ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:3 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³ ᐅᑯᓯᓴ, ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ, ᐊᐅᑯᓐ ᐊᓂᔭᔪᐛ ᐊ ᐊᔨᒧᒪᑭᓄᔨᒋ ᐅᑕ ᒥᔽᒋᒧᐅᓂᒡ᙮ ᑲ ᐱᒪᑎᓯᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭, ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑲ ᐃᓯᓂᐧᑲᓱᔨᒋ ᐊ ᑕᔨᒋ ᐊᑯᑕ ᐊᓂᔅᒐ ᑲ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:3 Iomraidhean Croise

ᒐᓂᓯᔅ 3:15

ᓂᑭ ᑐᑕᓐ ᒋᔾ ᑭᔭ ᐃᔎᐤ ᒐᒋ ᐛᐧᑲᑎᑐᔭᒄ, ᑭᔭ ᒋᑦ ᐊᐛᓯᒥᒡ ᑭᔭ ᐎᔾ ᐅᑦ ᐊᐛᓯᒪ ᒋᑭ ᐛᐧᑲᑎᑐᐅᒡ᙮ ᒥᔅᑲᔎᐛ ᒋᑭ ᐅᑕᒥᔅᑎᒂᓇᐅᑯᒡ᙮ ᑭᔭ ᒋᔾ ᒥᔅᑯᐅᑥᐛ ᒋᑭ ᒪᒂᑎᒺᓐ ᐅᑐᑎᓄᐛᐛ᙮”

ᑎᐱᑦ ᐅᓂᑭᒧᐅᓇ 2:7

ᓂᑭ ᐎᑕᓐ ᐃᑎᓱᐛᐅᓐ: “ᑎᐸᔨᒋᒐᓱᐤ ᓂᒋ ᐃᑎᒄ, ᒋᔾ ᓂᑯᔅ; ᐊᓄᒡ ᑲᓯᑲᒡ ᔅᒋ ᓂᑕᐅᒋᐃᑎᓐ᙮

ᒪᑎᔪᐤ 1:1

ᒋᓴᔅ ᙭ ᓂᑭ ᐊᔨᒧᒪᐤ᙮ ᓂᔅᑎᒻ ᐅᑦ ᐊᓂᔅᒐᓯᒪ ᐊ ᑕᔨᒋ ᓂᑭ ᐅᒋ ᒋᒋᐱᔨᓐ ᐊ ᐊᔨᒧᒥᒃ᙮ ᐊᓂᔭᐧᑲ ᒋᓴᐅᒋᒪᐛ ᑎᐱᑕ ᑭᔭ ᐊᓂᔭᐧᑲ ᐊᑉᕋᐊᒪ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐤ᙮

ᒪᑎᔪᐤ 1:16

ᒐᑭᑉ ᒪᒃ ᒍᓯᑉ ᒋ ᐃᓯᓂᐧᑲᓱᔪᐛ ᐅᑯᓴ, ᐊᐅᒄ ᒪᒃ ᐅᔭ ᒪᕆ ᑲ ᐅᓇᐸᒥᑦ᙮ ᐊᐅᒄ ᐅᔭ ᒪᕆᔨᒋ ᑲ ᐅᑲᐎᑦ ᒋᓴᔅ ᐊᓐ ᙭ ᑲ ᐃᓯᓂᐧᑲᑕᑭᓄᐅᑦ᙮

ᒪᑎᔪᐤ 1:6

ᒐᓯᔾ ᒪᒃ ᒋᓴᐅᒋᒪᐛ ᑎᐱᑕ ᒋ ᐅᑯᓱᐤ᙮ ᑎᐱᑦ ᒪᒃ ᓴᓚᒥᓇ ᒋ ᐅᑯᓱᐤ, ᐅᕆᐊᔨᒋ ᐎᐎᔪᐛ ᒪᒃ ᒋ ᐅᑲᐎᐤ ᓴᓚᒥᓐ᙮

ᒪᑎᔪᐤ 12:23

ᐊᓐᒡ ᒪᒃ ᐃᔪᒡ ᒥᓯᐛ ᒋ ᒥᔅᑲᑕᔨᑎᒧᒡ ᑕᓐ ᑲ ᐃᓯ ᐛᐱᒪᒡ ᒋᓴᓴ ᐊ ᐃᑐᑎᒥᔨᒋ᙮ ᒋ ᐃᑕᐅᒡ ᒪᒃ, “ᒂᔄᓐ ᑕᑈ ᒋᓴᔅ, ᐊᐅᒄ ᐊᓂᔭ ᒋᓴᒪᓂᑐᐤ ᑲ ᐸᒋ ᐃᑎᓴᐛᑦ ᐊᓐᑕ ᐊᓂᔭ ᒋᓴᐅᒋᒪᐛ ᑎᐱᑕ ᐊ ᑕᔨᒋ ᑲ ᐃᑎᔅᑲᓇᓯᑦ᙮”

ᒪᑎᔪᐤ 15:22

ᐃᔎᐤ ᒪᒃ ᒋ ᐎᒍᐤ ᐊᓐᑕ ᑲᐃᓇᓐ ᐊᒋ ᐅᒋᑦ, ᐊᔪᑯᓂ ᐅᔭ ᑲ ᐸᒋ ᓂᑐᐛᐱᒥᑯᑦ ᒋᓴᔅ, ᐊ ᑕᑈᔨᒋ ᐊ ᐃᑎᑯᑦ, “ᐅᑎᐸᔨᒋᒐᐤ, ᐊᓂᔭ ᒋᓴᐅᒋᒪᐤ ᑎᐱᑦ ᐅᑯᓴ, ᐸᒋ ᒋᔅᑎᒪᒐᔨᒥ ᒪ᙮ ᓂᑕᓂᔅ ᓇᔅᒡ ᑕᑈ ᐛᐎᓯᒐᔨᑎᒥᐃᑯᐤ ᒥᒋ ᐊᒐᒂ ᐊ ᐱᒋᔅᑲᑯᑦ᙮”

ᒪᑎᔪᐤ 26:63

ᒋᓴᔅ ᒪᒃ ᓇᒪ ᐅᒋ ᒋᔅᑐᐤ᙮ ᐊᑯ ᒥᓐ ᒂ ᐃᑎᑯᑦ ᐊᓂᔭ ᒋᓴᐊᔭᒥᐊᐅᒋᒪᐛ, “ᑯᐃᔅᒄ ᒪ ᐸᒋ ᐎᑎᒧᐅᓇᓐ ᐊ ᐸᑕᔅᒃ ᐊᓐ ᐸᒪᑎᓯᑦ ᒋᓴᒪᓂᑐᐤ, ᐊᐅᒄ ᐊ ᒋᔾ ᑕᑈ ᙭, ᒋᓴᒪᓂᑐᐤ ᐅᑯᓴ ?”

ᒪᑎᔪᐤ 27:43

ᑕᑈᔭᔨᒪᐤ ᒋᓴᒪᓂᑐᐛ ᑕᑈ ᒪᒃ ᓇᔅᒡ ᒐ ᐎ ᐎᒋᐃᑯᒂ ᒋᓴᒪᓂᑐᐛ ᐊᓄᒡ᙮ ᐛᔅ ᒋ ᐃᔅᒋᔄᐤ, ‘ᓂᔾ ᒋᓴᒪᓂᑐᐤ ᐅᑯᓴ᙮’ ”

ᒪᑎᔪᐤ 3:17

ᐊᑯ ᒂ ᐸᑐᐛᒡ ᐊᐛᔪᐛ ᐊᓐᑕ ᒋᒋᒋᓯᑯᒡ ᐅᒡ ᐊ ᐃᔅᒋᔄᔨᒋ, “ᐊᐅᑯᐤ ᓂᑯᔅ ᑲ ᓴᒋᐃᒃ ᑭᔭ ᓇᔅᒡ ᑕᑈ ᑲ ᓂᓇᐊᔨᑎᒥᐃᑦ᙮”

ᒪᑎᔪᐤ 9:27

ᐃᔅᐱ ᒪᒃ ᒋᓴᔅ ᑲ ᔅᑐᑕᑦ ᐊᓐᑕ ᐅᒡ, ᓂᓱ ᓇᐸᐛ ᐊᑲ ᐛᐸᑎᒥᔨᒋ ᒋ ᓇᓴᐅᑯᐤ ᐊ ᑕᑈᔨᒋ ᐊ ᐃᔅᒋᔄᔨᒋ, “ᑎᐱᑦ ᐛᑯᓯᓯᒥᔅᒃ, ᐸᒋ ᒋᔅᑎᒪᒐᔨᒥᓇᓐ᙮”

ᓗᒃ 1:35

ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᑲ ᐸᔭᒋᓯᑦ ᐊᒐᐧᒄ ᒋᑭ ᐅᑎᑎᒄ, ᒋᓴᒪᓂᑐᐤ ᒪᐅᒡ ᐊ ᐃᔅᐸᔨᑕᑯᓯᑦ, ᐅᓱᐧᑲᑎᓯᐅᓂᒡ ᐊᑯᑕ ᒐ ᐅᒋ ᑭᓄᐛᔨᒪᐅᓱᔨᓐ᙮ ᐊᐅᒄ ᒪᒃ ᒐ ᐅᒋ ᐃᓯᓂᐧᑲᑕᑭᓄᐅᑦ ᐊᓐ ᐊᐛᔅ ᒐ ᐱᒪᑎᓯᑦ ᑲ ᐸᔭᒋᓯᑦ, ᒋᓴᒪᓂᑐᐤ ᐅᑯᓴ ᒋᑭ ᐃᓯᓂᐧᑲᑕᑭᓄᐤ᙮”

ᓗᒃ 1:69

ᑭᔭ ᔅᒋ ᐅᑎᓂᒪᑯᓄᐤ ᐊ ᓱᒋᔨᒋ ᐱᒪᒋᐃᐛᓱᐛ ᐊᓐᑕ ᐅᑦ ᐊᑐᔅᒐᔭᑭᓂᒪ ᑎᐱᑕ ᐅᑦ ᐃᔨᒥᔨᒡ ᐅᒋ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 1:34

ᓂᒋ ᐛᐸᑕᓐ ᐅ ᑲ ᐃᔅᐱᔨᒡ ᑭᔭ ᒋ ᐎᑎᒪᑎᓇᐛᐤ ᐊᔪᑯᓂ ᐊᓂᔭ ᒋᓴᒪᓂᑐᐤ ᐅᑯᓴ,” ᒋ ᐃᑕᐤ ᒠᓐ᙮

ᒠᓐ 1:49

ᓇᑕᓂᔭᓪ ᒂ ᐃᑕᑦ, “ᒋᔅᑯᑎᒪᒐᓱᐤ, ᐊᐅᒄ ᒋᔾ ᑕᑈ ᒋᓴᒪᓂᑐᐤ ᐅᑯᓴ, ᐊᐅᒄ ᒋᔾ ᒋᓴᐅᒋᒪᐤ ᐅᑕ ᐃᔅᕋᐃᓕᒡ᙮”

ᒠᓐ 10:30

ᓂᔾ ᑭᔭ ᓄᑕᐎᔾ ᓂ ᐸᐃᑯᐅᓇᓐ᙮”

ᒠᓐ 10:36

ᓂᔾ ᒪᒃ, ᐅᑕᐎᒪᐤ ᓂᒋ ᐅᑎᓂᒄ ᑭᔭ ᓂᒋ ᐸᒋ ᐃᑎᓴᐅᒄ ᐅᑕ ᐊᔅᒋᒡ᙮ ᑕᓐᑕ ᒐᒋ ᐅᒋ ᐃᔅᒋᔄᔭᒄ ᐊ ᐸᔅᑕᒧᔭᓐ ᐊ ᐃᔅᒋᔄᔭᓐ, ᐊᐅᒄ ᓂᔾ ᒋᓴᒪᓂᑐᐤ ᐅᑯᓴ ?

ᒠᓐ 20:28

ᐊᑯ ᑥᒥᔅ ᒂ ᐃᑕᑦ, “ᓂᑎᐸᔨᒋᒐᓯᒻ ᑭᔭ ᓂᒋᓴᒪᓂᑐᒻ᙮”

ᒠᓐ 20:31

ᐊᐅᒄ ᐅᔭ ᑲ ᒥᓯᓇᐃᑭᓄᐅᒋ ᒐᒋ ᑕᑈᑎᒪᒄ ᒋᓴᔅ ᑕᑈ ᐊ ᐊᐎᔨᒋ ᙭, ᒋᓴᒪᓂᑐᐤ ᐅᑯᓴ, ᑭᔭ ᑕᑈᔭᔨᒪᒂ ᐅᑦ ᐃᓯᓂᐧᑲᓱᐅᓐ ᒐ ᐊᔭᔭᒄ ᐱᒪᑎᓯᐅᓐ᙮

ᒠᓐ 5:25

ᑯᐃᔅᒄ ᒋ ᐎᑎᒪᑎᓇᐛᐤ ᓴᔅ ᐊ ᐅᑎᒋᐱᔨᒡ ᐊᓐ ᑎᐸᐃᑭᓐ ᐅ ᒐ ᐃᔅᐱᔨᒡ, ᓴᔅ ᒪᒃ ᐃᔅᐱᔪᐤ, ᐊᓐᒡ ᑲ ᓂᐱᒡ ᒋᑭ ᐸᑎᒺᐅᒡ ᒋᓴᒪᓂᑐᐛ ᐅᑯᓯᔪᐛ ᐅᐸᑕᑯᓱᐅᓂᔪᐤ᙮ ᐊᓐᒡ ᒪᒃ ᑲ ᐸᑎᒺᒡ ᒋᑭ ᐱᒪᑎᓯᐅᒡ᙮

ᒠᓐ 7:42

ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᓐᑕ ᑎᐱᑕ ᐊ ᑕᔨᒋ ᒋᑭ ᐅᒋ ᐊᓂᔅᒐ ᐱᒪᑎᓯᐤ ᐊᓐ ᙭, ᐊᓐᑕ ᒪᒃ ᐸᑦᓕᔭᒥᒡ ᐊᓂᔭᐧᑲ ᑎᐱᑦ ᑲ ᐅᒋᑦ ᐊᑯᑕ ᒋᐸ ᐱᒪᑎᓯᐤ᙮’ ”

ᐊᑈᔅᑕᓇᒡ 2:30

ᐊᓂᔭ ᒪᒃ ᒋᑦ ᐊᓂᔅᒐ ᒋᒧᓱᒥᓄᐤ ᒋᓴᐅᒋᒪᐤ ᑎᐱᑦ ᒋ ᐅᒋᔅᒋᐛᐃᒐᓱᐅ᙮ ᒋ ᐃᔅᒋᔄᑯᐱᓐ ᒪᒃ ᒋᓴᒪᓂᑐᐤ ᒐᔅᑎᓇᔅ ᐸᐃᒄ ᐊᓐᑕ ᐊᓂᔅᒐ ᐅᑦ ᐊᐛᓯᒥᔪᐛ ᐊᓂᔭ ᑎᐱᑕ ᒐ ᒋᓴᐅᒋᒪᐎᔨᒋ ᒧᔭᒻ ᐊᓂᔭ ᑎᐱᑕ ᑲ ᐃᓯ ᒋᓴᐅᒋᒪᐎᔨᒋ᙮

ᐊᑈᔅᑕᓇᒡ 3:13

ᐊᓂᔭᔪᐛ ᒋᓴᒪᓂᑐᐛ ᑲ ᐊᑐᔅᑯᐛᒡ ᐊᓂᔭᐧᑲ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᑭᔭ ᐅᑕᒡ ᒍᑕᐎᓄᒡ ᒋᔅᑕᔨᑕᑯᐊᐤ ᐊᓂᔭᔪᐛ ᐅᑦ ᐊᐱᒋᐊᑭᓇ, ᐊᐅᒄ ᐅᔭ ᒋᓴᓴ᙮ ᒋᔨᐛᐤ ᒪᒃ ᔅᒋ ᐃᑐᑐᐛᐛᐤ ᒐᒋ ᐱᔅᑎᓇᑭᓄᐅᑦ ᐊᓐᑕ ᕈᒻ ᒋᓴᐅᒋᒪᐤ ᐊ ᑕᔨᒋ᙮ ᐊᒋ ᐊᑐᐛᔨᒪᒄ ᐅᑎᔅᑯᐤ ᑈᓚᑕ ᐊ ᑕᔨᒋ, ᐊᑎ ᐃᔅᐱᔅ ᑈᓚᑦ ᑲ ᐎ ᐱᔅᑎᓇᑦ᙮

ᐊᑈᔅᑕᓇᒡ 8:36

ᒪᒂᒡ ᒪᒃ ᐊ ᐊᑎ ᐱᒥᐱᔨᒡ ᑎᑎᐱᑕᐸᓇᔅᑯᒡ, ᒋ ᐅᑎᑎᒧᒡ ᐊᓐᑕ ᐊ ᑎᑯᓂᔨᒡ ᓂᐱᔪᐤ, ᐊᓐ ᓇᐸᐤ ᒪᒃ ᒋ ᐃᑕᐤ, “ᐛᐸᑕ, ᒪᐅ ᓂᐱᔾ, ᒐᒂᓐ ᒐ ᓂᑲᓂᑯᔭᓐ ᐊ ᓂᑐᐛᔨᑎᒪᓐ ᒐᒋ ᓯᑲᐃᑐᐛᑯᐅᔭᓐ ?”

ᐊᑈᔅᑕᓇᒡ 9:20

ᑎᐛᒡ ᒪᒃ ᒋ ᐃᑐᑕᐤ ᐊᓐᑕ ᓂᓇᐧᑯᐤ ᒍᐤ ᐊᔭᒥᐊᐅᒋᐛᐱᒡ, ᐊ ᑭᒐᔅᒋᒧᑦ ᐊ ᐃᔅᒋᔄᑦ, “ᒋᓴᔅ, ᐊᐅᒄ ᒋᓴᒪᓂᑐᐤ ᐅᑯᓴ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:9

ᐛᔅ ᒋᓴᒪᓂᑐᐤ ᓂ ᒋᔅᒐᔨᒥᒃ, ᒂ ᐊᑐᔅᑯᐅᒃ ᐊ ᐛᐎᑎᒧᒡ ᐊᓂᔭ ᒥᔽᒋᒧᐅᓂᔪᐤ ᐅᑯᓴ ᐊᓐᑕ ᐊ ᐊᔨᒧᒪᑭᓄᔨᒋ ᓂ ᒋᔅᒐᔨᒥᒄ ᐊ ᑕᑈᐅᒡ᙮ ᓂ ᒋᔅᒐᔨᒥᒄ ᒧᔅ ᐊ ᒋᔅᒋᓯᑐᑕᑎᑯᒡ ᒧᔅ ᐊ ᐃᔨᒥᐃᒃ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:1

ᐊᑯ ᒪᒃ ᒋᐸ ᐊᔨᒧᒪᓄᐤ ᐊᓂᔭᐧᑲ ᐊᓂᔅᒐ ᒋᒧᓱᒥᓄᐤ ᐊᑉᕋᐊᒻ ᑕᓐᑕ ᑲ ᐅᒋ ᑯᐃᔅᑯᓇᑯᐊᑭᓄᐅᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:3

ᒧᔭᒻ ᒋ ᓇᐃᐱᔨᑯᐱᓇ ᒐᒋ ᐃᑐᑕᑭᓄᐅᒡ ᓂᐸ ᐱᔅᑕᔨᒥᓱᓐ ᓂᔾ ᐊᐅᒄ ᒐᒋ ᐛᐛᓯᐃᑦ ᒋᓴᒪᓂᑐᐤ ᑭᔭ ᓂᔾ ᐊᐅᒄ ᒐᒋ ᐃᒐᑕᐃᑯᐅᔭᓐ ᙭ ᐅᒋ ᐊ ᑕᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:5

ᐊᓂᔭᐧᑲ ᐊᓂᔅᒐ ᒋᐛᐧᑯᒪᑭᓄᐛ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᐊ ᑕᔨᒋ ᒋ ᐅᒋ ᐊᓂᔅᒐ ᐱᒪᑎᓯᐅᒡ᙮ ᐊᑯᑕ ᑭᔭ ᐎᔾ ᒋᓴᔅ ᙭ ᑲ ᐅᒋ ᐊᓂᔅᒐ ᐱᒪᑎᓯᑦ ᐃᔅᐱ ᓇᐸᐛ ᑲ ᐃᓯᐊᑭᓄᐅᑦ᙮ ᒋᓴᒪᓂᑐᐤ ᐊᓐ ᒥᓯᐛ ᒐᒂᔪᐤ ᑲ ᐱᒥᐱᔨᑕᑦ, ᑲᒋᒡ ᒋᑭ ᐎ ᒪᒥᒋᒪᑭᓄᐤ᙮ ᐊᒥᓐ᙮

1 ᑯᕆᓐᑎᔭᓇ 1:9

ᑯᐃᔅᒄ ᐃᑐᐤ ᒋᓴᒪᓂᑐᐤ᙮ ᐊᐅᒄ ᒪᒃ ᐅ ᑲ ᑕᑈᑎᑕᒄ ᒐᒋ ᐎᒐᐅᒪᑯ ᐅᑯᓴ ᐊᐅᑯᔪᐛ ᐅᔭ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮

1 ᑯᕆᓐᑎᔭᓇ 10:18

ᒪᒥᑐᓇᔨᑎᒧᒄ ᒪ ᑕᓐ ᐊᔅᒄ ᐊ ᐃᑕᔨᑕᒂᒡ ᐊᓐᑕ ᒍᐤ ᐃᔪᒡ ᐊ ᑕᒡ᙮ ᒥᓯᐛ ᐊᓐᒡ ᑲ ᒥᒋᒡ ᐎᔭᓯᔪᐤ ᑲ ᒥᑐᔅᑕᐊᒧᐛᑭᓄᔨᒋ ᒋᓴᒪᓂᑐᐛ ᐊᐅᒄ ᐊᓐᒡ ᐊ ᒪᒧᐤ ᐊᑐᔅᑯᐛᒡ ᒋᓴᒪᓂᑐᐛ᙮

ᑲᓚᓯᔭᓇ 4:4

ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮

1 ᑕᓴᓗᓂᔭᓇ 1:10

ᑭᔭ ᐊ ᐊᓱᐛᐱᒪᑯ ᒋᓴᒪᓂᑐᐛ ᐅᑯᓯᔪᐛ ᒥᓐ ᑲᐤ ᒐᒋ ᑎᑯᓯᓂᔨᒋ ᒋᒋᒋᓯᑯᒡ ᐅᒋ᙮ ᐊᔪᐅᒄ ᐅᔭ ᐅᑯᓴ ᑲ ᐅᓂᔅᑲᓇᑦ ᓂᐳᐅᓂᒡ ᐅᒋ᙮ ᐊᐅᒄ ᒪᒃ ᐅ ᒋᓴᔅ ᑲ ᐱᒪᒋᐃᑕᐧᒄ ᒐ ᐊᑲ ᒋ ᐛᐛᓯᐃᑎᑕᐧᑯ ᒋᓴᒪᓂᑐᐛ ᑎᐸᔅᑯᓂᒐᐅ ᒋᓯᑲᔨᒐ᙮

1 ᑎᒧᑎ 2:5

ᐛᔅ ᐸᐃᑯᓱᐤ ᒋᓴᒪᓂᑐᐤ ᑭᔭ ᐸᐃᑯᓱᐤ ᐊᓐ ᐊᐛᓐ ᐊ ᓇᑕᒪᒐᑦ ᒐᒋ ᓂᒋᔅᑲᑐᒡ ᒋᓴᒪᓂᑐᐤ ᑭᔭ ᐃᔪᐤ ᐊᐅᒄ ᓇᐸᐤ ᒋᓴᔅ ᙭᙮

1 ᑎᒧᑎ 3:16

ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮ ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮ ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮ ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮

2 ᑎᒧᑎ 2:8

ᒧᔅ ᑭᔭ ᒐ ᒋᔅᒋᓯᔨᓐ ᑕᓐ ᑲ ᐃᓯ ᐛᐎᑎᒪᓐ ᒥᔽᒋᒧᐅᓐ ᐊ ᐊᔨᒧᒥᒃ ᒋᓴᔅ ᙭ ᐊᒋ ᐅᓂᔅᑲᓇᑭᓄᐅᑦ ᓂᐳᐅᓂᒡ ᐅᒡ ᑭᔭ ᑎᐱᑕ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᑦ᙮

1 ᒠᓐ 1:3

ᐊᓂᒪ ᑲᒋ ᐛᐸᑎᒪᒡ ᑭᔭ ᑲᒋ ᐸᑎᒪᒡ ᒋ ᐎ ᐊᔨᒧᑎᒪᑎᓇᓐ ᑭᔭ ᒋᔨᐛᐤ ᒐᒋ ᒋᔅᒐᔨᒪᒄ ᒧᔭᒻ ᓂᔭᓐ ᐊ ᐃᓯ ᒋᔅᒐᔨᒥᒋᒡ᙮ ᐊᑯ ᒪᒃ ᒐᒋ ᐃᓯ ᐎᒐᐎᔭᒡ ᐊ ᐃᓯ ᐎᒐᐅᒋᒡ ᐅᑕᐎᒪᐤ ᑭᔭ ᐅᑯᓴ ᒋᓴᔅ ᙭ᑕ᙮

1 ᒠᓐ 3:23

ᒪᐅᔭᔪᐤ ᒪᒃ ᐊ ᐃᑎᓱᒥᑕᐧᒄ ᒐᒋ ᐃᑐᐛᐧᒄ, ᒐᒋ ᑕᑈᔭᔨᒪᐧᑯ ᐅᑯᓴ ᒋᓴᔅ ᙭ᑕ ᑭᔭ ᒐᒋ ᓴᒋᐃᑐᐛᐧᒄ ᒧᔭᒻ ᙭ ᑲ ᐃᑎᓱᒥᑕᐧᒄ ᒐᒋ ᐃᓯ ᓴᒋᐃᐛᐛᐧᒄ᙮

1 ᒠᓐ 3:8

ᐊᓐ ᐊᐛᓐ ᑲ ᒥᒋᐱᒪᑎᓯᑦ ᒥᒋᒥᓂᑐᐛ ᐊᑕᔨᑕᑯᓯᔨᒋ ᐃᑕᔨᑕᑯᓱᐤ᙮ ᐛᔅ ᒥᒋᒥᓂᑐᐤ ᒧᔅ ᒋ ᐸᒋ ᒥᒋᑐᑎᒻ᙮ ᒋᓴᒪᓂᑐᐤ ᒪᒃ ᐅᑯᓴ ᒋ ᐸᒋ ᑎᑯᓯᓂᔪᐛ ᐅᑕ ᐊᔅᒋᒡ ᒐᒋ ᓂᓱᐅᓇᒋᑕᐛᔨᒋ ᒥᓯᐛ ᐅᑦ ᐊᑐᔅᒐᐅᓂᔪᐤ ᒥᒋᒥᓂᑐᐛ᙮

1 ᒠᓐ 4:15

ᐊᓐ ᐊᐛᓐ ᒐ ᐎᑎᒧᒂ ᒋᓴᓴ ᐊ ᐊᐎᔨᒋ ᒋᓴᒪᓂᑐᐛ ᐅᑯᓯᔪᐛ, ᒋᓴᒪᓂᑐᐛ ᐱᒋᔅᑲᑯᐤ, ᐎᔾ ᑭᔭ ᐱᔅᑯᐛᐤ ᒋᓴᒪᓂᑐᐛ᙮

1 ᒠᓐ 5:1

ᒥᓯᐛ ᐊᐛᓐ ᑲ ᑕᑈᑕᐧᒃ ᒋᓴᓴ ᐊ ᐊᐎᔨᒡ ᙭ᑕ, ᒋᓴᒪᓂᑐᐛ ᐅᑦ ᐊᐛᓯᒥᑐᑕᑯᐤ᙮ ᐊ ᓴᒋᐊᐧᒄ ᒪᒃ ᐅᑕᐎᒪᐤ ᑭᔭ ᐊᓂᔭᔪᐛ ᐅᑦ ᐊᐛᓯᒪ ᒋ ᓴᒋᐃᒪᓄᐛ᙮

1 ᒠᓐ 5:20

ᒋ ᒋᔅᒐᔨᑕᓇᓄᐤ ᒋᓴᒪᓂᑐᐤ ᐅᑯᓴ ᐊᒋ ᐸᒋ ᑎᑯᓯᓂᔨᒋ ᐅᑕ ᐊᔅᒋᒡ, ᒐᒋ ᒋᔅᑯᑎᒪᑕᐧᒄ ᒐᒋ ᒋᔅᒐᔨᒪᐧᑯ ᐊᓂᔭ ᒋᒋᐛ ᒐᓴᒪᓂᑐᐎᔨᒋ᙮ ᒋ ᐎᒐᐛᓄᐤ ᐊᓐ ᑕᑈ ᒐᓴᒪᓂᑐᐅᑦ ᐊ ᐎᒐᐅᒪᐧᑯ ᐅᑯᓴ ᒋᓴᔅ ᙭ᑕ᙮ ᐊᐅᒄ ᐅ ᑕᑈ ᒐᓴᒪᓂᑐᐅᑦ, ᐊᓐ ᑲ ᒥᔨᐛᑦ ᑲᒋᒡ ᐱᒪᑎᓯᐅᓂᔪᐤ᙮

1 ᒠᓐ 5:5

ᐊᓐᒡ ᑲ ᑕᑈᑕᒡ ᒋᓴᓴ ᐊ ᐊᐎᔨᒋ ᒋᓴᒪᓂᑐᐛ ᐅᑯᓯᔪᐛ ᐊᐅᑯᓐᒡ ᓯᔭᑯᒋᑕᒡ ᒥᒋᑥᐅᓂᔪᐤ ᐅᑕ ᐊᔅᒋᒡ᙮

2 ᒠᓐ 1:7

ᒥᒐᑦ ᑲ ᐎᔭᓯᐃᐛᒡ ᓴᔅ ᐱᐸᒪᒋᒧᐅᒡ ᐅᑕ ᐊᔅᒋᒡ ᐊ ᐊᓏᑕᒡ ᑕᑈ ᐊᒋ ᑎᑯᓯᓂᔨᒋ ᒋᓴᓴ ᒧᒡ ᓇᐸᐛ ᐊᒋ ᐃᑕᔨᑕᑯᓯᔨᒋ᙮ ᐅᔭ ᒪᒃ ᐊ ᐃᑕᔨᑕᑯᓯᑦ ᐊᐛᓐ, ᐊᐅᒄ ᐅ ᑲ ᓱᒐᔨᒧᑐᑐᐛᑦ ᙭ᑕ ᑭᔭ ᒧᔅ ᑲ ᐎᔭᓯᐃᐛᑦ᙮

ᒋᔅᒐᔨᑕᑯᑕᒐᐅᓐ 2:18

“ᐊᑯ ᒥᓐ ᒂ ᐃᑎᑯᔭᓐ, ᐊᐅᒄ ᐅᔭ ᐃᑎᓯᓇᐊᒧᐤ ᐊᓐ ᐊᓐᒋᓐ ᑲ ᓂᓇᑭᑐᐛᔨᒪᑦ ᐅᒪᒧᐊᔭᒥᐊᐛ ᐊᓐᑕ ᑕᔭᑕᐃᕋ ᐊ ᐃᑕᔨᒡ, ᐊᐅᒄ ᐅᔭ ᐊ ᐃᔅᒋᔄᔨᒋ ᒋᓴᒪᓂᑐᐤ ᐅᑯᓴ, ᐅᔅᒋᓯᒂ ᒧᔭᒻ ᐃᔅᑯᑕᐤ ᐊ ᐃᓯᓇᑯᓂᔨᒋ, ᑭᔭ ᐅᓯᑎᔪᐛ ᒧᔭᒻ ᑲ ᐛᐸᐱᔅᒋᓯᑦ ᓱᓇᔭᐱᔅᒄ ᐊ ᐛᔅᑕᔭᐱᔅᒋᓯᑦ ᐊ ᐃᓯᓇᑯᓂᔨᒋ,