ ᔅᒋ ᐅᑕᔨᒪᓄᐅᒡ ᐊᐛᓐᒋ᙮ ᔅᒋ ᐛᐧᑲᑕᓄᐅᒡ ᐊᐛᓐᒋ ᑭᔭ ᐎᔨᐛᐤ ᒪᒃ ᔅᒋ ᐛᐧᑲᑎᑯᓄᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 3:5

ᐊᐅᑯᓐ ᒪᒃ ᒧᔭᒻ ᐊ ᐃᑕᔨᑕᒂᒡ ᒥᑕᔨᔾ᙮ ᓇᔅᒡ ᐊᐱᓯᓱᐤ, ᐃᔭᐱᒡ ᒪᒃ ᒥᔅᑎ ᒋᑭ ᒋ ᐅᓂᑐᑕᒐᒥᑭᓐ᙮ ᒪᒥᑐᓇᔨᑕ ᒪᒃ ᑭᔭ ᐃᔅᑯᑕᐤ᙮ ᒥᔅᑎ ᓂᓱᐅᓇᑎᓐ ᒐᒂᓐ ᓄᒋᒥᒡ ᐊ ᐎᐃᑕᒡ, ᒋ ᐊᐱᓯᓱᐤ ᒪᒃ ᓂᔅᑎᒻ ᐊᓐ ᐃᔅᑯᑕᐤ᙮

ᒋᒥᔅ ᐅᒥᓯᓇᐊᒪᒐᐅᓐ 4:16

ᒥᒄ ᒪᒃ ᒋᒋᐛ ᒋᑦ ᐃᑕᔨᒥᓱᓇᐛᐤ ᑭᔭ ᒋ ᒪᒥᔽᒋᒥᓱᓇᐛᐤ᙮ ᒪᔭᑎᓐ ᐊᓐ ᐊ ᐃᑎᔭᒄ ᐊ ᒪᒥᔽᒋᒥᓱᔭᒄ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

ᒍᑦ 1:16

ᒧᔅ ᒪᒥᒋ ᐃᔅᒋᔄᐅᒡ ᐅᒡ ᓇᐸᐅᒡ᙮ ᒧᔅ ᑯᑎᑲ ᐊᐛᔪᐛ ᐊᑕᒪᔨᒪᐅᒡ ᐊᑲ ᒋᐧᑲᐛᒋᐱᔨᒡ᙮ ᐱᓯᒄ ᐃᑐᑎᒧᒡ ᑕᓐ ᐊ ᐃᓯ ᒥᒋ ᓂᑐᐛᔨᑕᒡ ᒐᒋ ᐃᑎᒡ᙮ ᓇᔅᒡ ᑕᑈ ᐎ ᓂᓇᐸᐅᒧᒡ᙮ ᐊᔭᒡ ᐃᑐᐅᒡ ᐊ ᒥᔪ ᐊᔨᒧᒪᒡ ᐊᐛᔪᐛ ᒥᒄ ᐊ ᐎ ᒪᒥᔪᐱᔨᐃᓱᒡ ᒐᒋ ᐃᑎᒡ ᐊᓂᔭ ᑕᓐ ᐛ ᐃᑎᒡ᙮